ព័ត៌មានថ្មីៗ

អង្គរសង្ក្រាន្តឆ្នាំ២០១៧បានបញ្ចប់ទៅជាមួយនឹងកំណើនអ្នកចូលរួមយ៉ាងច្រើនកុះករ

បានផ្សាយនៅ ថ្ងៃទី 19 ខែ មេសា ឆ្នាំ2017 07:54 PM ដោយ ៖ អាជ្ញាធរជាតិអប្សរា

ព្រឹត្តិការណ៍អង្គរសង្ក្រាន្តឆ្នាំ២០១៧ ដែលរៀបចំឡើងនៅលើទឹកដីអង្គរ ដើម្បីអបអរសាទរពិធីចូលឆ្នាំថ្មីប្រពៃណីជាតិខ្មែរ ឆ្នាំរកា នព្វស័ក ពុទ្ធសករាជ ២៥៦១ បានបញ្ចប់ដោយសព្វគ្រប់ហើយ ជាមួយនឹងវត្តមានអ្នកចូលរួមយ៉ាងច្រើនកុះកររហូតដល់ទៅជាង១លាន៦សែននាក់។

នេះជាឆ្នាំទី៥នៃព្រឹត្តិការណ៍ដ៏ធំនៅលើទឹកដីបេតិកភណ្ឌអង្គរ ដែលដឹកនាំរៀបចំដោយសហភាពសហព័ន្ធយុវជនកម្ពុជា ក្រសួងវប្បធម៌និងវិចិត្រសិល្បៈ ក្រសួងទេសចរណ៍ អាជ្ញាធរជាតិអប្សរា រដ្ឋបាលខេត្តសៀមរាប និងស្ថាប័នពាក់ព័ន្ធជាច្រើនទៀត។

ដូចដែលបានគ្រោងទុក ពិធីអង្គរសង្ក្រាន្តបានបញ្ចប់ទៅដោយមានព្រឹត្តិការណ៍ជាច្រើន ដែលរួមបញ្ចូលទាំងពិធីសាសនា ប្រពៃណី ការម្សាន្តសប្បាយ ល្បែងរបាំប្រពៃណី-ប្រជាប្រិយ ការបង្ហាញសមត្ថភាព និងការតាំងបង្ហាញចាប៉ីដងវែងខ្នាតយក្សជាដើម។

