ព័ត៌មានថ្មីៗ

ព្រះតេជគុណ ពិន សែម ៖ ភូមិមានីមានន្ទ មិនមែនភូមិគិរីមានន្ទទេ

បានផ្សាយនៅ ថ្ងៃទី 11 ខែ មេសា ឆ្នាំ2017 09:06 AM ដោយ ៖ អាជ្ញាធរជាតិអប្សរា

ភូមិគិរីមានន្ទ ជាភូមិចំណាស់មួយដែលស្ថិតនៅក្នុងតំបន់រមណីយដ្ឋានអង្គរ ភាគខាងកើតសង្កាត់អំពិល ក្រុងសៀមរាប។ តាមប្រវត្តិដើមនៃឈ្មោះភូមិនេះ ដែលនិទានដោយព្រះតេជគុណ ពិន សែម ចៅអធិការវត្តព្រះរាជបូណ៌ ភូមិនេះមានឈ្មោះថា មានីមានន្ទ មិនមែន គិរីមានន្ទ ដែលអ្នកភូមិហៅសព្វថ្ងៃនេះទេ។

តាមការនិទានរបស់ព្រះតេជគុណ ពិន សែម ដើមឡើយ មានបងប្អូនប្រុស២នាក់ គឺតានី និងតានន្ទ បានទៅតាំងទីមុនគេនៅក្នុងភូមិនោះ។ ម្ល៉ោះហើយ អ្នកស្រុក ក៏ដូចជាអ្នកភូមិក្បែរនោះ ក៏ហៅភូមិនោះថា មានីមានន្ទ តជាប់រហូតមក។ ព្រះតេជគុណបញ្ជាក់ថា កាលពីព្រះតេជគុណនៅពីក្មេង ចាស់ៗតែងស្គាល់ និងហៅភូមិនេះថា មានីមានន្ទរហូតមក។ ប៉ុន្តែ ចាប់ពីឆ្នាំ១៩៨០ ភូមិនេះបែរជាត្រូវគេដាក់ឈ្មោះថា គិរីមានន្ទទៅវិញ។

តាមការបកស្រាយរបស់ព្រះតេជគុណ ពិន សែម តាមពិតទៅ ឈ្មោះគិរីមានន្ទ គឺជារឿងមួយទាក់ទងនឹងព្រះពុទ្ធសាសនា។ ក្នុងគិរីមានន្ទសូត្រ មានភិក្ខុមួយអង្គព្រះនាម គិរីមានន្ទ លោកមានអាពាធខ្លាំង ហើយព្រះអានន្ទបានទៅពិតទូលព្រះពុទ្ធ។ ព្រះពុទ្ធបានសម្តែងនូវសញ្ញា១០ប្រការឲ្យអានន្ទយកទៅសូត្រឲ្យគិរីមានន្ទស្តាប់និងពិចារណា ក្រោយមកក៏បានជាសះស្បើយឡើងវិញ។ សាច់រឿងនេះមិនមានទំនាក់ទំនងអ្វីជាមួយនឹងភូមិហ្នឹងទេ។

ដូច្នេះហើយ ក្នុងនាមព្រះតេជគុណ ដែលបានដឹងប្រវត្តិនៃឈ្មោះភូមិខាងដើម ព្រះអង្គមានសង្ឃដីកាថា ព្រះអង្គមិនស្ងប់ចិត្តទេ និងស្នើសុំឲ្យអាជ្ញាធរ និងអ្នកស្រាវជ្រាវទាំងអស់ជួយផ្សព្វផ្សាយ លើកពីឈ្មោះដើមមកប្រើវិញ ព្រោះវាជាប្រវត្តិសាស្រ្ត ដែលកូនចៅជំនាន់ក្រោយ ចាំបាច់ត្រូវដឹង និងចងចាំ។

សូមបញ្ជាក់ថា ព្រះតេជគុណ ព្រះមហាវិមលធម្ម ពិន សែម ជាព្រះរាជាគណៈថ្នាក់ទោ និងជាឧត្តមទីប្រឹក្សានៃសម្តេចសង្ឃនាយកនៃព្រះរាជាណាចក្រកម្ពុជា និងបច្ចុប្បន្នជាចៅអធិការវត្ត ព្រះរាជបូណ៌ ខេត្តសៀមរាប។

តបនឹងបញ្ហានេះដែរ អ្នកបុរាណវិទូ និងជាអនុប្រធានមជ្ឈមណ្ឌលអន្តរជាតិស្រាវជ្រាវ និងតម្កល់ឯកសារអង្គរនៃអាជ្ញាធរជាតិអប្សរាបានពន្យល់ថា វាមិនខុសនោះទេដែលព្រះតេជគុណ ពិន សែមបកស្រាយយ៉ាងនេះ។ លោកពន្យល់ថា នៅសម័យបុរាណការដាក់ឈ្មោះភូមិ អាស្រ័យទៅលើរាជការដាក់ ឬរាជការដាក់ទៅតាមព្រះដែលតម្កល់នៅក្នុងសហគមន៍នោះ ហើយឈ្មោះខ្លះទៀតក៏ដាក់យោងតាមធម្មជាតិផងដែរ។

