ព័ត៌មានថ្មីៗ

មន្ត្រីជំនាញនៃអាជ្ញាធរជាតិអប្សរាបាននិងកំពុងរៀបចំគម្រោងអភិរក្សប្រាសាទចៅស្រីវិបុល

បានផ្សាយនៅ ថ្ងៃទី 03 ខែ ឧសភា ឆ្នាំ2017 03:58 PM ដោយ ៖ អាជ្ញាធរជាតិអប្សរា

ប្រាសាទចៅស្រីវិបុលមានទីតាំងនៅក្នុងភូមិត្រាច ឃុំបល្ល័ង្ក ស្រុកប្រាសាទបាគង ខេត្តសៀមរាប។ អ្នកស្រាវជ្រាវយល់ថា តាមរយៈរចនាបថឃ្លាំង និងបច្ចេកទេសសំណង់គឺដូចគ្នាទៅនឹងចំណុចមួយចំនួននៃប្រាសាទភ្នំជីសូរ វត្តបាសែត វត្តឯកភ្នំ និងព្រះវិហារ ដែលកសាងឡើងក្នុងអំឡុងសតវត្សទី១១ ក្នុងរាជ្យព្រះបាទសូរ្យវរ្ម័នទី១។ បច្ចុប្បន្នប្រាសាទនេះ ទទួលរងនូវការខូចខាតស្ទើរទាំងស្រុង ប៉ុន្តែក៏នៅទទួលបានការចាប់អារម្មណ៍ពីភ្ញៀវទេសចរមួយចំនួនផងដែរ។

ប្រធានស្តីទីនៃនាយកដ្ឋានអភិរក្សប្រាសាទក្រៅឧទ្យានអង្គរ លោកបណ្ឌិត ឈាន រដ្ឋា បានរៀបរាប់ថា ស្ថានភាពខូចខាតនៃប្រាសាទចៅស្រីវិបុលនេះកើតឡើងដោយកត្តាសំខាន់ៗ៣យ៉ាងគឺ កត្តាសង្រ្គាម ដែលប្រើប្រាស់ប្រាសាទជាទីតាំងសមរភូមិ កត្តាមនុស្ស តាមរយៈការលួចគាស់កកាយរកវត្ថុមានតម្លៃជាដើម និងកត្តាធម្មជាតិ តាមរយៈអាយុកាលរបស់ប្រាសាទ និងដើមឈើធំៗដុះឫសជ្រែកថ្មប្រាសាទបណ្តាលឲ្យប្រាសាទដួលរលំ។

ចាប់ពីឆ្នាំ២០០៧មក នាយកដ្ឋានអភិរក្សប្រាសាទក្រៅឧទ្យានអង្គរនៃអាជ្ញាធរជាតិអប្សរា បានចុះធ្វើការអភិរក្ស ដោយផ្តោតសំខាន់លើការងារទល់ទ្រ និងទប់ស្កាត់ការដួលរលំបន្ត។ មកទល់នឹងពេលនេះ ក្រុមអ្នកជំនាញបានធ្វើការទល់ទ្របានចំនួន១៧ចំណុចសំខាន់ៗ និងកំពុងរៀបចំផែនការទល់ទ្រចំនួន៥ទីតាំងបន្ថែមទៀត។ ក្រៅពីនេះ ក្រុមការងារបានរៀបចំធ្វើផែនទីហានិភ័យ ដើម្បីតាមដានស្ថានភាពគ្រោះថ្នាក់នៃប្រាសាទនេះជាប្រចាំ ដោយមានបុគ្គលិកប្រចាំការម្នាក់ ភ្នាក់ងារ៧នាក់ និងកម្មករ១៩នាក់។

លោក រដ្ឋា បន្ថែមថា ចំពោះកិច្ចការអភិរក្សទល់ទ្រប្រាសាទនេះ គឺត្រូវបានធ្វើឡើងដោយអ្នកជំនាញខ្មែរនិងប្រើប្រាស់ថវិកាជាតិ ពុំទាន់មានស្ថាប័នអន្តរជាតិណាមួយចូលរួមនៅឡើយ។ ទោះជាយ៉ាងនេះក្តី អ្នកជំនាញបរទេសក៏តែងផ្តល់អនុសាសន៍ខ្លះៗតាមរយៈកិច្ចប្រជុំគណៈកម្មាធិការអាយស៊ីស៊ីជាដើម។ បច្ចុប្បន្ន អ្នកជំនាញកំពុងព្យាយាមរៀបចំគម្រោងតូចៗដើម្បីធ្វើការអភិរក្សជួសជុល ទៅតាមលទ្ធភាពនៃថវិកាជាតិ។

