ព័ត៌មានថ្មីៗ

ប្រធានអាជ្ញាធរជាតិអប្សរាជួបពិភាក្សាការងារជាមួយអ្នកជំនាញការជាន់ខ្ពស់មុនកិច្ចប្រជុំបច្ចេកទេសនៃគណៈកម្មាធិការអាយស៊ីស៊ីអង្គរ

បានផ្សាយនៅ ថ្ងៃទី 20 ខែ មិថុនា ឆ្នាំ2017 08:33 PM ដោយ ៖ អាជ្ញាធរជាតិអប្សរា

ថ្នាក់ដឹកនាំអាជ្ញាធរជាតិអប្សរាក្រោមអធិបតីភាពលោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរជាតិអប្សរា នារសៀលថ្ងៃទី២០ ខែមិថុនា នេះ បានជួបពិភាក្សាការងារជាមួយអ្នកជំនាញការជាន់ខ្ពស់នៃគណ:កម្មាធិការអាយសីុសីុអង្គរ នៅទីស្នាក់ការអាជ្ញាធរជាតិអប្សរា។ កិច្ចពិភាក្សានេះរៀបចំឡើងមួយថ្ងៃមុនកិច្ចប្រជុំបច្ចេកទេសលើកទី២៨នៃគណៈកម្មាធិការអាយស៊ីស៊ីអង្គរ ដែលនឹងចាប់ផ្តើមពីថ្ងៃទី២១ដល់ទី២២ ខែមិថុនា ឆ្នាំ២០១៧។

គោលបំណងនៃជំនួបពិភាក្សានាពេលនេះគឺសំដៅផ្លាស់ប្តូរបទពិសោធន៍ទៅវិញទៅមកនៃផលប៉ះពាល់ដែលកើតចេញពីការអភិវឌ្ឍផ្នែកសេដ្ឋកិច្ចសង្គម និងកំណើនប្រជាជននៅរមណីយដ្ឋានបេតិកភណ្ឌពិភពលោកក្នុងប្រទេសនានា និងជំរុញតុល្យភាពរវាងការងារអភិរក្ស និងអភិវឌ្ឍន៍ក្នុងតំបន់រមណីយដ្ឋានអង្គរ ដែលចំណុចនេះបានក្លាយជាចំណុចស្នូលយ៉ាងសំខាន់របស់អាជ្ញាធរជាតិអប្សរា ក៏ដូចជាគណ:កម្មាធិការអាយសីុសីុអង្គរដែរ។

កិច្ចពិភាក្សាក៏បានលើកឡើងនូវស្ថានភាពនៃការងារអភិរក្សរមណីយដ្ឋានអង្គរ លទ្ធភាពផ្សេងៗដែលបានជំរុញភាពជោគជ័យជាបន្តបន្ទាប់ និងការបណ្តុះបណ្តាលធនធានមនុស្សនាពេលអនាគត។ ទន្ទឹមនឹងនោះ ការប្រឈមមួយចំនួនដែលជាកង្វល់ប៉ះពាល់ដល់ដំណើរការនៃកិច្ចគាំពាររមណីយដ្ឋានអង្គរ ជាពិសេសការរីករាលដាលនៃសំណង់ខុសច្បាប់ដែលបានកើតឡើងយ៉ាងគំហុកក្នុងរយៈពេលចុងក្រោយនេះ ក៏បានលើកយកមកពិភាក្សាផងដែរ។

ក្រៅពីផ្តល់អនុសាសន៍ និងបទពិសោធន៍ដល់ថ្នាក់ដឹកនាំនៃអាជ្ញាធរជាតិអប្សរា ក្នុងការដោះស្រាយបញ្ហាប្រឈមទាំងនេះ អ្នកជំនាញការជាន់ខ្ពស់មួយចំនួនដែលបានមកបំពេញការងារនៅកម្ពុជារយៈពេលជាង២០ឆ្នាំតាំងពីការចុះបញ្ជីអង្គរជាបេតិកភណ្ឌពិភពលោក និងជាសាក្សីរស់ បានសម្តែងនូវការកោតសរសើរដល់កិច្ចខិតខំរបស់រាជរដ្ឋាភិបាលកម្ពុជាលើវិស័យវប្បធម៌ និងបេតិកភណ្ឌ និងការអភិវឌ្ឍរីកចម្រើនដ៏អស្ចារ្យលើគ្រប់វិស័យរបស់កម្ពុជាក្នុងរយ:ពេលកន្លងមកនេះ ជាពិសេសការដឹកនាំប្រកបដោយទស្សនវិស័យវែងឆ្ងាយនិងបញ្ញាញាណរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានគាំទ្រ និងផ្តល់លទ្ធភាពគ្រប់បែបយ៉ាងលើវិស័យវប្បធម៌ និងបេតិកភណ្ឌ។

