ព័ត៌មានថ្មីៗ

កុលាលភាជន៍ដែលទទួលបានពីប្រជាពលរដ្ឋទទួលបានការអភិរក្សពីអ្នកជំនាញ អាជ្ញាធរជាតិអប្សរា

បានផ្សាយនៅ ថ្ងៃទី 11 ខែ កញ្ញា ឆ្នាំ2017 12:04 PM ដោយ ៖ អាជ្ញាធរជាតិអប្សរា

តាមរយៈការផ្សព្វផ្សាយនិងការស្ម័គ្រចិត្តពីប្រជាពលរដ្ឋ ក្នុងរយៈពេល២ខែកន្លងមកនេះ អាជ្ញាធរជាតិអប្សរាបានទទួលភាជន៍បុរាណចំនួន៦ ដែលបច្ចុប្បន្នភាជន៍ចំនួន៤ (២រក្សាទុកនៅសារមន្ទីរព្រះនរោត្តមសីហនុ-អង្គរ) បានរក្សាទុក ធ្វើការអភិរក្ស និងជួសជុលដោយអ្នកជំនាញនៃមជ្ឈមណ្ឌលអន្តរជាតិនិងតម្កល់ឯកសារអង្គរ។

ភាជន៍ទាំង៤ត្រូវបានប្រទះឃើញដោយប្រជាពលរដ្ឋជាច្រើនតំបន់នៅក្នុងខេត្តសៀមរាបដូចជា៖ ភាជន៍ទី១មានស្រទាប់រលោងពណ៌ត្នោត បែកមាត់បន្តិច រកឃើញនៅភូមិនគរក្រៅ សង្កាត់គោកចក ពេលឈូសឆាយដីដាំពោត ម្ចាស់រក្សាទុករយៈពេល៣ខែ។ ភាជន៍ទី២ មានស្រទាប់រលោងពណ៌បៃតង មានទំហំតូច បែកមាត់ទាំងស្រុង រកឃើញនៅភូមិត្នោតជ្រុំ ឃុំដូនកែវ ស្រុកពួក ពេលជីកបង្គោលធ្វើរោងចិញ្ចឹមទាកាប៉ា ម្ចាស់រក្សាទុក៣ខែ។ ភាជន៍ទី៣ ទី៤ មានស្រទាប់រលោងពណ៌ត្នោតទាំងពីរ មួយក្នុងចំណោមនោះមានត្រចៀកព័ទ្ធជុំវិញ មានសភាពល្អ ត្រូវបានរកឃើញនៅភូមិអូរថ្កូវ ឃុំកំពង់ថ្កូវ ស្រុកក្រឡាញ់ ក្នុងការដ្ឋានជីកដីលក់ ហើយម្ចាស់រក្សាទុករយៈពេល១៥ឆ្នាំមុនប្រគល់ឱ្យអាជ្ញាធរជាតិអប្សរា។ ភាជន៍ទាំងនោះ គឺផលិតឡើងនៅចន្លោះស.វទី៩ដល់១៥នៃគ.ស។ បើទោះជាភាជន៍ទាំងអស់មានរូបរាងនៅល្អ តែសភាពខាងក្រៅខូចខាតដោយសារអាយុកាលដ៏យូរនិងការកប់ក្នុងដីធ្វើឱ្យស្លែនិងជាតិអំបិលផ្ទាត់ស្រទាប់រលោងទាំងនោះចេញអស់ ដូច្នេះទាមទាឱ្យមានការអភិរក្សជាចាំបាច់ ដើម្បីពង្រឹងស្រទាប់រលោងឱ្យនៅបានយូរ កាត់បន្ថយការខូចខាតកាន់តែធ្ងន់ធ្ងរ។

លោក ធី សេរីវុឌ្ឍ អ្នកជំនាញអភិរក្សនិងជួសជុលភាជន៍នៃមជ្ឈមណ្ឌលស្រាវជ្រាវអន្តរជាតិនិងតម្កល់ឯកសារអង្គរ បានរៀបរាប់ពីរបៀបនៃការអភិរក្សភាជន៍ទាំងនោះថា ដំបូងឡើយគឺយើងធ្វើការសម្អាតភាជន៍ទាំងអស់នេះសិនដើម្បីយកដី ស្លែនិងផ្កាអំបិលចេញ រួចហើយយកវាទៅត្រាំក្នុងទឹកសុទ្ធដែលមានជាតិរ៉ែទាបបំផុតរយៈពេល៣ថ្ងៃដកជាតិអំបិល ហើយមួយថ្ងៃពិនិត្យមើលម្តងរហូតដល់សាបជាតិអំបិលអស់។ បន្ទាប់មកយកវាទុកឱ្យស្ងួត ហើយដោយសារស្រទាប់រលោងមានបញ្ហា យើងត្រូវពង្រឹងការពារកុំឱ្យរបកទៀត ដោយប្រើកាវB៧២និងB42លាយជាមួយអាស៊ីតោនឱ្យរាវដើម្បីលាបលើភាជន៍ទាំងនោះម្តងមួយស្រទាប់ៗរហូតដល់អាចប្រើការបាននិងធានានូវរយៈពេលយូរ។ ដោយសារតែភាជន៍ទាំងនេះមិនមានអ្វីត្រូវជួសជុល ទើបមិនចំណាយពេលច្រើន។ ភាជន៍ទាំងអស់ក៏បានធ្វើការកត់ត្រានូវកាលបរិច្ឆេទ ទីតាំងដែលរកឃើញ និងប្រវត្តិផងដែរ ដើម្បីទុកជាឯកសារនិងការសិក្សាស្រាវជ្រាវ ក៏ដូចជាយកទៅតាំងពិព័រណ៌នៅតាមសារមន្ទីរពេលត្រូវការ។

