ព័ត៌មានថ្មីៗ

មរតកជំនឿនៃអ្នកស្រុកអង្គរ ៖ ជម៤

បានផ្សាយនៅ ថ្ងៃទី 24 ខែ កុម្ភៈ ឆ្នាំ2017 02:59 PM ដោយ ៖ អាជ្ញាធរជាតិអប្សរា

កាលណាគេចូលរួមក្នុងពិធីប្រពៃណីមួយចំនួនរបស់អ្នកស្រុកអង្គរ ដូចជា ពិធីលៀងមេមត់ ចូលរូប ឡើងអ្នកតា បង្កក់កូន ជាដើម គេតែងឮចាស់ៗនិយាយគ្នាពីការរៀបចំស្លាធម៌ បាយសី និងជម ដែលជាគ្រឿងរណ្តាប់។ បើក្នុងពិធីបញ្ចូលរូប ជម៤ គឺជាគ្រឿងរណ្តាប់ដែលគេមិនអាចខកខាននោះទេ។

តើអ្វីជាជម៤? គេប្រើជមនេះក្នុងពិធីអ្វីខ្លះ?
តាមការពន្យល់របស់អ្នកស្រី គង់ ដែលជាគ្រូបញ្ចូលរូប និងព្យាបាលជំងឺនៅភូមិនគរក្រៅ ដែលជាភូមិនៅជាប់នឹងបរិវេណក្រុងអង្គរធំ ជម៤ គឺជាគ្រឿងរណ្តាប់មួយជើងពានតូច ដែលក្នុងនោះឃើញមានម្លូ៤ដុំ ហើយក្នុងមួយដុំៗមាន៤សន្លឹក មានស្លា៤ដុំ ទៀន៤ដើមនៅគ្រប់ខាង និង១ដើមទៀតដាក់បញ្ឈរត្រង់កណ្តាលលើអង្ករមួយកូនពែង ធូប៥សរសៃ និងប្រាក់៦០០រៀល។ គេតែងឃើញជម៤នេះ ត្រូវបានរៀបចំអមជាមួយនឹងបាយសីដែលធ្វើពីដើមចេក ដែលដោតផ្កា ទៀន ធូប ស្ទើរតែគ្រប់កិច្ចពិធី។

តាមការរៀបរាប់របស់គ្រូបញ្ចូលរូបរូបនេះ បញ្ជាក់ថា គេប្រើជម៤នេះនៅក្នុងកិច្ចពិធីសំខាន់ៗទាក់ទងនឹងគ្រូកំណើត ដូចជាពិធីបញ្ចូលរូបជាដើម។ ការរៀបចំជមនេះ បើចំពោះអ្នកដែលមានគ្រូកាន់ដូចជាអ្នកស្រីជាដើម ត្រូវធ្វើតម្កល់ទុកជាប្រចាំលើអាសនៈ មួយសីល(៧ថ្ងៃឬ៨ថ្ងៃ)ទើបដូរម្តង ហើយត្រូវរក្សាជាប្រចាំ។ បើក្នុងកិច្ចពិធីផ្សេងៗ គេគ្រាន់តែរៀបចំចប់ពិធីក៏រុះរើបាន៕








