ព័ត៌មានថ្មីៗ

សូមអញ្ជើញទស្សនាទិដ្ឋភាពប្រាសាទបន្ទាយក្តី

បានផ្សាយនៅ ថ្ងៃទី 20 ខែ តុលា ឆ្នាំ2017 02:21 PM ដោយ ៖ អាជ្ញាធរជាតិអប្សរា

ប្រាសាទបន្ទាយក្តីមានទីតាំងស្ថិតនៅទល់មុខនឹងស្រះស្រង់ និងកសាងឡើងនៅចុងសតវត្សទី១២។ ទោះជាប្រាសាទបន្ទាយក្តីមិនសូវមានការនិយមដូចជាប្រាសាទតាព្រហ្ម និងប្រាសាទព្រះខ័នក៏ដោយ តែប្រាសាទនេះ មានរចនាបថដូចគ្នា និងកសាងឡើងក្នុងសម័យកាលតែមួយ។

នៅក្នុងបរិវេណប្រាសាទនេះហើយ ដែលសាកលវិទ្យាល័យសូហ្វីយ៉ារបស់ជប៉ុនបានដឹកនាំក្រុមនិស្សិតបុរាណវិទ្យាធ្វើកំណាយស្រាវជ្រាវនាឆ្នាំ២០០០-២០០១ ហើយបានប្រទះឃើញបដិមាព្រះពុទ្ធរូបចំនួន២៧៤អង្គកប់នៅក្នុងដី។ បដិមាស្ទើរតែទាំងអស់គឺឆ្លាក់អំពីថ្មភក់ លើកលែងបដិមា៣អង្គដែលធ្វើពីសំរឹទ្ធ។ បដិមាភាគច្រើនបំផុតគឺជាព្រះពុទ្ធរូបប្រក់នាគ ហើយបាត់ព្រះកេស។ ជាមួយគ្នានេះដែរ ក្នុងកំណាយនេះ គេក៏បានរកឃើញថ្មគោលព្រះពាន់ដ៏ធំមួយ។ បច្ចុប្បន្ន ចម្លាក់ទាំងអស់នេះតម្កល់ទុកនៅក្នុងសារមន្ទីរព្រះនរោត្តមសីហនុ-អង្គរ សម្រាប់សាធារណជនចូលទស្សនាបានជាប្រចាំ។

ក្នុងរដូវវស្សាដូចនេះ មិនសូវមានភ្ញៀវទេសចរច្រើនទេដែលចូលទៅទស្សនាប្រាសាទបន្ទាយក្តី។ តាមការបញ្ជាក់ពីភ្នាក់ងារទេសចរណ៍ គឺមានភ្ញៀវទស្សនាប្រហែល១ពាន់នាក់ជាររៀងរាល់ថ្ងៃ។ បើក្នុងរដូវប្រាំង (High Season) ភ្ញៀវទេសចរអាចកើនដល់ជាង២ពាន់នាក់ក្នុងមួយថ្ងៃ។

ដើម្បីថែរក្សាប្រាសាទមួយនេះ អាជ្ញាធរជាតិអប្សរាបានរៀបចំក្រុមភ្នាក់ងារទេសចរណ៍ចំនួន១៩នាក់ ចាំមើលភ្ញៀវជាប្រចាំ។ ការឈរជើងជាប្រចាំរបស់ភ្នាក់ងារទាំងនេះ គឺដើម្បីណែនាំភ្ញៀវកុំឲ្យធ្វើអ្វីដែលខុសឆ្គងដូចជា ការឡើងលើតំបន់ហាមឃាត់ ឬការស្លៀកខើចខ្លីចូលប្រាសាទជាដើម។

អ្នកស្រី ហ៊ីង ម៉េត ដែលធ្វើការងារនេះជិត២០ឆ្នាំមកហើយ រៀបរាប់ថា ចាប់ពីពេលដែលអាជ្ញាធរជាតិអប្សរាបានបង្កើតក្រមប្រតិបត្តិអង្គរមក ភ្ញៀវភាគច្រើនមិនសូវធ្វើអ្វីខុសឆ្គងនៅក្នុងប្រាសាទទេ។ អ្នកស្រីបន្តថា មានភ្ញៀវតិចតួចប៉ុណ្ណោះ ដែលឆ្លៀតលួចឡើង ឬអង្គុយលើតំបន់ហាមឃាត់ ប៉ុន្តែពេលដែលក្រុមការងារណែនាំ ពួកគាត់ក៏ព្រមគោរពតាមដោយមិនប្រកែករឹងទទឹងដែរ។

