ព័ត៌មានថ្មីៗ

អ្នកជំនាញបេតិកភណ្ឌវប្បធម៌តំបន់ទន្លេមេគង្គចូលជួបសម្តែងការគួរសមជាមួយឯកឧត្តមអគ្គនាយកអាជ្ញាធរជាតិអប្សរា

បានផ្សាយនៅ ថ្ងៃទី 09 ខែ កុម្ភៈ ឆ្នាំ2017 01:54 PM ដោយ ៖ អាជ្ញាធរជាតិអប្សរា

អ្នកជំនាញបេតិកភណ្ឌវប្បធម៌ ដែលមកពីប្រទេសទាំង៥នៅតាមបណ្តោយទន្លេមេគង្គ គឺកម្ពុជា ថៃ មីយ៉ាន់ម៉ា ឡាវ វៀតណាម ព្រមទាំងប្រទេសឥណ្ឌូនេស៊ី បានមកជួបជុំគ្នាជាមួយអ្នកជំនាញជប៉ុននៃសាកលវិទ្យាល័យសូហ្វីយ៉ា និងអ្នកជំនាញនៃអាជ្ញាធរជាតិអប្សរា ដើម្បីពិភាក្សាផ្លាស់ប្តូរបទពិសោធន៍លើកិច្ចការអភិរក្ស មរតកបេតិកភណ្ឌតាមរយៈការរៀនសូត្រទ្រឹស្តី និងការចុះអនុវត្តនៅលើទីតាំងផ្ទាល់។

ក្នុងថ្ងៃចាប់ផ្តើមនៃសិក្ខាសាលានាព្រឹកថ្ងៃទី៩ ខែកុម្ភៈ ឆ្នាំ២០១៧នេះ ក្រុមសិក្ខាកាមដែលដឹកនាំដោយលោកសាស្ត្រាចារ្យ Yoshiaki Ishizawa ប្រធានមជ្ឈមណ្ឌលអាស៊ីសិក្សាស្រាវជ្រាវ និងបណ្តុះបណ្តាលធនធានមនុស្សនៃសាកលវិទ្យាសូហ្វីយ៉ា បានចូលជួបសម្តែងការគួរសមនិងពិភាក្សាការងារជាមួយថ្នាក់ដឹកនាំអាជ្ញាធរជាតិអប្សរា នៅទីស្នាក់ការនៃអាជ្ញាធរជាតិអប្សរា។

ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា បានទទួលស្វាគមន៍គណៈប្រតិភូនិងសិក្ខាកាមទាំងអស់ដោយភាពស្និទ្ធស្នាល និងសម្តែងការគាំទ្រនូវសកម្មភាពរបស់សាកលវិទ្យាល័យសូហ្វីយ៉ា ដែលបានរួមចំណែកក្នុងកិច្ចអភិរក្ស ជួសជុលប្រាង្គប្រាសាទក្នុងឧទ្យានអង្គរនាពេលកន្លងមក ក៏ដូចជាបច្ចុប្បន្ន។ ឯកឧត្តមក៏បានជម្រាបជូនសិក្ខាកាមអំពីតួនាទីអាជ្ញាធរជាតិអប្សរា ដែលផ្តោតសំខាន់លើការងារអភិរក្ស និងអភិវឌ្ឍន៍ប្រកបដោយចីរភាពក្នុងតំបន់អង្គរ។ ឯកឧត្តមសង្ឃឹមថាសិក្ខាកាមទាំងអស់នឹងទទួលបាននូវចំណេះដឹង បទពិសោធន៍ល្អៗបន្ថែមទៀតពីកម្ពុជា ដើម្បីយកទៅអនុវត្តឲ្យបានជោគជ័យនៅតាមបណ្តាប្រទេសរៀងៗខ្លួនប្រកបដោយជំនាញ។

ក្នុងឱកាសនេះដែរ អ្នកជំនាញបេតិកភណ្ឌមកពីប្រទេសមីយ៉ាន់ម៉ាលោក Aung Zaw Min បានសម្តែងនូវការកោតសរសើរចំពោះអាជ្ញាធរជាតិអប្សរា ដែលបានទទួលជោគជ័យលើការងារគ្រប់គ្រង និងអភិរក្សតំបន់រមណីយដ្ឋានអង្គរ។ ជាមួយគ្នានេះ លោកក៏បានស្នើសុំឯកសារពាក់ព័ន្ធមួយចំនួនក្នុងការរៀបចំតំបន់ការពារឧទ្យានអង្គរ ដើម្បីធ្វើជាគំរូសម្រាប់រៀបចំតំបន់រមណីយដ្ឋានបេតិកភណ្ឌមួយចំនួននៅប្រទេសរបស់លោក។ ជាកិច្ចឆ្លើយតប ឯកឧត្តមអគ្គនាយកបានឯកភាពប្រគល់ជូននូវឯកសារពាក់ព័ន្ធមួយចំនួន ក្នុងដំណើរការគ្រប់គ្រងរមណីយដ្ឋានអង្គរ ដែលជាបេតិកភណ្ឌពិភពលោក។

