ព័ត៌មានថ្មីៗ

អាជ្ញាធរជាតិអប្សរាឧបត្ថម្ភថវិកា១២លានរៀលដល់កាកបាទក្រហមនិងអឌ្ឍចន្ទក្រហមប្រចាំខេត្តសៀមរាបនាឱកាសអបអរសាទរខួបលើកទី១៥៤

បានផ្សាយនៅ ថ្ងៃទី 07 ខែ ឧសភា ឆ្នាំ2017 06:26 PM ដោយ ៖ អាជ្ញាធរជាតិអប្សរា

នាព្រឹកថ្ងៃទី០៦ ខែឧសភា ឆ្នាំ២០១៧ ឯកឧត្តម ហង់ ពៅ អគ្គនាយករងទទួលបន្ទុកនាយកដ្ឋានគ្រប់គ្រងទឹក និងឯកឧត្តម សុខ សង្វារ អគ្គនាយករងទទួលបន្ទុកនាយកដ្ឋានអភិវឌ្ឍន៍ទេសចរណ៍អង្គរ តំណាងដ៏ខ្ពង់ខ្ពស់របស់លោកជំទាវ ភឿង សកុណា ប្រធានអាជ្ញាធរជាតិអប្សរា បានយកថវិកាចំនួន១២លានរៀលឧបត្ថម្ភដល់កាកបាទក្រហមខេត្តសៀមរាបដើម្បីរួមចំណែកការងារមនុស្សធម៌ក្នុងសង្គម។

កម្មវិធីប្រគល់ថវិកានេះ បានធ្វើឡើងក្នុងឱកាសកាកបាទក្រហមខេត្ត ប្រារព្ធពិធីអបអរសាទរខួបទី១៥៤ ទិវាពិភពលោកកាកបាទក្រហម អឌ្ឍចន្ទក្រហម ៨ឧសភា ក្រោមប្រធានបទ «កាកបាទក្រហមកម្ពុជាមានគ្រប់ទីកន្លែង សម្រាប់គ្រប់ៗគ្នា» នាព្រឹកថ្ងៃទី០៦ ខែឧសភា ឆ្នាំ២០១៧ នៅមជ្ឈមណ្ឌលកម្សាន្តរ៉ូហ្សាណា ប្រដវេរ។

កម្មវិធីនេះប្រារព្ធឡើងក្រោមអធិបតីភាពឯកឧត្តម ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ឯកឧត្តម ឃឹម ប៊ុនសុង អភិបាលនៃគណៈអភិបាលខេត្តសៀមរាប ព្រះសង្ឃ ថ្នាក់ដឹកនាំអាជ្ញាធរជាតិអប្សរា ថ្នាក់ដឹកនាំគ្រប់ស្ថាប័នពាក់ព័ន្ធ អ្នកជំនួញជាតិ-អន្តរជាតិ អាជីវករ សិស្សានុសិស្សជាច្រើនផងដែរ។

កម្មវិធីនេះ ក៏បានបង្ហាញរបាយការណ៍លទ្ធផលការងារឆ្នាំចាស់ និងការប្តេជ្ញាចិត្តបន្តអនុវត្តផែនការការងារឆ្នាំថ្មី សំដៅធ្វើយ៉ាងណាជួយឱ្យបានច្រើនជាងមុន និងបានឆ្ងាយជាងមុន ដោយស្មើភាព មិនប្រកាន់ឋានៈឬបក្សនយោបាយអ្វីទាំងអស់ចំពោះជនរងគ្រោះទឹកជំនន់ គ្រោះរាំងស្ងួត គ្រោះថ្នាក់ដោយធម្មជាតិ អ្នកផ្ទុកមេរោគអេដស៍ ស្ត្រីមេម៉ាយ ក្មេងកំព្រា ជនពិការ។ល។

បន្ថែមពីនោះ អង្គពិធីទាំងមូលក៏បានថ្លែងអំណរគុណដល់សប្បុរសជនជាតិ-អន្តរជាតិទាំងអស់ ដែលបានចូលរួមបរិច្ចាគធនធានតាមសទ្ធានិងលទ្ធភាពដល់កាកក្រហមកម្ពុជាប្រចាំខេត្តសៀមរាប ដើម្បីជួយដល់ជនរងគ្រោះដែលត្រូវការការសង្គ្រោះជាបន្ទាន់។ តាមរយៈការចូលរួមចំណែកទាំងនេះ គឺបង្ហាញពីការបណ្តុះស្មារតីសាមគ្គីភាព ចែករំលែកការអាណិតអាសូរ និងទឹកចិត្តស្រឡាញ់ដល់អ្នកទន់ខ្សោយ ដែលក្នុងនាមជនរួមជាតិត្រូវធ្វើដើម្បីគ្នាទៅវិញទៅមក៕
















