ព័ត៌មានថ្មីៗ

គណៈកម្មការចម្រុះរុះរើសំណង់ខុសច្បាប់ក្នុងឧទ្យានអង្គរ៖ នៅថ្ងៃទីពីរនៃការចុះរុះរើសំណង់ខុសច្បាប់ ប្រជាជនមួយចំនួនធំ ព្រមទទួលខុសនិងស្ម័គ្រចិត្តរុះរើដោយខ្លួនឯង

បានផ្សាយនៅ ថ្ងៃទី 11 ខែ សីហា ឆ្នាំ2017 12:47 PM ដោយ ៖ អាជ្ញាធរជាតិអប្សរា

នៅក្នុងយុទ្ធនាការរុះរើសំណង់ខុសច្បាប់ក្នុងឧទ្យានអង្គរ នៅថ្ងៃទីពីរត្រូវនឹងថ្ងៃទី១១ ខែសីហា ឆ្នាំ២០១៧ ក្រុមគណៈកម្មការចម្រុះបានរាយការណ៍ថា ប្រជាជននៅក្នុងតំបន់គោលដៅទាំង៤ មានក្រុងសៀមរាប ស្រុកអង្គរធំ ស្រុកបន្ទាយស្រី និងស្រុកប្រាសាទបាគង ភាគច្រើនព្រមទទួលខុសចំពោះការលួចសាងសង់ និងស្ម័គ្រចិត្តរុះរើដោយខ្លួនឯង។

ចំពោះទិន្នន័យដែលប្រជាជនព្រមរុះរើដោយខ្លួនឯងសរុបត្រឹមព្រឹកម៉ោង១១.៣០នាទីថ្ងៃនេះ គឺបានចំនួនសរុប៣១ករណី ដោយនៅក្នុងនោះ ក្រុងសៀមរាបមាន៧ករណី ស្រុកប្រាសាទបាគងមាន២ករណី នៅស្រុកបន្ទាយស្រីមាន២០ករណី និងនៅស្រុកអង្គរធំមាន២ករណី។ សូមបញ្ជាក់ដែរថា សំណង់ទាំងនោះមានទាំងប្រភេទធ្ងន់និងសំណង់ស្រាល។

ក្រុមគណៈកម្មការចម្រុះ ក៏នៅតែអំពាវនាវដល់ប្រជាជនឱ្យស្ម័គ្រចិត្តក្នុងការរុះរើសំណង់ខុសច្បាប់ និងចូលរួមសហការជាមួយក្រុមការងារជាបន្តទៀត ចៀសវាងការខូចខាតទ្រព្យសម្បត្តិនិងផលប្រយោជន៍របស់បងប្អូនធ្ងន់ធ្ងរ។ ការអនុវត្តតាមច្បាប់នេះគឺដើម្បីរួមគ្នាការពាររមណីយដ្ឋានអង្គរឱ្យមានភាពស្រស់ស្អាត រក្សាបាននូវទីតាំងប្រវត្តិសាស្ត្រដែលជាមរតកជាតិដ៏សំខាន់សម្រាប់កូនខ្មែរគ្រប់រូប គ្រប់ជំនាន់ឱ្យស្ថិតស្ថេរចីរកាល៕




