សូមបញ្ជាក់ថា សិក្ខាសាលានេះរៀបចំនៅមជ្ឈមណ្ឌលអាស៊ីសិក្សាស្រាវជ្រាវ និងបណ្តុះបណ្តាលធនធានមនុស្សនៃសាកលវិទ្យាសូហ្វីយ៉ាប្រចាំខេត្តសៀមរាប ចាប់ពីថ្ងៃទី៩ ដល់ទី១៤ ខែកុម្ភៈ ឆ្នាំ២០១៧។ ក្រៅពីចែករំលែកបទពិសោធន៍លើការងារអភិរក្សជួសជុល និងគ្រប់គ្រងតំបន់បេតិកភណ្ឌ សិក្ខាកាមនឹងចុះធ្វើកម្មសិក្សានៅតាមបណ្តាប្រាង្គប្រាសាទនានាក្នុងតំបន់អង្គរ និងតំបន់ព្រះវិហារដើម្បីសិក្សាស្វែងយល់លើការអនុវត្តជាក់ស្តែង៕








នៅថ្ងៃទី២០ ខែតុលា ឆ្នាំ២០២០ ក្រុមការងារសហគមន៍នៃអាជ្ញាធរជាតិអប្សរាចំនួន២គោលដៅ ដោយមានការចូលរួមពីអាជ្ញាធរមូលដ្ឋានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ។
ក្នុងរយៈពេលប៉ុន្មានថ្ងៃកន្លងមកនេះ ភ្លៀងយ៉ាងច្រើនបានធ្លាក់ចុះជាបន្តបន្ទាប់បណ្តាលឱ្យស្ថានភាពទឹកមានការកើនឡើងនៅភាគខាងជើងនៃរមណីយដ្ឋានអង្គរចាប់ពីម៉ោង៤ព្រឹក ថ្ងៃទី១៩ ខែតុលា ឆ្នាំ២០២០ និងបន្តធ្លាក់ចុះមកផ្នែកកណ្តាលនៃរមណីយដ្ឋានអង្គរ។
រយៈពេលពីរសប្តាហ៍នៃខែតុលា ឆ្នាំ២០២០នេះ ក្រុមការងារជំនាញនៃនាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងឧទ្យានអង្គរ បានចុះពិនិត្យលក្ខខណ្ឌនៃការរស់នៅ និងប្រើប្រាស់ទីតាំងស្នើសុំរបស់ប្រជាពលរដ្ឋ បានចំនួន៨៥ករណី រួមមាន៖ ក្រុងសៀមរាប ២៥ករណី ស្រុកបន្ទាយស្រី ១២ករណី ស្រុកអង្គរធំ ៦ករណី ស្រុកប្រាសាទបាគង ២៤ករណី ស្រុកពួក៧ករណី ស្រុកសូទ្រនិគម ៣ករណី និងស្រុកស្វាយលើ ៨ករណី។
របៀបផ្តិតសិលាចារឹក
( ថ្ងៃទី 18 ខែ តុលា ឆ្នាំ2020 )
ការងារផ្តិតសិលាចារឹកមិនតម្រូវទាល់តែជាអ្នកបច្ចេកទេសបុរាណវិទ្យា អ្នកប្រវត្តិសាស្រ្ត ឬអក្សរសាស្រ្ត ទើបអាចផ្តិតបាននោះឡើយ។ វាអាស្រ័យលើអ្នកដែលមានចិត្តអំណត់ និងប្រុងប្រយ័ត្ន ត្បិតអីត្រូវចំណាយពេលយូរ និងដំណើរការក៏ច្រើនដំណាក់កាល មួយទៀតសោតក្រដាសផ្តិតស្តើងពេលត្រូវទឹកផុយងាយរហែកណាស់។
ដើមត្នោតគឺជាប្រភេទរុក្ខជាតិនិមិត្តរូបជាតិនៃព្រះរាជាណាចក្រកម្ពុជា និងជាប្រភេទរុក្ខជាតិដែលមានសារសំខាន់ជាទីបំផុតសម្រាប់ជីវិតរស់នៅប្រចាំថ្ងៃរបស់ប្រជាជនខ្មែរ។ គ្រប់ផ្នែកទាំងអស់នៃរុក្ខជាតិនេះអាចប្រើប្រាស់បានទៅតាមតម្រូវការជាក់ស្តែងក្នុងជីវភាពប្រចាំថ្ងៃ ព្រមទាំងអាចប្រើប្រាស់ជាសម្ភារផ្គុំសំណង់ផ្ទះ និងធ្វើជាទូកសម្រាប់ជាមធ្យោបាយធ្វើដំណើរតាមផ្លូវទឹកទៀតផង។
ដើមដំបូងមុន12345...355356បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
12
ថ្ងៃនេះ
:
1502
ម្សិលមិញ
:
10606
សប្តាហ៍នេះ
:
34537
ខែនេះ
:
0129216
សរុប
:
012898648