ព័ត៌មានថ្មីៗ

អ្្នកជំនាញនៃអង្គការយូណេស្កូ បង្ហាញភាពមហន្តរាយនៃបេតិកភណ្ឌជុំវិញពិភពលោកដើម្បីរំឭកដល់ការអភិរក្សរមណីយដ្ឋានអង្គរ

បានផ្សាយនៅ ថ្ងៃទី 26 ខែ មិថុនា ឆ្នាំ2017 02:24 PM ដោយ ៖ អាជ្ញាធរជាតិអប្សរា

នៅក្នុងកិច្ចប្រជុំបច្ចេកទេសលើកទី២៨ នៃគណៈកម្មាធិការ ICC-Angkor កន្លងទៅថ្មីៗនេះ អ្នកជំនាញAd Hoc នៃអង្គការយូណេស្កូ បានធ្វើបទបង្ហាញមួយចំនួន ដោយបានលើកករណីការបំផ្លិចបំផ្លាញបេតិកភណ្ឌតាមរយៈសង្គ្រាមស៊ីវិល។ ការលើកករណីនេះមកបង្ហាញក្នុងកិច្ចប្រជុំនៃគណៈកម្មាធិការ ICC-Angkor ជាការរំឭកដល់ស្ថាប័នពាក់ព័ន្ធឲ្យយកចិត្តទុកដាក់ខ្ពស់លើការអភិរក្សបេតិកភណ្ឌអង្គរ។

លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរជាតិអប្សរាបានថ្លែងក្នុងសន្និសីទសារព័ត៌មាន ក្រោយកិច្ចប្រជុំនេះកាលពីថ្ងៃទី២២ ខែមិថុនា ថា អ្នកជំនាញជាន់ខ្ពស់បានធ្វើបទបង្ហាញនូវផលវិបាករបស់សង្រ្គាមចំពោះសំណង់បេតិកភណ្ឌ ដោយបានបង្ហាញពីការបំផ្លាញបេតិកភណ្ឌជាច្រើននៅលើពិភពលោក តាមរយៈរូបភាពនានានៅក្នុងសង្រ្គាម។

លោកជំទាវបន្ថែមថា “ក៏ប៉ុន្តែ យើងដឹងហើយប្រទេសរបស់យើងមិនមានសង្គ្រាមទេ ដូច្នេះការណ៍មួយចំនួនដែលអ្នកជំនាញ ឬក៏អ្នកចូលរួមក្នុងកិច្ចប្រជុំអាយស៊ីស៊ី លើកឡើងគឺគេមានការបារម្ភចំពោះសំណង់អនាធិបតេយ្យមួយចំនួន ដែលកើតឡើងនៅក្នុងតំបន់អង្គរយើងនេះទេ ព្រោះហេតុអី្វ? យើងត្រូវយល់ថា តំបន់អង្គរ បានចុះបញ្ជីទៅក្នុងបេតិកភណ្ឌពិភពលោកហើយ នៅពេលដែលយើងចុះបញ្ជីបេតិកភណ្ឌពិភពលោក កម្ពុជាមានកាតព្វកិច្ចត្រូវគោរពនូវស្តង់ដារអន្តរជាតិមួយចំនួន អញ្ចឹង នៅពេលដែលស្តង់ដារអន្តរជាតិមួយចំនួនត្រូវបានរំលោភ យើងនឹងមានការព្រួយបារម្ភ មិត្តភក្តិរបស់យើងទាំងក្នុង និងក្រៅប្រទេស តែងតែយកចិត្តទុកដាក់ ដូចជាជួយណែនាំ ជួយរំឭកថា មានកិច្ចការដែលត្រូវត្រួតពិនិត្យមើល កុំឱ្យរឿងហ្នឹងហួសពេល”។

