ព័ត៌មានថ្មីៗ

ICC-Angkor គោរពវិញ្ញាណក្ខខ្ធចំពោះមរណភាពឯកឧត្តម ឃួន ឃុននាយ

បានផ្សាយនៅ ថ្ងៃទី 25 ខែ មករា ឆ្នាំ2017 10:59 AM ដោយ ៖ អាជ្ញាធរជាតិអប្សរា

ក្នុងពិធីបើកកិច្ចប្រជុំពេញអង្គរ ICC-Angkor លើកទី២៣ នៅព្រឹកថ្ងៃទី២៥ មករា ឆ្នាំ២០១៧នេះ សហប្រធានដឹកនាំកិច្ចប្រជុំ បានប្រកាសពីមរណភាពរបស់ឯកឧត្តម ឃួន ឃុននាយ អតីតអគ្គនាយករងអាជ្ញាធរជាតិអប្សរា។ ឯកឧត្តម បានទទួលមរណភាពដោយរោគាពាធកាលពីរាត្រីថ្ងៃទី២៤ មករា នៅប្រទេសកាណាដា។

អង្គប្រជុំ ICC-Angkor បានសម្តែងនូវសេចក្តីអាឡោះអាល័យចំពោះឯកឧត្តម ឃួន ឃុននាយ ដែលធ្លាប់ជាអតីតក្រុមការងារដ៏សកម្ម ក្នុងកិច្ចការអង្គរនាពេលកន្លងមក។ អង្គប្រជុំក៏បានធ្វើពិធីស្មឹងស្មាធិ៍ដើម្បីសម្តែងការគោរពវិញ្ញាណក្ខន្ធរបស់ឯកឧត្តម ឃួន ឃុននាយ

គំរូវីរៈភាព និងស្នាដៃរបស់ឯកឧត្តម ឃួន ឃុននាយ ដែលបានរួមចំណែកក្នុងកិច្ចការអង្គរ ក៏ដូចជាការងារសង្គមផ្សេងៗទៀត គឺជាការចងចាំដែលមិនអាចបំភ្លេចបានចំពោះគុណតម្លៃដ៏ធំធេងចំពោះជាតិ និងមាតុភូមិ។

តាងនាមថ្នាក់ដឹកនាំ និងមន្រ្តី បុគ្គលិក ឆ្មាំ កម្មករទាំងអស់នៃអាជ្ញាធរជាតិអប្សរា សូមសម្តែងនូវការសោកស្តាយ និងគោរពវិញ្ញាណក្ខន្ធចំពោះឯកឧត្តម ឃួន ឃុននាយ និងសូមឲ្យវិញ្ញាណក្ខន្ធឯកឧត្តម បានសោយសុខក្នុងដ្ឋានសុគតិភព។

ឯកឧត្តម ឃួន ឃុននាយ ក៏ត្រូវបានគេស្គាល់ថាជាស្ថាបត្យករ និងនគរូបនីយកម្មដ៏ល្បីម្នាក់ដែរ។ ឯកឧត្តមទទួលបានសញ្ញាបត្រអនុបណ្ឌិតផ្នែកស្ថាបត្យកម្មនៅសាកលវិទ្យាល័យ Kiev ប្រទេសអ៊ុយក្រែន នៅឆ្នាំ១៩៦៦ អនុបណ្ឌិតផ្នែកច្បាប់នៅទីក្រុងភ្នំពេញឆ្នាំ ១៩៧២ ផ្នែកគម្រោងអភិវឌ្ឍន៍ពីទីក្រុងឡុងដ៍នាឆ្នាំ ១៩៧២ និងផ្នែកវិទ្យាសាស្រ្តនយោបាយនៅឆ្នាំ១៩៨៧ ពីប្រទេសកាណាដា។

