ព័ត៌មានថ្មីៗ

ទឹកក្នុងកសិន្ធុអង្គរវត្តនាខែវស្សាស្រស់ស្អាតគួរឲ្យចង់ទស្សនា

បានផ្សាយនៅ ថ្ងៃទី 06 ខែ សីហា ឆ្នាំ2017 12:25 PM ដោយ ៖ អាជ្ញាធរជាតិអប្សរា

ទឹកកសិន្ធុនៃប្រាសាទអង្គរវត្ត បានទាក់ទាញភ្ញៀវទេសចរជាតិ និងអន្តរជាតិជាច្រើនឲ្យគយគន់ទស្សនា ជាពិសេសនៅពេលរសៀល។ នៅក្នុងខែវស្សានេះ ទឹកកសិន្ធុ ឡើងពេញច្រាំង មានភាពថ្លាស្រស់ស្អាត គួបផ្សំនឹងដើមឈើធំៗហ៊ុំព័ទ្ធជុំវិញទៀតនោះ ធ្វើឲ្យកសិន្ធុអង្គរ បន្ថែមសម្រស់របស់ខ្លួនមួយកម្រិតទៀត។

ដូច្នេះដើម្បីថែរក្សាទីកន្លែងដ៏ស្រស់ស្អាត និងជាទីគយគន់របស់ភ្ញៀវទេសចរនេះ សូមបងប្អូនប្រជាពលរដ្ឋ ដែលនិយមទៅកម្សាន្តនៅមាត់កសិន្ធុនាពេលរសៀល មិនត្រូវបោះសំរាម និងអង្គុយលើស្មៅនៅទីនោះទេ។ ការចូលរួមរបស់អ្នកទាំងអស់គ្នា ជាចំណែកមួយនៃការជួយថែរក្សាបេតិកភណ្ឌជាតិ និងពិភពលោក ដើម្បីឲ្យអង្គរវត្ត រក្សាតំណែងជាគោលដៅទេសចរណ៍លំដាប់ថ្នាក់កំពូលគេ នៅក្នុងអាស៊ី និងលើពិភពលោក។

ខាងក្រោមនេះជាទិដ្ឋភាពដ៏ស្រស់ស្អាតនៃកសិន្ធុទឹកអង្គរវត្ត សូមអញ្ជើញទស្សនា៖


















ការលើកកម្ពស់សេដ្ឋកិច្ចក្រុមគ្រួសាររបស់អ្នកស្រុកអង្គរ គឺជាការងារមួយក្នុងចំណោមការងារជាច្រើនទៀត ដែលអាជ្ញាធរជាតិអប្សរាតែងតែគិតគូរ និងយកចិត្តទុកដាក់ខ្ពស់ ធ្វើយ៉ាងណាឲ្យប្រជាពលរដ្ឋដែលកំពុងរស់នៅក្នុងតំបន់នេះ មានជីវភាពកាន់តែល្អប្រសើរឡើងថែមទៀត តាមរយៈការអភិវឌ្ឍវិស័យកសិកម្ម។
ក្រោយពីនាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាននៃអាជ្ញាធរជាតិអប្សរាបានកាត់ក្រី ត្រួសត្រាយមែកឈើដុះលយចេញមកគ្របដងផ្លូវបណ្តាលឲ្យផ្លូវតូចចង្អៀតពិបាកក្នុងការធ្វើដំណើរ នាពេលភ្ជុំបិណ្ឌកន្លងមក ប្រជាពលរដ្ឋ និងភ្ញៀវទេសចរដែលបានឆ្លងកាត់ខ្នងទំនប់បារាយណ៍ទឹកថ្លា បានសម្តែងការត្រេកអរនិងអបអរសាទរគាំទ្រចំពោះសកម្មភាពរបស់អាជ្ញាធរជាតិអប្សរា។
ប្រជាពលរដ្ឋដែលរស់នៅស្របច្បាប់ក្នុងតំបន់អង្គរ មិនត្រូវបានហាមឃាត់ក្នុងការងាររុះរើផ្ទះចាស់ ដើម្បីជួសជុល ឬសាងសង់ថ្មីជំនួសនោះឡើយ។ មិនត្រឹមតែប៉ុណ្ណោះ ការសាងសង់តូចៗក៏ត្រូវបានអនុញ្ញាតដល់មូលដ្ឋានផ្ទាល់ផងដែរ តាមរយៈក្រុមការងារសហគមន៍នៃអាជ្ញាធរជាតិអប្សរានីមួយៗ ដែលចុះទៅជួបប្រជាពលរដ្ឋជារៀងរាល់សប្តាហ៍។ ការចុះប្រាស្រ័យផ្ទាល់ជាមួយប្រជាពលរដ្ឋដែលរស់នៅក្នុងតំបន់អង្គរ និងការអនុញ្ញាតសាងសង់ផ្ទាល់នៅមូលដ្ឋានគឺជាសេវាកម្មមួយដែលអាជ្ញាធរជាតិអប្សរា បានយកចិត្តទុកដាក់ជាខ្លាំងក្នុងសម្រួលការលំបាកដល់ប្រជាជនក្នុងការធ្វើដំណើរឆ្ងាយ និងរង់ចាំពេលវេលាយូរ។
នៅព្រឹកថ្ងៃទី០៦ ខែតុលា ឆ្នាំ២០១៦នេះ ក្រុមការងារសហគមន៍ទី៣ ប្រចាំស្រុកពួក ដឹកនាំដោយលោក គង់ មរកត តំណាង ឯកឧត្ដម ឈរ ថាណាត អគ្គនាយករងអាជ្ញាធរជាតិអប្សរារួមនឹងមន្ត្រីបុគ្គលិកជាច្រើនរូបទៀត បានចុះសាកសួរសុខទុក្ខប្រជាពលរដ្ឋ និងនាំយកកញ្ចប់ទ្រទ្រង់សុខុមាលភាពម្តាយ និងទារក (ឃីត) និងថវិកាមួយចំនួនទៅចែកជូនដល់ស្ត្រីទើបឆ្លងទន្លេរួចចំនួន ៣៣ គ្រួសារ នៅសាលាឃុំខ្នាត ស្រុកពួក ខេត្តសៀមរាប ។
អាជ្ញាធរជាតិអប្សរានឹងសហការជាមួយស្ថានទូតអាមេរិកប្រចាំកម្ពុជា ដើម្បីបើកវគ្គបណ្តុះបណ្តាលភាសាអង់គ្លេសដល់មន្ត្រីបុគ្គលិកបច្ចេកទេស ដើម្បីប្រើប្រាស់ក្នុងទំនាក់ទំនងទូទៅ ក៏ដូចជាពាក់ព័ន្ធនឹងការងារជំនាញរបស់ខ្លួនឲ្យបានកាន់តែប្រសើរឡើងថែមទៀត។ វគ្គបណ្តុះបណ្តាលនេះ នឹងរៀបចំឡើងនៅមជ្ឈមណ្ឌលបណ្តុះបណ្តាលអង្គរនៃអាជ្ញាធរជាតិអប្សរា ដោយមានលោកស្រី Kitty Johnson គ្រូបង្រៀនភាសាអង់គ្លេសនៅសហរដ្ឋអាមេរិកជាគ្រូបង្គោល។

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
6333
ម្សិលមិញ
:
8867
សប្តាហ៍នេះ
:
06333
ខែនេះ
:
0260887
សរុប
:
006197778