ព័ត៌មានថ្មីៗ

ក្រុមបាល់ទាត់អាជ្ញាធរជាតិអប្សរាលើកពានរដ្ឋបាលខេត្តសៀមរាបជាលើកទី២

បានផ្សាយនៅ ថ្ងៃទី 11 ខែ កុម្ភៈ ឆ្នាំ2017 02:13 PM ដោយ ៖ អាជ្ញាធរជាតិអប្សរា

ក្រុមបាល់ទាត់អាជ្ញាធរជាតិអប្សរា បានបន្តលើកពានជើងឯក នៃពានរង្វាន់រដ្ឋបាលខេត្តសៀមរាប ក្រោយពីបំបាក់ក្រុមសាលាក្រុងសៀមរាបក្នុងវគ្គផ្តាច់ព្រ័ត្រ ដោយលទ្ធផល៦ទល់នឹង២កាលពីរាត្រីថ្ងៃសុក្រ ទី១០ ខែកុម្ភៈ ឆ្នាំ២០១៧។

នេះជាការការពារតំណែងជើងឯកបានយ៉ាងល្អរបស់ក្រុមបាល់ទាត់អាជ្ញាធរជាតិអប្សរា ដោយឆ្លងកាត់ការប្រកួតចំនួន១៣ប្រកួត មិនស្គាល់ពាក្យថាចាញ់ ក្នុងរដូវកាលទី២នៃពានរង្វាន់រដ្ឋបាលខេត្តសៀមរាប ឆ្នាំ២០១៦-២០១៧នេះ។

កាលពីរដូវកាលទី១ឆ្នាំ២០១៥-២០១៦ ក្រុមបាល់ទាត់អាជ្ញាធរជាតិអប្សរា ក៏ជាម្ចាស់ជើងឯងនៃពានរង្វាន់នេះដែរ ក្រោយយកឈ្នះក្រុមមន្ទីរបរិស្ថានខេត្តសៀមរាប ដោយលទ្ធផល៣ទល់នឹង២ ក្នុងវគ្គផ្តាច់ព្រ័ត្រ។

ពានរង្វាន់រដ្ឋបាលខេត្តសៀមរាបត្រូវបានរៀបចំឡើងរយៈពេល២ឆ្នាំហើយ ដោយប្រមូលផ្តុំមន្ត្រីរាជការ និងបុគ្គលិកបម្រើការងារនៅតាមមន្ទីរ ស្ថាប័នពាក់ព័ន្ធនានាក្នុងខេត្តសៀមរាបចូលរួមប្រកួតវិលជុំសន្សំពិន្ទុ និងជ្រើសរើស៤ក្រុមដែលមានពិន្ទុខ្ពស់ប្រកួតវគ្គខ្វែង។

ក្នុងរដូវកាលនេះ មានក្រុមចំនួន១១ចូលរួមប្រកួត ដោយក្រុមលេខ១បានទៅលើអាជ្ញាធរជាតិអប្សរា ទទួលបានពាន១អមដោយទឹកប្រាក់១លានរៀល លេខ២បានទៅលើសាលាក្រុងសៀមរាបពាន១អមដោយទឹកប្រាក់៦០ម៉ឺនរៀល លេខ៣បានទៅលើមន្ទីរសង្គមកិច្ចពានតូច១អមដោយទឹកប្រាក់៤០ម៉ឺនរៀល និងចំណាត់លេខ៤បានទៅលើក្រុមហនុមានសាលាខេត្ត ទទួលបានពានតូច១អមដោយទឹកប្រាក់៣៤ម៉ឺនរៀល។

ដោយឡែកក្រុមបាល់ទាត់អាជ្ញាធរជាតិអប្សរា ក៏បានទទួលបានទឹកប្រាក់លើកទឹកចិត្តចំនួន២០០ដុល្លារបន្ថែមទៀតពីសំណាក់ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា ដែលបានប្រគល់ជូនដោយឯកឧត្តម ត័ន ប៊ុនស៊ុយ អគ្គនាយករង ដែលបានអញ្ជើញទៅចូលរួមទស្សនាការប្រកួតផ្ទាល់៕












