ព័ត៌មានថ្មីៗ

ក្រោយប្រតិបត្តិការកន្លះខែ ក្រុមការងារចម្រុះសម្រេចការរុះរើសំណង់ខុសច្បាប់ក្នុងរមណីយដ្ឋានអង្គរបានជាង៤៥%

បានផ្សាយនៅ ថ្ងៃទី 31 ខែ សីហា ឆ្នាំ2017 03:50 PM ដោយ ៖ អាជ្ញាធរជាតិអប្សរា

គិតត្រឹមថ្ងៃទី២៨ ខែសីហានេះ ក្រុមការងារចម្រុះដើម្បីរុះរើសំណង់ខុសច្បាប់ក្នុងតំបន់រមណីយដ្ឋានអង្គរសម្រេចបានចំនួន២៣៩ករណី ក្នុងចំណោមចំណោមសំណង់ខុសច្បាប់ទាំងអស់៥២១ករណី។ ប្រតិបត្តិការរុះរើនេះគឺក្នុងគោលដៅការពារឲ្យបាននូវតំបន់បេតិកភណ្ឌពិភពលោកអង្គរ ដែលជាសម្បត្តិដ៏មានតម្លៃមហាសាលរបស់ប្រជាជាតិខ្មែរ និងមនុស្សជាតិទាំងមូល។

តាមរបារយការណ៍របស់ក្រុមការងារចម្រុះ ដែលចេញនៅថ្ងៃទី២៨ ខែសីហានេះ សំណង់ខុសច្បាប់ដែលបានរុះរើទាំងស្រុងចាប់ពីថ្ងៃទី១០ ខែសីហាមកគឺ ក្រុងសៀមរាបសម្រេចបាន៩២ករណី ស្រុកបាគងបានចំនួន៤១កណី ស្រុកអង្គរធំបានចំនួន៣១ករណី។ ដោយឡែកស្រុកពីរដែលបានបញ្ចប់ការរុះរើជាស្ថាពរហើយនោះគឺ ស្រុកបន្ទាយស្រីចំនួន៧១ករណី និងស្រុកពួកចំនួន៤ករណី។

តាមការឲ្យដឹងពីគណៈកម្មការចម្រុះ ប្រតិបត្តិការរុះរើនេះបានដំណើរការដោយរលូន ដោយគ្មានអំពើហិង្សា ឬការប្រទូស្តរាយណាមួយកើតឡើងឡើយ។ ជាពិសេស ប្រជាពលរដ្ឋជាម្ចាស់សំណង់ភាគច្រើនបំផុត បានសហការជាមួយក្រុមការងារ ដោយបានស្ម័គ្រចិត្តរុះរើដោយខ្លួនឯង ហើយក្រុមការងារចូលជួយតែតាមការស្នើសុំប៉ុណ្ណោះ លើកលែងតែករណីតិចតួចបំផុត ដែលម្ចាស់សំណង់មិនព្រមផ្តល់កិច្ចសហការទើបក្រុមការងារសម្រេចរុះរើផ្ទាល់។

ដោយឡែក ម្ចាស់សំណង់ខុសច្បាប់មួយចំនួន ដែលជាអ្នកស្រុកដើមរស់នៅយូរមកហើយក្នុងតំបន់អង្គរ ដែលបានសាងសង់បន្ថែមនូវផ្នែកខ្លះនៃផ្ទះចាស់ដែលមានស្រាប់ដូចជា តសំយ៉ាប ប្តូរជញ្ជាំង និងផ្លាស់ដំបូលជាដើម ដោយមិនបានសុំច្បាប់ ក្រុមការងារបានជួយសម្របសម្រួលផ្លូវច្បាប់ជូនពួកគាត់ ជំនួសឲ្យការរុះរើ និងណែនាំឲ្យពួកគាត់ដាក់ពាក្យស្នើសុំត្រឹមត្រូវក្នុងករណីមានការសាងសង់ក្រោយៗទៀត ជៀសវាងការលួចសាងសង់ដោយគ្មានច្បាប់ទម្លាប់ ហើយប្រឈមនឹងការរុះរើនាំឲ្យខាតបង់ទ្រព្យសម្បត្តិ។

សូមបញ្ជាក់ថា ប្រតិបត្តិការរុះរើសំណង់ខុសច្បាប់ក្នុងរមណីយដ្ឋានអង្គរ ដែលធ្វើឡើងដោយក្រុមការងារចម្រុះនៃរដ្ឋបាលខេត្តសៀមរាប អាជ្ញាធរជាតិអប្សរា និងអាជ្ញាធរមូលដ្ឋានបានដំណើរការរយៈពេលជាងកន្លះខែមកហើយ ដោយសម្រេចរុះរើរាល់សំណង់ខុសច្បាប់ទាំងអស់ ដែលសាងសង់ឡើងក្នុងអំឡុងយុទ្ធនាការឃោសនាបោះឆ្នោតឃុំសង្កាត់អាណត្តិទី៤កន្លងទៅថ្មីៗនេះ៕




