គួរបញ្ជាក់ផងដែរថា រយៈពេលមួយឆ្នាំកន្លងមកនេះ មជ្ឈមណ្ឌលអន្តរជាតិស្រាវជ្រាវនិងតម្កល់ឯកសារអង្គរ ជួសជុលនិងអភិរក្សបានភាជន៍ជាង១០ហើយដោយអ្នកជំនាញ ហើយភាជន៍ទាំងអស់ក៏បានតាំងបង្ហាញនៅមជ្ឈមណ្ឌលផងដែរ៕




គម្រោងអភិរក្សជួសជុលក្រុមប្រាសាទព្រះពិធូររបស់មូលនិបេតិកភណ្ឌវប្បធម៌កូរ៉េ KCHF និងKOICA សហការជាមួយអាជ្ញាធរជាតិអប្សរា កំពុងបើកវគ្គបណ្តុះបណ្តាលជំនាញជួសជុលថ្មដល់មន្ត្រីបុគ្គលិកដែលបំពេញអភិរក្សជួសជុលនៅក្នុងគម្រោងនេះរយៈពេល៥ថ្ងៃ ចាប់ពីថ្ងៃទី១៣ដល់១៧ ខែវិច្ឆិកា ឆ្នាំ២០១៧ នៅការដ្ឋានប្រាសាទកោរសក់នៃក្រុមប្រាសាទព្រះពិធូរផ្ទាល់។
ចេតិយ ជ័យនន្ទ មានទីតាំងស្ថិតនៅខាងក្រោយក្នុងបរិវេណប្រាសាទអង្គរវត្ត ទិសខាងកើត នៃថែវទី៣។ មានមនុស្សតិចណាស់ ដែលបានដឹងពីប្រវត្តិចេតិយនេះ អ្នកខ្លះក៏មិនដឹងថាជាចេតិយផង ចំណែកអ្នកខ្លះទៀត ក៏មិនទាន់បានឃើញដែរ។ តើចេតិយនេះមានមានប្រវត្តិបែបណា? ហេតុអ្វីបានជាមនុស្សនៅសម័យនោះ សង់ចេតិយក្នុងបរិវេណប្រាសាទយ៉ាងដូច្នេះ?
គម្រោងអភិរក្សអាឡឺម៉ង់-អប្សរា ដែលហៅកាត់ថា GACP (German Apsara Conservation Project) សហការជាមួយអង្គការយូណេស្កូប្រចាំកម្ពុជា នឹងប្រារព្ធខួប២០ឆ្នាំនៃកិច្ចការអភិរក្សអង្គរ នៅទីស្នាក់ការអាជ្ញាធរជាតិអប្សរា បន្ទាប់ពីកិច្ចប្រជុំពេញអង្គរនៃគណៈកម្មាធិការ ICC-Agnkor នាខែធ្នូខាងមុខនេះ។
របាយការណ៍របស់ក្រុមការងារសហគមន៍នៃអាជ្ញាធរជាតិអប្សរា ប្រចាំខែតុលា ឆ្នាំ២០១៧ ការអនុញ្ញាតសំណើជួសជុលតូចៗ តាមការស្នើរបស់ប្រជាពលរដ្ឋតាមរយៈក្រុមការងារសហគមន៍ មានចំនួន ៤៧ករណី ក្នុងនោះបានអនុញ្ញាតដល់ប្រជាពលរដ្ឋចំនួន ៣១ករណី។
ប្រាសាទបន្ទាយសំរែស្ថិតនៅខាងកើតបារាយណ៍យសោធរតដាក (បារាយណ៍ខាងកើត) ប្រហែល២០០ម៉ែត្រ និងមានចម្ងាយប្រហែល២គីឡូម៉ែត្រពីភូមិប្រដាក។

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
8276
ម្សិលមិញ
:
14123
សប្តាហ៍នេះ
:
69274
ខែនេះ
:
0327735
សរុប
:
004017151