សូមទស្សនាកម្រងរូបភាពប្រាសាទបន្ទាយក្តីដូចខាងក្រោម ៖














រាជរដ្ឋាភិបាលកម្ពុជា បានសម្រេចបង្កើតក្រុមការងារអន្តរក្រសួងមួយ ដើម្បីរៀបចំពិធីបួងសួងចម្រើនសេចក្តីសុខជូនព្រះរាជាណាចក្រកម្ពុជា នៅដើមខែធ្នូ គឺចាប់ពីថ្ងៃទី២ ដល់ទី៣ ឆ្នាំ២០១៧ នៅបរិវេណខាងមុខប្រាសាទអង្គរវត្ត។ ពិធីនេះ នឹងមានការចូលរួមពីថ្នាក់ដឹកនាំគ្រប់ជាន់ថ្នាក់របស់រាជរដ្ឋាភិបាល ព្រះសង្ឃ និង ប្រជាពលរដ្ឋជាច្រើនពាន់អង្គ/នាក់។
តបតាមការស្នើសុំរបស់ប្រទេសឥណ្ឌូណេស៊ី ដែលបានមើលឃើញពីភាពជោគជ័យនៃការគ្រប់គ្រងតំបន់រមណីយដ្ឋានអង្គរ នៅថ្ងៃទី២០ ខែវិច្ឆិកា ឆ្នាំ២០១៧នេះ មន្ត្រីជំនាញនៃអាជ្ញាធរជាតិអប្សរា បានចែករំលែកបទពិសោធន៍លើការងារអភិរក្សរមណីយដ្ឋានអង្គរ ដល់ប្រតិភូនៃប្រទេសឥណ្ឌូណេស៊ីចំនួន១២រូប ដែលជាមន្ត្រីជំនាញផ្នែកគ្រប់គ្រងទេសចរណ៍នៅប្រាសាទបូរ៉ូប៊ូឌួ។
នារសៀលថ្ងៃទី១៦ ខែវិច្ឆិកា ឆ្នាំ២០១៧ ប្រធានមន្ទីរបេតិកភណ្ឌវប្បធម៌ខេត្តសានទុងនៃសាធារណរដ្ឋប្រជាមានិតចិន បានដឹកនាំគណៈប្រតិភូជាច្រើនរូបចូលជួបសម្តែងការគួរសមជាមួយឯកឧត្តម ហង់ ពៅ អគ្គនាយករងតំណាងឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា និងបានចុះហត្ថលេខាពង្រឹងកិច្ចសហប្រតិបត្តិការលើវិស័យទេសចរណ៍វប្បធម៌និងបេតិកភណ្ឌក្រុង Jining និងតំបន់អង្គរខេត្តសៀមរាប។
គម្រោងអភិរក្សជួសជុលក្រុមប្រាសាទព្រះពិធូររបស់មូលនិបេតិកភណ្ឌវប្បធម៌កូរ៉េ KCHF និងKOICA សហការជាមួយអាជ្ញាធរជាតិអប្សរា កំពុងបើកវគ្គបណ្តុះបណ្តាលជំនាញជួសជុលថ្មដល់មន្ត្រីបុគ្គលិកដែលបំពេញអភិរក្សជួសជុលនៅក្នុងគម្រោងនេះរយៈពេល៥ថ្ងៃ ចាប់ពីថ្ងៃទី១៣ដល់១៧ ខែវិច្ឆិកា ឆ្នាំ២០១៧ នៅការដ្ឋានប្រាសាទកោរសក់នៃក្រុមប្រាសាទព្រះពិធូរផ្ទាល់។
ចេតិយ ជ័យនន្ទ មានទីតាំងស្ថិតនៅខាងក្រោយក្នុងបរិវេណប្រាសាទអង្គរវត្ត ទិសខាងកើត នៃថែវទី៣។ មានមនុស្សតិចណាស់ ដែលបានដឹងពីប្រវត្តិចេតិយនេះ អ្នកខ្លះក៏មិនដឹងថាជាចេតិយផង ចំណែកអ្នកខ្លះទៀត ក៏មិនទាន់បានឃើញដែរ។ តើចេតិយនេះមានមានប្រវត្តិបែបណា? ហេតុអ្វីបានជាមនុស្សនៅសម័យនោះ សង់ចេតិយក្នុងបរិវេណប្រាសាទយ៉ាងដូច្នេះ?
ដើមដំបូងមុន12345...133134បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
7
ថ្ងៃនេះ
:
19596
ម្សិលមិញ
:
18541
សប្តាហ៍នេះ
:
38137
ខែនេះ
:
0296598
សរុប
:
003986014