ព័ត៌មានថ្មីៗ

អគ្គនាយកអាជ្ញាធរជាតិអប្សរាសំណូមពរដល់គ្រប់បណ្តាសារព័ត៌មានទាំងអស់ សូមផ្សាយព័ត៌មានដោយផ្តោតលើភាពត្រឹមត្រូវនិងគោលការណ៍បេតិកភណ្ឌ

បានផ្សាយនៅ ថ្ងៃទី 12 ខែ កក្កដា ឆ្នាំ2017 08:54 PM ដោយ ៖ អាជ្ញាធរជាតិអប្សរា

ថ្លែងក្នុងឱកាសបើកសន្និសីទសារព័ត៌មានស្តីពី «វិធានការរុះរើសំណង់ខុសច្បាប់ក្នុងតំបន់អង្គរ» នាព្រឹកថ្ងៃទី១២ ខែកក្កដា ឆ្នាំ២០១៧ នៅមជ្ឃមណ្ឌលអាជ្ញាធរជាតិអប្សរា ឯកឧត្តម ស៊ុំ ម៉ាប់ អគ្គនាយកអាជ្ញាធរជាតិអប្សរា បានសំណូមពរដល់គ្រប់បណ្តាសារព័ត៌មានទាំងអស់ សូមផ្សព្វផ្សាយព័ត៌មានដោយប្រកាន់ខ្ជាប់នូវជំហរឧត្តមគតិជាតិ ស្រឡាញ់ជាតិ ស្រឡាញ់បេតិកភណ្ឌជាតិជាធំ សូមចូលរួមទាំងអស់គ្នាដើម្បីថែរក្សាបេតិកភណ្ឌអង្គរឱ្យបានជាដាច់ខាត ជាជាងការប្រើប្រាស់ព័ត៌មានមួយចំនួនដែលនាំឱ្យរាំងស្ទះដល់កិច្ចការនៃការការពារ ការអភិរក្សមរតកបេតិកភណ្ឌអង្គរដ៏ថ្លៃថ្លារបស់យើង»។

ការលើកឡើងដូច្នេះ ព្រោះកន្លងមកមានការផ្សព្វផ្សាយព័ត៌មានមួយចំនួនដែលខ្វះខាតសច្ចភាព និងភាពត្រឹមត្រូវ ឬមានការយល់ដឹងតិចតួចពីស្ថាប័នអាជ្ញាធរជាតិអប្សរា ឬខឹងសម្បារចំពោះការអនុវត្តច្បាប់ដែលប៉ះពាល់ដល់ផលប្រយោជន៍ផ្ទាល់ខ្លួន និងញុះញង់គ្មានមូលដ្ឋានច្បាស់លាស់មកលើស្ថាប័នអភិរក្សមរតកបេតិកភណ្ឌនាំឱ្យមហាជនមិនពេញចិត្តដល់អាជ្ញាធរជាតិអប្សរា ខណៈដែលថ្នាក់ដឹកនាំ មន្ត្រី បុគ្គលិកជាច្រើននៃអាជ្ញាធរជាតិអប្សរាបានខិតខំប្រឹងប្រែងថែរក្សា អភិរក្ស ជួសជុលមរតកវប្បធម៌របស់ដូនតាឱ្យគង់វង្សនិងការពារប្រយោជន៍រួមរបស់ជាតិ។ ជាក់ស្តែងតាមរយៈការដឹកនាំដ៏ឆ្លាតវៃរបស់រាជរដ្ឋាភិបាល និងសម្តេចវិបុលបញ្ញា សុខ អាន បានធ្វើឱ្យបរទេសទទួលស្គាល់ និងឱ្យតម្លៃលើការងារអភិរក្ស ថែរក្សា គ្រប់គ្រង បេតិកភណ្ឌរបស់អាជ្ញាធរជាតិអប្សរាបានជោគជ័យគ្រប់រូបភាពលើឆាកអន្តរជាតិ។ ជាងនេះទៅទៀត បច្ចុប្បន្នអ្នកជំនាញខ្មែរមានសមត្ថភាពពេញលេញ និងលេចធ្លោជាងគេក្នុងតំបន់អាស៊ីអាគ្នេយ៍ ហើយមានការទទួលស្គាល់ពីបណ្តាអ្នកជំនាញអន្តរជាតិក្នុងការជួសជុល អភិរក្សមរតកវប្បធម៌របស់ខ្លួន។

ម៉្យាងទៀត វិស័យសារព័ត៌មានគឺមានឥទ្ធិពលខ្លាំងសម្រាប់ការអភិវឌ្ឍសង្គម ដូច្នេះក្នុងនាមជាអ្នកសារព័ត៌មានម្នាក់ គួរយកចិត្តទុកដាក់ខ្ពស់លើសំណេរ និងសំឡេងរបស់ខ្លួន ចៀសយ៉ាងណាកុំដុតឱ្យខ្លោច កុំរោចឱ្យឆៅ។ ក្នុងករណីមានការផ្សព្វផ្សាយបានត្រឹមត្រូវ នោះសង្គមនឹងមានរបៀបរៀបរយ មានការចូលរួមក្នុងកិច្ចការអភិរក្សច្រើនពីស្រទាប់មហាជន តែផ្ទុយទៅវិញបើការផ្សព្វផ្សាយមិនបានត្រឹមត្រូវ លម្អៀង ខ្វះហេតុផលច្បាស់លាស់ ធ្វើឱ្យពុលដល់សង្គម មើលសជាខ្មៅ មនុស្សលែងឱ្យតម្លៃ លែងជឿជាក់លើអ្នកមានសមត្ថកិច្ច ខ្វះការចូលរួមថែរក្សា និងស្អប់ខ្ពើមស្ថាប័នមួយដែលប្រឹងប្រែងដើម្បីថែរក្សា ការពារមរតកវប្បធម៌របស់ជាតិទាំងមូល៕