លោកបញ្ជាក់ថា ក្នុងរឿងភូមិមានីមានន្ទ ឈ្មោះកកើតឡើងដោយមនុស្សទីមួយដែលចូលទៅរៀបចំភូមិស្ថាននៅទីនោះ ហើយមិនដឹងដាក់ឈ្មោះអី គេក៏ដាក់ឈ្មោះមនុស្សនោះតែម្តងទៅ។ លោក អ៊ឹម សុខរិទ្ធី បន្ថែមទៀតថា ក្នុងសាច់រឿងនេះជារឿងទូទៅក្នុងសង្គមខ្មែរ វាតែងមានការបកស្រាយដោយយោងលើរឿងព្រេងនិទាន ខ្លះទាក់ទងនឹងប្រវត្តិសាស្រ្ត និងខ្លះទៀតទាក់ទងនឹងវប្បធម៌ ប៉ុន្តែលោកបញ្ជាក់ថា គេត្រូវបែងចែកឲ្យដាច់ចំពោះរឿងទាំងនេះ ហើយនេះជាបង្ហាញពីភាពចម្រុះនៃវប្បធម៌ខ្មែរផងដែរ៕





សត្វទោចម្កុដគូទី៣ ត្រូវបានអាជ្ញាធរជអប្សរា និងអង្គការដៃគូ ធ្វើការព្រលែងនៅក្នុងព្រៃនៃឧទ្យានអង្គរ។ ការព្រលែងនេះធ្វើឡើងនៅព្រឹកថ្ងៃទី១៧ ខែមករា ឆ្នាំ២០១៨ នៅខ្លោងទ្វារតាកាវនៃទីក្រុងអង្គរធំ។
នៅព្រឹកថ្ងៃព្រហស្បតិ៍ ២កើត ខែមាឃ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី១៨ ខែមករា ឆ្នាំ២០១៨ គណៈកម្មាធិការជំនាញនៃរដ្ឋសភាសាធារណរដ្ឋកូរ៉េទទួលបន្ទុកការងារអប់រំ កីឡា វប្បធម៌ និងទេសចរណ៍ បានសម្តែងការគួរសមជាមួយ ឯកឧត្តមបណ្ឌិត ស៊ុ ម៉ាប់ អគ្គនាយកអាជ្ញាធរជាតិអប្សរា និងស្វែងយល់ពីគម្រោងជួសជុលប្រាសាទពិធូរ។ គម្រោងជួសជុលប្រាសាទព្រះពិធូរ គឺជាកិច្ចសហប្រតិបត្តិការរវាងអាជ្ញាធរជាតិអប្សរា និង មូលនិធិបេតិកភណ្ឌវប្បធម៌កូរ៉េ (KOCHEF) និងភ្នាក់ងារសហប្រតិបត្តិការអន្តរជាតិកូរ៉េ (KOICA)។
សេចក្តីប្រកាសព័ត៌មាន
( ថ្ងៃទី 17 ខែ មករា ឆ្នាំ2018 )
អាជ្ញាធរជាតិអប្សរាសូមប្រកាសជូនសាធារណជនដែលបានទិញដីឡូតិ៍ពីក្រុមហ៊ុនហ្គោលឌែន អ៊ីហ្គល រៀលអ៊ិស្ទេត ខូអិលធីឌី ដែលមានទីតាំងនៅភូមិធ្លកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប (ចំណុចផ្លូវ៦០ម៉ែត្រឬអង្គរឃ្យុងយូ) មកធ្វើការពិនិត្យផ្ទៀងផ្ទាត់ក្បាលដីជាមួយក្រុមការងារអន្តរក្រសួងដោះស្រាយគោលនយោបាយដីធ្លីបុរីវប្បធម៌ទេសចរណ៍ នៅមជ្ឈមណ្ឌលអាជ្ញាធរជាតិអប្សរា ដើម្បីជៀសវាងការខូចខាតផលប្រយោជន៍ជាយថាហេតុ។ សូមអានសេចក្តីលម្អិតនៃសេចក្តីប្រកាសព័ត៌មានដូចខាងក្រោម៖
ស្ថាប័នធានាគុណភាពជប៉ុន (Japanese Quality Assurance) បានបើកសវនកម្មប្រចាំឆ្នាំលើការងារគ្រប់គ្រងបរិស្ថាននៃអាជ្ញាធរជាតិអប្សរា រយៈពេល៣ថ្ងៃ ចាប់ពីថ្ងៃទី១៦ដល់ទី១៨ ខែមករា ឆ្នាំ២០១៨។ ពិធីបើកដំណើរការសវនកម្ម បានធ្វើឡើងនៅព្រឹកថ្ងៃទី១៦ ខែមករា ក្រោមអធិបតីភាពឯកឧត្តម សុខ លក្ខិណា ប្រធានអង្គភាពគ្រប់គ្រងប្រព័ន្ធបរិស្ថាននៃអាជ្ញាធរជាតិអប្សរា និងជាតំណាងអគ្គនាយកអាជ្ញាធរជាតិអប្សរា និងសវនករនៃស្ថាប័ន JQA ចំនួន២រូប គឺលោក Kozo Sakurada និងលោក Yamada Mamoru។​
រោងទងកូរសមុទ្រទឹកដោះនៃប្រាសាទអង្គរវត្តដែលស្ថិតនៅផ្នែក អាគ្នេយ៍ នឹងត្រូវធ្វើការបំពាក់ពិតានឡើងវិញ។ ការបំពាក់ពិតានឈើនៅលើរោងទងកូរសមុទ្រទឹកដោះនៅប្រាសាទអង្គរវត្ត ជាគម្រោងសហការនៃអាជ្ញាធរជាតិអប្សរា និងអង្គការមូលនិធិប្រាសាទបុរាណពិភពលោក (World Monument Fund-WMF) របស់សហរដ្ឋអាមេរិក។
ដើមដំបូងមុន12345...144145បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
4
ថ្ងៃនេះ
:
1697
ម្សិលមិញ
:
4341
សប្តាហ៍នេះ
:
24678
ខែនេះ
:
0098001
សរុប
:
004461365