នារសៀលថ្ងៃទី១២ ខែធ្នូ ឆ្នាំ២០១៧ អាជ្ញាធរជាតិអប្សរាបានប្រារព្ធពិធីប្រគល់មកុដមាសឬភ្នួងសក់ដែលរកឃើញនៅក្នុងកំណាយជួសជុលសាលរបាំប្រាសាទតាព្រហ្មកាលពីឆ្នាំ២០១២ រួមនឹងវត្ថុសិល្បៈបុរាណមួយចំនួន ដែលរក្សាទុកនៅអាជ្ញាធរជាតិអប្សរាកាលពីមុន ជូនក្រសួងវប្បធម៌និងវិចិត្រសិល្បៈជាអ្នករក្សាទុកជំនួសវិញ។
ក្រុមអ្នកជំនាញការជាន់ខ្ពស់ ចំនួនពីរក្រុមដែលទទួលបន្ទុកលើការងារអភិរក្ស និងការងារអភិវឌ្ឍន៍ប្រកបដោយចីរភាព នៃគណៈកម្មាធិការអន្តរជាតិដើម្បីសម្របសម្រួលកិច្ចគាំពារនិងអភិវឌ្ឍន៍រមណីយដ្ឋានប្រវត្តិសាស្ត្រអង្គរ ហៅកាត់ថា អាយស៊ីស៊ី-អង្គរ បានចុះពិនិត្យតាមដានការអនុវត្តការងារមួយចំនួនតាមការដ្ឋានជួសជុលក្នុងរមណីយដ្ឋានអង្គរ។ ការចុះពិនិត្យនេះ ធ្វើឡើងមុនកិច្ចប្រជុំអាយស៊ីស៊ី-អង្គរ ដែលគ្រោងនឹងរៀបចំនៅថ្ងៃទី១៣ និង១៤ ខែធ្នូ ឆ្នាំ២០១៧ នៅទីស្នាក់ការអាជ្ញាធរជាតិអប្សរា។
គណៈកម្មាធិការអន្តរជាតិដើម្បីសម្របសម្រួលកិច្ចគាំពារនិងអភិវឌ្ឍន៍រមណីយដ្ឋានប្រវត្តិសាស្ត្រអង្គរហៅកាត់ថា អាយស៊ីស៊ី-អង្គរ (International Coordination Committee for the Safeguarding and Development of Historic Site of Angkor : ICC-Angkor) នឹងបើកកិច្ចប្រជុំពេញអង្គលើកទី២៤របស់ខ្លួន នៅថ្ងៃទី១៣ និងទី១៤ ខែធ្នូ ឆ្នាំ២០១៧ នាសាលសន្និសីទអង្គរ នៅមជ្ឈមណ្ឌលអាជ្ញាធរជាតិអប្សរា។
នៅរសៀលថ្ងៃទី១១ ខែធ្នូ ឆ្នាំ២០១៧ ក្រុមអ្នកជំនាញការជាន់ខ្ពស់ផ្នែកអភិរក្សនៃគណៈកម្មាធិការអាយស៊ីស៊ី-អង្គរ បានចុះត្រួតពិនិត្យមើលការងារចុះរុះរើសំណង់ខុសច្បាប់ក្នុងរមណីយដ្ឋានអង្គរ។
អស់រយៈពេល៥ថ្ងៃមានទាំងរត់ ជិះកង់ ចែវទូក បាញ់ធ្នូ ឆ្លងកាត់ឧបសគ្គជាច្រើននៅក្នុងទឹកដីអង្គរ ព្រឹត្តិការណ៍កីឡាអន្តរជាតិ Raid Amazones បានបញ្ចប់យ៉ាងជោគជ័យ និងប្រារព្ធពិធីបិទនៅសណ្ឋាគារប៉ារ៉ាឌីស វីឡា អង្គរ នាយប់ថ្ងៃទី០៩ ខែធ្នូ ឆ្នាំ២០១៧ ក្រោមវត្តមានឯកឧត្តម សុខ សង្វារ អគ្គនាយរងអាជ្ញាធរជាតិអប្សរាតំណាងអគ្គនាយក លោក ALEXANDER DEBANNE អ្នករៀបចំកម្មវិធី និងលោក ហ៊ុន សុជាតិ អ្នកសម្របសម្រួលកម្មវិធី រួមទាំងកីឡាការនីទាំង៣៤៧នាក់ចូលរួមយ៉ាងសប្បាយរីករាយ។
ដើមដំបូងមុន12345...137138បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
2
ថ្ងៃនេះ
:
2449
ម្សិលមិញ
:
5895
សប្តាហ៍នេះ
:
14000
ខែនេះ
:
0116872
សរុប
:
004221608