ព័ត៌មានថ្មីៗ

សមិទ្ធផលសំខាន់ៗនៃការងារសហគមន៍របស់អាជ្ញាធរជាតិអប្សរា ក្នុងខែឧសភាកន្លងទៅនេះ

បានផ្សាយនៅ ថ្ងៃទី 12 ខែ មិថុនា ឆ្នាំ2017 03:21 PM ដោយ ៖ អាជ្ញាធរជាតិអប្សរា

ដើម្បីឲ្យប្រជាពលរដ្ឋបានយល់ដឹង និងចូលរួមថែរក្សាការពារក្នុងនាមជាអ្នករស់នៅផ្ទាល់ជាមួយបេតិកភណ្ឌអង្គរ អាជ្ញាធរជាតិអប្សរាបានបង្កើតក្រុមការងារសហគមន៍ចុះផ្សព្វផ្សាយអំពីការងារអភិរក្សបេតិកភណ្ឌអង្គរជូនប្រជាពលរដ្ឋជាប្រចាំរៀងរាល់ថ្ងៃទាំង១១២ភូមិក្នុងរមណីយដ្ឋានអង្គរ។

ជាមួយគ្នានឹងការបញ្ជ្រាបចំណេះដឹងដល់ពួកគាត់ ក្រុមការងារសហគមន៍ក៏បានដោះស្រាយសំណើ និងបញ្ហានានាដែលប្រជាពលរដ្ឋក្នុងតំបន់អង្គរជួបប្រទះផងដែរ។ ជាក់ស្តែង សម្រាប់ខែឧសភា ឆ្នាំ២០១៧នេះ ក្រុមការងារសហគមន៍បានចុះពិនិត្យនិងអនុញ្ញាតផ្ទាល់នៅហ្នឹងកន្លែងនូវសំណើសុំជួសជុលផ្ទះសម្បែង និងសាងសង់សំណង់តូចៗបានចំនួន១៣១ករណី។

ក្រៅពីដោះស្រាយបញ្ហាសាងសង់ ក្រុមការងារក៏បាននាំយកអំណោយកញ្ចប់ទ្រទ្រង់សុខុមាលភាពម្តាយនិងទារករបស់អាជ្ញាធរជាតិអប្សរា ទៅចែកជូនស្ត្រីទើបសម្រាលបុត្រក្នុងតំបន់អង្គរបានចំនួន១១៣នាក់ និងឧបត្ថម្ភថវិកាដល់ប្រជាពលរដ្ឋចំនួន១៣គ្រួសារ ដែលរងការខូចខាតដោយសារស្រូវលិចទឹកក្នុងឆ្នាំ២០១៦កន្លងទៅ។

មិនត្រឹមតែប៉ុណ្ណោះ ក្រុមការងារសហគមន៍ក៏បានចូលរួមឧបត្ថម្ភថវិកាកាត់សម្លៀកបំពាក់ជូនប្រជាការពារភូមិលាងដៃ ចូលរួមឧបត្ថម្ភបុណ្យសព និងចូលរួមក្នុងវេទិកាសាធារណៈ ដើម្បីឆ្លើយតបនឹងសំណួរនានាដែលលើកឡើងដោយប្រជាពលរដ្ឋផងដែរ៕




















នៅក្នុងកិច្ចប្រជុំបច្ចេកទេសលើកទី២៨ នៃគណៈកម្មាធិការ ICC-Angkor កន្លងទៅថ្មីៗនេះ អ្នកជំនាញAd Hoc នៃអង្គការយូណេស្កូ បានធ្វើបទបង្ហាញមួយចំនួន ដោយបានលើកករណីការបំផ្លិចបំផ្លាញបេតិកភណ្ឌតាមរយៈសង្គ្រាមស៊ីវិល។ ការលើកករណីនេះមកបង្ហាញក្នុងកិច្ចប្រជុំនៃគណៈកម្មាធិការ ICC-Angkor ជាការរំឭកដល់ស្ថាប័នពាក់ព័ន្ធឲ្យយកចិត្តទុកដាក់ខ្ពស់លើការអភិរក្សបេតិកភណ្ឌអង្គរ។
ស្របពេលដែលសំណង់ខុសច្បាប់បានរីករាលដាលយ៉ាងគំហុកក្នុងរយៈពេលចុងក្រោយនេះ បានធ្វើឲ្យរមណីយដ្ឋានអង្គរដែលជាសម្បត្តិបេតិកភណ្ឌពិភពលោកអាចនឹងប្រឈមនឹងបញ្ហា បើទប់ស្កាត់មិនបានទាន់ពេលទេនោះ។
នៅព្រឹកថ្ងៃទី២២ មិថុនា ឆ្នាំ២០១៧ ក្នុងកិច្ចប្រជុំបច្ចេកទេសគណៈកម្មាធិការអាយស៊ីស៊ី-អង្គរលើកទី២៨ អនុស្សរណៈយោគយល់គ្នាចំនួនពីរត្រូវបានចុះហត្ថលេខារវាងអាជ្ញាធរជាតិអប្សរា និងបណ្ឌិតសភាបេតិកភណ្ឌចិន នៃសាធារណរដ្ឋប្រជាមានិតចិន និងរវាងអាជ្ញាធរជាតិអប្សរា និងមជ្ឈមណ្ឌលសិល្បៈជាតិអ៊ិនឌីរ៉ាហ្គិនធី (Indira Gandhi National Center for the Arts) ហៅកាត់ថា IGNCA នៃប្រទេសឥណ្ឌា។ ពិធីចុះហត្ថលេខានាពេលនេះស្ថិតក្រោមអធិបតីភាព លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្ប: និងជា ប្រធានអាជ្ញាធរជាតិអប្សរា និងចុះហត្ថលេខដោយ ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា លោក Xu Yan នាយករងតំណាងបណ្ឌិតសភាបេតិកភណ្ឌវប្បធម៌ចិន លោកស្រី Vinita SRISVASTAVA លេខាធិការរួមនៃមជ្ឈមណ្ឌលសិល្បៈជាតិអ៊ិនឌីរ៉ាហ្គិនធី។
ព្រឹកថ្ងៃទី២១ ខែមិថុនា ឆ្នាំ២០១៧ ក្នុងឱកាសប្រជុំបច្ចេកទេសលើកទី២៨ នៃគណៈកម្មាធិការអាយស៊ីស៊ីអង្គរ ប្រតិភូមកពីស្ថាប័នជាតិ ស្ថានទូត ស្ថាប័នផ្សេងៗដែលកំពុងមានសកម្មភាពជួសជុល ថែរក្សា និងអភិរក្សនៅរមណីយដ្ឋានអង្គរ បានចូលសម្តែងការគោរពដល់វិញ្ញាណក្ខន្ធ សម្តេចវិបុលបញ្ញា សុខ អាន អតីតឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា។
អាយស៊ីស៊ី (ICC) ជាពាក្យកាត់មកពីភាសាអង់គ្លេស International Coordination Committee for the Safeguarding and Development of Historic Site of Angkor ដែលមានន័យជាភាសាខ្មែរថា គណៈកម្មាធិការអន្តរជាតិ សម្របសម្រួលកិច្ចគាំពារ និងអភិវឌ្ឍន៍តំបន់អង្គរ។
ដើមដំបូងមុន12345...111112បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
5698
ម្សិលមិញ
:
9779
សប្តាហ៍នេះ
:
05698
ខែនេះ
:
0252320
សរុប
:
002773832