ព័ត៌មានថ្មីៗ

សារមន្ទីរព្រះនរោត្តមសីហនុអង្គរ៖ បណ្តុំនៃចំណេះដឹងផ្នែកប្រវត្តិសាស្ត្រ ចម្លាក់សិល្បៈ បម្រែបម្រួលនៃសាសនានៅកម្ពុជានាអតីតកាល

បានផ្សាយនៅ ថ្ងៃទី 26 ខែ តុលា ឆ្នាំ2017 03:24 PM ដោយ ៖ អាជ្ញាធរជាតិអប្សរា

សារមន្ទីរព្រះនរោត្តមសីហនុអង្គរ ដែលមានទីតាំងស្ថិតនៅ ភូមិបឹងដូនប៉ា ឃុំស្លក្រាម ក្រុងសៀមរាប ខេត្តសៀមរាប មិនត្រឹមតែជាទីកន្លែងពិព័រណ៍នូវបដិមាជាច្រើនសំរាប់ទស្សនាប៉ុណ្ណោះទេ តែក៏ជាកន្លែងដែលផ្តុំនូវចំណេះដឹងផ្នែកប្រវត្តិសាស្ត្រ ចម្លាក់សិល្បៈ និងបម្រែបម្រួលនៃសាសនាខ្មែរនាអតីតកាល។ អ្នកទស្សនាអាចទទួលបាននូវចំណេះដឹងដ៏កម្រនេះក្នុងការទៅទស្សនានៅសារមន្ទីព្រះនរោត្តមសីហនុអង្គរ ហើយបើសម្រាប់កុលបុត្រខ្មែរវិញ ចំណេះដឹងទាំងនេះគឺមានតម្លៃជាទីបំផុត។

តាមរយៈការអត្ថាធិប្បាយដ៏ក្បោះក្បាយនៃមគ្គុទ្ទេក៍ប្រចាំសារមន្ទីរនេះ អ្នកទស្សនានឹងអាចទទួលបានចំណេះដឹងជាច្រើនពីប្រវត្តិសាស្ត្រនៃមនុស្សខ្មែរ ដែលបានរស់នៅលើទឹកដីខ្មែរតាំងពីក្នុងសម័យកាលដ៏យូរលង់មកហើយ។ មិនតែប៉ុណ្ណោះ តាមរយៈពិព័រណ៍នេះ អ្នកទស្សនាក៏នឹងបានឃើញអំពីប្រពៃណី ទំនៀមទម្លាប់ដែលបុព្វបុរសខ្មែរកាលពីជាង៣ពាន់ឆ្នាំមុន កប់សព ដាក់គ្រឿងបន្លុងជាមួយសព និងគ្រឿងអលង្ការផ្សេងៗ។ ក្នុងពេលជាមួយគ្នានេះដែរ អ្នកទស្សនាក៏អាចរៀនសម្គាល់នូវក្បាច់ចម្លាក់ផ្សេងៗដែលជារចនាបថនៃចម្លាក់ក្នុងសម័យកាលសំខាន់ៗដូចជា សម័យបាភួន សម័យអង្គរ និងសម័យបាយ័នជាដើម ដែលចម្លាក់នីមួយៗសុទ្ធតែមានលក្ខណៈសម្គាល់ដោយឡែកខុសពីគ្នា។ ម្យ៉ាងទៀត អ្នកទស្សនាក៏នឹងអាចឃើញរូបភាពប្លែកគ្នានៃប្រភេទកុលាលភាជន៍ខ្មែរបុរាណ និងកុលាលភាជន៍បរទេសដូចជា ចិន និងជប៉ុនជាដើម។

ដោយឡែកនិយាយអំពីការបម្រែបម្រួលសាសនាវិញ អ្នកទស្សនានឹងអាចយល់ដឹងបន្ថែមទៀតពីការផ្លាស់ប្តូរសាសនាក្នុងរជ្ជកាលសំខាន់ៗដែលបានជះឥទ្ធិពលដល់ចម្លាក់ និងសំណង់ប្រាសាទនានាក្នុងអារ្យធម៌អង្គរ តាមរយៈចម្លាក់សាសនាផ្សេងៗជាច្រើនដែលមាននៅលើជញ្ជាំងប្រាសាទ។ ផ្អែកតាមការពន្យល់និងអត្ថាធិប្បាយរបស់មគ្គុទ្ទេសក៍ យ៉ាងហោចណាស់ក៏អ្នកទស្សនាបានដឹងថា ការផ្លាស់ប្តូរសាសនានាំឲ្យមានការប្តូរទីតាំងតម្កល់បដិមាចម្បងៗនៅតាមប្រាសាទ និងរហូតដល់ជញ្ជូនយកបដិមាទាំងនោះចេញពីក្នុងប្រាសាទទៅកប់ទុកក្នុងដីចោលទៀតផង។