សូមបញ្ជាក់ថា អ្នកជំនាញការជាន់ខ្ពស់ទាំងនោះមានចំនួន៦រូប ក្នុងនោះមាន៣រូប ជាអ្នកជំនាញផ្នែកខាងអភិរក្សជួសជុល និង៣រូបទៀត ជាអ្នកជំនាញខាងការងារអភិវឌ្ឍប្រកបដោយចីរភាព៕







ក្នុងរយៈពេលប៉ុន្មានថ្ងៃកន្លងមកនេះ ភ្លៀងយ៉ាងច្រើនបានធ្លាក់ចុះជាបន្តបន្ទាប់បណ្តាលឱ្យស្ថានភាពទឹកមានការកើនឡើងនៅភាគខាងជើងនៃរមណីយដ្ឋានអង្គរចាប់ពីម៉ោង៤ព្រឹក ថ្ងៃទី១៩ ខែតុលា ឆ្នាំ២០២០ និងបន្តធ្លាក់ចុះមកផ្នែកកណ្តាលនៃរមណីយដ្ឋានអង្គរ។
រយៈពេលពីរសប្តាហ៍នៃខែតុលា ឆ្នាំ២០២០នេះ ក្រុមការងារជំនាញនៃនាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងឧទ្យានអង្គរ បានចុះពិនិត្យលក្ខខណ្ឌនៃការរស់នៅ និងប្រើប្រាស់ទីតាំងស្នើសុំរបស់ប្រជាពលរដ្ឋ បានចំនួន៨៥ករណី រួមមាន៖ ក្រុងសៀមរាប ២៥ករណី ស្រុកបន្ទាយស្រី ១២ករណី ស្រុកអង្គរធំ ៦ករណី ស្រុកប្រាសាទបាគង ២៤ករណី ស្រុកពួក៧ករណី ស្រុកសូទ្រនិគម ៣ករណី និងស្រុកស្វាយលើ ៨ករណី។
របៀបផ្តិតសិលាចារឹក
( ថ្ងៃទី 18 ខែ តុលា ឆ្នាំ2020 )
ការងារផ្តិតសិលាចារឹកមិនតម្រូវទាល់តែជាអ្នកបច្ចេកទេសបុរាណវិទ្យា អ្នកប្រវត្តិសាស្រ្ត ឬអក្សរសាស្រ្ត ទើបអាចផ្តិតបាននោះឡើយ។ វាអាស្រ័យលើអ្នកដែលមានចិត្តអំណត់ និងប្រុងប្រយ័ត្ន ត្បិតអីត្រូវចំណាយពេលយូរ និងដំណើរការក៏ច្រើនដំណាក់កាល មួយទៀតសោតក្រដាសផ្តិតស្តើងពេលត្រូវទឹកផុយងាយរហែកណាស់។
ដើមត្នោតគឺជាប្រភេទរុក្ខជាតិនិមិត្តរូបជាតិនៃព្រះរាជាណាចក្រកម្ពុជា និងជាប្រភេទរុក្ខជាតិដែលមានសារសំខាន់ជាទីបំផុតសម្រាប់ជីវិតរស់នៅប្រចាំថ្ងៃរបស់ប្រជាជនខ្មែរ។ គ្រប់ផ្នែកទាំងអស់នៃរុក្ខជាតិនេះអាចប្រើប្រាស់បានទៅតាមតម្រូវការជាក់ស្តែងក្នុងជីវភាពប្រចាំថ្ងៃ ព្រមទាំងអាចប្រើប្រាស់ជាសម្ភារផ្គុំសំណង់ផ្ទះ និងធ្វើជាទូកសម្រាប់ជាមធ្យោបាយធ្វើដំណើរតាមផ្លូវទឹកទៀតផង។
ថ្ងៃទី១៦ ខែតុលា ឆ្នាំ២០២០ ក្រុមការងារសហគមន៍ប្រចាំក្រុងសៀមរាប ដឹកនាំដោយឯកឧត្តម ខូយ គឹមទួ ដែលមានការចូលរួមជាមួយអាជ្ញាធរមូលដ្ឋានបានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋចំនួន ១៤សំណើ ស្ថិតក្នុងភូមិវាល សង្កាត់គោកចក។ ក្រោយពិនិត្យទីតាំង និងឯកសារជាក់ស្ដែង ក្រុមការងារបានអនុញ្ញាត ០៨សំណើ៕
ដើមដំបូងមុន12345...355356បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
11
ថ្ងៃនេះ
:
4532
ម្សិលមិញ
:
7809
សប្តាហ៍នេះ
:
19867
ខែនេះ
:
0114546
សរុប
:
012883978