ព័ត៌មានថ្មីៗ

អាជ្ញាធរជាតិអប្សរារួមចំណែកក្នុងការកសាងមណ្ឌលរដ្ឋបាលមន្ទីរខេត្តសៀមរាប

បានផ្សាយនៅ ថ្ងៃទី 16 ខែ ឧសភា ឆ្នាំ2017 01:58 PM ដោយ ៖ អាជ្ញាធរជាតិអប្សរា

មណ្ឌលរដ្ឋបាលខេត្តសៀមរាបដ៏ប្រណីត ដែលមានទីតាំងនៅតាមបណ្តោយផ្លូវ៦០ម៉ែត្រ (ផ្លូវអង្គរឃ្យុងយូ) បានដាក់សម្ពោធឱ្យប្រើប្រាស់ជាផ្លូវការកាលពីព្រឹកថ្ងៃទី១៤ ខែឧសភា ឆ្នាំ២០១៧ ក្រោមអធិបតីភាពឯកឧត្តម ទៀ បាញ់ ឧបនាយករដ្ឋមន្ត្រី រដ្ឋមន្ត្រីទទួលបន្ទុកក្រសួងការពារជាតិ ជាតំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា រួមទាំងព្រះសង្ឃ ថ្នាក់ដឹកនាំអាជ្ញាធរជាតិអប្សរា និងមន្ត្រីរាជការគ្រប់លំដាប់ថ្នាក់។

យោងតាមរបាយការណ៍ឯកឧត្តម ឃឹម ប៊ុនសុង អភិបាលនៃគណៈអភិបាលខេត្តសៀមរាបបានឱ្យដឹងថា ដំណើរការសាងសង់មណ្ឌលរដ្ឋបាលមន្ទីរខេត្តចាប់ផ្តើមពីថ្ងៃទី២០ ខែតុលា ឆ្នាំ២០១៤ ដោយក្រុមហ៊ុន កាំត្រង់ស៊ីប លើផ្ទៃដីទំហំ៦ហិកតា មានអគារមន្ទីរជំនាញសរុបចំនួន២៦ មន្ទីរជាប្រភេទអគារភ្លោះចំនួន១២អគារ និងអគារទោលចំនួន២អគារ ហើយអគារនីមួយៗមានទំហំ២០.៥០ម៉ែត្រX២៣.៨០ម៉ែត្រ មានចំនួន២ជាន់ ១៥បន្ទប់ មានសាលប្រជុំមួយ ឃ្លាំងទុកដាក់សម្ភារៈ និងបន្ទប់សម្រាប់ទុកដាក់ឯកសារចំនួន៣បន្ទប់។ បន្ថែមពីនេះក៏មានផ្ទៃដីចំនួន២,៥០ហិកតាសម្រាប់ធ្វើទីលានសាធារណៈ និងដីបម្រុងចំនួន០,៦៣ ហិចតាផងដែរ។

ទាក់ទងនឹងការសាងសង់នេះដែរ អាជ្ញាធរជាតិអប្សរាក៏បានរួមចំណែកក្នុងការផ្តល់ដីចំនួន៩ហិកតាតាមការស្នើសុំរបស់សាលាខេត្តសៀមរាបដែលស្ថិតក្នុងអតីតដីបុរីវប្បធម៌ និងទេសចរណ៍ដើម្បីសាងសង់មណ្ឌលមន្ទីរខេត្ត។ បន្ថែមពីនោះ អាជ្ញាធរជាតិអប្សរាក៏បានជួយសិក្សាប្លង់ស្ថាបត្យកម្មនៃសំណង់ផងដែរ ហើយចំពោះមូលហេតុនៃការអនុញ្ញាតឱ្យសាលាខេត្តសាងសង់មណ្ឌលមន្ទីរ គឺយោងទៅលើលិខិតរបស់ទីស្តីការគណៈរដ្ឋមន្ត្រី លេខ១៥០៤ សជណ រាជធានីភ្នំពេញ, ចុះថ្ងៃទី១២ ខែសីហា ឆ្នាំ២០១៣ បាននិយាយពីការដោះដូរបុរីរដ្ឋបាលខេត្តសៀមរាបមកកាន់ទីតាំងនៃអាជ្ញាធរជាតិអប្សរា ហើយអាជ្ញាធរជាតិអប្សរាប្តូរទៅកាន់ទីតាំងបុរីរដ្ឋបាលខេត្តសៀមរាបវិញ៕




























