ព័ត៌មានថ្មីៗ

រយៈពេល៦ខែដើមឆ្នាំ២០១៧អាជា្ញធរអប្សារាបានដាំកូនឈើជាង១២០០០ដើម

បានផ្សាយនៅ ថ្ងៃទី 20 ខែ កក្កដា ឆ្នាំ2017 03:42 PM ដោយ ៖ អាជ្ញាធរជាតិអប្សរា

រយៈពេល៦ខែដើមឆ្នាំ២០១៧កន្លងទៅនេះ នាយកដ្ឋានគ្រប់គ្រងព្រៃឈើទេសភាពវប្បធម៌ និងបរិស្ថាននៃអាជ្ញាធរជាតិអប្សរាបានដាំ និងចែកចាយកូនឈើដល់ស្ថាប័នពាក់ព័ន្ធ ជាពិសេសពូជឈើដែលមានក្នុងតំបន់អង្គរស្រាប់ដូចជា គគី ឈើទាល បេង គ្រញូង ជាដើមបានចំនួន ១២៦៣៦ដើម។

ចំនួននេះមានការកើនឡើងខ្លាំង បើធៀបនឹងរយៈពេលដូចគ្នាក្នុងឆ្នាំ២០១៦កន្លងទៅ ដែលអាជ្ញាធរជាតិអប្សរាបានដាំនិងចែកចាយទៅស្ថាប័នពាក់ព័ន្ធបានតែចំនួន៤៤៣៧ដើម។ រយៈពេលមួយឆ្នាំ២០១៦កន្លងទៅ អាជ្ញាធរជាតិអប្សរាដាំកូនឈើ និងចែកជូនស្ថាប័នពាក់ព័ន្ធដាំក្នុងតំបន់អង្គរសរុបបានចំនួន៦០៤៤៤ដើម។

ទោះជាយ៉ាងណា ប្រធាននាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន លោក និន ចាន់សាមៀន លើកឡើងថា គម្រោងនៃការដាំកូនឈើក្នុងឆ្នាំ២០១៧នេះ អាចនឹងមិនច្រើនដូចឆ្នាំ២០១៦កន្លងទៅទេ។ នេះក៏ដោយសារតែបទពិសោធន៍ឆ្នាំទៅ ដែលកូនឈើមួយភាគធំដែលបានដាំហើយបានងាប់អស់ជាច្រើន ដោយសារមិនអាចចូលទៅថែទាំបានគ្រប់គ្រាន់។

ប្រធាននាយកដ្ឋានរូបនេះបញ្ជាក់ថា តាមគម្រោងសម្រាប់រដូវវស្សាឆ្នាំ២០១៧នេះ ក្រុមការងារនឹងដាំកូនឈើទៅតាមលទ្ធភាពដែលអាចថែទាំបាន ដែលមានន័យថា ផ្តល់គុណភាពនៃការរស់ជាជាងយកតែបរិមាណនៃការដាំបានច្រើន តែរស់បានតិច។

យោងតាមរបាយការណ៍រយៈពេល៦ខែរបស់នាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាននៃអាជ្ញាធរជាតិអប្សរា ក្នុងឆ្នាំ២០១៧នេះ ក្រុមការងារគ្រប់គ្រងព្រៃឈើមិនត្រឹមតែបានដាំកូនឈើ និងចែកចាយទៅកាន់ស្ថាប័នពាក់ព័ន្ធប៉ុណ្ណោះទេ ថែមទាំងបានព្យាបាលដើមឈើ សរុបប្រមាណ ៥៤៨ដើមនៅក្នុងតំបន់រមណីយដ្ឋានអង្គរ និងចុះតាមដានសុខភាពដើមឈើដែលបានព្យាបាល រួចនៅវង់ធំ និងបរិវេណប្រាសាទតាព្រហ្មចំនួន ៩៨ដើម៕
















សារមន្ទីរព្រះនរោត្តមសីហនុ-អង្គរ មានពិព័រណ៍អចិន្រ្តៃយ៍ចំនួន៣ សុទ្ធសឹងជាលទ្ធផលកំណាយស្រាវជ្រាវបុរាណវិទ្យានៅក្នុងតំបន់អង្គរ។ ពិព័រណ៍វត្ថុបុរាណដែលបានមកពីកំណាយស្រាវជ្រាវទាំងនោះ នឹងផ្តល់ចំណេះដឹងដល់អ្នកទស្សនាឱ្យយល់បានកាន់តែច្បាស់អំពីបុរាណវិទ្យាលើដីនិងក្រោមដី រួមទាំងប្រវត្តិសិល្បៈជាច្រើនទៀត។
អង្គរ ជាដួងព្រលឹងនិងអត្តសញ្ញាណជាតិ បានក្លាយជាសម្បត្តិបេតិកភណ្ឌវប្បធម៌នៃមនុស្សជាតិរបស់អង្គការយូណេស្កូនៅឆ្នាំ១៩៩២។ តាំងពីពេលនោះមករហូតដល់បច្ចុប្បន្ន ក្រៅតែពីកិច្ចការអភិរក្សនិងអភិវឌ្ឍន៍ប្រកបដោយចីរភាពតំបន់អង្គរ ការបណ្តុះបណ្តាលអ្នកបន្តវេនថែរក្សាអង្គរត្រូវបានចាត់ទុកជាកិច្ចការអាទិភាពយ៉ាងសំខាន់។
ជាស្មារតីរួមចំណែកអបអរសាទរខួបលើកទី២៣នៃទិវាវប្បធម៌ជាតិ ដែលធ្វើឡើងក្រោមប្រធានបទ «យុវជនដើម្បីវប្បធម៌ជាតិ» នៅថ្ងៃទី៣ ខែមីនា ឆ្នាំ២០២១នេះ អាជ្ញាធរជាតិអប្សរា កន្លងមកក៏បានចេញផ្សាយទស្សនាវដ្តី «ព្រះនគរ» ដែលបរិយាយលម្អិតពីទិដ្ឋភាពទំនៀមទម្លាប់ប្រពៃណី ក៏ដូចជាលទ្ធផលស្រាវជ្រាវនានានៅក្នុងតំបន់អង្គរ។
ថ្ងៃទី២ ខែមីនា ឆ្នាំ២០២១ ក្រុមការងារសហគមន៍នៃអាជ្ញាធរជាតិអប្សរាចំនួន ៣គោលដៅ ដែលមានការសហការចូលរួមជាមួយអាជ្ញាធរមូលដ្ឋាន បានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ។
ថ្ងៃទី៣ ខែមីនា ឆ្នាំ២០២១ គឺជាទិវាវប្បធម៌ជាតិលើកទី២៣ ក្រោមប្រធានបទ « យុវជនដើម្បីវប្បធម៌ ជាតិ »
ដើមដំបូងមុន12345...395396បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
9
ថ្ងៃនេះ
:
0250
ម្សិលមិញ
:
33427
សប្តាហ៍នេះ
:
00250
ខែនេះ
:
0303233
សរុប
:
015373036