ព័ត៌មានថ្មីៗ

អវត្តមានរបស់យុវវ័យក្នុងពិធីទំនៀមទម្លាប់ដូនតា ប្រឈមនឹងការបាត់បង់ទំនៀមទម្លាប់ទាំងនេះទៅថ្ងៃអនាគត!

បានផ្សាយនៅ ថ្ងៃទី 03 ខែ ឧសភា ឆ្នាំ2017 02:03 PM ដោយ ៖ អាជ្ញាធរជាតិអប្សរា

មិនខុសពីឆ្នាំមុន ឱ្យតែដល់ថ្ងៃ៣កើត ខែពិសាខ អ្នកភូមិចំណុះជើងវត្តអធ្វាតែងតែនាំគ្នាប្រារព្ធពិធីឡើងអ្នកតាមទំនៀមពីបុរាណមិនដែលខកខាន។ ពួកគាត់បានសាមគ្គីគ្នាក្នុងការរៀបចំ ដោយអ្នកខ្លះចេញលុយចេញកាក់ ខ្លះយកម្ហូបអាហារ បង្អែមចម្អាប គ្រឿងសំណែនម្នាក់បន្តិចៗមកជួបជុំគ្នាធ្វើពិធីនៅប្រាសាទអធ្វា ដើម្បីបន្តមរតកវប្បធម៌នេះឱ្យនៅរស់រាន។

ពិធីនេះត្រូវបានធ្វើឡើងក្នុងបំណងឱ្យអ្នកតា ម្ចាស់ទឹកម្ចាស់ដីរាំលេងសប្បាយតាមរយៈអ្នកស្នងរូប ដើម្បីសុំសេចក្តីសុខចម្រើនដល់ស្រុកភូមិផង ប្រជាជនទូទាំងប្រទេសផង ឱ្យចៀសផុតពីរោគាព្យាធិ គ្រោះកាចឧបទ្រពចង្រៃ កូនចៅសុខកាយសប្បាយចិត្ត។ ពិសេសគឺអរគុណដល់អ្នកតា ម្ចាស់ទឹកម្ចាស់ដីដែលផ្តល់ទឹកភ្លៀងបានគ្រប់គ្រាន់ ដីមានជីជាតិ កុំឱ្យរាំងស្ងួតហួតហែង ធ្វើឱ្យកសិកម្មរបស់គាត់បានទទួលផលល្អ។

ដោយឡែកចំពោះការចូលរួមវិញ ហាក់មិនសូវឃើញវត្តមានយុវវ័យនៅក្នុងពិធីឡើងអ្នកតានៅប្រាសាទអធ្វានេះប៉ុន្មានទេ ភាគច្រើនគឺស្រ្តីវ័យចំណាស់ៗដែលនៅប្រឹងត្រដរទាំងឈឺ ទាំងជាមករៀបចំ ព្រោះខ្លាចក្រែងពិធីនេះបាត់បង់និងខុសទំនៀមពីដូនតា នាំឱ្យកូនចៅក្តៅក្រហាយ ធ្វើស្រែ ធ្វើស្រូវមិនកើតជាផល។

