ព័ត៌មានថ្មីៗ

រាជរដ្ឋាភិបាលកម្ពុជាផ្ញើសារលិខិតថ្លែងអំណរគុណ អគ្គនាយិកាអង្គការយូណេស្កូ ក្រោយ «ប្រាសាទសំបូរព្រៃគុក» ត្រូវបានចុះបញ្ជីជាសម្បត្តិបេតិកភណ្ឌពិភពលោក

បានផ្សាយនៅ ថ្ងៃទី 10 ខែ កក្កដា ឆ្នាំ2017 02:17 PM ដោយ ៖ អាជ្ញាធរជាតិអប្សរា

ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានផ្ញើសារលិខិតផ្លូវការមួយ ដោយបានថ្លែងអំណរគុណ ចំពោះអគ្គនាយិកាអង្គការយូណេស្កូ គឺលោកស្រី Irina BOKOVA បន្ទាប់ពី «ប្រាសាទសំបូរព្រៃគុក» របស់ប្រទេសកម្ពុជា ត្រូវបានចុះបញ្ជីជាសម្បត្តិបេតិកភណ្ឌពិភពលោក នាថ្ងៃទី៨ ខែកក្កដា ឆ្នាំ២០១៧ នាសម័យប្រជុំលើកទី៤១ នៃគណៈកម្មការបេតិកភណ្ឌពិភពលោក នៅទីក្រុង Cracovie នៃប្រទេសប៉ូឡូញ។

យោងលិខិតថ្លែងអំណរគុណដែលចេញផ្សាយ នាល្ងាចថ្ងៃទី៩ ខែកក្កដា ឆ្នាំ២០១៧នេះ សម្តេចតេជោ ហ៊ុន សែន បានថ្លែងថា «ក្នុងនាមរាជរដ្ឋាភិបាល និងប្រជាជនកម្ពុជា ខ្ញុំសូមឆ្លៀតយកឱកាសពោរពេញដោយក្តីរីករាយនេះ ដើម្បីថ្លែងអំណរគុណយ៉ាងកក់ក្តៅបំផុត ចំពោះលោកជំទាវ និងសមាជិកគណៈកម្មការបេតិកភណ្ឌពិភពលោក ដែលបានខិតខំប្រឹងប្រែងក្នុងការទទួលស្គាល់តម្លៃសកលយ៉ាងវិសេសវិសាល នៃតំបន់ប្រាសាទសំបូរព្រៃគុក និងបានអនុម័តចុះបញ្ជីបេតិកភណ្ឌពិភពលោក»។

សូមអានខ្លឹមសារលិខិតថ្លែងអំណរគុណរបស់ នាយករដ្ឋមន្រ្តីកម្ពុជា ជូនចំពោះលោកស្រីអគ្គនាយិកាអង្គការយូណេស្កូ ខាងក្រោមនេះ៖




