ព័ត៌មានថ្មីៗ

គម្រោងជួសជុលក្រុមប្រាសាទព្រះពិធូររបស់កូរ៉េ បន្តបណ្តុះបណ្តាលមន្ត្រីជំនាញនៃអាជ្ញាធរជាតិអប្សរាលើការងារវាស់ស្ទង់ស្រទាប់ដី និងកម្រិតទឹក

បានផ្សាយនៅ ថ្ងៃទី 07 ខែ មិនា ឆ្នាំ2017 01:56 PM ដោយ ៖ អាជ្ញាធរជាតិអប្សរា

ភ្នាក់ងារសហប្រតិបត្តិការអន្តរជាតិកូរ៉េ ហៅកាត់ថា KOICA តាមរយៈមូលនិធិបេតិកភណ្ឌវប្បធម៌កូរ៉េ KCHF បានសហការជាមួយអាជ្ញាធរជាតិអប្សរា ក្នុងការជ្រើសរើសក្រុមប្រាសាទព្រះពិធូរមកធ្វើការអភិរក្សជួសជុល។ ក្នុងជំហានដំបូងគម្រោងនេះបានជ្រើសរើសយករានហាលនៃប្រាសាទកោរសក់ ដើម្បីធ្វើការជួសជុល ដែលនឹងត្រូវចំណាយពេលប្រមាណ៣ឆ្នាំ ពីឆ្នាំ២០១៥ ដល់ឆ្នាំ២០១៨។

ទន្ទឹមគ្នានឹងការងារស្រាវជ្រាវ ចងក្រងឯកសារធ្វើការអភិរក្សជួសជុល គម្រោងនេះក៏បានផ្តោតការយកចិត្តទុកដាក់ខ្លាំងលើការងារបណ្តុះបណ្តាលមន្ត្រីបុគ្គលិកនៃអាជ្ញាធរជាតិអប្សរា។ ជាក់ស្តែង ពីថ្ងៃទី៣ ដល់ទី៩ ខែមីនា ឆ្នាំ២០១៧នេះ វគ្គបណ្តុះបណ្តាលស្តីពីការវាស់ស្ទង់ស្រទាប់ដីជំហានទី២ ត្រូវបានរៀបចំឡើងដល់បុគ្គលិកជំនាញចំនួន១០រូបបន្តទៀត។

អ្នកគ្រប់គ្រងគម្រោងជួសជុលក្រុមប្រាសាទព្រះពិធូរ លោក Kim Jiseo បានបញ្ជាក់ថា វគ្គបណ្តុះបណ្តាលនេះត្រូវបានរៀបចំឡើងដើម្បីបំប៉នសមត្ថភាព ដល់មន្ត្រីជំនាញនៃអាជ្ញាធរជាតិអប្សរា ក្នុងន័យរួមចំណែកអភិវឌ្ឍធនធានមនុស្ស ក្នុងវិស័យអភិរក្ស។ “យើងបានរៀបចំវគ្គបណ្តុះបណ្តាលជាច្រើនប្រភេទ ទាំងរយៈពេលខ្លី និងរយៈពេលវែង។ នៅទីនេះ យើងបានបណ្តុះបណ្តាលលើការងារវាស់ស្ទង់ស្រទាប់ដី និងសិក្សាពីកម្រិតទឹក ដែលមានជុំវិញរចនាសម្ព័ន្ធប្រាសាទ។ ទៅខាងមុខទៀត យើងនឹងបណ្តុះបណ្តាលអំពីរបៀបមើលថ្ម និងបញ្ហាផ្សេងៗដែលកើតមានចំពោះថ្មប្រាសាទ។ យើងត្រូវការប្រុងប្រយ័ត្នខ្ពស់ក្នុងកិច្ចការអភិរក្សជួសជុលប្រាសាទ ដែលជាបេតិកភណ្ឌពិភពលោក”។

លោក Jiseo បន្ថែមថា រយៈពេល៣ឆ្នាំនៃជំហានទី១នេះ អាចនឹងត្រូវចំណាយថវិកាប្រមាណជា៤លានដុល្លារសហរដ្ឋអាមេរិក ដោយរួមបញ្ចូលទាំងការចំណាយលើការបណ្តុះបណ្តាល ការទិញសម្ភារៈ មន្ត្រីជំនាញ និងបុគ្គលិកជាដើម។