អ្នកស្រី ធីតា អាយុ៥២ឆ្នាំ រស់នៅភូមិកក្រាញ់បានលើកឡើងថា ពិធីឡើងអ្នកតា គឺសំខាន់ណាស់សម្រាប់គាត់ ឱ្យតែដល់ពេលគាត់តែងចូលរួមមិនដែលខាន សុខចិត្តចោលការលក់ដូរ តែមិនហ៊ានចោលពិធីនេះទេ។ គាត់តែងរៀបចំម្ហូបអាហារនិងក្បាលជ្រូក ដើម្បីយកមកថ្វាយលោកតារាជ្យ និងលោកតាមហាជម្ពូ លោកតាទាំងពីរនេះស័ក្តិសិទ្ធិណាស់។ អ្នកមីងបន្តទៀតថា ក្រៅពីបានរួមចំណែកក្នុងការថែរក្សាពិធីនេះ ក៏ទទួលបានភាពសប្បាយរីករាយ ស្រឡះចិត្តគំនិតពីពិធីនេះដែរតាមរយៈអ្នកចូលរូបរាំរែក។ អ្នកមីងក៏តែងណែនាំកូនចៅឱ្យមកចូលរួមពិធីនេះដែរ ឱ្យពួកគេចេះថែរក្សាទំនៀមទម្លាប់ពីដូនតា តែពួកគេរវល់ធ្វើការ ទើបខកខាន។ គាត់សង្ឃឹមថាបើនៅក្មេងគេមិនបានធ្វើ តែពេលចាស់ទៅគេអាចបានធ្វើទៅចុះ តែបើពួកគេនៅតែមិនចាប់អារម្មណ៍ មិនឱ្យតម្លៃ មិនធ្វើក៏មិនដឹងថាម៉េច មានតែបាត់បង់តាមពេលវេលាដោយសារមិនបានចូលរួម ទើបមិនយល់ពីសារៈសំខាន់និងរបៀបនៃការធ្វើពិធី។

លោកយាយ ទឹម អ្នកស្នងរូបមហារាជ៧ឆ្នាំមកហើយបានប្រាប់ថា រាល់ពេលឡើងអ្នកតា គាត់ជាតួបារមីម្នាក់ក្នុងចំណោមបារមីទាំង៤។ ពិធីនេះមានសារៈសំខាន់ណាស់សម្រាប់កូនចៅ វាជាការគោរពដឹងគុណដល់លោកតាម្ចាស់ស្រុក ដែលបានថែរក្សាភូមិករឱ្យបានសុខសាន្ត ហើយពិធីនេះមិនដែលចោលការបញ្ចូលរូបទេរាល់ៗឆ្នាំ។ ខណៈវ័យកាន់តែចាស់ទៅហើយ លោកយាយក៏បានសម្តែងការព្រួយបារម្ភខ្លាចបាត់បង់ទំនៀមទម្លាប់នេះដែរ ព្រោះក្មេងៗជំនាន់ក្រោយមិនសូវមានអ្នកណាគេចង់ធ្វើជាអ្នកចូលរូបទេ ខ្លាចខ្មាសគេ ហើយអ្នកស្នងរូបទៀតសោត ក៏ទាល់តែជាមនុស្សល្អ មាននិស្ស័យនឹងរូបដូចគ្នាទើបនៅបាន។ លោកយាយបន្ថែមថា ពេលធ្វើពិធីម្តងៗ ចង់ឱ្យក្មេងៗមកចូលរួមឱ្យបានច្រើន តែអ្នកខ្លះគេមិនសូវចាប់អារម្មណ៍ អ្នកខ្លះគេរវល់ធ្វើការ បើទោះបីពួកគេដឹងថាឱ្យតែដល់ថ្ងៃ៣កើតខែមាឃ និង៣កើតខែពិសាខ តែងតែធ្វើពិធីឡើងអ្នកតាក៏ដោយ ក៏ពួកគេមិនអាចឈប់សម្រាកមកចូលរួមដែរ។ ក្មេងៗគឺសំខាន់ណាស់ ព្រោះជាអ្នកស្នង អ្នកថែវប្បធម៌ដូនតាទាំងនេះបន្តពីមនុស្សចាស់ តែបើពួកគេមិនចូលរួម ពួកគេមិនដឹង មិនស្គាល់ ហើយទំនៀមទម្លាប់នេះ ក៏នឹងបាត់បង់នៅថ្ងៃណាមួយមិនខាន៕
























