ព័ត៌មានថ្មីៗ

គណៈកម្មការចម្រុះដើម្បីរុះរើសំណង់ខុសច្បាប់ក្នុងតំបន់អង្គរជួបពិភាក្សាគ្នាដើម្បីអនុវត្តការងារ

បានផ្សាយនៅ ថ្ងៃទី 11 ខែ កក្កដា ឆ្នាំ2017 08:53 PM ដោយ ៖ អាជ្ញាធរជាតិអប្សរា

គណៈកម្មការចម្រុះដែលត្រូវបានបង្កើតឡើងដើម្បីអនុវត្តការងាររុះរើសំណង់ខុសច្បាប់ក្នុងតំបន់រមណីយដ្ឋានអង្គរ បានជួបពិភាក្សាគ្នានៅសាលាខេត្តសៀមរាប នារសៀលថ្ងៃទី១១ ខែកក្កដា ឆ្នាំ២០១៧ ដើម្បីរិះរកមធ្យោបាយអនុវត្តការងារឲ្យមានប្រសិទ្ធភាពនាពេលខាងមុខនេះ។

កិច្ចប្រជុំនេះប្រារព្ធឡើងក្រោមអធិបតីភាពឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា និងឯកឧត្តម លី សំរិទ្ធ អភិបាលរងខេត្តសៀមរាប និងជាតំណាងអភិបាលនៃគណៈអភិបាលខេត្តសៀមរាប ដោយមានការអញ្ជើញចូលរួមពីអភិបាលស្រុកក្រុងដែលជាប់ក្នុងតំបន់អង្គរ កម្លាំងអាវុធហត្ថខេត្ត នគរបាលការពារបេតិកភណ្ឌ និងថ្នាក់ដឹកនាំជាច្រើនរូបទៀត។

អង្គប្រជុំទាំងមូលបានឯកភាពគ្នាលើការងាររុះរើសំណង់ខុសច្បាប់ក្នុងតំបន់អង្គរ ក្នុងន័យការពារឲ្យបាននូវបេតិកភណ្ឌអង្គរ។ ជាពិសេស ការរៀបចំមធ្យោបាយ សម្ភារៈ និងត្រៀមកម្លាំងដើម្បីទប់ស្កាត់បាតុភាពណាមួយដែលអាចនឹងកើតមានឡើងក្នុងអំឡុងពេលអនុវត្តការងារ។

ដើម្បីជាសារដាស់តឿនដល់ម្ចាស់សំណង់ខុសច្បាប់ទាំងអស់ក្នុងតំបន់អង្គរ និងសាធារណជនទាំងអស់ គណៈកម្មការចម្រុះនឹងរៀបចំសន្និសីទសារព័ត៌មានមួយនាព្រឹកថ្ងៃទី១២ខែកក្កដា ឆ្នាំ២០១៧។ សន្និសីទសារព័ត៌មាននេះនឹងជួយជំរុញឲ្យម្ចាស់សំណង់និងសាធារណជនយល់ដឹងកាន់តែច្បាស់អំពីផលប៉ះពាល់នៃសំណង់ចំពោះបេតិកភណ្ឌអង្គរ និងចូលរួមអភិរក្សឲ្យបានគង់វង្ស។








