ព័ត៌មានថ្មីៗ

គណៈប្រតិភូក្រសួងកសិកម្មចិនអញ្ជើញទស្សនកិច្ចនៅភូមិធម្មជាតិរុនតាឯក

បានផ្សាយនៅ ថ្ងៃទី 11 ខែ កញ្ញា ឆ្នាំ2017 12:30 PM ដោយ ៖ អាជ្ញាធរជាតិអប្សរា

កាលពីពេលថ្មីៗកន្លងមកនេះ ឯកឧត្តម ZHANG ZHONGQIU អនុរដ្ឋមន្ត្រីក្រសួងកសិកម្មចិនបានអញ្ជើញទស្សនកិច្ចនៅភូមិធម្មជាតិរុនតាឯក ដើម្បីស្វែងយល់ពីការរស់នៅនិងសក្តានុពលផ្សេងៗនៅទីនោះ។

ដំណើរទស្សនកិច្ចនេះអមដោយសហការី៤រូបនិងទទួលស្វាគមន៍យ៉ាងកក់ក្តៅពីសំណាក់ឯកឧត្តម ម៉ី ម៉ារ៉ាឌី ទីប្រឹក្សាអាជ្ញាធរជាតិអប្សរានិងជាប្រធានគម្រោងអភិវឌ្ឍន៍ភូមិធម្មជាតិរុនតាឯក រួមនឹងក្រុមការងារ។

ឯកឧត្តម ម៉ី ម៉ារ៉ាឌី បានពន្យល់ពីទីតាំងភូមិសាស្ត្រ សក្តានុពលផ្នែកទេសចរណ៍ និងគម្រោងនានាក្នុងភូមិធម្មជាតិរុនតាឯក ដែលគាំពារដល់ការថែរក្សា អភិរក្សបេតិកភណ្ឌជាតិ ដោយការទទួលយកប្រជាជនក្នុងតំបន់១ តំបន់២មករស់នៅទីនេះ ហើយបង្កលក្ខណៈងាយស្រួលក្នុងការរស់នៅ លើកកម្ពស់សុខភាពប្រជាជន និងផ្តល់ចំណេះជំនាញ ដីធ្លី ដើម្បីលើកតម្កើងសេដ្ឋកិច្ចក្នុងគ្រួសារឱ្យបានល្អប្រសើរពីមួយថ្ងៃទៅមួយថ្ងៃ។

ក្នុងនោះដែរឯកឧត្តមក៏បានលើកឡើងពីដៃគូសហការផ្សេងៗនិងក្រុមហ៊ុនកសិកម្មចិនដែលបានរួមចំណែកធ្វើឱ្យភូមិធម្មជាតិរុនតាឯកមានការរីកចម្រើន តាមរយៈការចែករំលែកបទពិសោធន៍ផ្នែកកសិកម្មនិងការផ្តល់ការងារដល់ប្រជាជននៅទីនោះផងដែរ។

ឯកឧត្តម ZHANG ZHONGQIU ក៏បានកត់សម្គាល់ខ្លាំងចំពោះសក្តានុពលទេសចរណ៍ ប្រវត្តិសាស្ត្រ ការរៀបចំទីតាំងភូមិសាស្ត្រ និងការយកចិត្តទុកដាក់លើជីវភាពរបស់ប្រជាជនជនក្នុងភូមិ ដែលមានទាំងការលើកស្ទួយចំណេះដឹងផ្នែកកសិកម្ម ការសិក្សាអប់រំ និងការគោរពបូជាជំនឿសាសនាបានយ៉ាងល្អប្រសើរ។

ក្រោយកិច្ចសំណេះសំណាលនេះ គណៈប្រតិភូក្រសួងកសិកម្មចិន រួមទាំងថ្នាក់ដឹកនាំនៃគម្រោងអភិវឌ្ឍន៍ភូមិធម្មជាតិរុនតាឯក ក៏បានចូលរួមដាំដើមឈើអនុស្សាវរីយ៍ ដើម្បីលើកម្ពស់បរិស្ថានបៃតងដល់ភូមិនេះទៀតផង៕