ប្រធាននាយកដ្ឋានស្តីទីរូបនេះបន្ថែមថា ការងារអភិរក្សនៅប្រាសាទចៅស្រីវិបុល មិនត្រឹមតែគិតគូរទៅលើសំណង់ប្រាសាទប៉ុណ្ណោះទេ តែអ្នកជំនាញបានគិតគូរដល់តំបន់ជុំវិញប្រាសាទដូចជា កសិន្ធុ និងព្រៃឈើជាដើម។ បញ្ហាប្រឈមនៃការងារអភិរក្សនេះ គឺប្រជាពលរដ្ឋមួយចំនួនដែលមិនបានយល់ដល់តម្លៃនៃបេតិកភណ្ឌ បានព្យាយាមជីកដីលក់ក្នុងតំបន់ការពារ កាប់ឆ្ការព្រៃ និងសាងសង់សំណង់ក្នុងតំបន់ការពារជាដើម។ លោកក៏បានអំពាវនាវឲ្យប្រជាពលរដ្ឋគ្រប់រូបចូលរួមក្នុងកិច្ចការអភិរក្សនេះឲ្យបានគ្រប់គ្នា ដើម្បីភាពគង់វង្សយូរអង្វែងនៃបេតិកភណ្ឌជាតិ៕
















នៅថ្ងៃទី៨ ខែកក្កដា ឆ្នាំ២០២០ លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈនិងជាប្រធានក្រុមប្រឹក្សាភិបាលអាជ្ញាធរជាតិអប្សរា រួមនឹងថ្នាក់ដឹកនាំអាជ្ញាធរជាតិអប្សរាបានចូលរួមប្រជុំអន្តរក្រសួងដើម្បីពិភាក្សាលើពង្រាងផែនការមេវិស័យទេសចរណ៍ខេត្តសៀមរាបឆ្នាំ២០២០-២០៣៥ នាសណ្ឋាគាររីជិនស៊ីអង្គរ។
នាល្ងាចថ្ងៃទី៧ ខែកក្តដា ឆ្នាំ២០២០ លោកជំទាវ ភឿង សកុណា រដ្ឋមន្រ្តីក្រសួងវប្បធម៌ និងជាប្រធានក្រុមប្រឹក្សាភិបាលអាជ្ញាធរជាតិអប្សរា បានអញ្ជើញចូលក្រាបបង្គំសួរសុខទុក្ខ និងប្រគេនទៀនព្រះវស្សា ព្រមទាំងទេយ្យទានមួយចំនួនដល់ព្រះមហាវិមលធម្ម ពិន សែម រាជាគណៈថ្នាក់ទោ និងជាឧត្តមទីប្រឹក្សាគណៈសង្ឃនាយកនៃព្រះរាជាណាចក្រកម្ពុជា និងជាព្រះចៅអធិការវត្ត រាជបូណ៌ និងជាព្រះប្រធានកិត្តិយសនៃក្រុមប្រឹក្សាវត្តអារាម។
នារសៀលថ្ងៃទី០៧ ខែកក្តដា ឆ្នាំ២០២០ នៅស្នាក់ការអាជ្ញាធរជាតិអប្សរា ក្រោមអធិបតីភាពលោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានក្រុមប្រឹក្សាភិបាលអាជ្ញាធរជាតិអប្សរា និងថ្នាក់ដឹកនាំអាជ្ញាធរជាតិអប្សរា បានបើកកិច្ចប្រជុំពិភាក្សានិងពិនិត្យពង្រាងផែនការមេវិស័យទេសចរណ៍។
ព្រៃឈើ គឺផ្នែកមួយដ៏សំខាន់ក្នុងរមណីយដ្ឋានអង្គរ និងបានបំពេញតួនាទីស្នូលក្នុងការបង្កើនគម្របព្រៃឈើ បរិស្ថាន និងអភិរក្សក្នុងរមណីយដ្ឋានអង្គរ។ ក្នុងន័យនេះ ស្ថានីយបណ្ដុះកូនឈើ៨ហិកតា ជាស្ថានីយមួយក្នុងចំណោមស្ថានីយទាំង៤ របស់អាជ្ញាធរជាតិអប្សរាក្នុងការងារបណ្ដុះកូនឈើសម្រាប់ដាំដុះទាំងក្នុងតំបន់រមណីយដ្ឋានអង្គរ និងចែកចាយជូនទៅដាំនៅខាងក្រៅរមណីយដ្ឋានអង្គរ។
អាជ្ញាធរជាតិអប្សរាមានកិត្តិយសសូមជម្រាបជូនសាធារណជនមេត្តាជ្រាបថា ឈ្មោះ ឡាយ ពិសិដ្ឋ ត្រូវបានលុបឈ្មោះចេញពីបុគ្គលិករបស់នាយកដ្ឋានសណ្តាប់ធ្នាប់និងសហប្រតិបត្តិការនៃអាជ្ញាធរជាតិអប្សរា ចាប់ពីថ្ងៃទី០១ ខែកក្កដា ឆ្នាំ២០២០តទៅ ដោយមូលហេតុប្រព្រឹត្តកំហុសធ្ងន់ធ្ងរ៕
ដើមដំបូងមុន12345...328329បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
8
ថ្ងៃនេះ
:
9825
ម្សិលមិញ
:
34377
សប្តាហ៍នេះ
:
94787
ខែនេះ
:
0212086
សរុប
:
011674682