នៅព្រឹកថ្ងៃទី០១ ខែមិថុនា ឆ្នាំ២០១៦ ក្រោមការដឹកនាំរបស់ឯកឧត្តម ម៉ី ម៉ារ៉ាឌី ទីប្រឹក្សាអាជ្ញាធរជាតិអប្សរានិងជាប្រធានគម្រោងអភិវឌ្ឍន៍ភូមិធម្មជាតិរុនតាឯក បានប្រារព្ធពិធីអបអរសាទរទិវាសិទ្ធិកុមារពិភពលោក ០១ មិថុនា នៅភូមិធម្មជាតិរុនតាឯកជាលើកទី១។
អាជ្ញាធរជាតិអប្សរាដោយសហការជាមួយសាកលវិទ្យាល័យស៊ីដនី នឹងរៀបចំធ្វើបទបង្ហាញស្តីពីលទ្ធផលកំណាយស្រាវជ្រាវជាបឋមមួយ នៅភាគអាគ្នេយ៍ក្នុងប្រាសាទអង្គរវត្ត ដោយផ្តោតសំខាន់លើការតាំងទីលំនៅរស់នៅរបស់ប្រជាជននាសម័យអង្គរ ដោយលោកស្រីបណ្ឌិត Alison Carter នៅថ្ងៃសុក្រទី១០ ខែមិថុនា ឆ្នាំ២០១៦ វេលាម៉ោង៩:០០ នាទីព្រឹក នៅសាលសិក្សាលលៃនៃមជ្ឈមណ្ឌលបណ្តុះបណ្តាលអង្គរ-អាជ្ញាធរជាតិអប្សរា។
ខ្លឹមសារនៃពិធីដាក់បាត្រ
( ថ្ងៃទី 31 ខែ ឧសភា ឆ្នាំ2016 )
ពិធីដាក់បាត្រជាទំនៀមទម្លាប់ប្រពៃណីបុរាណតាមបែបព្រះពុទ្ធសាសនា របស់ប្រជាពលរដ្ឋខ្មែរមួយក្នុងចំណោមទំនៀមទម្លាប់ប្រពៃណីដ៏សម្បូរបែបផ្សេងៗទៀត ដែលមានអាយុកាលយូរល់ងណាស់មកហើយ។ ទំនៀមទម្លាប់នេះ គេសង្កេតឃើញប្រជាពលរដ្ឋដែលជាអ្នកកាន់ព្រះពុទ្ធសាសនាប្រារព្ធពិធីដាក់បាត្រនេះ នៅគ្រប់ពិធីបុណ្យទាំងអស់មិនពិធីបុណ្យតូចឬធំនោះទេ ដើម្បីបង្ហាញឬបញ្ជាក់ប្រាប់ឲ្យសាធារណជនដឹងថាពិធីបុណ្យនេះឆ្លងឬបញ្ចប់នៅថ្ងៃហ្នឹងហើយ។ ហេតុនេះហើយទើបមានពាក្យដែលអ្នកស្រុកនិយាយជាទូទៅថា ដាក់បាត្រឆ្លង។
ទំនៀមទម្លាប់ប្រពៃណីគឺជាអត្តសញ្ញាណមួយ ដែលធ្វើឲ្យអ្នកអង្គរមានភាពប្លែកពីតំបន់ដទៃទៀត។ បើនិយាយពីប្រពៃណីរបស់អ្នកអង្គរសព្វថ្ងៃ យើងសឹងតែអាចនិយាយបានថា វាជាផ្នែកមួយនៃអវៈយវៈរបស់ពួកគាត់ទៅហើយ ពោលគឺ មិនអាចខ្វះបានក្នុងជីវភាពប្រចាំថ្ងៃ។ ពេលខ្លះ យើងសង្កេតឃើញថា បើគាត់រវល់ណាស់ធ្វើអ្វីធំដុំមិនទាន់ ក៏គង់ធ្វើអ្វីតូចមួយមកជំនួសឲ្យសមនឹងកិច្ចពិធីនោះៗដែរ។ តែទោះយ៉ាងណា ក៏មិនចោលទំនៀមទម្លាប់ប្រពៃណីដែរ។
ពិព័រណ៍ការងារដើម្បីតម្រង់ទិសក្នុងការសិក្សារបស់ប្អូនៗសិស្សានុសិស្ស ត្រូវបានរៀបចំឡើង ដោយអង្គការថែរក្សាដើម្បីកម្ពុជា Caring for Cambodia(CFC) និងវិទ្យាល័យផ្សេងៗ ព្រមទាំងមានការចូលរួមពីបណ្តាស្ថាប័នជាច្រើន។ ពិព័រណ៍បានរៀបចំនៅវិទ្យាល័យបាគង នាព្រឹកថ្ងៃទី២៧ ខែឧសភា ឆ្នាំ២០១៦។ អាជ្ញាធរជាតិអប្សរាក៏បានចូលរួមចំពោះការផ្សព្វផ្សាយនេះ ដោយមានមន្ត្រីជំនាញជាអ្នកពន្យល់ដោយផ្ទាល់ លើការងារគ្រប់គ្រង អភិរក្ស និងអភិវឌ្ឍន៍ប្រកបដោយចីរភាពចំពោះរមណីយដ្ឋានអង្គរ ដែលជាបេតិកភណ្ឌពិភពលោក។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
16
ថ្ងៃនេះ
:
22487
ម្សិលមិញ
:
20070
សប្តាហ៍នេះ
:
73809
ខែនេះ
:
0377317
សរុប
:
014820158