ព័ត៌មានថ្មីៗ

គម្រោងអភិរក្សក្រុមប្រាសាទព្រះពិធូរបើកសម្ពោធបន្ទប់ពិសោធន៍បម្រើដល់ការងារអភិរក្សជួសជុល

បានផ្សាយនៅ ថ្ងៃទី 07 ខែ វិច្ឆិកា ឆ្នាំ2017 02:30 PM ដោយ ៖ អាជ្ញាធរជាតិអប្សរា

ក្រោមកិច្ចសហការរវាងអាជ្ញាធរជាតិអប្សរា និងមូលនិធិការពារបេតិកភណ្ឌវប្បធម៌កូរ៉េ KCHF និង KOICA គម្រោងជួសជុលក្រុមប្រាសាទព្រះពិធូរបានបើកម្ពោធជាផ្លូវការនូវបន្ទប់ពិសោធន៍ ដែលផ្ទុកដោយឧបករណ៍វិទ្យាសាស្ត្រជាច្រើនបម្រើដល់ការងារអភិរក្សជួសជុលនៅក្នុងក្រុមប្រាសាទព្រះពិធូរ នាព្រឹកថ្ងៃទី៧ ខែវិច្ឆិកា ឆ្នាំ២០១៧នេះ។

ពិធីនេះប្រារព្ធឡើងក្រោមអធិបតីភាពឯកឧត្តម បណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា លោក Jeong Jun Gil ប្រធានKOICAប្រចាំកម្ពុជា និងមានការអញ្ជើញចូលរួមពីសំណាក់ឯកឧត្តម អ៊ីម សួ អគ្គលេខាធិការរងគណៈកម្មាធិការនីតិសម្បទានិងអភិវឌ្ឍន៍កម្ពុជា ឯកឧត្តម Park Seung Yoo អគ្គកុងស៊ុលរបស់ស្ថានទូតកូរ៉េប្រចាំខេត្តសៀមរាប ព្រមមន្ត្រីបុគ្គលិកជាច្រើនរូបទៀត។

លោក Kim Jiseo អ្នកគ្រប់គ្រងគម្រោងជួសជុលនេះបញ្ជាក់ថា គម្រោងអភិរក្សជួសជុលក្រុមប្រាសាទប្រាសាទព្រះពិធូរមានរយៈពេល៤ឆ្នាំ ដោយចាប់ផ្តើមពីឆ្នាំ២០១៥ ដល់ឆ្នាំ២០១៨ ជាមួយនឹងទឹកប្រាក់ប្រមាណ៤លានដុល្លារ ដែលជាជំនួយឥតសំណងរបស់សាធារណរដ្ឋកូរ៉េ។ គម្រោងនេះមានការងារចម្បងៗចំនួន៥ដែលត្រូវអនុវត្តគឺ ការងារស្រាវជ្រាវចងក្រងឯកសារ ការបណ្តុះបណ្តាលមន្ត្រីអាជ្ញាធរជាតិអប្សរា ការជួសជុលរានហាលនៃប្រាសាទកោរសក់ រោងព័ត៌មាន និងបន្ទប់ពិសោធន៍នេះ។

ដោយឡែកបន្ទប់ពិសោធន៍នេះបំពាក់ដោយសម្ភារៈទំនើបៗដែលមិនធ្លាប់មាននៅកម្ពុជា មានដូចជា ឧបករណ៍ពិសោធន៍ភាពរឹងមាំរបស់ថ្ម UTM ម៉ាស៊ីនកាត់ថ្ម ម៉ាស៊ីនMicroscope និងឧបករណ៍វាស់ទឹកក្រោមដីជាដើម ដែលចំណាយថវិកាសរុបជាង១លានដុល្លារ និងដាក់ឲ្យដំណើរការចាប់ពីឆ្នាំ២០១៧នេះតទៅ។

ឯកឧត្តមបណ្ឌិត ស៊ុំ ម៉ាប់ បានបង្ហាញនូវមោទនភាពនៃទំនាក់ទំនងយ៉ាងរលូនរវាងអាជ្ញាធរជាតិអប្សរា និងសាធារណរដ្ឋកូរ៉េ ដែលឈានមកដល់ការសហការអភិរក្សជួសជុលក្រុមប្រាសាទព្រះពិធូររួមគ្នានៅពេលនេះ។ ឯកឧត្តមបញ្ជាក់ថា ពិធីសម្ពោធឲ្យប្រើប្រាស់ជាផ្លូវការនូវបន្ទប់ពិសោធន៍នៅពេលនេះ គឺជាសក្ខីភាពនៃដំណើរការយ៉ាងជោគជ័យជាបណ្តើរៗនៃគម្រោងជួសជុល។ ជាពិសេស ឯកឧត្តមក៏បានថ្លែងអំណរគុណចំពោះដៃគូគម្រោងដែលបានយកចិត្តទុកលើការងារបណ្តុះបណ្តាលសមត្ថភាពមន្ត្រីបុគ្គលិកអាជ្ញាធរជាតិអប្សរា ដែលជាកត្តាសំខាន់បំផុតសម្រាប់និរន្តរភាពនៃការងារគ្រប់គ្រងរមណីយដ្ឋានអង្គរទាំងបច្ចុប្បន្ន និងអនាគត៕












