NEWS

APSARA cooperates with JQA and MOEYS to promote environment education to children in Angkor

Published on 07 March 2017 03:28 PM Post By ៖ Apsara National Authority

ដើម្បីជំរុញការចូលរួមថែរក្សាបរិស្ថាន ធ្វើឲ្យមានភាពស្រស់ស្អាតនៅក្នុងរមណីយដ្ឋានអង្គរជាចីរភាព អាជ្ញាធរជាតិអប្សរាបានសហការជាមួយស្ថាប័នធានាគុណភាពជប៉ុន JQA និងមន្ទីរអប់រំយុវជននិងកីឡា រៀបចំកម្មវិធីអប់រំកុមារអំពីបរិស្ថានតាមសាលាបឋមសិក្សា និងអនុវិទ្យាល័យមួយចំនួនក្នុងតំបន់អង្គរ។

ចាប់ពីឆ្នាំ២០១១ មកទល់នឹងពេលនេះ គម្រោងអប់រំកុមារអំពីបរិស្ថានសម្រេចបានចំនួន៦សាលារួចមកហើយ ហើយគម្រោងនឹងបន្តទៅតាមបណ្តាសាលាផ្សេងៗទៀតក្នុងតំបន់អង្គរទាំងមូល ដើម្បីជំរុញឲ្យកុមារយល់ដឹងកាន់តែច្បាស់ និងមានឆន្ទៈស្រឡាញ់ការពារបរិស្ថានអង្គរ។

មានប្រសាសន៍ក្នុងពិធីចែកបណ្ណសរសើរនិងបិទវគ្គអប់រំនៅសាលាបឋមសិក្សាគោកគ្រើល នាព្រឹកថ្ងៃទី៧ ខែមីនា ឆ្នាំ២០១៧នេះ លោក Satoru Kishino ប្រធានការិយាល័យប្រតិបត្តិ របស់ស្ថាប័ន JQA បានបញ្ជាក់ថា គោលបំណងចម្បងនៃកម្មវិធីអប់រំនេះ គឺឱ្យកុមារចេះគិតគូរដោះស្រាយបញ្ហានិងមានស្មារតីចេះស្រឡាញ់ ថែរក្សាបរិស្ថានដោយខ្លួនឯងតាំងពីតូចមក។

លោក សាំង វត្តនា តំណាងមន្ទីរអប់រំយុវជន និងកីឡា មានប្រសាសន៍ក្នុងពិធីនេះថា បរិស្ថានគឺជាការងាររបស់មនុស្សគ្រប់គ្នា។ អប់រំឲ្យកុមារយល់ដឹងពីបរិស្ថាន គឺដើម្បីឲ្យពួកគេចេះស្រឡាញ់ កាលណាពួកគេស្រឡាញ់ គេនឹងថែរក្សាដោយយកចិត្តទុកដាក់ ហើយកុមារទាំងនេះនឹងក្លាយជាគំរូល្អក្នុងការថែរក្សាបរិស្ថាន និងជួយអប់រំដល់កុមារដទៃទៀតផងនៅក្នុងតំបន់ ក៏ដូចជាប្រទេសកម្ពុជាទាំងមូល។

ឯកឧត្តម សុខ លក្ខិណា ទីប្រឹក្សា និងជាប្រធានអង្គភាពគ្រប់គ្រងប្រព័ន្ធបរិស្ថាននៃអាជ្ញាធរជាតិអប្សរា បានថ្លែងអំណរគុណចំពោះស្ថាប័នJQA មន្ទីរអប់រំយុវជន និងកីឡា លោកគ្រូ អ្នកគ្រូ ដែលបានចូលរួមសហការយ៉ាងល្អ ក្នុងកម្មវិធីអប់រំបរិស្ថានដល់កុមារនៅក្នុងឧទ្យានអង្គរ។ ឯកឧត្តមបញ្ជាក់ថា អាជ្ញាធរជាតិអប្សរាមិនត្រឹមតែយកចិត្តទុកដាក់អប់រំតែកុមារទេ សូម្បីមនុស្សចាស់ក៏មានក្រុមការងារចុះជួបអប់រំអំពីបរិស្ថានជាប្រចាំដែរ តាមរយៈគម្រោងដែលឧបត្ថម្ភដោយប្រទេសញ៉ូវហ្សេឡែន។ តែកុមារជាគឺជាទិសដៅសំខាន់ ដោយហេតុថា កាលណាពួកគេចេះ ពួកគេពិតជាហ៊ានប្រាប់ឪពុកម្តាយ និងបន្តទៅមនុស្សផ្សេងទៀតឲ្យចូលរួម ជាពិសេស គឺពួកគេជាទំពាំងស្នងឫស្សី ដែលនឹងត្រូវបន្តវេនថែរក្សាមរតកដូនតារបស់យើង។

នាយកសាលាបឋមសិក្សាគោកគ្រើល លោកគ្រូ សុង ស៊ូ បានបង្ហាញនូវភាពរីករាយ ដែលគម្រោងអប់រំបានជ្រើសរើសសាលារបស់លោកសម្រាប់ធ្វើការអប់រំអំពីបរិស្ថាននេះ។ លោកបន្ថែមថា កុមារាកុមារីដែលបានទទួលការអប់រំ និងដាក់លំហាត់ឲ្យពួកគេអនុវត្ត ហាក់មានការកែប្រែបណ្តើរៗ។ រូបលោកផ្ទាល់ក៏តែងរំឭកដាស់តឿនពួកគេឲ្យចងចាំ និងចូលរួមអនុវត្តការងារសម្អាតបរិស្ថាន។ “ខ្ញុំតែងប្រាប់ពួកគេនៅពេលគោរពទង់ជាតិថា ខ្ញុំនឹងមនបង្រៀនប្អូនៗឲ្យចេះរើសសំរាមទេ តែខ្ញុំចង់បង្រៀនប្អូនៗឲ្យចេះទុកដាក់សំរាមត្រឹមត្រូវ។ បើប្អូនចេះទុកដាក់សំរាមបានត្រឹមត្រូវ ប្អូននឹងមិនចាំបាច់រើសសំរាមទៀតទេ”៕