ការថែរក្សាការពារនិងអភិរក្សប្រាង្គប្រាសាទ ទំនៀមទម្លាប់ប្រពៃណីនិងបរិស្ថានគឺទាមទារឲ្យមានការចូលរួមពីប្រជាពលរដ្ឋនិងគ្រប់គូភាគីដែលពាក់ព័ន្ធទាំងអស់ ដើម្បីលើកកម្ពស់នូវតម្លៃសម្បត្តិបេតិកភណ្ឌដ៏ល្អឯកដល់មនុស្សជាតិជំនាន់ក្រោយទៀត។ ហេតុផលនេះហើយ ដែលអាជា្ញធរជាតិអប្សរាបង្កើតក្រុមការងារសហគមន៍ អប់រំផ្សព្វផ្សាយអំពីបេតិកភណ្ឌជាប្រចាំ ដល់ប្រជាពលរដ្ឋនៅក្នុងតំបន់រមណីយដ្ឋានអង្គរ សាលារៀន និងតាមបណ្តាសាកលវិទ្យាល័យនានាក្នុងក្រុងខេត្តសៀមរាបទាំងមូល ដើម្បីឲ្យគ្រប់គ្នាបានយល់ ហើយរួមគ្នាជួយថែរក្សាការពារនិងអភិរក្សនូវសម្បត្តិបេតិកភណ្ឌទាំងអស់នោះ។
កាលពីថ្ងៃទី៦ ខែកញ្ញា ឆ្នាំ២០១៦កន្លងទៅនេះ គម្រោងអភិវឌ្ឍន៍ភូមិធម្មជាតិរុនតាឯក បានផ្តល់បទពិសោធន៍ការងារកសិកម្ម ដល់សហគមន៍កសិកម្មមួយដែលមកពីភូមិដំណាក់ខ្ចាស់ ឃុំសំបួរ ស្រុកក្រឡាញ់ ខេត្តសៀមរាប។ សហគមន៍កសិកម្មភូមិដំណាក់ខ្ចាស់ ជាសហគមន៍វ័យក្មេងដែលទើបបង្កើតឡើងបានជាងមួយឆ្នាំ ផ្តោតសំខាន់លើការងារកសិកម្ម និងចិញ្ចឹមសត្វ ដែលជាការបង្កើតឡើងដោយប្រជាពលរដ្ឋក្នុងភូមិផ្ទាល់។ ការមកទទួលយកបទពិសោធន៍ពីគម្រោងអភិវឌ្ឍន៍ភូមិធម្មជាតិតាឯកនៅពេលនេះ គឺក្នុងគោលបំណងពង្រឹងចំណេះដឹងលើវិស័យកសិកម្ម និងជាពិសេសគឺការធ្វើជីធម្មជាតិ។
ក្រោមការរៀបចំរបស់មូលនិធិបេតិកភណ្ឌវប្បធម៌កូរ៉េ (KOCHEF) និងភ្នាក់ងារសហប្រតិបត្តិការអន្តរជាតិកូរ៉េ (KOICA) ក្នុងក្របខណ្ឌគម្រោងអភិរក្សប្រាទព្រះពិធូរ មន្ត្រីជំនាញ១០រូបនៃអាជ្ញាធរជាតិអប្សរា ត្រូវបានអញ្ជើញទៅកាន់ប្រទេសកូរ៉េរយៈពេល២សប្តាហ៍ ចាប់ពីថ្ងៃទី២០ ខែសីហា ដល់ថ្ងៃទី៣ខែកញ្ញា ឆ្នាំ២០១៦។ បេសកកម្មនេះ គឺផ្តោតទៅលើការបណ្តុះបណ្តាល និងចែករំលែកបទពិសោធន៍អំពីការងារគ្រប់គ្រងបេតិកភណ្ឌនៃប្រទេសទាំងពីរ។
អាជ្ញាធរជាតិអប្សរាបានផ្តល់បច្ចេកទេសធ្វើជីកំប៉ុស្តិ៍កសិកម្មតាមបែបធម្មជាតិដល់ប្រជាពលរដ្ឋ ដែលភាគច្រើនជាប្រជាកសិករធ្វើស្រែចំការកំពុងរស់នៅក្នុងតំបន់អង្គរ ដើម្បីឲ្យពួកគាត់ចេះរបៀបធ្វើជីកំប៉ុស្តិ៍ដោយខ្លួនឯង ។ ការផ្តល់បច្ចេកទេសធ្វើជីកំប៉ុស្តិ៍នេះគឺ ដើម្បីថែរក្សា ការពារ និងអភិរក្សនូវរបៀបរបបធ្វើកសិកម្មតាមបែបធម្មជាតិរបស់បុព្វបុរសខ្មែរនាសម័យអាណាចក្រអង្គរដ៏រុងរឿងផង និងដើម្បីលើកកម្ពស់សេដ្ឋកិច្ចគ្រួសាររបស់ប្រជាពលរដ្ឋដែលរស់នៅក្នុងតំបន់អង្គរនាពេលបច្ចុប្បន្នឲ្យមានជីវភាពធូរធារឡើងផង ក្រោមទស្សនវិស័យថា«អភិរក្សដើម្បីអភិវឌ្ឍន៍ អភិវឌ្ឍន៍ដើម្បីអភិរក្ស»។

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
4
ថ្ងៃនេះ
:
6354
ម្សិលមិញ
:
15619
សប្តាហ៍នេះ
:
42548
ខែនេះ
:
0183879
សរុប
:
005821185