នៅថ្ងៃទី៨ ខែកក្កដា ឆ្នាំ២០២០ លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈនិងជាប្រធានក្រុមប្រឹក្សាភិបាលអាជ្ញាធរជាតិអប្សរា រួមនឹងថ្នាក់ដឹកនាំអាជ្ញាធរជាតិអប្សរាបានចូលរួមប្រជុំអន្តរក្រសួងដើម្បីពិភាក្សាលើពង្រាងផែនការមេវិស័យទេសចរណ៍ខេត្តសៀមរាបឆ្នាំ២០២០-២០៣៥ នាសណ្ឋាគាររីជិនស៊ីអង្គរ។
នាល្ងាចថ្ងៃទី៧ ខែកក្តដា ឆ្នាំ២០២០ លោកជំទាវ ភឿង សកុណា រដ្ឋមន្រ្តីក្រសួងវប្បធម៌ និងជាប្រធានក្រុមប្រឹក្សាភិបាលអាជ្ញាធរជាតិអប្សរា បានអញ្ជើញចូលក្រាបបង្គំសួរសុខទុក្ខ និងប្រគេនទៀនព្រះវស្សា ព្រមទាំងទេយ្យទានមួយចំនួនដល់ព្រះមហាវិមលធម្ម ពិន សែម រាជាគណៈថ្នាក់ទោ និងជាឧត្តមទីប្រឹក្សាគណៈសង្ឃនាយកនៃព្រះរាជាណាចក្រកម្ពុជា និងជាព្រះចៅអធិការវត្ត រាជបូណ៌ និងជាព្រះប្រធានកិត្តិយសនៃក្រុមប្រឹក្សាវត្តអារាម។
នារសៀលថ្ងៃទី០៧ ខែកក្តដា ឆ្នាំ២០២០ នៅស្នាក់ការអាជ្ញាធរជាតិអប្សរា ក្រោមអធិបតីភាពលោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានក្រុមប្រឹក្សាភិបាលអាជ្ញាធរជាតិអប្សរា និងថ្នាក់ដឹកនាំអាជ្ញាធរជាតិអប្សរា បានបើកកិច្ចប្រជុំពិភាក្សានិងពិនិត្យពង្រាងផែនការមេវិស័យទេសចរណ៍។
ព្រៃឈើ គឺផ្នែកមួយដ៏សំខាន់ក្នុងរមណីយដ្ឋានអង្គរ និងបានបំពេញតួនាទីស្នូលក្នុងការបង្កើនគម្របព្រៃឈើ បរិស្ថាន និងអភិរក្សក្នុងរមណីយដ្ឋានអង្គរ។ ក្នុងន័យនេះ ស្ថានីយបណ្ដុះកូនឈើ៨ហិកតា ជាស្ថានីយមួយក្នុងចំណោមស្ថានីយទាំង៤ របស់អាជ្ញាធរជាតិអប្សរាក្នុងការងារបណ្ដុះកូនឈើសម្រាប់ដាំដុះទាំងក្នុងតំបន់រមណីយដ្ឋានអង្គរ និងចែកចាយជូនទៅដាំនៅខាងក្រៅរមណីយដ្ឋានអង្គរ។
អាជ្ញាធរជាតិអប្សរាមានកិត្តិយសសូមជម្រាបជូនសាធារណជនមេត្តាជ្រាបថា ឈ្មោះ ឡាយ ពិសិដ្ឋ ត្រូវបានលុបឈ្មោះចេញពីបុគ្គលិករបស់នាយកដ្ឋានសណ្តាប់ធ្នាប់និងសហប្រតិបត្តិការនៃអាជ្ញាធរជាតិអប្សរា ចាប់ពីថ្ងៃទី០១ ខែកក្កដា ឆ្នាំ២០២០តទៅ ដោយមូលហេតុប្រព្រឹត្តកំហុសធ្ងន់ធ្ងរ៕
ដើមដំបូងមុន12345...328329បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
9
ថ្ងៃនេះ
:
8809
ម្សិលមិញ
:
34377
សប្តាហ៍នេះ
:
93771
ខែនេះ
:
0211070
សរុប
:
011673666