ប្រាសាទតាកែវកំពុងត្រូវបានអភិរក្សជួសជុល ដោយក្រុមរដ្ឋាភិបាលចិនសម្រាប់ការអភិរក្សអង្គរហៅកាត់ថា CSA តាំងពីឆ្នាំ២០០៧មក។ នៅព្រឹកថ្ងៃទី១៨ ខែវិច្ឆិកា ឆ្នាំ២០១៦នេះ ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា រួមនឹងមន្ត្រីជំនាញជាច្រើនរូប បានអញ្ជើញទៅពិនិត្យការដ្ឋានផ្ទាល់ ដើម្បីជំរុញកិច្ចសហប្រតិបត្តិការឲ្យកាន់តែមានភាពជិតស្និទ្ធរវាងអាជ្ញាធរជាតិអប្សរា និងស្ថាប័នCSAនៃប្រទេសចិន។
ការយល់ដឹងពីសម្បត្តិបេតិកភណ្ឌ ដែលដូនតាបានបន្សល់ទុកមកឲ្យដល់កូនចៅជំនាន់ក្រោយទៀត គឺជារឿងសំខាន់ខ្លាំងណាស់សម្រាប់អ្នកស្រុកអង្គរ ដោយសារពួកគាត់ជាអ្នករស់នៅផ្ទាល់ជាមួយបេតិកភណ្ឌ។ដូច្នេះ ពួកគាត់នេះហើយជាអ្នកជួយថែរក្សាការពារនូវសម្បតិ្តបេតិកភណ្ឌទាំងអស់នោះ។ ដោយមើលឃើញហេតុផលនេះហើយ ទើបអាជា្ញធរជាតិអប្សរាបង្កើតក្រុមការងារសហគមន៍មួយឡើង ដើម្បីចុះអប់រំផ្សព្វផ្សាយពីបេតិកភណ្ឌដល់ពួកគាត់ជាប្រចាំ។
អាជ្ញាធរជាតិអប្សរាបានបើកវគ្គបណ្តុះបណ្តាល ស្តីពីប្រព័ន្ធគ្រប់គ្រងបរិស្ថានដល់មន្ត្រីជំរុញការងារបរិស្ថានបន្ថែមនិងបុគ្គលិកទើបចូលបម្រើការងារថ្មីមកពីគ្រប់នាយកដ្ឋានផ្សេងៗ និងអង្គភាពចំណុះអាជ្ញាធរជាតិអប្សរា ប្រមាណជាង២០០នាក់ដើម្បីពង្រឹងការយល់ដឹងពីបរិស្ថានក្នុងការបំពេញការងាររបស់ខ្លួន។ វគ្គនេះប្រារព្ធធ្វើឡើងនៅសាលសន្និសីទអង្គរនៃអាជ្ញាធរជាតិអប្សរា នាថ្ងៃព្រឹកទី១៧ ខែវិច្ឆិកា ឆ្នាំ២០១៦ ក្រោមអធិបតីភាពឯកឧត្តម សុខ លក្ខិណា ទីប្រឹក្សាអាជ្ញាធរជាតិអប្សរានិងជាប្រធានអង្គភាពប្រព័ន្ធគ្រប់គ្រងបរិស្ថានអង្គរ។
នៅព្រឹកថ្ងៃទី១១ ខែវិច្ឆិកា ឆ្នាំ២០១៦នេះ ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា បានដឹកនាំក្រុមការងារជួបពិភាក្សាការងារជាមួយឯកឧត្តម Xiong Bo អគ្គរដ្ឋទូតនៃសាធារណរដ្ឋប្រជាមានិតចិនប្រចាំកម្ពុជា និងលោកស្រីបណ្ឌិត Han Jing លេខាទី២ស្ថានទូតចិនទទួលបន្ទុកកិច្ចការវប្បធម៌ អប់រំ និងទេសចរណ៍។
ក្នុងនាមស្ថាប័នដែលមានតួនាទីគ្រប់គ្រង រៀបចំ អភិរក្ស និងអភិវឌ្ឍន៍តំបន់រមណីយដ្ឋានអង្គរប្រកបដោយចីរភាព អាជ្ញាធរជាតិអប្សរាតែងយកចិត្តទុកដាក់ និងរួមចំណែកយ៉ាងសកម្មថែរក្សា លើកតម្លៃនូវមរតកបេតិកភណ្ឌរស់របស់អ្នកស្រុក ទាំងការចូលរួមដោយផ្ទាល់និងថវិកា។

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
4
ថ្ងៃនេះ
:
1270
ម្សិលមិញ
:
2569
សប្តាហ៍នេះ
:
07023
ខែនេះ
:
0100182
សរុប
:
007690881