មានទីតាំងនៅខាងជើងប្រាសាទបាយ័ន្ត ភូមិខ្ញុំឆ្នាំនេះបានបង្ហាញនូវភាពស្រស់ស្អាតដ៏គួរឱ្យចាប់អារម្មណ៍ក្រោមការរៀបចំរបស់អាជ្ញាធរជាតិអប្សរា។

តាមប្រសាសន៍របស់ឯកឧត្តម សុខ សង្វារ អគ្គនាយករងទទួលបន្ទុកនាយកដ្ឋានអភិវឌ្ឍន៍ទេសចរណ៍នៃអាជ្ញាធរជាតិអប្សរាបានឱ្យដឹងថា៖ សម្រាប់ឆ្នាំច សំរិទ្ធស័ក ព.ស២៥៦២ នេះ ក្រុមការងារភូមិខ្ញុំបានបង្ហាញសម័យកាលពីរជាសំខាន់ គឺសម័យឧដុង្គ និងសម័យឯករាជ្យ ដែលរាប់បញ្ចូលទាំងម៉ូដផ្ទះ សម្លៀកបំពាក់ ការតុបតែងខ្លួន និងការរស់នៅជាដើម។
ការពង្វាងការចូលទស្សនាប្រាសាទមួយចំនួនក្នុងព្រឹត្តិការណ៍អង្គរសង្ក្រាន ឆ្នាំ២០១៨
នាព្រឹកថ្ងៃព្រហស្បតិ៍ ១២រោច ខែចែត្រ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី១៤ ខែមេសា ឆ្នាំ២០១៨ លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានអាជ្ញាធរជាតិអប្សរា រួមទាំងថ្នាក់ដឹកនាំគ្រប់នាយកដ្ឋាន មន្ត្រី-បុគ្គលិក ទាំងអស់ បានរៀបចំពិធីនិមន្តព្រះសង្ឃចំនួន៧អង្គចម្រើនព្រះបរិត្ត និងថ្វាយទេយ្យទានតាមទំនៀមទម្លាប់ព្រះពុទ្ធសាសនា ដើម្បីសុំសុខសិរីសួស្តី អបអរសាទរឆ្នាំថ្មីប្រពៃណីជាតិខ្មែរ ដែលនឹងចូលមកដល់នៅថ្ងៃ១៤រោច ខែចែត្រ ឆ្នាំច នព្វស័ក ព.ស ២៥៦២ ត្រូវនឹងថ្ងៃទី១៤ ខែមេសា ឆ្នាំ២០១៨ខាងមុខនេះ។
ក្រុមបុរាណវិទូនៃអាជ្ញាធរជាតិអប្សរានិងបុរាណវិទូនៃអង្គការមូលនិធិបុរាណវិទ្យានិងអភិវឌ្ឍន៍ (ADF) បានសហការជាមួយក្រសួងបរិស្ថានធ្វើកំណាយលើទីតាំងមួយឈ្មោះ បន្ទាយ ឬហៅថា «ផ្ទះគូចារ្យ» បានរកឃើញរចនាសម្ពន្ធសំណង់បុរាណមួយធ្វើពីឥដ្ឋនិងថ្មបាយក្រៀម។ ទីតាំងនេះស្ថិតនៅសហគមន៍តំបន់ការពារធម្មជាតិព្រៃធំអន្លង់ធំ ភូមិអន្លង់ធំ ឃុំខ្នងភ្នំ ស្រុកស្វាយលើ ខេត្តសៀមរាប នៃឧទ្យានជាតិព្រះជ័យវរ្ម័ននរោត្តមភ្នំគូលែននិយាមការ 48P 406579 1498122។
សេចក្តីជូនដំណឹងស្តីពី
( ថ្ងៃទី 12 ខែ មេសា ឆ្នាំ2018 )
ការបើកឱ្យដំណើរការស្ពានហាលប្រាសាទអង្គរវត្ត​ ពីថ្ងៃទី១២ដល់ទី១៧ ខែមេសា ឆ្នាំ២០១៨

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
3
ថ្ងៃនេះ
:
1397
ម្សិលមិញ
:
3605
សប្តាហ៍នេះ
:
11426
ខែនេះ
:
0148611
សរុប
:
005306458