ព័ត៌មានថ្មីៗ

យុទ្ធនាការរុះរើសំណង់ខុសច្បាប់ក្នុងតំបន់អង្គរនឹងចាប់ផ្តើមនៅក្នុងសប្តាហ៍ទី៣ខែកក្កដានេះ

បានផ្សាយនៅ ថ្ងៃទី 12 ខែ កក្កដា ឆ្នាំ2017 02:31 PM ដោយ ៖ អាជ្ញាធរជាតិអប្សរា

ការរុះរើសំណង់ខុសច្បាប់ជាង៥០០ករណីក្នុងតំបន់រមណីយដ្ឋានអង្គរ អាចនឹងធ្វើឡើងក្នុងអំឡុងសប្តាហ៍ទី៣ ខែកក្កដា ឆ្នាំ២០១៧ខាងមុខនេះ។ ការរុះរើនេះនឹងចាប់ផ្តើមចេញពីសំណង់ខុសច្បាប់ដែលនៅកៀកនឹងប្រាសាទ ហើយបន្តទៅសំណង់ខុសច្បាប់ផ្សេងៗទៀតដែលកំពុងគំរាមកំហែងយ៉ាងខ្លាំងដល់បេតិកភណ្ឌអង្គរ។

ក្នុងសន្និសីទសារព័ត៌មាន ដែលរៀបចំដោយអាជ្ញាធរជាតិអប្សរា និងរដ្ឋបាលខេត្តសៀមរាប នាព្រឹកថ្ងៃទី១២ ខែកក្កដា នេះ ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរាបញ្ជាក់ថា បច្ចុប្បន្នក្រុមការងាររួមគ្នារវាងអាជ្ញាធរជាតិអប្សរា រដ្ឋបាលខេត្តសៀមរាប និងអាជ្ញាធរមូលដ្ឋានសម្រាប់អនុវត្តការងារនេះបានបង្កើតឡើងរួចរាល់ហើយ នៅតែក្រុមប្រចាំក្រុងស្រុកនីមួយៗរៀបចំផែនការលម្អិត ដើម្បីអនុវត្តការងារឲ្យមានប្រសិទ្ធភាពខ្ពស់ប៉ុណ្ណោះ។

ឯកឧត្តមបញ្ជាក់ថា សំណង់ខុសច្បាប់ទាំងអស់នេះ ក្រុមការងារបានសិក្សាឃើញពីផលប៉ះពាល់ដោយផ្ទាល់ និងដោយប្រយោលចំពោះបេតិកភណ្ឌអង្គរ ហើយគ្មានសំណង់ខុសច្បាប់ណាមួយដែលត្រូវបានលើកលែងមិនរុះរើនោះទេ។ ការអនុវត្តដូច្នេះ គឺដើម្បីរក្សាឲ្យបាននូវបេតិកភណ្ឌអង្គរ ជៀសឲ្យផុតពីការដាក់អង្គរចូលទៅក្នុងបញ្ជីបេតិកភណ្ឌពិភពលោកប្រឈមនឹងគ្រោះថ្នាក់ ឬអាចនឹងត្រូវប្រឈមនឹងការដកចេញពីបញ្ជីបេតិកភណ្ឌពិភពលោក។

ពាក់ព័ន្ធនឹងការតវ៉ាដែលអាចនឹងកើតមានឡើង ក្នុងអំឡុងពេលដែលក្រុមការងារចុះបំពេញតួនាទីនោះ ឯកឧត្តម លី សំរិទ្ធ អភិបាលរងខេត្តសៀមរាប បញ្ជាក់ថា “ការងារនេះគឺដើម្បីថែរក្សានូវបេតិកភណ្ឌដូនតារបស់យើង។ បើមានអ្នកធ្វើបាតុកម្មមែនតើគេធ្វើដើម្បីអ្វី? ដើម្បីការពារអ្នកធ្វើខុសឬយ៉ាងណា? យើងសង្ឃឹមថា ប្រជាពលរដ្ឋនឹងបានយល់ពីបញ្ហានេះ ហើយរួមគ្នាដើម្បីការពារបេតិកភណ្ឌដូនតា។ យើងបានត្រៀមកម្លាំងរួចជាស្រេចក្នុងករណីមានការតវ៉ាណាមួយកើតឡើង។ យើងមិនអាចអនុញ្ញ្ញាតឲ្យពួកគាត់រារាំងដល់ការងារថែរក្សាបេតិកភណ្ឌឡើយ។ តែយើងពិតជាបួងសួងកុំឲ្យមានករណីប្រឈមមុខគ្នារវាងកម្លាំងសមត្ថកិច្ច និងប្រជាពលរដ្ឋ”។

