ព័ត៌មានថ្មីៗ

ថ្នាក់ដឹកនាំអាជ្ញាធរជាតិអប្សរានិងមន្រ្តីបុគ្គលិកគ្រប់លំដាប់ថ្នាក់ប្រារព្ធពិធីគោរព វិញ្ញាណក្ខន្ធសម្តេចវិបុលបញ្ញា សុខ អាន

បានផ្សាយនៅ ថ្ងៃទី 17 ខែ មិនា ឆ្នាំ2017 08:47 AM ដោយ ៖ អាជ្ញាធរជាតិអប្សរា

នៅថ្ងៃទី១៧ ខែមករា ឆ្នាំ២០១៧ នៅមជ្ឈមណ្ឌលអាជ្ញាធរជាតិអប្សរាបានរៀបចំប្រារព្ធពិធីគោរពវិញ្ញាណក្ខន្ធនិងបំពាក់កម្រងផ្កាជូនសម្តេចវិបុលបញ្ញា សុខ អាន ឧបនាយករដ្ឋមន្រ្តី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រីនិងប្រធានអាជ្ញាធរជាតិអប្សរា ដែលបានទទួលមរណភាពកាលពីថ្ងៃ៣រោជ ខែផល្គុន ឆ្នាំវក អដ្ឋស័ក ពុទ្ធសករាជ២៥៦០ ត្រូវនឹងថ្ងៃទី១៥ ខែមីនា ឆ្នាំ២០១៧វេលាម៉ោង១៨:៣២នាទីដោយរោគាពាធក្នុងជន្មាយុ៦៦នៅប្រទេសចិន។

ពិធីនេះមានការអញ្ជើញចូលរួមពី ថ្នាក់ដឹកនាំ មន្រ្តីរាជការ បុគ្គលិកគ្រប់លំដាប់ថ្នាក់នៃអាជ្ញាធរជាតិអប្សរា រួមទាំងមន្ត្រីស្ថាប័នអន្តរជាតិមួយចំនួនទៀតបានធ្វើពិធីស្មឹងស្មាធិ៍ដើម្បីសម្តែងការគោរពវិញ្ញាណក្ខន្ធនិងសម្តែងនូវសេចក្តីទុក្ខសោកយ៉ាងក្រៀមក្រំ ពោរពេញទៅដោយសេចក្តីសោកស្តាយស្រណោះអាឡោះអាល័យជាទីបំផុត ចំពោះមរណភាពរបស់សម្តេចវិបុលបញ្ញាសុខ អាន

ពិធីនេះ ត្រូវបានធ្វើឡើងដើម្បីសម្តែងនូវកតញ្ញុតាធម៌ដ៏ជ្រាលជ្រៅ ចំពោះគុណូបការៈរបស់សម្តេចវិបុលបញ្ញា សុខ អាន ដែលបានលះបង់កម្លាំងកាយចិត្តរបស់សម្តេច ក្នុងបុព្វហេតុការពារជាតិមាតុភូមិ និងជាពិសេស គឺការលះបង់ដ៏ធំធេងក្នុងការងារគ្រប់គ្រង និងថែរក្សាបេតិកភណ្ឌពិភពលោកអង្គរ ដែលជាកេរមរតកដ៏មានតម្លៃរបស់ខ្មែរ។

តាមរយៈកិច្ចពិធីនេះ ថ្នាក់ដឹកនាំ មន្រ្តីរាជការ បុគ្គលិកគ្រប់លំដាប់ថ្នាក់នៃអាជ្ញាធរជាតិអប្សរា រួមទាំងមន្ត្រីស្ថាប័នអន្តរជាតិ សូមចូលរួមរំលែកទុក្ខជាមួយក្រុមគ្រួសារនៃសពសម្តេច និងសូមបួងសួងវត្ថុស័ក្តិសិទ្ធិព្រមទាំងកុសលផលបុណ្យ សូមឱ្យដួងវិញ្ញាណក្ខន្ធរបស់សម្តេច បានទៅចាប់បដិសន្ធិសុគតិភពកុំបីឃ្លៀងឃ្លាតឡើយ។