នៅថ្ងៃទី១៤ ខែកញ្ញា ឆ្នាំ២០២០ ឯកឧត្តម សុខ សង្វារ អគ្គនាយករងទទួលបន្ទុកនាយកដ្ឋានអភិវឌ្ឍន៍ទេសចរណ៍អង្គរនៃអាជ្ញាធរជាតិអប្សរា និងលោក HONG Jianchun អនុប្រធានគណៈកម្មាធិការរដ្ឋបាលហ័ងសាន បានបន្តពង្រឹងកិច្ចសហប្រតិបត្តិការលើវិស័យទេសចរណ៍នៅតំបន់បេតិកភណ្ឌអង្គរនិងហ័ងសាន។
ក្នុងគោលបំណងស្ដារគម្របព្រៃឈើក្នុងតំបន់រមណីយដ្ឋានបេតិកភណ្ឌពិភពលោកអង្គរឲ្យកាន់តែមានចំនួនច្រើនឡើង ក៏ដូចជាក្នុងន័យបំផុសស្មារតីឲ្យមានការចូលរួមរបស់ប្រជាពលរដ្ឋអំពីកិច្ចការបរិស្ថាន ជាបន្តបន្ទាប់អាជ្ញាធរជាតិអប្សរា បានបន្តចែកជូនកូនឈើដល់សាធារណជនជិតឆ្ងាយ ដើម្បីយកទៅដាំនៅតាមតំបន់នានាក្នុងប្រទេសកម្ពុជា។ ក្នុងពាក់កណ្ដាលខែកញ្ញា ឆ្នាំ២០២០ គឺចាប់ពីថ្ងៃទី១ ដល់ថ្ងៃទី១២ ខែកញ្ញា
ដូនតាខ្មែរបានកសាងប្រាសាទខ្លះមានខ្លោងទ្វារចេញចូល៤ទិស ខ្លះ២ទិស និងខ្លះ១ទិស ដែលឱ្យមនុស្សចេញចូលតាមទិសខាងកើតឬខាងលិចដែលកំណត់ថាជាខ្លោងទ្វារធំ ដោយយោងទៅលើប្រាង្គសំខាន់បែរមុខទៅទិសណា។
នៅព្រឹកថ្ងៃទី១៣ ខែកញ្ញា ឆ្នាំ២០២០ នេះ អាជ្ញាធរជាតិអប្សរា ក្រោមកិច្ចសហការជាមួយរដ្ឋបាលខេត្តសៀមរាប និងធនាគារ CIMB បានរៀបចំពិធីដាំកូនឈើចំនួន ១,៥០០ដើម នៅបរិវេណប្រាសាទបន្ទាយក្ដី ក្រោមប្រធានបទ «យើងដាំ យើងចំណាំ យើងថែរក្សា ប្រាង្គប្រាសាទដែលជាបេតិកភណ្ឌមនុស្សជាតិ»។ ក្នុងពិធីនៅពេលនោះ លោក ឡុង កុសល អ្នកនាំពាក្យអាជ្ញាធរជាតិអប្សរា ក្នុងនាមឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានសម្ដែងអារម្មណ៍រីករាយ និងរំពឹងថា ស្ថាប័នសាធារណៈពាក់ព័ន្ធនិងស្ថាប័នឯកជនដទៃទៀត នឹងបន្តចូលរួមកាន់តែច្រើនក្នុងការដាំកូនឈើក្នុងរមណីយដ្ឋានអង្គរ
១៖ ទូតឥណ្ឌាចប់អាណត្តិជួបសម្ដែងការគួរសមនិងជម្រាបលាថ្នាក់ដឹកនាំអាជ្ញាធរជាតិអប្សរា
នៅរសៀលថ្ងៃទី៨ ខែកញ្ញា ឆ្នាំ២០២០នេះ ឯកឧត្តមអគ្គនាយកអាជ្ញាធរជាតិអប្សរា បានអនុញ្ញាតឱ្យលោកជំទាវ Manika Jain ឯកអគ្គរដ្ឋទូតឥណ្ឌាប្រចាំកម្ពុជាចប់អាណត្តិ ជួបសម្ដែងការគួរសម និងជម្រាបលាថ្នាក់ដឹកនាំអាជ្ញាធរជាតិអប្សរា។ ក្នុងជំនួបនោះ លោកជំទាវឯកអគ្គរដ្ឋទូត បានរំឭកពីកិច្ចសហប្រតិបត្តិការ រវាងប្រទេសឥណ្ឌា និងអាជ្ញាធរជាតិអប្សរា ក្នុងការងារជួសជុលនៅប្រាសាទអង្គរវត្ត និងប្រាសាទតាព្រហ្ម។ បន្ថែមពីនេះ លោកជំទាវអគ្គរដ្ឋទូត ក៏បានលើកពីគម្រោងបណ្ដុះបណ្ដាលវគ្គខ្លីៗដល់យុវជនកម្ពុជា លើការងារអភិរក្សប្រាសាទ សិល្បៈ និងវប្បធម៌ផងដែរ។
FirstPrev12345...345346NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
7
Today
:
25142
Yesterday
:
5216
This Week
:
25142
This Month
:
0181223
Total
:
012688812