លោកជំទាវប្រធានអាជ្ញាធរបន្ថែមថា “បាតុភាពខ្លះ តែកើតឡើងហើយមិនអាចត្រឡប់មកវិញបានទេ អញ្ចឹងកិច្ចការដែលខិតខំប្រឹងប្រែងការពារទាំងអស់គ្នានេះ វាអាចជាឧទាហរណ៍មួយដែរ ដែលយើងត្រូវខិតខំ កុំឲ្យវាហួសពេលទាន់។ ម្យ៉ាងទៀតត្រូវដឹងថា កម្ពុជាមិនមែនមានតែតំបន់អង្គរមួយទេ យើងបានចុះបញ្ជីតំបន់អង្គរ ប្រាសាទព្រះវិហារ យើងនៅមានតំបន់ផ្សេងៗទៀតដូចជា សម្បូណ៌ព្រៃគុក បន្ទាយឆ្មារ ព្រះខ័ន ឬក៏តំបន់បេតិកភណ្ឌមួយចំនួននៅភ្នំគូលែនដែរ។ ដូច្នេះបើការថែរក្សាតំបន់ដែលចុះក្នុងបញ្ជីហើយ យើងគ្រប់គ្រងមិនបានដិតដល់វាអាចផ្តល់ការលំបាកដល់ការចុះបញ្ជីថ្ងៃក្រោយទៀត។ បើយើងចង់ចុះ បញ្ជីសម្បូណ៌ព្រៃគុក បន្ទាយឆ្មារ គេអាចនិយាយថា ឥឡូវគ្រាន់តែតំបន់អង្គរគ្រប់គ្រង មិនបានផង ទៅចុះបញ្ជីអីផ្សេងទៀត។ អានេះមួយគឺជារឿងដែលយើងបារម្ភពីបេតិកភណ្ឌជាតិនានា ដែលនឹងត្រូវចុះបញ្ជីនៅថ្ងៃខាងមុខ ក៏ដូចជាបារម្ភនឹងចំណាត់ថ្នាក់អង្គរទៅក្នុងតំបន់ដែលងាយរងគ្រោះ ពីព្រោះនៅពេលដែលសំណង់ ឬការរៀបចំ ខ្វះសណ្តាប់ធ្នាប់ វាអាចធ្វើឱ្យយើងមានភាពងាយរងគ្រោះ ប៉ុន្តែយើងត្រូវដឹងថា រាជរដ្ឋាភិបាល ក៏ដូចជាអាជ្ញាធរជាតិអប្សរា គឺថាយើងមានឆន្ទៈខ្ពស់ក្នុងការថែរក្សា”៕




















សារមន្ទីរព្រះនរោត្តមសីហនុ-អង្គរ មានពិព័រណ៍អចិន្រ្តៃយ៍ចំនួន៣ សុទ្ធសឹងជាលទ្ធផលកំណាយស្រាវជ្រាវបុរាណវិទ្យានៅក្នុងតំបន់អង្គរ។ ពិព័រណ៍វត្ថុបុរាណដែលបានមកពីកំណាយស្រាវជ្រាវទាំងនោះ នឹងផ្តល់ចំណេះដឹងដល់អ្នកទស្សនាឱ្យយល់បានកាន់តែច្បាស់អំពីបុរាណវិទ្យាលើដីនិងក្រោមដី រួមទាំងប្រវត្តិសិល្បៈជាច្រើនទៀត។
អង្គរ ជាដួងព្រលឹងនិងអត្តសញ្ញាណជាតិ បានក្លាយជាសម្បត្តិបេតិកភណ្ឌវប្បធម៌នៃមនុស្សជាតិរបស់អង្គការយូណេស្កូនៅឆ្នាំ១៩៩២។ តាំងពីពេលនោះមករហូតដល់បច្ចុប្បន្ន ក្រៅតែពីកិច្ចការអភិរក្សនិងអភិវឌ្ឍន៍ប្រកបដោយចីរភាពតំបន់អង្គរ ការបណ្តុះបណ្តាលអ្នកបន្តវេនថែរក្សាអង្គរត្រូវបានចាត់ទុកជាកិច្ចការអាទិភាពយ៉ាងសំខាន់។
ជាស្មារតីរួមចំណែកអបអរសាទរខួបលើកទី២៣នៃទិវាវប្បធម៌ជាតិ ដែលធ្វើឡើងក្រោមប្រធានបទ «យុវជនដើម្បីវប្បធម៌ជាតិ» នៅថ្ងៃទី៣ ខែមីនា ឆ្នាំ២០២១នេះ អាជ្ញាធរជាតិអប្សរា កន្លងមកក៏បានចេញផ្សាយទស្សនាវដ្តី «ព្រះនគរ» ដែលបរិយាយលម្អិតពីទិដ្ឋភាពទំនៀមទម្លាប់ប្រពៃណី ក៏ដូចជាលទ្ធផលស្រាវជ្រាវនានានៅក្នុងតំបន់អង្គរ។
ថ្ងៃទី២ ខែមីនា ឆ្នាំ២០២១ ក្រុមការងារសហគមន៍នៃអាជ្ញាធរជាតិអប្សរាចំនួន ៣គោលដៅ ដែលមានការសហការចូលរួមជាមួយអាជ្ញាធរមូលដ្ឋាន បានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ។
ថ្ងៃទី៣ ខែមីនា ឆ្នាំ២០២១ គឺជាទិវាវប្បធម៌ជាតិលើកទី២៣ ក្រោមប្រធានបទ « យុវជនដើម្បីវប្បធម៌ ជាតិ »
ដើមដំបូងមុន12345...395396បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
17
ថ្ងៃនេះ
:
24764
ម្សិលមិញ
:
33216
សប្តាហ៍នេះ
:
242248
ខែនេះ
:
0242248
សរុប
:
015312051