នៅចន្លោះឆ្នាំ១៩៦៦ដល់ឆ្នាំ១៩៧១ ឯកឧត្តម ឃួន ឃុននាយ ក៏ជាស្ថាបត្យករនៅការិយាល័យស្ថាបត្យកម្មឯកជនរបស់លោកវណ្ណ ម៉ូលីវណ្ណ។ នៅសម័យសង្រ្គាមឆ្នាំ១៩៧៧ ឯកឧត្តមបានចាកចេញពីប្រទេសកម្ពុជា និងត្រឡប់មកប្រទេសវិញនៅឆ្នាំ២០០៤ ដោយចូលបម្រើការងារនៅអាជ្ញាធរអប្សរា។ ចាប់តាំងពីឆ្នាំ២០០៨មក ឯកឧត្តមបានក្លាយជាអគ្គនាយករងអាជ្ញាធរអប្សរា ទទួលបន្ទុកនាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរ៕








១អាជ្ញាធរជាតិអប្សរា បើកឱ្យភ្ញៀវទេសចរចូលទស្សនា ប្រាសាទកណ្តាលស្រះស្រង់នាសប្តាហ៍ក្រោយ
ដើម្បីអបអរសាទរការបញ្ចប់គម្រោងជួសជុលប្រាសាទកណ្តាលស្រះស្រង់ជាស្ថាពរ ក្រោមកិច្ចសហការរបស់អាជ្ញាធរជាតិអប្សរាជាមួយវិស័យឯកជន អាជ្ញាធរជាតិអប្សរានឹងរៀបចំប្រារព្ធពិធីសម្ពោធដាក់ភ្ញៀវទេសចរជាតិ-អន្តរជាតិ និងសាធារណជនចូលទស្សនាប្រាសាទកណ្តាលស្រះស្រង់ជាផ្លូវការ នាថ្ងៃទី២២ ខែកុម្ភៈ ឆ្នាំ២០២១
នៅរសៀលថ្ងៃទី២០ ខែកុម្ភៈ ឆ្នាំ២០២១ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានក្រុមប្រឹក្សាភិបាលអាជ្ញាធរជាតិអប្សរា អមដំណើរដោយថ្នាក់ដឹកនាំអាជ្ញាធរជាតិអប្សរា
តាមរយៈការសម្របសម្រួលរបស់អាជ្ញាធរជាតិអប្សរា ប្រជាពលរដ្ឋទាំង១២ភូមិនៃសង្កាត់ក្របីរៀលសរុបចំនួន១៨០នាក់ បានមកទស្សនារមណីយដ្ឋានអង្គរ។
តំណាងក្រុមហ៊ុនកូកាកូឡា បានប្រគល់អណ្ដូងទឹកដើរដោយថាមពលពន្លឺព្រះអាទិត្យមួយគ្រឿងដល់អាជ្ញាធរជាតិអប្សរា ដើម្បីស្រោចស្រពថ្នាលបណ្ដុះកូនឈើនៅភូមិលាងដៃ ដែលជាផ្នែកមួយចូលរួមអភិវឌ្ឍន៍ការងារបរិស្ថានក្នុងតំបន់រមណីយដ្ឋានអង្គរ។ ក្រៅពីកិច្ចការនេះ ក្រុមហ៊ុនកូកាកូឡាក៏មានគម្រោងថ្មីៗទៀតជាមួយអាជ្ញាធរជាតិអប្សរា ក្នុងន័យរួមចំណែកអភិវឌ្ឍន៍ការងារបរិស្ថានក្នុងតំបន់រមណីយដ្ឋានអង្គរឱ្យកាន់តែល្អប្រសើរ ជាផ្នែកមួយជួយអភិវឌ្ឍន៍សង្គមជាតិ។
អាជ្ញាធរជាតិអប្សរា សូមជូនដំណឹងដល់សាធារណជនទាំងអស់ឱ្យបានជ្រាបថា នៅថ្ងៃទី២១ ខែកុម្ភៈ ឆ្នាំ២០២១ អាជ្ញាធរជាតិអប្សរានឹងបិទការចេញចូលនៅខ្លោងទ្វារតាកាវបណ្តោះអាសន្ន ដើម្បីប្រារព្ធពិធីបើកការដ្ឋានជួសជុលខ្លោងទ្វារនេះ ក្រោមកិច្ចសហការជាមួយវិស័យឯកជន។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
14
ថ្ងៃនេះ
:
91851
ម្សិលមិញ
:
84683
សប្តាហ៍នេះ
:
317153
ខែនេះ
:
0620661
សរុប
:
015063502