ព័ត៌មានថ្មីៗ

ដំណើរទស្សនកិច្ចរបស់សមាជិកសភាសាធារណរដ្ឋសហព័ន្ធអាល្លឺម៉ង់នៅការដ្ឋានអភិរក្សចម្លាក់ថ្មរបស់អាជ្ញាធរជាតិអប្សរានាប្រាសាទអង្គរវត្ត

បានផ្សាយនៅ ថ្ងៃទី 05 ខែ កុម្ភៈ ឆ្នាំ2017 06:33 PM ដោយ ៖ អាជ្ញាធរជាតិអប្សរា

កាលពីព្រឹកថ្ងៃទី៥ ខែកុម្ភៈ ឆ្នាំ២០១៧ គណៈប្រតិភូសភាសាធារណរដ្ឋសហព័ន្ធអាល្លឺម៉ង់ចំនួន៥រូបមាន លោកស្រី Dagmar Wöhrl, លោក Jürgen Klimke, លោក Waldemar Westermayer, លោក Sascha Raabe និងលោក Stefan Rebmann អមដំណើរដោយលោក Thomas Waldraff ប្រធានអង្គការ GIZ ប្រចាំនៅកម្ពុជា និងមន្ត្រីមួយចំនួនមកពីស្ថានទូតនៃសាធារណរដ្ឋសហព័ន្ធអាលឺ្លម៉ង់ បានបំពេញទស្សនកិច្ចផ្លូវការនៅប្រាសាទអង្គរវត្ត។

គោលបំណងនៃទស្សនកិច្ចផ្លូវការនេះដើម្បីទស្សនានិងស្វែងយល់អំពីកិច្ចការអភិរក្ស ការជួសជុលប្រាសាទ និងចម្លាក់ថ្មរបស់អាជ្ញាធរជាតិអប្សរា ជាពិសេសកិច្ចការអភិរក្សចម្លាក់ថ្មរបស់នាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ អនុវត្តដោយអ្នកជំនាញខ្មែរដែលបានទទួលការបណ្តុះបណ្តាលអស់រយៈពេលជាង២ឆ្នាំ ក្រោមជំនួយរួមគ្នារបស់អង្គការ GIZ នៃសាធារណរដ្ឋសហព័ន្ធអាល្លឺម៉ង់ និងអាជ្ញាធរជាតិអប្សរា។

ក្នុងដំណើរទស្សនកិច្ចនេះ លោក លី វណ្ណា ប្រធាននាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការនៃអាជ្ញាធរជាតិអប្សរា ព្រមទាំងមន្ត្រីជំនាញអភិរក្សថ្ម និងអ្នកសម្របសម្រួលបច្ចេកទេសអភិរក្សរបស់អង្គការ GIZ លោក Sebastian Kerridge និងកញ្ញា Federica Grifi បានទទួលជួបគណៈប្រតិភូ និងពន្យល់អំពីគម្រោងដំណើរការជួសជុលចម្លាក់តោថ្មនៅប្រាសាទអង្គរវត្ត និងបច្ចេកទេសអភិរក្សថ្មទូទៅនៅតំបន់អង្គរ។

លោកស្រី Dagmar Wöhrl ប្រធានដឹកនាំគណៈប្រតិភូសភាអាល្លឺម៉ង់បានមានប្រសាសន៍ថា៖ គណៈប្រតិភូសភាអាល្លឺម៉ងបានមានចំណាប់អារម្មណ៍យ៉ាងខ្លាំងអំពីកិច្ចការអភិរក្សប្រាសាទដែលធ្វើឡើងដោយអ្នកជំនាញខ្មែរផ្ទាល់ ហើយសន្យាថារដ្ឋាភិបាលអាល្លឺម៉ង់នៅតែបន្តគាំទ្រកិច្ចសហប្រតិបត្តិការអន្តរជាតិ តាមរយៈអង្គការ GIZ ក្នុងការបណ្តុះបណ្តាលអ្នកជំនាញខ្មែរបន្ថែមលើវិស័យអភិរក្ស និងជួសជុលប្រាសាទ នៅតំបន់អង្គរ។

សូមរំឭកថាអង្គការ GIZបាននិងកំពុងបន្តជួយបណ្តុះបណ្តាលអ្នកជំនាញខ្មែរលើវិស័យអភិរក្សថ្មក្នុងក្របខណ្ឌសហប្រតិបត្តិការអន្តរជាតិ និងជំនួយរួមគ្នាជាមួយអាជ្ញាធរជាតិអប្សរា ដែលគម្រោងនេះបន្តរហូតដល់ឆ្នាំ២០២០។