សិក្ខាកាមមួយរូប ដែលមកពីនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ កញ្ញា ហាង សុច្ចរី ថ្លែងថា ការបណ្តុះបណ្តាលនេះគឺមានសារៈសំខាន់ណាស់សម្រាប់អ្នកជំនាញកម្ពុជាពីព្រោះកម្ពុជាជាប្រទេសមួយដែលមានប្រាសាទបុរាណច្រើនជាងគេជាពិសេសគឺនៅសៀមរាបនេះតែម្តង ហើយប្រាសាទបុរាណទំាងនោះមានមួយចំនួនធំមានភាពឌ្រុតទ្រោមដែលទាមទារឲ្យមានការជួសជុលឡើងវិញ។

កញ្ញាបានបញ្ជាក់ថា នៅវគ្គបណ្តុះបណ្តាលនេះកញ្ញាទទួលបានចំណេះដឹងច្រើនពាក់ព័ន្ធនិងប្រាសាទ ហើយកញ្ញាជឿជាក់ថា តាមរយៈបច្ចេកវិជ្ជាថ្មីៗយើងនឹងធ្វើយ៉ាងណាឲ្យបានល្អប្រសើរតាមគំរូដើមរបស់បុព្វបុរសយើង និងខិតខំថែរក្សាបេតិកភណ្ឌទំាងនេះឲ្យបានល្អប្រសើរ៕










នៅព្រឹកថ្ងៃទី២២ ខែកុម្ភៈ ឆ្នាំ២០២១ នេះ អាជ្ញាធរជាតិអប្សរាបានរៀបចំពិធីសម្ពោធ និងដាក់ឱ្យដំណើរការនូវរហាត់ទឹក ស្ថិតនៅស្ថានីយបណ្ដុះកូនឈើប្រាសាទតាកែវ ក្រោមអធិបតីភាពដ៏ខ្ពង់ខ្ពស់របស់លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច និងជាតំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា
ប្រាសាទស្រះស្រង់ត្រូវបានសម្ពោធបញ្ចប់ការជួសជុលក្រោមអធិបតីភាពដ៏ខ្ពង់ខ្ពស់របស់លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច និងជាតំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អមដោយលោកជំទាវបណ្ឌិតសភាចារ្យ ភឿង សកុណា
ដើម្បីជាការរួមចំណែកអភិរក្សនិងលើកតម្លៃខ្លោងទ្វារតាកាវនេះឡើងវិញ នៅរសៀលថ្ងៃទី២១ ខែកុម្ភៈ ឆ្នាំ២០២១ អាជ្ញាធរជាតិអប្សរាបានសហការជាមួយវិស័យឯកជនប្រារព្ធពិធីប្រុងពលីដើម្បីដំណើរការជួសជុលខ្លោងទ្វារតាកាវក្រោមអធិបតីភាពដ៏ខ្ពង់ខ្ពស់របស់លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច និងជាតំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
១អាជ្ញាធរជាតិអប្សរា បើកឱ្យភ្ញៀវទេសចរចូលទស្សនា ប្រាសាទកណ្តាលស្រះស្រង់នាសប្តាហ៍ក្រោយ
ដើម្បីអបអរសាទរការបញ្ចប់គម្រោងជួសជុលប្រាសាទកណ្តាលស្រះស្រង់ជាស្ថាពរ ក្រោមកិច្ចសហការរបស់អាជ្ញាធរជាតិអប្សរាជាមួយវិស័យឯកជន អាជ្ញាធរជាតិអប្សរានឹងរៀបចំប្រារព្ធពិធីសម្ពោធដាក់ភ្ញៀវទេសចរជាតិ-អន្តរជាតិ និងសាធារណជនចូលទស្សនាប្រាសាទកណ្តាលស្រះស្រង់ជាផ្លូវការ នាថ្ងៃទី២២ ខែកុម្ភៈ ឆ្នាំ២០២១
នៅរសៀលថ្ងៃទី២០ ខែកុម្ភៈ ឆ្នាំ២០២១ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានក្រុមប្រឹក្សាភិបាលអាជ្ញាធរជាតិអប្សរា អមដំណើរដោយថ្នាក់ដឹកនាំអាជ្ញាធរជាតិអប្សរា

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
17
ថ្ងៃនេះ
:
36409
ម្សិលមិញ
:
73217
សប្តាហ៍នេះ
:
180516
ខែនេះ
:
0180516
សរុប
:
015250319