ព័ត៌មានថ្មីៗ

កិច្ចប្រជុំពេញអង្គលើកទី៣នៃអាយស៊ីស៊ី-ព្រះវិហារ គោរពវិញ្ញាណក្ខន្ធសម្តេចវិបុលបញ្ញា សុខ អាន និងកោតសរសើរពីវីវរភាពរបស់សម្តេចក្នុងកិច្ចការងារបេតិកភណ្ឌជាតិ

បានផ្សាយនៅ ថ្ងៃទី 21 ខែ មិនា ឆ្នាំ2017 12:26 PM ដោយ ៖ អាជ្ញាធរជាតិអប្សរា

កិច្ចប្រជុំពេញអង្គរលើកទី៣នៃគណៈកម្មាធិការសម្របសម្រួលអន្តរជាតិសម្រាប់ការអភិរក្ស និងលើកតម្លៃប្រាសាទព្រះវិហារ ហៅកាត់ថា (ICC-PV) នាព្រឹកថ្ងៃទី២១ ខែមីនា ឆ្នាំ២០១៧ នៅសាលសន្និសីទអង្គរនៃអាជ្ញាធរជាតិអប្សរា បានស្មឹងស្មាធិ៍ដើម្បីសម្តែងការគោរពវិញ្ញាណក្ខន្ធនិងសម្តែងនូវសេចក្តីទុក្ខសោកយ៉ាងក្រៀមក្រំ ពោរពេញទៅដោយការសោកស្តាយស្រណោះអាឡោះអាល័យជាទីបំផុត ចំពោះមរណភាពរបស់សម្តេចវិបុលបញ្ញាសុខ អាន វីរជននៃបេតិកភណ្ឌជាតិ ដែលបានទទួលមរណភាពនៅថ្ងៃទី១៥ ខែមីនា ឆ្នាំ២០១៧ ក្នុងជន្មាយុ៦៦ឆ្នាំ វេលាម៉ោង១៨:៣២នាទី។

ពិធីនេះក៏ធ្វើឡើងដើម្បីសម្តែងនូវកតញ្ញូតាធម៌ដ៏ជ្រាលជ្រៅ ចំពោះគុណូបការៈរបស់សម្តេចវិបុលបញ្ញា សុខ អាន ដែលបានលះបង់កម្លាំងកាយចិត្តរបស់សម្តេច ក្នុងបុព្វហេតុការពារជាតិមាតុភូមិ ជាពិសេសគឺការលះបង់ដ៏ធំធេងក្នុងការងារគ្រប់គ្រងនិងថែរក្សាបេតិកភណ្ឌពិភពលោកអង្គរ បេតិកភណ្ឌពិភពលោកព្រះវិហារ ដែលជាកេរមរតកដ៏មានតម្លៃរបស់ខ្មែរ។

សហប្រធានទាំងពីរនៃកិច្ចប្រជុំមានឥណ្ឌា និងចិន ក៏បានកោតសរសើរយ៉ាងខ្លាំងចំពោះវីរភាពរបស់សម្តេចវិបុលបញ្ញា សុខ អាន ដែលបានបន្សល់ទុកស្នាដៃយ៉ាងច្រើនទាក់ទងនឹងកិច្ចខិតខំប្រឹងប្រែងលើកគុណតម្លៃនិងលើកកម្ពស់ការអភិរក្សរមណីយដ្ឋានបេតិកភណ្ឌអង្គរនិងព្រះវិហារ។ សហប្រធានឥណ្ឌា ក៏បានរំឭកផងដែរពីគុណសម្បត្តិក្នុងការបំពេញកិច្ចសហការល្អកន្លងមក គឺតាំងពីសម្តេចនៅជាឯកអគ្គរដ្ឋទូតឥណ្ឌានាទស្សវត្សទី៨០ និងមានការសម្របសម្រួលឱ្យឥណ្ឌាបានចូលរួមលើការងារជួសជុល អភិរក្សក្នុងតំបន់អង្គរជាថ្មីម្តងទៀតនៅឆ្នាំ២០០២។

ឯកឧត្តមបណ្ឌិត គឹម សេតារា ក្នុងនាមប្រធានអាជ្ញាធរជាតិព្រះវិហារ បានសម្តែងនូវការសោកស្តាយជាពន់ពេកចំពោះការបាត់បង់វីរជនបេតិកភណ្ឌជាតិដូចជាសម្តេចវិបុលបញ្ញា សុខ អាន។ កូនខ្មែរចាំមិនភ្លេចទេនូវកិច្ចខំប្រឹងប្រែងរបស់សម្តេចទាំងកម្លាំងកាយចិត្តក្នុងការសម្តេចនូវការដាក់បញ្ចូលប្រាសាទព្រះវិហារជាបេតិកភណ្ឌពិភពលោកនាឆ្នាំ២០០៨លើជោគជ័យនៃសមរភូមិការទូតដ៏ប៉ិនប្រសប់។

ក្នុងនាមឯកឧត្តមជាអ្នកទទួលបន្ទុកមើលការខុសត្រូវប្រាសាទព្រះវិហារ នឹងចងចាំជានិច្ចនូវគុណបំណាច់និងស្នាដៃដ៏ធំធេងរបស់សម្តេចចំពោះវិស័យវប្បធម៌ជាតិ ហើយប្តេជ្ញាខិតខំប្រឹងប្រែងថែរក្សាបេតិកភណ្ឌពិភពលោកមួយនេះឱ្យបានគង់រៀងរហូត៕
























