ព័ត៌មានថ្មីៗ

មន្ត្រីបុគ្គលិកអាជ្ញាធរជាតិអប្សរាទទួលការបណ្តុះបណ្តាលអំពីនីតិវិធីអនុវត្តថវិកាកម្មវិធីសម្រាប់ឆ្នាំ២០១៨

បានផ្សាយនៅ ថ្ងៃទី 31 ខែ តុលា ឆ្នាំ2017 02:23 PM ដោយ ៖ អាជ្ញាធរជាតិអប្សរា

ស្របតាមគោលការណ៍របស់រាជរដ្ឋាភិបាលកម្ពុជា ក្នុងការប្រើប្រាស់ថវិកាជាតិឲ្យកាន់តែមានប្រសិទ្ធភាព និងតម្លាភាព អាជ្ញាធរជាតិអប្សរាបានសហការជាមួយអគ្គនាយកដ្ឋានពាក់ព័ន្ធនៃក្រសួងសេដ្ឋកិច្ច និងហិរញ្ញវត្ថុ បានរៀបចំបទបង្ហាញក្រោមប្រធានបទ “នីតិវិធីអនុវត្តថវិកាកម្មវិធីសម្រាប់អាជ្ញាធរជាតិអប្សរា” រយៈពេល២ថ្ងៃ ចាប់ពីថ្ងៃទី៣០-៣១ខែតុលា ឆ្នាំ២០១៧។

កម្មវិធីនេះរៀបចំឡើងនៅទីស្នាក់ការអាជ្ញាធរជាតិអប្សរា ដើម្បីបណ្តុះបណ្តាលមន្ត្រីបុគ្គលិកពាក់ព័ន្ធ ឲ្យទទួលបានការយល់ដឹងកាន់តែច្បាសប់លើចរន្ត និងប្រសិទ្ធភាពនៃការប្រើប្រាស់ថវិកាអាជ្ញាធរជាតិអប្សរាសម្រាប់ឆ្នាំ២០១៨ខាងមុខ។

វាគ្មិនដែលបានធ្វើបទបង្ហាញគឺជាមន្ត្រី និងជាគ្រូបង្គោលដែលអញ្ជើញមកពី នាយកដ្ឋានថវិកានីយកម្ម នៃអគ្គនាយកដ្ឋានថវិកា អគ្គនាយកដ្ឋានរតនាគារជាតិ នាយកដ្ឋានហិរញ្ញកិច្ចនៃអគ្គនាយកដ្ឋានថវិកា និងគ្រូបង្គោលដែលអញ្ជើញមកពីអគ្គនាយកដ្ឋានលទ្ធកម្មសាធារណៈ។

ចំណុចសំខាន់ដែលបានលើកមកបង្ហាញមានដូចជា គោលការណ៍ណែនាំស្តីពី នីតិវិធីរៀបចំថវិកា ការអនុវត្តជាក់ស្តែងស្តីពីនីតិវិធីរៀបចំថវិកា នីតិវិធីចំណាយតាមរជ្ជទេយ្យបុរេប្រទានសម្រាប់ថវិកាកម្មវិធ កិច្ចបញ្ជិកាគណនេយ្យដោយរជ្ជទេយ្យករបុរេប្រទាន និងបទប្បញ្ញត្តិលទ្ធកម្មសាធារណៈជាដើម។

ការរៀបចំវគ្គនេះឡើង គឺក្នុងគោលបំណងជំរុញឲ្យមន្ត្រីបុគ្គលិកមានភាពងាយស្រួលក្នុងការរៀបចំគម្រោងថវិកា ដើម្បីអនុវត្តការងាររបស់ខ្លួនឲ្យមានប្រសិទ្ធភាព និងតម្លាភាព។ ជាពិសេស វគ្គបណ្តុះបណ្តាលនេះក៏ដើម្បីបញ្រ្ជាបការយល់ដឹងបន្ថែមលើ ខ្លឹមសារសារាចរលេខ ០០១ សហវ របស់ក្រសួងសេដ្ឋកិច្ចនិងហិរញ្ញត្ថុវ និងដាក់ឱ្យប្រើប្រាស់តាមប្រកាសលេខ ១៩១១ សហវ. ប្រក ចុះថ្ងៃទី ៣១ ខែ ធ្នូ ឆ្នាំ ២០១៤ ស្តីពី “ គោលការណ៍ណែនាំស្តីពីនីតិវិធីអនុវត្តថវិកាកម្មវិធី”៕