លោក ប៉ុក វណ្ណា ប្រធានសេវាកម្មប្រតិបត្តិការនៃអាកាសយានដ្ឋានអន្តរជាតិសៀមរាប ជាពលរដ្ឋនៅសង្កាត់ទឹកវិល ក្រុងសៀមរាប បានស្ម័គ្រចិត្តប្រគល់ក្រឡបុរាណសម័យអង្គរចំនួន២ជូនអាជ្ញាធរជាតិអប្សរាថែរក្សានិងអភិរក្សដើម្បីទុកជាសម្បត្តិមរតកវប្បធម៌ជាតិ បន្ទាប់ពីរក្សាទុកនៅផ្ទះអស់រយៈកាល១៥ឆ្នាំ។
រូបថតតំបន់អង្គរចំនួន១០០ផ្ទាំង ដែលបង្ហាញអំពីប្រាង្គប្រាសាទ បរិស្ថាន និងប្រពៃណី ទំនៀមទម្លាប់ប្រជាជនអ្នកស្រុកអង្គរ ត្រូវបានសម្ពោធដាក់តាំងពិព័រណ៌ជាផ្លូវការ នៅព្រឹកថ្ងៃទី២៦ ខែសីហា ឆ្នាំ២០១៧ នេះ ក្រោមអធិបតីភាព ឯកឧត្តម Kong Xiahong អភិបាលក្រុងហ័ងសាន ឯកឧត្តម សុខ សង្វារ អគ្គនាយករងអាជ្ញាធរជាតិអប្សរា និងលោក សូរ ប្លាតុង អភិបាលក្រុងសៀមរាប នៅសណ្ឋាគារ Xihai លើកំពូលភ្នំហ័ងសាន ខេត្តអានហ៊ុយ សាធារណៈរដ្ឋប្រជាមានិតចិន។
ប្រជាពលរដ្ឋមួយរូបដែលបានសាងសង់សំណង់ខុសច្បាប់ក្នុងឧទ្យានអង្គរ ស្ថិតក្នុងភូមិនគរក្រៅ សង្កាត់គោកចក ក្រុងសៀមរាប ឈ្មោះ យិន សុភាព បានស្ម័គ្រចិត្តរុះរើសំណង់ដោយខ្លួនឯង និងរៀបចំដីដើម្បីដាំដើមឈើប្រណីតឡើងវិញ ពិសេសគឺឈើនាងនួន បន្ទាប់ពីស្តាប់ការណែនាំអំពីប្រយោជន៍នៃការការពារបេតិកភណ្ឌពីក្រុមគណៈកម្មការចម្រុះកាលពីព្រឹកថ្ងៃទី២៤ ខែសីហា ឆ្នាំ២០១៧។
នៅព្រឹកថ្ងៃទី២៤ ខែសីហា ឆ្នាំ២០១៧ នេះ ប្រតិភូអាជ្ញាធរជាតិអប្សរា ដឹកនាំដោយឯកឧត្តម សុខ សង្វារ អគ្គនាយករងអាជ្ញាធរជាតិអប្សរា រួមដំណើរដោយលោក សូរ ប្លាតុង អភិបាលក្រុងសៀមរាប និងក្រុមការងារបានចេញដំណើរទៅកាន់សាធារណៈរដ្ឋប្រជាមានិចិនដើម្បីចូលរួមពិធីសម្ពោធការតាំងពិព័រណ៌រូបថតនៅរមណីយដ្ឋានភ្នំហ័ងសាន ខេត្តអានហ៊ុយ ដែលជាតំបន់ទេសចរណ៍បេតិកភណ្ឌធម្មជាតិដ៏ល្បីល្បាញមួយរបស់ចិន។ ដំណើរទៅបំពេញការងារនេះ មានរយ:ពេល៤ថ្ងៃដែលនឹងបញ្ចប់នៅថ្ងៃទី២៨ ខែសីហា ឆ្នាំ២០១៧។
«បើទោះបីជាខួចនេះមិនធំប៉ុន្មាន ប៉ុន្តែវាជារបស់ពីដូនតាខ្មែរ មិនមែនជារបស់ឯកជន ទើបខ្ញុំចង់យកវាមកឱ្យអ្នកមានសមត្ថកិច្ចរក្សាទុក បើយើងយកវាទៅលក់ វាមិនដឹងដល់ទៅណាទៅណីទេ តែបើយើងរក្សាវាទុក វានឹងបានឃើញត្រឹមនេះផង និងតដល់កូនចៅខ្មែរជំនាន់ក្រោយផងបានស្គាល់!» បងប្រុស កង ល័រ បានលើកឡើងដូច្នេះ ខណៈប្រគល់ខួចបៃតងជូនអាជ្ញាធរជាតិអប្សរាដើម្បីរក្សាទុកកាលពីថ្ងៃទី១៨ ខែសីហា ឆ្នាំ២០១៧។

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
4
ថ្ងៃនេះ
:
1952
ម្សិលមិញ
:
3923
សប្តាហ៍នេះ
:
09893
ខែនេះ
:
0122748
សរុប
:
003243612