ព័ត៌មានថ្មីៗ

អាជ្ញាធរជាតិអប្សរានិងនគរបាលការពារបេតិកភណ្ឌជួបពិភាក្សាគ្នាដើម្បីពង្រឹងកិច្ចការពារបេតិកភណ្ឌអង្គរ

បានផ្សាយនៅ ថ្ងៃទី 09 ខែ ឧសភា ឆ្នាំ2017 01:44 PM ដោយ ៖ អាជ្ញាធរជាតិអប្សរា

អាជ្ញាធរជាតិអប្សរា និងនគរបាលការពារបេតិកភណ្ឌ សុទ្ធតែមានតួនាទីសំខាន់ក្នុងកិច្ចការពារបេតិកភណ្ឌអង្គរ។ ដើម្បីជំរុញកិច្ចសហប្រតិបត្តិការលើកិច្ចការពារបេតិកភណ្ឌអង្គរឲ្យបានកាន់តែល្អប្រសើរ នាព្រឹកថ្ងៃទី៨ ខែឧសភា ឆ្នាំ២០១៧នេះ ថ្នាក់ដឹកនាំនៃស្ថាប័នទាំងពីរបានជួបពិភាក្សាគ្នានៅទីស្នាក់ការនគរបាលការពារបេតិកភណ្ឌទល់មុខប្រាសាទអង្គរវត្ត។

កិច្ចប្រជុំនេះត្រូវបានរៀបចំឡើងក្រោមអធិបតីភាពឯកឧត្តម សុខ សង្វារ អគ្គនាយករងអាជ្ញាធរជាតិអប្សរា និង ប្រធាននាយកដ្ឋានការពារបេតិកភណ្ឌ ឯកឧត្តម ឧត្តមសេនីយ៍ លី ឡាយ ដោយមានការចូលរួមពីថ្នាក់ដឹកនាំ និងមន្ត្រីបច្ចេកទេសជាច្រើនរូបទៀត។ គោលបំណងចម្បងនៃកិច្ចប្រជុំនេះគឺដើម្បីពិភាក្សាផ្លាស់ប្តូរយោបល់គ្នា លើការងារពង្រឹងសណ្តាប់ធ្នាប់ សុវត្ថិភាព និងការងារអភិរក្សរមណីយដ្ឋានអង្គរឲ្យបានកាន់តែល្អប្រសើរឡើងថែមទៀត។

នេះជាកិច្ចប្រជុំលើកទី១ នៃក្រុមការងារទាំងពីរ ដែលបានកំណត់យករៀងរាល់ថ្ងៃចន្ទដើមខែនីមួយៗ ដើម្បីពិភាក្សាគ្នាលើចំណុចខ្វះខាត និងពង្រឹងកិច្ចសហប្រតិបត្តិការរវាងអាជ្ញាធរជាតិអប្សរា និងនគរបាលការពារបេតិកភណ្ឌ លើការងារប្រតិបត្តិក្នុងកិច្ចការពារបេតិកភណ្ឌអង្គរ៕






ប្រទេសអាឡឺម៉ង់តាមរយៈស្ថាប័នGIZ បានបន្តជួយបណ្តុះបណ្តាលមន្ត្រីជំនាញរបស់អាជ្ញាធរជាតិអប្សរាលើការងារអភិរក្សថ្មថែមទៀតក្នុងឆ្នាំនេះ។ វគ្គបណ្តុះបណ្តាលថ្មី ដែលទើបបើកកម្មវិធីនៅព្រឹកថ្ងៃទី១៤ ខែកុម្ភៈ ឆ្នាំ២០១៨នេះ គឺវគ្គបណ្តុះបណ្តាល ស្តីអំពី Laboratory and Science in Applied Conservation។
គម្រោងអភិវឌ្ឍន៍ភូមិធម្មជាតិរុនតាឯក បានផ្តោតសំខាន់លើការអភិវឌ្ឍកសិកម្មដោយធម្មជាតិ មិនប្រើប្រាស់សារធាតុគីមី។ ដើម្បីជំរុញគម្រោងនេះឲ្យដំណើរការទៅដោយរលូន អាជ្ញាធរជាតិអប្សរាបានសហការជាមួយស្ថាប័នបរទេសមួយចំនួន ដែលមានជំនាញលើការងារកសិកម្មធម្មជាតិ។
ភ្នាក់ងារទេសចរដែលបំពេញការងារនៅតាមប្រាសាទក្នុងរមណីយដ្ឋានអង្គរចំនួន៤០នាក់ បានទទួលការបណ្តុះបណ្តាលវគ្គសង្គ្រោះបឋមពីអង្គការ NPO Srolanh Project បង្រៀនដោយអ្នកជំនាញជប៉ុន៩រូប។
សិក្ខាកាម២២រូប នៃក្រសួងវប្បធម៌និងវិចិត្រសិល្បៈ ជាមន្ត្រីជំនាញមកពីអាជ្ញាធរជាតិអប្សរា នាយកដ្ឋានគាំពារនិងអភិរក្សសំណង់បុរាណ អាជ្ញាធរជាតិព្រះវិហារ និងអាជ្ញាធរជាតិសំបូរព្រៃគុក បានបញ្ចប់វគ្គសិក្សាអំពី ការរៀបចំផែនការមេនៃសំណង់ប្រាសាទបុរាណក្នុងតំបន់អង្គរ កាលពីថ្ងៃទី៩ ខែកុម្ភៈ ឆ្នាំ២០១៨។
ក្នុងពិធីបិទសន្និបាតបូកសរុបការងារឆ្នាំ២០១៧ និងលើកទិសដៅការងារសម្រាប់ឆ្នាំ២០១៨ របស់ក្រសួងវប្បធម៌ និងវិចិត្រសិល្បៈ នារសៀលថ្ងៃទី៨ ខែកុម្ភៈ ឆ្នាំ២០១៨ នៅសាលសន្និសីទចតុមុខ លោកជំទាវ ម៉ែន សំអន ឧបនាយករដ្ឋមន្ត្រី និងជារដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច បានថ្លែងអំពាវនាវដល់ប្រជាពលរដ្ឋនិងវិស័យឯកជន «កុំឱ្យវិស័យទេសចរណ៍ បំពានលើវប្បធម៌ ផ្ទុយទៅវិញត្រូវយកវប្បធម៌ ដើម្បីពង្រីកវិស័យទេសចរណ៍» ទើបធ្វើឱ្យវិស័យទេសចរណ៍មាននិរន្តរភាព​
ដើមដំបូងមុន12345...149150បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
3
ថ្ងៃនេះ
:
2997
ម្សិលមិញ
:
8625
សប្តាហ៍នេះ
:
02997
ខែនេះ
:
0172443
សរុប
:
004713041