ព័ត៌មានថ្មីៗ

ប្រជាជនភូមិធម្មជាតិរុនតាឯកទទួលបានសេវាកម្មពិនិត្យសុខភាពឥតគិតថ្លៃពីក្រុមគ្រូពេទ្យស្ម័គ្រចិត្តជុំវិញពិភពលោករបស់សហរដ្ឋអាមេរិក

បានផ្សាយនៅ ថ្ងៃទី 30 ខែ សីហា ឆ្នាំ2017 01:52 PM ដោយ ៖ អាជ្ញាធរជាតិអប្សរា

ក្រុមគ្រូពេទ្យស្ម័គ្រចិត្តជុំវិញពិភពលោក (Volunteer Around the World) ជាអង្គការមិនមែនរដ្ឋាភិបាល មានទីស្នាក់ការកណ្តាលនៅសហរដ្ឋអាមេរិក និង៦ប្រទេសផ្សេងទៀត បានផ្តល់សេវាកម្មពិនិត្យសុខភាពដោយឥតគិតថ្លៃ រយៈពេល១ថ្ងៃពេញដល់ប្រជាជននៅភូមិធម្មជាតិរុនតាឯក នាថ្ងៃទី២៩ ខែសីហា ឆ្នាំ២០១៧។

លោក Keegan Springett អ្នកសម្របសម្រួលក្រុម បានឱ្យដឹងថា គោលបំណងនៃក្រុមការងារយើងគឺផ្តោតទៅលើផ្នែកបម្រើសេវាកម្មសុខភាពទូទៅដោយឥតគិតថ្លៃជូនប្រជាពលរដ្ឋនៅតាមសហគមន៍នានានៅស្រុកបន្ទាយស្រី ខេត្តសៀមរាប សរុបចំនួន៦ភូមិ មានរយៈពេល៦ថ្ងៃ។ ពួកយើងមានក្រុមគ្រូពេទ្យជាជំនួយការនិងវេជ្ជបណ្ឌិតខ្មែរនិងបរទេសចំនួន១០នាក់ ដើម្បីពិនិត្យសុខភាព ផ្តល់ប្រឹក្សា និងចែកថ្នាំសង្កូវជូនដោយមិនគិតកម្រៃ។ ក្រៅពីនោះក៏មានការអប់រំអនាម័យ ដូចជាលាងសម្អាតដៃនិងការដុសសម្អាតធ្មេញដល់សិស្សសាលាក្នុងតំបន់គោលដៅផងដែរ។

លោកបន្តទៀតថា ជារៀងរាល់៦ខែ ក្រុមការងារគ្រូពេទ្យស្ម័គ្រចិត្តជុំវិញពិភពលោក នឹងចុះមកស្រុកបន្ទាយស្រីម្តងទៀត ដើម្បីជួយផ្នែកសុខាភិបាលដល់ប្រជាជនចំនួន១៨ទីតាំងឱ្យទទួលបានសេវាពិនិត្យសុខភាពដោយឥតគិតថ្លៃ។ ការជ្រើសរើសខេត្តសៀមរាបជាគោលដៅ ព្រោះមិនត្រឹមតែពួកយើងមកជួយមនុស្សធម៌ទេ ថែមទាំងបានទស្សនាប្រាសាទអង្គរវត្តដ៏ល្អអស្ចារ្យរបស់ខ្មែរផង។

បន្ថែមពីនោះក្នុងនាមជាប្រធានគម្រោងអភិវឌ្ឍន៍ភូមិធម្មជាតិរុនតាឯក ឯកឧត្តម ម៉ី ម៉ារ៉ាឌី ក៏បានថ្លែងអំណរគុណដល់ក្រុមគ្រូពេទ្យស្ម័គ្រចិត្តទាំងអស់បានចុះជួយប្រជាជននៅទីនេះសាជាថ្មីម្តងទៀត។ អាជ្ញាធរជាតិអប្សរាតែងតែយកចិត្តទុកដាក់ជាខ្លាំងលើសុខភាពប្រជាជន ហើយជារឿយៗតែងអញ្ជើញគ្រូពេទ្យជាច្រើនមកកាន់ទីនេះ ហើយអប់រំប្រជាជនឱ្យយល់ដឹងពីសុខភាព អនាម័យក្នុងការរស់នៅប្រចាំថ្ងៃ ទាំងកុមារនិងមនុស្សធំ ឱ្យផឹកទឹកស្អាត ហូបចុកស្អាត ពិសេសបំផុសឱ្យការចូលរួមសម្អាតបរិស្ថានទាំងអស់គ្នា ដើម្បីទទួលបានការរស់នៅប្រកបដោយសុខភាពល្អ មានសុខភាពល្អ មានអ្វីៗគ្រប់យ៉ាង៕














នាល្ងាចថ្ងៃទី០៣ ខែធ្នូ ឆ្នាំ២០១៧ ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា បានអញ្ជើញទៅគោរពវិញ្ញាណក្ខន្ធលោក ព្រំ ដាម៉ូ ជាសន្តិសុខប្រចាំភូមិធម្មជាតិរុនតាឯក ដែលបានទទួលមរណភាពកាលពីថ្ងៃទី០៣ ខែធ្នូ ឆ្នាំ២០១៧ ក្នុងជន្មាយុ៤៦ឆ្នាំ ដោយខ្យល់គរ។
RAID Amazones ជាព្រឹត្តិការណ៍កីឡាអន្តរជាតិមួយដ៏មានប្រជាប្រិយភាពបំផុតនៅលើពិភពលោក មានសុទ្ធតែនារីជាអ្នកចូលរួម ដោយចាប់គូគ្នា២នាក់ ឬ៣នាក់ដើម្បីរត់ ជិះកង់ និងចែវទូក។ កីឡានេះ បង្កើតឡើងដោយអតីតពិធីករទូរទស្សន៍ជនជាតិបារាំងឈ្មោះ ALEXANDER DEBANNE មានរយៈពេល១៥ឆ្នាំមកហើយ និងបានធ្វើនៅតាមបណ្តាប្រទេសជាច្រើន ក្នុងនោះនេះជាលើកទី២សម្រាប់កម្ពុជាជាម្ចាស់ផ្ទះ ដែលរៀបចំឡើងនៅក្នុងទឹកដីអង្គរ។
ប្រជាពលរដ្ឋរាប់ពាន់នាក់បានសម្រុកមកបំពេញបុណ្យកុសល តាមរយៈការរាប់បាត្រព្រះសង្ឃជាង៥០០០អង្គ ជាមួយថ្នាក់ដឹកនាំប្រទេស ក្រោមអធិបតីភាពសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នាព្រឹកថ្ងៃទី៣ ខែធ្នូ ឆ្នាំ២០១៧ នៅមុខប្រាសាទអង្គរវត្តដ៏អស្ចារ្យរបស់ខ្មែរ។

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
3
ថ្ងៃនេះ
:
4732
ម្សិលមិញ
:
8263
សប្តាហ៍នេះ
:
04732
ខែនេះ
:
0107604
សរុប
:
004212340