ពានរង្វាន់បាល់ទាត់ខេត្តសៀមរាប ដែលប្រមូលផ្តុំដោយក្រុមកីឡាករមកពីបណ្តាមន្ទីរនិងស្ថាប័នជុំវិញខេត្តសៀមរាបលើកទី៣បានបិទបញ្ចប់ហើយ ដោយក្រុមបាល់ទាត់អាជ្ញាធរជាតិអប្សរាទទួលបានជើងឯករង ក្រោយបរាជ័យក្រោមថ្វីជើងរបស់ក្រុមកីឡាបាល់ទាត់ក្រុងសៀមរាប ក្នុងលទ្ធផល១-១ ក្នុងម៉ោងធម្មតា និង០-២ ដោយបាល់១១ម៉ែត្រកាត់សេចក្តី ក្នុងវគ្គផ្តាច់ព្រ័ត្រនាព្រលប់ថ្ងៃទី២ ខែកុម្ភៈ ឆ្នាំ២០១៨នេះ។
នាព្រឹកថ្ងៃទី០២ ខែកុម្ភៈ ឆ្នាំ២០១៨ ក្រុមការងារចម្រុះរួមមាន មន្ត្រីអាជ្ញាធរជាតិអប្សរា មន្ត្រីសាលាក្រុងសៀមរាប មេធាវីប្រចាំអាជ្ញាធរជាតិអប្សរា រួមនឹងមន្ត្រីមានសមត្ថកិច្ចពាក់ព័ន្ធផ្សេងទៀត ក្រោមការសម្របស្រួលពីលោក សំរិទ្ធ សុខុន ព្រះរាជអាជ្ញារងតំណាងអយ្យការអមសាលាដំបូងខេត្តសៀមរាប បានចុះប្រតិបត្តិការរុះរើបង្គោលរបងព័ទ្ធលួសបន្លាខុសច្បាប់របស់ឈ្មោះ ហួន សីហា នៅលើទីតាំងចំនួន២ក្បាលដី ស្ថិតក្នុងភូមិអញ្ចាញ សង្កាត់នគរធំ ក្រុង/ខេត្តសៀមរាប ជាកម្មសិទ្ធិឯកជនរបស់រដ្ឋគ្រប់គ្រងដោយអាជ្ញាធរជាតិអប្សរា ដែលលោក ហួន សីហា និងបក្ខពួកបានសាងសង់ឡើងវិញកាលពីថ្ងៃទី៣១ ខែមករា ឆ្នាំ២០១៨
រឿង «ព្រះនាងកែវប្រាំពីរពណ៌» ជារឿងព្រេងខ្មែរទាក់ទងនឹងប្រវត្តិសាស្ត្រ បូជនីយដ្ឋាន និងជីវភាពរស់នៅរបស់ប្រជាជនក្នុងខេត្តសៀមរាប បានចេញផ្សាយហើយ និងតម្កល់ទុកនៅបណ្តាល័យអាជ្ញាធរជាតិអប្សរា។
គិតចាប់ពីថ្ងៃទី១ ដល់ថ្ងៃទី២៦ ខែមករា ឆ្នាំ២០១៨ កន្លងទៅ ក្រុមការងារសហគមន៍នៃអាជ្ញាធរជាតិអប្សរា បានសម្រចការងារក្នុងការចុះពិនិត្យ សំណើសុំជួសជុលតូចៗ ដោយបានអនុញ្ញាតជូនប្រជាពលរដ្ឋចំនួន៥៤ ករណី។
នាព្រឹកថ្ងៃទី៣០ ខែមករា ឆ្នាំ២០១៨ ក្រុមគណៈកម្មការចម្រុះ រួមមាន មន្ត្រីអាជ្ញាធរជាតិអប្សរា សាលាក្រុងសៀមរាប មេធាវីប្រចាំអាជ្ញាធរជាតិអប្សរា និងមន្ត្រីពាក់ព័ន្ធផ្សេងទៀត ក្រោមការសម្របសម្រួលរបស់ព្រះរាជអាជ្ញារងអមសាលាដំបូងខេត្តសៀមរាប បានចុះរុះរើរបងថ្មព័ទ្ធលួសបន្លា រោងចាំដីរបស់ឈ្មោះ ហួន សីហា និងបក្ខពួកខ្លួនស្ថិតនៅភូមិអញ្ចាញ សង្កាត់នគរធំ ក្រុងសៀមរាប ខេត្តសៀមរាប ត្រង់ចំណុចខាងត្បូងក្រោលសេះ។

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
4
ថ្ងៃនេះ
:
5034
ម្សិលមិញ
:
9156
សប្តាហ៍នេះ
:
44535
ខែនេះ
:
0213981
សរុប
:
004754579