ឆ្លងផុតរដូវវស្សាឆ្នាំនេះហើយ ការជួសជុលសារមន្ទីរព្រះនរោត្តមសីហនុអង្គរ ដែលធ្វើឡើងដោយកិច្ចសហការរវាងអាជ្ញាធរជាតិអប្សរា និងមូលនិធិក្លឹប១%នៃក្រុមហ៊ុនអ៊ីងអុង(AEON) របស់ប្រទេសជប៉ុននឹងដំណើរការហើយ។ មុននឹងឈានដល់ដំណាក់កាលជួសជុលនេះ នាយកប្រតិបត្តិនៃក្រុមហ៊ុនអ៊ីអុង លោក Keiichi Tadaki បានចំណាយពេលមួយព្រឹក នាថ្ងៃទី១២ ខែឧសភា ឆ្នាំ២០១៦នេះ ដើម្បីចូលទស្សនាសារមន្ទីរព្រះនរោត្តមសីហនុអង្គរ។ ទទួលដំណើរទស្សនារបស់លោកនាយកប្រតិបត្តិនៅពេលនេះមាន ឯកឧត្តម ឈរ ថាណាត អគ្គនាយករងនៃអាជ្ញាធរជាតិអប្សរា លោក និន ចាន់សាមៀន ប្រធាននាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន លោក យិត ចាន់ដារដ្ឋ ប្រធានស្តីទីនៃនាយកដ្ឋានអភិវឌ្ឍន៍វប្បធម៌ សារមន្ទីរ និងបទដ្ឋានបេតិកភណ្ឌ និងមន្ត្រីមួយចំនួនទៀតនៃអាជ្ញាធរជាតិអប្សរា។
“ខ្ញុំមិនបានធ្វើរូបចម្លាក់ ឬវត្ថុអនុស្សាវរីយ៍ដែលអ្នកភូមិភាគច្រើនគេនិយមធ្វើនោះទេ។ ខ្ញុំតែងច្នៃប្រឌិតជារូបចម្លាក់ផ្សេងៗ ប្លែកៗខុសពីអ្នកដទៃ ទើបម៉ូយមកទិញរបស់ខ្ញុំជាហូរហែមិនសូវដាច់។ ជួនកាលខ្ញុំទៅឃើញចម្លាក់ ស្អាតៗគេតាំងលក់នៅតាមហាងធំៗ ខ្ញុំ​មកផ្ទះវិញក៏យកទម្រង់នោះមកច្នៃបន្ថែមចេញជារូបចម្លាក់ផ្សេងមួយទៀត”។ ទាំងនេះជាប្រសាសន៍រៀបរាប់របស់លោកពូ តាន់ សុខុន នៅភូមិរហាល សង្កាត់នគរធំ ដែលជាភូមិបុរាណមួយ នៅជាប់នឹងស្រះស្រង់នៃរមណីយដ្ឋានអង្គរ នាព្រឹកថ្ងៃទី៨ ខែមិថុនា ឆ្នាំ២០១៦នេះ។
បុណ្យទេសន៍ផ្តាច់កម្មពៀរ
( ថ្ងៃទី 11 ខែ មិថុនា ឆ្នាំ2016 )
នៅពេលដែលមានមនុស្សឈឺរ៉ាំរ៉ៃ ជាពិសេស ទាក់ទិននឹងជំងឺរបស់មនុស្សចាស់ ដែលគ្រប់គ្នាយល់ថា វាជារឿងធម្មជាតិរបស់មនុស្សមិនអាចជៀសផុត ដូនតាខ្មែរតែងមានកិច្ចពិធីមួយចំនួនទៀត ដើម្បីជួយអបស្ទបជីវិតរបស់ពួកគាត់។ ពិធីនោះសោតមានតូចមានធំ ទៅតាមលទ្ធភាពជាក់ស្តែងរបស់ក្រុមគ្រួសារនៃអ្នកជំងឺ។ គោលបំណងសំខាន់នៃពិធីគឺដើម្បីរំដោះកម្មពៀរ ឬថា ផ្តាច់កម្មពៀរផ្សេងៗ ហើយអាចជួយទ្រទ្រង់អាយុជីវិតរបស់អ្នកជំងឺនោះឲ្យបានយូរតទៅទៀត។
វិស័យទេសចរណ៍ពិតជាកាតាលីករ ដ៏មានសក្តានុពលក្នុងការជួយចូលរួមចំណែកអភិវឌ្ឍប្រទេសជាតិឲ្យមានវឌ្ឍនភាពប្រាកដ។ ក្រោយពីសង្រ្គាមបានបញ្ចប់ទៅក្រោមគោលនយោបាយ យុទ្ធសាស្រ្តឈ្នះ ឈ្នះរបស់រាជរដ្ឋាភិបាល ដែលដឹកនាំដោយសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាសព្វថ្ងៃនេះ ប្រទេសជាតិមានសុខសន្តិភាពពេញលេញធ្វើឲ្យពិភពលោកស្គាល់ប្រទេសកម្ពុជាកាន់តែច្បាស់ ហើយប្រាសាទបុរាណជាច្រើននៃតំបន់រមណីយដ្ឋានអង្គរក្លាយជាគោលដៅទេសចរណ៍ដែលមានការទាក់ទាញខ្ពស់បំផុតលើពិភពលោក។
ដោយមើលឃើញពីអត្ថប្រយោជន៍ដ៏ច្រើនលើសលុបចំពោះសុខភាពមនុស្សគ្រប់គ្នាពីការហាត់យោហ្កា អង្គការសហប្រជាជាតិបានកំណត់ថ្ងៃទី២១ ខែមិថុនា ជាទិវាអន្តរជាតិស្តីពីយោហ្កា (International Day of Yoga) ដែលតែងតែប្រារព្ធធ្វើឡើងជារៀងរាល់ឆ្នាំនៅតាមបណ្តាប្រទេសជាច្រើននៅលើពិភពលោក ដើម្បីផ្សព្វផ្សាយអំពីការហាត់សមាធិទាំងផ្លូវកាយ ផ្លូវចិត្តសម្រួលចលនាសាច់ដុំ និងចង្វាក់សរសៃឈាមឱ្យរត់ស្រួលសម្រាប់សុខភាពរាងកាយរបស់យើងគ្រប់គ្នា។

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
7
ថ្ងៃនេះ
:
8885
ម្សិលមិញ
:
6854
សប្តាហ៍នេះ
:
39230
ខែនេះ
:
0208676
សរុប
:
004749274