១-ការរៀបចំកិច្ចប្រជុំបច្ចេកទេលើកទី៣៤ និងកិច្ចប្រពេញអង្គលើកទី២៧របស់គណៈ កម្មាធិការអន្តរជាតិហៅកាត់អាយស៊ីស៊ី-អង្គរ (ICC-Angkor)
អាជ្ញាធរជាតិអប្សរា នឹងរៀបចំកិច្ចប្រជុំបច្ចេកទេសលើកទី៣៤ និងកិច្ចប្រជុំពេញអង្គលើកទី២៧ របស់គណៈកម្មាធិការអន្តរជាតិដើម្បីសម្របសម្រួលកិច្ចគាំពារ និងអភិវឌ្ឍន៍រមណីយដ្ឋានប្រវត្តិសាស្ត្រអង្គរ ហៅកាត់ អាយស៊ីស៊ី-អង្គរ (ICC-Angkor) នៅថ្ងៃអង្គារ និងថ្ងៃពុធ ១៣កើតនិង១៤កើត ខែមាឃ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី២៦ និងទី២៧ ខែមករា ឆ្នាំ ២០២១ ក្រោមអធិបតីភាពដ៏ខ្ពង់ខ្ពស់លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងសហប្រធានទាំងពីរ (បារាំង-ជប៉ុន)។
ថ្ងៃទី២២ ខែមករា ឆ្នាំ២០២១ ក្រុមការងារសហគមន៍នៃអាជ្ញាធរជាតិអប្សរាចំនួន៤គោលដៅដែលមានការចូលរួមសហការជាមួយអាជ្ញាធរមូលដ្ឋាន បានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ។
សេចក្ដីប្រកាសព័ត៌មាន
( ថ្ងៃទី 22 ខែ មករា ឆ្នាំ2021 )
សេចក្ដីប្រកាសព័ត៌មានស្ដីពីការរៀបចំកិច្ចប្រជុំបច្ចេកទេសលើកទី៣៤ និងកិច្ចប្រជុំពេញអង្គលើកទី២៧ របស់គណៈកម្មាធិការអន្តរជាតិ ហៅកាត់ អាយស៊ីស៊ី-អង្គរ (ICC-Angkor)។
ក្រុមការងារបច្ចេកទេសរបស់នាយកដ្ឋានអភិរក្សប្រាសាទនៃអាជ្ញាធរជាតិអប្សរា កាលពីថ្ងៃទី១៩ ខែមករា ឆ្នាំ២០២១ បានសហការជាមួយអាជ្ញាធរមូលដ្ឋាន នគរបាលបេតិកភណ្ឌ និងភ្នាក់ងារប្រចាំការនៅប្រាសាទបន្ទាយអំពិល បានអនុវត្តការងារបោះបង្គោលកំណត់ព្រំការពារក្នុងតំបន់ការពារប្រាសាទបន្ទាយអំពិល ស្ថិតនៅក្នុងភូមិសំរោង ឃុំខ្នារពោធិ៍ ស្រុកសូទ្រនិគម ខេត្តសៀមរាប នៅខាងកើតប្រាសាទចៅស្រីវិបុល១០គីឡូម៉ែត្រ។
ក្រុមការងារនាយកដ្ឋានសណ្តាប់ធ្នាប់និងកិច្ចសហប្រតិបត្តិការនៃអាជ្ញាធរជាតិអប្សរា បានរៀបចំដាំបង្គោលឈើនៅតាមដងផ្លូវនៃប្រាសាទក្នុងតំបន់រមណីយដ្ឋានអង្គរ។--

គោលបំណងនៃការរៀបចំនេះ គឺដើម្បីបញ្ជៀសការកកស្ទះចរាចរណ៍ ធានាជូននូវសុវត្ថិភាពដល់ភ្ញៀវទេសចរក្នុងការធ្វើដំណើរ រក្សាសណ្តាប់ធ្នាប់នៃការចតយានជំនិះឱ្យមានរបៀបរៀបរយ ថែរក្សាសោភ័ណភាព ទេសភាពវប្បធម៌អង្គរឱ្យមានភាពស្រស់ស្អាតដើម្បីទាក់ទាញទេសចរ។

អាជ្ញាធរជាតិអប្សរា ក៏សូមអំពាវនាវដល់ម្ចាស់យានយន្តមួយចំនួន សូមចូលចតនិងដាក់ភ្ញៀវចុះតាមទីតាំងកំណត់ ដែលអាជ្ញាធរជាតិអប្សរាធ្វើទីចំណតឱ្យចត ជៀសវាងឱ្យមានភាពកកស្ទះ និងគ្មានសណ្ដាប់ធ្នាប់៕






















អត្ថបទ៖ កញ្ញា ឆាយ ផាន់នី
រូបភាព៖ នាយកដ្ឋានសណ្តាប់ធ្នាប់និងកិច្ចសហប្រតិបត្តិការ
ដើមដំបូងមុន12345...380381បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
13
ថ្ងៃនេះ
:
6007
ម្សិលមិញ
:
23172
សប្តាហ៍នេះ
:
06007
ខែនេះ
:
0244124
សរុប
:
014303979