អ្នកជំនាញខាងបេតិកភណ្ឌវប្បធម៌ ចំនួន១០រូប ដែលមាន២រូបមកពីប្រទេសនីមួយៗនៃប្រទេសទាំង៥នៅអាស៊ីអាគ្នេយ៍ ពោល គឺកម្ពុជា ថៃ មីយ៉ាន់ម៉ា ឡាវ និងវៀតណាម ព្រមទាំងប្រទេសឥណ្ឌូនេស៊ី បានមកជួបជុំគ្នាជាមួយអ្នកជំនាញ ជប៉ុន នៃសាកលវិទ្យាល័យសូហ្វីយ៉ា និងអ្នកជំនាញនៃអាជ្ញាធរជាតិអប្សរា នៅតំបន់សៀមរាប-អង្គរ ដើម្បីពិភាក្សា ផ្លាស់ប្តូរបទពិសោធន៍លើកិច្ចការអភិរក្ស មរតកបេតិកភណ្ឌតាមរយៈសិក្ខាសាលាអន្តរជាតិ ដែលហៅថា “សិក្ខាសាលា ដើម្បី ស្វែង យល់បេតិកភណ្ឌវប្បធម៌តំបន់មេគង្គ”។
ក្រុមការងារសហគមន៍នៃអាជ្ញាធរជាតិអប្សរាប្រចាំស្រុកពួក ដឹកនាំដោយ ឯកឧត្តម ឈរ ថាណាត អគ្គនាយករងនៃអាជ្ញាធរជាតិអប្សរា បានចុះផ្សព្វផ្សាយដល់ប្រជាពលរដ្ឋដែលរស់នៅក្នុងតំបន់អង្គរ អំពីសិទ្ធិនៃការគ្រប់គ្រងដីធ្លី នៅឃុំខ្នាត ស្រុកពួក ខេត្តសៀមរាប កាលពីព្រឹកថ្ងៃពុធទី១១ ខែសីហា ឆ្នាំ២០១៦ នេះ។
យុវជនស្ម័គ្រចិត្តចំនួន២៧រូប មកពី៧ប្រទេសផ្សេងគ្នា ដោយរួមទាំងកម្ពុជាផង គ្រោងនឹងចំណាយពេល១២ថ្ងៃនៅក្នុងតំបន់រមណីយដ្ឋានអង្គរ ដើម្បីសិក្សា និងទទួលបទពិសោធន៍អំពីការងារអភិរក្សបេតិកភណ្ឌពិភពលោកអំពីអាជ្ញាធរជាតិអប្សរា។ កម្មវិធីដែលធ្វើឡើងក្រោមប្រធានបទ    “ទាំងអស់គ្នាដើម្បីបេតិកភណ្ឌ” នេះ ចាប់ផ្តើមពីថ្ងៃទី១០ ដល់ទី២២ ខែសីហា ឆ្នាំ២០១៦។
នៅថ្ងៃទី១០ ខែសីហា ឆ្នាំ២០១៦នេះ ឯកឧត្តម សុខ លក្ខិណា ទីប្រឹក្សានៃអាជ្ញាធរជាតិអប្សរា និងមន្ត្រី បុគ្គលិកអាជ្ញាធរជាតិអប្សរាមួយចំនួនទៀត រួមជាមួយនឹងនាយកវិទ្យាល័យ លោកគ្រូ អ្នកគ្រូ សិស្សានុសិស្ស សហការគ្នាដាំកូនឈើក្នុងវិទ្យាល័យបាគងស្ថិតនៅភូមិឳឡោក ឃុំបាគង ស្រុកប្រាសាទបាគង ខេត្តសៀមរាប ដើម្បីចូលរួមថែរក្សាបរិស្ថាន ។
នៅថ្ងៃទី៩ ខែសីហា ឆ្នាំ២០១៦ លោក គង់ មរកត ឧបការី និងប្រធានស្តីទីនាយកដ្ឋានសណ្តាប់ធ្នាប់ និងសហប្រតិបត្តិការនៃអាជ្ញាធរជាតិអប្សរា សហការជាមួយអាជ្ញាធរមូលដ្ឋាន បានដឹកនាំក្រុមការងារចម្រុះ ចុះទៅរុះរើ សំណង់ខុសច្បាប់ពីរកន្លែង ដែលសាងសង់លើដីបុរីវប្បធម៌ និងទេសចរណ៍អង្គរ ដែលស្ថិតនៅក្រោមការគ្រប់គ្រងរបស់អាជ្ញាធរជាតិអប្សរា នៅភូមិចុងកៅស៊ូ សង្កាត់ស្លកា្រម ក្រុងសៀមរាប ខេត្តសៀមរាប។

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
9
ថ្ងៃនេះ
:
6787
ម្សិលមិញ
:
6854
សប្តាហ៍នេះ
:
37132
ខែនេះ
:
0206578
សរុប
:
004747176