តំបន់អង្គរត្រូវបានអង្គការយូណេស្កូចុះក្នុងបញ្ជីបេតិកភណ្ឌពិភពលោកនៅឆ្នាំ១៩៩២ថា មានទំហំ៤០១គីឡូម៉ែត្រក្រឡា ប៉ុន្តែបើផ្អែកទៅលើសំណល់បុរាណវិទ្យានិងស្លាកស្នាមប្រវត្តិសាស្រ្តនៃអាណាចក្រខ្មែរ ឲ្យយើងដឹងថាអារ្យធម៌អង្គរមានវិសាលភាពដ៏ធំធេងហួសពីព្រំដែនកំណត់នៃប្រទេសកម្ពុជានាពេលបច្ចុប្បន្ន។
ជារៀងរាល់ថ្ងៃអាជ្ញាធរជាតិអប្សរាបានយកចិត្តទុកដាក់យ៉ាងខ្លាំងចំពោះការរស់នៅនិងសុខទុក្ខរបស់ប្រជាជនក្នុងតំបន់អង្គរតាមរយៈក្រុមការងារផ្សេងៗ ជាពិសេសក្រុមការងារសហគមន៍ ដែលបានជួយពួកគាត់ទាំងការប្រកបមុខរបរ បញ្ហាសុខភាព ការថែរក្សាទំនៀមទម្លាប់ដូនតា ការសង់លំនៅដ្ឋានរបស់ប្រជាជន និងទីជម្រកសព្វពាហនៈជាដើម។
អាជ្ញាធរជាតិអប្សរាសហការជាមួយវិទ្យាស្ថានសិក្សាអាស៊ីអាគ្នេយ៍ រៀបចំធ្វើបទបង្ហាញ ស្តីពីលទ្ធផលបឋមថ្មីៗ ពីការស្រាវជ្រាវបុរាណវិទ្យានៅកោះកែរ ដែលដឹកនាំដោយលោកបណ្ឌិត អ៊ា ដារិទ្ធ ជាអនុប្រធានមជ្ឈមណ្ឌលអន្តរជាតិស្រាវជ្រាវ និងតម្កល់ឯកសារនៃអាជ្ញាធរជាតិអប្សរានិងលោកបណ្ឌិត Kyle Latinis បុរាណវិទូនៃវិទ្យាស្ថានសិក្សាអាស៊ីអាគ្នេយ៍ប្រទេសសង្ហិបុរី ដែលនឹងប្រព្រឹត្តទៅ នៅថ្ងៃអង្គារទី២១ ខែមិថុនា ឆ្នាំ២០១៦ វេលាម៉ោង ១៤:៣០នាទីរសៀល នៅសាលសិក្សាលលៃនៃមជ្ឈមណ្ឌលបណ្តុះបណ្តាលអង្គរ នៃអាជ្ញាធរជាតិអប្សរា។
នៅថ្ងៃសុក្រទី២៤ ខែមិថុនា ឆ្នាំ២០១៦ ខាងមុខនេះ អាជ្ញាធរជាតិអប្សរានឹងរៀបចំសិក្ខាសាលាមួយ ក្រោមប្រធាន “ការអភិរក្ស និងបញ្ហាប្រឈមនៅភ្នំគូលែន”។ សិក្ខាសាលានេះនឹងមានការចូលរួមពីវាគ្មិនសំខាន់ៗដូចជា ឯកឧត្តម Tsugawa Takahisa សហប្រធានអាយស៊ីស៊ីអង្គរភាគីជប៉ុន លោកសាស្ត្រាចារ្យ Azedine Beshaouch លេខាវិទ្យាសាស្ត្រនៃគណៈកម្មាធិការអាយស៊ីស៊ីអង្គរ មន្ត្រីជំនាញនៃក្រសួងបរិស្ថាន រួមនឹងមន្ត្រីជំនាញជាច្រើនរូបទៀតនៃអាជ្ញាធរជាតិអប្សរា និងស្ថាប័នស្រាវជ្រាវផ្សេងៗ។ សិក្ខាសាលានេះ នឹងដំណើរការចាប់ពីម៉ោង ៧:៤៥នាព្រឹក ដល់ម៉ោង១២ថ្ងៃត្រង់ នៅសាលសន្និសីទអង្គរនៃអាជ្ញាធរជាតិអប្សរា។
ក្រុមមគ្គុទ្ទេសក៍ទេសចរណ៍ចំនួន២០រូបនិងមន្ត្រីអាជ្ញាធរជាតិអប្សរាចំនួន៤រូប បានចេញដំណើរទៅចូលរួមវគ្គបណ្តុះបណ្តាលមគ្គុទ្ទេសក៍ទេសចរណ៍នៅទីក្រុងម៉ាកាវ សាធារណរដ្ឋប្រជាមានិតចិននៅថ្ងៃទី១៣ ខែមិថុនា ឆ្នាំ២០១៦នេះ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
7
ថ្ងៃនេះ
:
1948
ម្សិលមិញ
:
14427
សប្តាហ៍នេះ
:
59004
ខែនេះ
:
0216893
សរុប
:
014276748