កិច្ចប្រជុំនៃគណៈកម្មាធិការអន្តរជាតិ ICC-Angkor បានចាប់ដំណើរការហើយនៅព្រឹកថ្ងៃទី១៣ ខែធ្នូ ឆ្នាំ២០១៧នេះ ដោយផ្តើមចេញពីកិច្ចប្រជុំបច្ចេកទេសលើកទី២៩ ផ្តោតសំខាន់លើការតាមដានរបាយការណ៍បច្ចេកទេសនៃក្រុមគម្រោងនានា ដែលកំពុងប្រតិបត្តិការនៅក្នុងតំបន់រមណីយដ្ឋានអង្គរ។ កិច្ចប្រជុំនេះរៀបចំឡើងក្រោមអធិបតីភាពលោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរជាតិអប្សរា រួមនឹងសហប្រធាននៃប្រទេសបារាំង និងជប៉ុន។
នារសៀលថ្ងៃទី១២ ខែធ្នូ ឆ្នាំ២០១៧ អាជ្ញាធរជាតិអប្សរាបានប្រារព្ធពិធីប្រគល់មកុដមាសឬភ្នួងសក់ដែលរកឃើញនៅក្នុងកំណាយជួសជុលសាលរបាំប្រាសាទតាព្រហ្មកាលពីឆ្នាំ២០១២ រួមនឹងវត្ថុសិល្បៈបុរាណមួយចំនួន ដែលរក្សាទុកនៅអាជ្ញាធរជាតិអប្សរាកាលពីមុន ជូនក្រសួងវប្បធម៌និងវិចិត្រសិល្បៈជាអ្នករក្សាទុកជំនួសវិញ។
ក្រុមអ្នកជំនាញការជាន់ខ្ពស់ ចំនួនពីរក្រុមដែលទទួលបន្ទុកលើការងារអភិរក្ស និងការងារអភិវឌ្ឍន៍ប្រកបដោយចីរភាព នៃគណៈកម្មាធិការអន្តរជាតិដើម្បីសម្របសម្រួលកិច្ចគាំពារនិងអភិវឌ្ឍន៍រមណីយដ្ឋានប្រវត្តិសាស្ត្រអង្គរ ហៅកាត់ថា អាយស៊ីស៊ី-អង្គរ បានចុះពិនិត្យតាមដានការអនុវត្តការងារមួយចំនួនតាមការដ្ឋានជួសជុលក្នុងរមណីយដ្ឋានអង្គរ។ ការចុះពិនិត្យនេះ ធ្វើឡើងមុនកិច្ចប្រជុំអាយស៊ីស៊ី-អង្គរ ដែលគ្រោងនឹងរៀបចំនៅថ្ងៃទី១៣ និង១៤ ខែធ្នូ ឆ្នាំ២០១៧ នៅទីស្នាក់ការអាជ្ញាធរជាតិអប្សរា។
គណៈកម្មាធិការអន្តរជាតិដើម្បីសម្របសម្រួលកិច្ចគាំពារនិងអភិវឌ្ឍន៍រមណីយដ្ឋានប្រវត្តិសាស្ត្រអង្គរហៅកាត់ថា អាយស៊ីស៊ី-អង្គរ (International Coordination Committee for the Safeguarding and Development of Historic Site of Angkor : ICC-Angkor) នឹងបើកកិច្ចប្រជុំពេញអង្គលើកទី២៤របស់ខ្លួន នៅថ្ងៃទី១៣ និងទី១៤ ខែធ្នូ ឆ្នាំ២០១៧ នាសាលសន្និសីទអង្គរ នៅមជ្ឈមណ្ឌលអាជ្ញាធរជាតិអប្សរា។
នៅរសៀលថ្ងៃទី១១ ខែធ្នូ ឆ្នាំ២០១៧ ក្រុមអ្នកជំនាញការជាន់ខ្ពស់ផ្នែកអភិរក្សនៃគណៈកម្មាធិការអាយស៊ីស៊ី-អង្គរ បានចុះត្រួតពិនិត្យមើលការងារចុះរុះរើសំណង់ខុសច្បាប់ក្នុងរមណីយដ្ឋានអង្គរ។
ដើមដំបូងមុន12345...137138បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
3
ថ្ងៃនេះ
:
4394
ម្សិលមិញ
:
5895
សប្តាហ៍នេះ
:
15945
ខែនេះ
:
0118817
សរុប
:
004223553