សូមបញ្ជាក់ថាពិធីគោរពវិញ្ញាណក្ខន្ធសម្តេចវិបុលបញ្ញា សុខ អាន នេះ អាជ្ញាធរជាតិអប្សរាបានរៀបចំកន្លែងមួយនៅមជ្ឈមណ្ឌលអាជ្ញាធរជាតិអប្សរាដើម្បីទុកឱកាសឲ្យថ្នាក់ដឹកនាំ មន្រ្តីរាជការ បុគ្គលិកគ្រប់លំដាប់ថ្នាក់នៃអាជ្ញាធរជាតិអប្សរា រួមទាំងមន្ត្រីស្ថាប័នអន្តរជាតិ ចូលទៅគោរពវិញ្ញាណក្ខន្ធ សម្តេចចាប់ពីព្រឹកថ្ងៃទី១៧ មីនារហូតថ្ងៃទី១៨មីនាឆ្នាំ២០១៧វេលាម៉ោង៤:៣០នាទីល្ងាចទើបចប់ ៕































នៅភូមិធម្មជាតិរុនតាឯក នឹងរៀបចំពិធីបុណ្យពុទ្ធាភិសេកឆ្លង រោងឧបោសថគារ ឬសាឡុំ សាលាបុណ្យ និងខ្លោងទ្វារព្រះត្រៃបិដក និងគម្ពីរសាស្រ្តាស្លឹករឹត នៅថ្ងៃទី៣១ ខែធ្នូ ឆ្នាំ២០១៧ខាងមុខនេះ។
ប្រាសាទតាព្រហ្មត្រូវបានភ្ញៀវទេសចរជាទូទៅស្គាល់ថាជាប្រាសាទដែលមានព្រៃឈើធំៗ ព្រោះប្រាសាទនេះក្រៅមានពីមានប្រាង្គប្រាសាទដ៏ល្អឥតខ្ចោះ ក៏មានដើមឈើធំៗមានអាយុកាលរាប់រយឆ្នាំជាច្រើនដុះព័ទ្ធព័ន្ធនៅលើតួប្រាសាទ គួរឱ្យចង់ទស្សនា និងផ្តិតរូបភាពទុកជាអនុស្សាវរីយ៍។
នាព្រឹកថ្ងៃទី២៦ ខែធ្នូ ឆ្នាំ២០១៧ អង្គភាពគ្រប់គ្រងបរិស្ថាន-អង្គរនៃអាជ្ញាធរជាតិអប្សរា បាន បើកសវនកម្មផ្ទៃក្នុងលើប្រព័ន្ធគ្រប់គ្រងបរិស្ថាន-អង្គរស្របតាមស្តង់ដារអន្តរជាតិ ISO14001-2015 នៅគ្រប់នាយកដ្ឋាននិងអង្គភាពចំណុះអាជ្ញាធរជាតិអប្សរា ចាប់ផ្តើមពីថ្ងៃទី២៦ ដល់២៨ ខែធ្នូ ឆ្នាំ២០១៧។
បុគ្កលិកអាជ្ញាធរជាតិអប្សរាចំនួន១០រូបនៃនាយកដ្ឋានអភិរក្សប្រាសាទក្នុងឧទ្យានអង្គរនិងបុរាណវិទ្យាបង្ការ បានចូលរៀនវគ្គបណ្តុះបណ្តាលអំពីការពិសោធន៍ភាពខ្លាំងនិងភាពខ្សោយនៃ បណ្តុំសម្ភារៈសំណង់សម្រាប់ជួសជុលប្រាសាទក្នុងឧទ្យានអង្គរពីសំណាក់អ្នកជំនាញកូរ៉េនៃគម្រោង អភិរក្សក្រុមប្រាសាទព្រះពិធូរ។
នារសៀលថ្ងៃទី២១ ខែធ្នូ ឆ្នាំ២០១៧ នៅស្នាក់ការអាជ្ញាធរអប្សរា កិច្ចប្រជុំផ្ទៃក្នុងដើម្បីអនុវត្តអនុសាសន៍នៃកិច្ចប្រជុំគណ:កម្មាធិការអាយស៊ីស៊ី-អង្គរ ដែលបានប្រព្រឹត្តិទៅកាលពីពេលថ្មីៗនេះ។

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
2
ថ្ងៃនេះ
:
1542
ម្សិលមិញ
:
4755
សប្តាហ៍នេះ
:
16112
ខែនេះ
:
0089435
សរុប
:
004452799