ដើម្បីទទួលបានទទួលយកចំណេះដឹងទាំងនេះពីសារមន្ទីរនេះ សូមអញ្ជើញទៅទស្សនានៅសារមន្ទីព្រះសីហនុអង្គរទាំងអស់គ្នា ដោយគ្រាន់តែចំណាយប្រាក់១០០០៛ប៉ុណ្ណោះសម្រាប់ចូលទស្សនា។ តម្លៃសំបុត្រចូលទស្សនាសម្រាប់ភ្ញៀវបរទេសគឺ៣ដុល្លា ហើយក៏នឹងទទួលបានសេវាកម្មដូចគ្នាដែរ។ ពិព័រណ៍នេះ បើករៀងរាល់ថ្ងៃអង្គារ ដល់ថ្ងៃអាទិត្យ ចាប់ពីម៉ោង ៨ព្រឹកដល់ម៉ោង ៥ល្ងាច។

តោះ!នាំគ្នាទៅមើលសារមន្ទីព្រះសីហនុអង្គរទាំងអស់គ្នា!


















ប្រាសាទបេងមាលា បើទោះបីស្ថិតនៅឆ្ងាយពីតំបន់អង្គរ ហើយមានការបែកបាក់ច្រើន ក៏ប៉ុន្តែនូវទទួលបានការចាប់អារម្មណ៍យ៉ាងខ្លាំងពីសំណាក់ភ្ញៀវទេសចរជាតិនិងអន្តរជាតិលើស្ថាបត្យកម្មសំណង់ ទេសភាព ពិសេសស្ពានឈើសម្រាប់ដើរទស្សនាប្រាសាទ។
នាព្រឹកថ្ងៃចន្ទ ៦កើត ខែអស្សុជ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៥ ខែតុលា ឆ្នាំ២០១៨ លោក ឡុង កុសល ប្រធាននាយកដ្ឋានផ្សព្វផ្សាយ ក្នុងនាមថ្នាក់ដឹកនាំអាជ្ញាធរជាតិអប្សរា ចូលរួមព្រះរាជពិធីគោរពព្រះបរមវិញ្ញាណក្ខន្ធអតីតព្រះមហាវីរៈក្សត្រ ព្រះបរមរតនកោដ្ឋ ចំពោះការយាងចូលទីវង្គត់គម្រប់៦ព្រះវស្សា នៅព្រះរាជដំណាក់ខេត្តសៀមរាប។
ឆ្លងកាត់ជីវិតសិក្សា បទពិសោធន៍ការងារផ្នែកបុរាណវិទ្យា និងការស្រាវជ្រាវជាង២០ឆ្នាំជាមួយស្ថាប័នជាតិ-អន្តរជាតិ លោកបណ្ឌិត អ៊ា ដារិទ្ធ អនុប្រធានមជ្ឈមណ្ឌលអន្តរជាតិស្រាវជ្រាវនិងតម្កល់ឯកសារអង្គរនៃអាជ្ញាធរជាតិអប្សរា ត្រូវបានសកលវិទ្យាល័យ CORNELL សហរដ្ឋអាមេរិក អញ្ជើញឱ្យទៅសហការបង្រៀនជាមួយសាស្ត្រាចារ្យ Kaja McGowan រយៈពេល១ឆមាស ចាប់ពីថ្ងៃទី១ សីហា ដល់២៤ ធ្នូ ឆ្នាំ២០១៨។
ដើម្បីពង្រីកវិសាលភាពនៃរមណីយដ្ឋានអង្គរលើឆាកអន្តរជាតិ តាមរយៈការចងសម្ពន្ធភាពជាមួយរមណីយដ្ឋានផ្សេងៗលើសកលលោក នាថ្ងៃទី៤ ខែតុលា ឆ្នាំ២០១៨នេះ អាជ្ញាធរអប្សរាបានសម្រេចុះអនុស្សារណៈនៃការយោគយល់គ្នាមួយជាមួយឧទ្យានណាយហ្គារ៉ា នៃប្រទេសកាណាដា។ អនុស្សារណៈនេះធ្វើឡើងស្របគ្នានឹងពិធីប្រកាសសម្ពោធស្ថានកុងស៊ុលកិត្តិយសនៃព្រះរាជាណាចក្រកម្ពុជាប្រចាំទីក្រុងតូរ៉ុនតូនៃប្រទេសកាណាដា ក្នុងន័យរឹតចំណងភាពជាបងប្អូននៃរមណីយដ្ឋានពិភពលោកទាំងពីរគឺ រមណីយដ្ឋានអង្គរ និងឧទ្យានណាយហ្គារ៉ា ដើម្បីស្វែងរកកិច្ចសហការរួមគ្នា លើការងារគ្រប់គ្រង និងអភិវឌ្ឍន៍ទេសចរណ៍នៃរមណីយដ្ឋានទាំងពីរ។
ដើមដំបូងមុន12345...179180បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
2
ថ្ងៃនេះ
:
5441
ម្សិលមិញ
:
2939
សប្តាហ៍នេះ
:
20243
ខែនេះ
:
0051903
សរុប
:
007306334