ក្នុងគោលបំណងស្ដារគម្របព្រៃឈើក្នុងតំបន់ការពាររមណីយដ្ឋានបេតិកភណ្ឌពិភពលោកអង្គរឲ្យកាន់តែច្រើនឡើង និងបំផុសស្មារតីឲ្យមានការចូលរួមរបស់ប្រជាពលរដ្ឋអំពីកិច្ចការបរិស្ថាន។ ក្នុងន័យនេះ ចាប់ពីខែមិថុនាមកដល់បច្ចុប្បន្ន គឺមានរយៈពេលជាង២ខែមកហើយដែលអាជ្ញាធរជាតិអប្សរា បានចែកកូនឈើជាង៧ម៉ឺនដើមដល់អង្គភាពរដ្ឋ អង្គការ សហគមន៍ សាលារៀន វត្តអារាម វិស័យឯកជន និងសាធារណជនទូទៅដែលបានដាក់ពាក្យស្នើសុំយកទៅដាំនៅតាមតំបន់ផ្សេងៗទាំងក្នុងខេត្តសៀមរាប និងខេត្តមួយចំនួនក្នុងប្រទេសកម្ពុជា។
អាជ្ញាធរជាតិអប្សរា បានបន្តចែកជូនកូនឈើដល់សាធារណជនជិតឆ្ងាយ ដើម្បីយកទៅដាំក្នុងបំណងបង្កើនគម្របព្រៃឈើឡើងវិញនៅក្នុងប្រទេសកម្ពុជា។ នៅថ្ងៃទី៧ និងទី៨ ខែសីហា ឆ្នាំ២០២០ កូនឈើចំនួន ៤,៦២០ដើមទៀត បានចែកជូនដល់សាធារណជនក្នុងខេត្តសៀមរាប ខេត្តបន្ទាយមានជ័យ និងខេត្តតាកែវ។
សេចក្ដីគោរពជូនសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា
ក្នុងឱកាសដ៏សែនមហានក្ខត្តឫក្សថ្លៃថ្លានៃខួបកំណើតគម្រប់ ៦៨ឆ្នាំ ឈានចូល៦៩ឆ្នាំ នាថ្ងៃទី ០៥ ខែសីហា ឆ្នាំ២០២០នេះ តាងនាមថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់នៃអាជ្ញាធរជាតិអប្សរា និងក្នុងនាមខ្ញុំផ្ទាល់ ខ្ញុំបាទសូមសម្ដែងនូវមនោសញ្ចេតនារីករាយឥតឧបមា និងសេចក្ដីគោរពស្រលាញ់ដ៏ជ្រាលជ្រៅបំផុត ព្រមទាំងសូមគោរពជូនពរ បវរមហាប្រសើរជូន សម្ដេចតេជោនាយករដ្ឋមន្ត្រី ជាទីគោរពដ៏ខ្ពង់ខ្ពស់ សូមមានជន្មាយុយឺនយូរមានសុខុមាលភាពល្អបរិបូរណ៍ បញ្ញាញាណភ្លឺថ្លា ដើម្បីដឹកនាំរាជរដ្ឋាភិបាល និងប្រទេសជាតិទទួលជោគជ័យដ៏ត្រចះត្រចង់ថ្មីៗថែមទៀត ជាពិសេសវឌ្ឍនភាព និងកិត្យានុភាពល្បីរន្ទឺលើឆាកអន្តរជាតិ
ប្រាសាទបាយក្អែក មានទីតាំងនៅខាងលិចប្រាសាទអង្គរវត្ត ដែលមិនសូវមានអ្នកស្គាល់ ហើយទេសចរភាគច្រើនឆ្លងកាត់ទៅហួសមកហួស។
តំណាងស្ថាប័ន វត្តអារាម ក៏ដូចជាប្រជាពលរដ្ឋជាបន្តបន្ទាប់ បានស្នើសុំកូនឈើពីអាជ្ញាធរជាតិអប្សរា ដើម្បីយកទៅដាំនៅតាមដីភូមិ ចម្ការ វត្តអារាម និងសាលារៀន។ល។ ក្នុងថ្ងៃទី៥ ខែសីហា ឆ្នាំ២០២០ អាជ្ញាធរជាតិអប្សរា បានផ្តល់កូនឈើដល់តំណាងវត្តអារាម និងស្ថាប័នសរុបចំនួន ១,៤០០ដើម។
ដើមដំបូងមុន12345...337338បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
7
ថ្ងៃនេះ
:
4333
ម្សិលមិញ
:
5802
សប្តាហ៍នេះ
:
16062
ខែនេះ
:
0242926
សរុប
:
012068557