ថ្លែងក្នុងឱកាសបើកសន្និសីទសារព័ត៌មានស្តីពី «វិធានការរុះរើសំណង់ខុសច្បាប់ក្នុងតំបន់អង្គរ» នាព្រឹកថ្ងៃទី១២ ខែកក្កដា ឆ្នាំ២០១៧ នៅមជ្ឃមណ្ឌលអាជ្ញាធរជាតិអប្សរា ឯកឧត្តម ស៊ុំ ម៉ាប់ អគ្គនាយកអាជ្ញាធរជាតិអប្សរា បានសំណូមពរដល់គ្រប់បណ្តាសារព័ត៌មានទាំងអស់ សូមផ្សព្វផ្សាយព័ត៌មានដោយប្រកាន់ខ្ជាប់នូវជំហរឧត្តមគតិជាតិ ស្រឡាញ់ជាតិ ស្រឡាញ់បេតិកភណ្ឌជាតិជាធំ សូមចូលរួមទាំងអស់គ្នាដើម្បីថែរក្សាបេតិកភណ្ឌអង្គរឱ្យបានជាដាច់ខាត ជាជាងការប្រើប្រាស់ព័ត៌មានមួយចំនួនដែលនាំឱ្យរាំងស្ទះដល់កិច្ចការនៃការការពារ ការអភិរក្សមរតកបេតិកភណ្ឌអង្គរដ៏ថ្លៃថ្លារបស់យើង»។
ការរុះរើសំណង់ខុសច្បាប់ជាង៥០០ករណីក្នុងតំបន់រមណីយដ្ឋានអង្គរ អាចនឹងធ្វើឡើងក្នុងអំឡុងសប្តាហ៍ទី៣ ខែកក្កដា ឆ្នាំ២០១៧ខាងមុខនេះ។ ការរុះរើនេះនឹងចាប់ផ្តើមចេញពីសំណង់ខុសច្បាប់ដែលនៅកៀកនឹងប្រាសាទ ហើយបន្តទៅសំណង់ខុសច្បាប់ផ្សេងៗទៀតដែលកំពុងគំរាមកំហែងយ៉ាងខ្លាំងដល់បេតិកភណ្ឌអង្គរ។
ស្របតាមការអំពាវរបស់ប្រមុខរាជរដ្ឋាភិបាលកម្ពុជា និងដើម្បីអបអរសាទរចំពោះការចុះតំបន់ប្រាសាទសំបូរព្រៃគុកក្នុងបញ្ជីបេតិកភណ្ឌពិភពលោក អាជ្ញាធរជាតិអប្សរា និងមន្ទីរវប្បធម៌ និងវិចិត្រសិល្បៈខេត្តសៀមរាប បានជួបជុំគ្នាដើម្បីប្រារព្ធពិធីទូងស្គរ និងប្រកាសអបអរសាទរនៅមុខប្រាសាទអង្គរវត្តដែលជាបេតិកភណ្ឌពិភពលោកដំបូងបង្អស់របស់ប្រទេសកម្ពុជា នាព្រឹកថ្ងៃទី១០ ខែកក្កដា ឆ្នាំ២០១៧។
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នៅល្ងាចថ្ងៃទី៩ ខែកក្កដា ឆ្នាំ២០១៧នេះ បានចេញសារជូនជនរួមជាតិទាំងអស់ទាក់ទងជាមួយ មោទនភាពជាតិដែល «តំបន់ប្រាសាទសំបូរព្រៃគុក» ត្រូវបានចុះក្នុងបញ្ជីជាបេតិកភណ្ឌពិភពលោក នៅថ្ងៃទី៨ ខែកក្កដា ឆ្នាំ២០១៧នេះ។
ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានផ្ញើសារលិខិតផ្លូវការមួយ ដោយបានថ្លែងអំណរគុណ ចំពោះអគ្គនាយិកាអង្គការយូណេស្កូ គឺលោកស្រី Irina BOKOVA បន្ទាប់ពី «ប្រាសាទសំបូរព្រៃគុក» របស់ប្រទេសកម្ពុជា ត្រូវបានចុះបញ្ជីជាសម្បត្តិបេតិកភណ្ឌពិភពលោក នាថ្ងៃទី៨ ខែកក្កដា ឆ្នាំ២០១៧ នាសម័យប្រជុំលើកទី៤១ នៃគណៈកម្មការបេតិកភណ្ឌពិភពលោក នៅទីក្រុង Cracovie នៃប្រទេសប៉ូឡូញ។

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
2
ថ្ងៃនេះ
:
2506
ម្សិលមិញ
:
2860
សប្តាហ៍នេះ
:
13595
ខែនេះ
:
0117744
សរុប
:
002928663