សូមបញ្ជាក់ថា ក្នុងអំឡុងពេលយុទ្ធនាការបោះឆ្នោតជ្រើសរើសមេឃុំចៅសង្កាត់ កន្លងទៅថ្មីៗនេះ សំណង់ខុសច្បាប់ក្នុងតំបន់អង្គរបានកើនឡើងយ៉ាងគំហុក ដែលធ្វើឲ្យប៉ះពាល់យ៉ាងធ្ងន់ធ្ងរដល់បេតិកភណ្ឌពិភពលោកអង្គរ។ តាមរបាយការណ៍ផ្លូវការរបស់អាជ្ញាធរជាតិអប្សរា សំណង់ខុសច្បាប់ទាំងនេះមានចំនួន៥២១ករណី ដែលសំណង់ខ្លះនៅកៀកជិតនឹងប្រាសាទមានចម្ងាយត្រឹមតែ៥០ម៉ែត្រ ទៅ១០០ម៉ែត្រប៉ុណ្ណោះ ពីប្រាសាទ ។ រាជរដ្ឋាភិបាលកម្ពុជាបានសម្រេចចេញគោលការណ៍រុះរើសំណង់ខុសច្បាប់ទាំងនេះចេញ ដើម្បីថែរក្សាឲ្យបាននូវបេតិកភណ្ឌពិភពលោកអង្គរសម្រាប់កូនចៅជំនាន់ក្រោយៗទៀត៕












នៅរសៀលថ្ងៃព្រហស្បតិ៍ ០៦កើត ខែចេត្រ ឆ្នាំរកា នព្វស័កព.ស២៥៦១ ត្រូវនឹងថ្ងៃទី២២ ខែមីនា ឆ្នាំ២០១៨ លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានអាជ្ញាធរជាតិអប្សរា បានជួបពិភាក្សាការងារជាមួយតំណាងវិស័យឯកជន ដើម្បីលើកកម្ពស់គុណភាពសេវាកម្មទេសចរណ៍ក្នុងរមណីយដ្ឋានអង្គរ។ កិច្ចប្រជុំនេះ មានអ្នកតំណាងមកពីក្រុមហ៊ុនឯកជន សណ្ឋាគារ វិស័យទេសចរណ៍ មគ្គុទេសក៍ទេសចរណ៍ជាដើម ដែលសរុបទាំងអស់ប្រមាណ៣០នាក់។
ចាប់តាំងពីអង្គរបានចុះក្នុងបញ្ជីបេតិកភណ្ឌពិភពលោកនៅឆ្នាំ១៩៩២ មានស្ថាប័នអន្តរជាតិជាច្រើនបានចូលរួមក្នុងការជួយស្រោចស្រង់អង្គរ ដែលមានទាំងគម្រោងអភិរក្ស ជួសជុលប្រាសាទ ស្រាវជ្រាវ បណ្តុះបណ្តាលធនធានមនុស្ស និងអភិវឌ្ឍន៍សហគមន៍ជាដើម។
នៅព្រឹកថ្ងៃពុធ ០៥កើត ខែចេត្រ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី២១ ខែមីនា ឆ្នាំ២០១៨ គណៈកម្មាធិការសម្របសម្រួលអន្តរជាតិសម្រាប់ការអភិរក្ស និងលើកតម្លៃរមណីយដ្ឋានប្រាសាទព្រះវិហារ បានបើកកិច្ចប្រជុំពេញអង្គលើកទី៤របស់ខ្លួននៅស្នាក់ការអាជ្ញាធរជាតិអប្សរា នាខេត្តសៀមរាប។ កិច្ចប្រជុំបានផ្តោតលើប្រធានបទសំខាន់ៗមួយចំនួនដូចជា ការងារអភិរក្សនិងអភិវឌ្ឍនៅប្រាសាទព្រះវិហារ និងប្រាសាទកោះកេរ។
លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានអាជ្ញាធរជាតិអប្សរា បានអញ្ជើញជាអធិបតីក្នុងពិធីប្រុងពលីការដាក់ឲ្យដំណើរជាផ្លូវការសារមន្ទីរធម្មជាតិសកលសម្តេចតេជោហ៊ុនសែនព្រះវិហារ នៅថ្ងៃចន្ទ ០៣កើត ខែចេត្រ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី១៩ ខែមីនា ឆ្នាំ២០១៨ ដោយមានការចូលរួមពីឯកឧត្តម សួស យ៉ារ៉ា អ្នកតំណាងរាស្ត្រមណ្ឌលព្រះវិហារ មន្ត្រីរាជការ និងអាជ្ញាធរមូលដ្ឋាន។
លោកជំទាវ ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច និងលោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ ដោយមានការចូលរួមពីអភិបាលនៃគណៈអភិបាលខេត្តព្រះវិហារ បានដឹកនាំមន្ត្រីរាជការ អ្នកជំនាញផ្នែកអភិរក្សជួសជុលប្រាសាទ ឆ្មាំការពារប្រាសាទ ធ្វើពិធីប្រុងពលីបើកការដ្ឋានជួសជុលប្រាសាទចតុមុខនៃក្រុមប្រាសាទបាកាណ(ព្រះខ័ន្ធកំពង់ស្វាយ) នៅថ្ងៃចន្ទ ០៣កើត ឆ្នាំរកានព្វស័ក ព.ស២៥៦១ ត្រូវនឹងថ្ងៃទី១៩ ខែមីនា ឆ្នាំ២០១៨។

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
2430
ម្សិលមិញ
:
9987
សប្តាហ៍នេះ
:
02430
ខែនេះ
:
0139615
សរុប
:
005297462