សូមទស្សនាកម្រងរូបភាពនៃព្រឹត្តិការណ៍នេះទាំងអស់គ្នាដូចខាងក្រោម ៖






































































ប្រធានមន្ទីរកសិកម្មខេត្តក្វាងស៊ីប្រទេសចិន បានមកបំពេញទស្សនកិច្ចសិក្សានៅភូមិធម្មជាតិរុនតាឯក នៅរសៀលថ្ងៃទី៣ ខែធ្នូ ឆ្នាំ២០១៦។ ក្នុងដំណើរនោះ លោក បៃ ស៊ី (Bai Xi) ត្រូវបានទទួលស្វាគមន៍យ៉ាងកក់ក្តៅពីសំណាក់ ឯកឧត្តម ម៉ី ម៉ារ៉ាឌី ប្រធានគម្រោងភូមិធម្មជាតិរុនតាឯក ដោយក្នុងនោះលោកប្រធានមន្ទីរកសិកម្មខេត្តក្វាងស៊ី បានសន្យាពង្រឹងកិច្ចសហប្រតិបត្តិការលើការងារកសិកម្មរវាងភាគីទាំងពីរ ឲ្យកាន់តែប្រសើរឡើងទៅមុខទៀត។
កាលពីថ្ងៃទី២៩ ខែវិច្ឆិកា ដល់ថ្ងៃទី០១ ខែធ្នូ ឆ្នាំ២០១៦ នៅទីក្រុងសូហ្វីយ៉ានៃសាធារណរដ្ឋប៊ុលការីមានរៀបចំសមាជអន្តរជាតិស្តីពី “អរិយធម៌ពិភពលោក និងការច្នៃប្រឌិតក្នុងវិស័យទេសចរណ៍”។ ក្នុងនាមជាម្ចាស់ផ្ទះរៀបចំសមាជនេះ ក្រសួងទេសចរណ៍នៃសាធារណរដ្ឋប៊ុលការីបានសហការជាមួយអង្គការទេសចរណ៍ពិភពលោក (UNWTO) រៀបចំព្រឹត្តិការណ៍ជាប្រវត្តិសាស្ត្រនេះឡើងក្នុងគោលបំណង ដើម្បីពិភាក្សាពីតួនាទីវិស័យទេសចរណ៍ក្នុងការអភិរក្ស និងលើកតម្លៃបេតិកភណ្ឌរូបី និងអរូបី ក៏ដូចជាក្នុងការចូលរួមផ្តល់ផលប្រយោជន៍សេដ្ឋកិច្ច និងសង្គម។ សមាជនេះមានការចូលរួមពីអ្នកជំនាញ អ្នកស្រាវជ្រាវ និងអ្នកដែលពាក់ព័ន្ធនឹងវិស័យទេសចរណ៍ មកពី៤០ប្រទេសជុំវិញពិភពលោក។
សិក្ខាកាមចំនួន២៥នាក់ មកពីអាជ្ញាធរជាតិអប្សរា អាជ្ញាធរជាតិព្រះវិហារ និងក្រសួងវប្បធម៌ និងវិចិត្រសិល្បៈបានទទួលវិញ្ញាបនបត្របញ្ជាក់ការសិក្សា បន្ទាប់ពីបានបញ្ចប់វគ្គបណ្តុះបណ្តាលស្តីពីការបង្ការការអភិរក្សបេតិកភណ្ឌដោយជោគជ័យកាលពីរសៀលថ្ងៃទី០២ ខែធ្នូ ឆ្នាំ២០១៦។ កម្មវិធីនេះរៀបចំឡើងនៅមជ្ឈមណ្ឌលបណ្តុះបណ្តាល អង្គរនៃអាជា្ញធរជាតិអប្សរា ក្រោមអធិបតីភាព ឯកឧត្តម រស់ បូរ៉ាត់ អគ្គនាយករងតំណាងដ៏ខ្ពង់ខ្ពស់របស់ ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា ។
ក្រុមការងារសហគមន៍អាជ្ញាធរជាតិអប្សរា តែងតែចុះទៅតាមស្រុកគោលដៅរបស់ខ្លួនជារៀងរាល់សប្តាហ៍ ដើម្បីបញ្ជ្រាបចំណេះដឹងអំពីបេតិកភណ្ឌ ចុះសាកសួរសុខទុក្ខប្រជាពលរដ្ឋ ចុះផ្តល់សេវាកម្មនានាពាក់ព័ន្ធការសាងសង់ និងជួសជុលសំណង់ផ្សេងៗ ផ្តល់បច្ចេកទេសកសិកម្ម និងស្វែងយល់ពីតម្រូវការរបស់ប្រជាពលរដ្ឋ ដែលរស់នៅក្នុងតំបន់ឧទ្យានអង្គរព្រមទាំងលើកកម្ពស់សុខុមាលភាពស្រ្តីទើបឆ្លងទន្លេរួច។
នៅរសៀលថ្ងៃទី១ ខែធ្នូ ឆ្នាំ២០១៦ ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា បានទទួលជួបពិភាក្សាការងារជាមួយ ឯកឧត្តម Ingo Karsten ឯកអគ្គរដ្ឋទូតអាឡឺម៉ង់ថ្មីប្រចាំនៅព្រះរាជាណាចក្រកម្ពុជា។ ក្នុងជំនួបពិភាក្សានោះ ភាគីទាំងពីរ បានជជែកគ្នាច្រើនពាក់ព័ន្ធនឹងកិច្ចសហប្រតិបត្តិការដែលបាននិងកំពុងសហការគ្នា រវាងអាជ្ញាធរជាតិអប្សរា និងស្ថាប័នអាឡឺម៉ង់ ដែលកំពុងដំណើរការក្នុងរមណីយដ្ឋានអង្គរ។

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
7
ថ្ងៃនេះ
:
11143
ម្សិលមិញ
:
4241
សប្តាហ៍នេះ
:
24742
ខែនេះ
:
0161773
សរុប
:
005500353