NEWS

APSARA Authority and conservation organizations, China, discuss about the possibility of future conservation projects

Published on 24 January 2017 10:48 AM Post By ៖ Apsara National Authority

កិច្ចពិភាក្សាអំពីកិច្ចសហប្រតិបត្តិការ និងការអភិរក្សជួសជុលប្រាសាទនាពេលអនាគត ត្រូវបានលើកយកមកពិភាក្សាក្នុងជំនួបរវាងអាជ្ញាធរជាតិអប្សរា និងស្ថាប័នរដ្ឋាភិបាលចិនសម្រាប់ការអភិរក្សអង្គរហៅកាត់ថា CSA នារសៀលថ្ងៃទី២៣ ខែមករា ឆ្នាំ២០១៧ នៅទីស្នាក់ការអាជ្ញាធរជាតិអប្សរា។

ជំនួបពិភាក្សានេះធ្វើឡើងក្រោមអធិបតីភាពឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា និងលោក Chai Xiaoming អគ្គនាយកនៃបណ្ឌិតសភាចិនសម្រាប់បេតិកភណ្ឌវប្បធម៌ ដោយមានការចូលរួមពីអ្នកជំនាញជាច្រើនរូបទៀត។

ប្រធានបទសំខាន់ៗនៃកិច្ចពិភាក្សានេះ បានផ្តោតទៅលើការជួសជុលប្រាសាទភិមានអាកាសជាគម្រោងអនាគតបន្ទាប់គម្រោងជួសជុលប្រាសាទតាកែវបានបញ្ចប់។ ក្នុងនោះដែរ ភាគីទាំងពីរក៏បានពិភាក្សាអំពីលទ្ធភាពនៃការបង្កើតកម្មវិធីបណ្តុះបណ្តាលផ្នែកអភិរក្សបន្ថែមទៀតជូនដល់មន្ត្រីនៃអាជ្ញាធរជាតិអប្សរា។

ពាក់ព័ន្ធនឹងលទ្ធភាពជួសជុលប្រាសាទបេងមាលានាពេលអនាគត ភាគីទាំងពីរឯកភាពនឹងធ្វើការសិក្សាបឋមរួមគ្នាមួយ ដើម្បីធ្វើជារបាយការណ៍បច្ចេកទេសជូនថ្នាក់ដឹកនាំមុននឹងឈានដល់ការសម្រេចដើម្បីធ្វើការជួសជុល។

លោក Chai Xiaoming បានលើកឡើងថា ការពិចារណាលើគម្រោងជួសជុលប្រាសាទបេងមាលា គឺធ្វើឡើងដោយរក្សាទ្រង់ទ្រាយដើមនៃប្រាសាទ ក្នុងន័យលើកតម្លៃបេតិកភណ្ឌ មិនមែនផ្តោតតែលើការជួសជុលទាំងស្រុងនោះឡើយ។ មិនតែប៉ុណ្ណោះ ក្រុមការងាររបស់លោកមិនពិចារណាត្រឹមតែអ្នកជំនាញខាងជួសជុលប្រាសាទទេ តែត្រូវមានអ្នកជំនាញផ្នែកជួសជុលក្បាច់ចម្លាក់ និងបរិស្ថានដែរ។ ដូច្នេះ ក្រុមការងារចាំបាច់ត្រូវការសិក្សាលម្អិតអំពីបច្ចេកទេស មុនឈានដល់ការកំណត់ចំណុចដែលត្រូវជួសជុលដំបូងណាមួយ។

សូមបញ្ជាក់ថា ស្ថាប័នCSAគ្រោងនឹងបញ្ចប់ការងារជួសជុលប្រាសាទតាកែវនៅចុងឆ្នាំ២០១៧ខាងមុខ ក្រោយពីបញ្ចប់ការងារជួសជុលប្រាសាទចៅសាយទេវតាពីឆ្នាំ១៩៩៨ដល់ឆ្នាំ២០០៨។ ដូច្នេះហើយ ទើបអាជ្ញាធរជាតិអប្សរាកំពុងស្នើសុំរដ្ឋាភិបាលចិនដើម្បីឲ្យស្ថាប័នCSAជួយជួសជុលប្រាសាទបេងមាលាជាបន្តទៀត។ អាជ្ញាធរជាតិអប្សរាសង្ឃឹមថា កិច្ចពិភាក្សានេះនឹងកាន់តែចេញផ្លែផ្កា ស្របពេលដែលកិច្ចប្រជុំអាយស៊ីស៊ីអង្គរនាថ្ងៃទី២៤ ខែមករានេះ ក៏នឹងមានវត្តមានលោក Lui Shuguang អនុរដ្ឋមន្ត្រីក្រសួងវប្បធម៌ចិនអញ្ជើញចូលរួមផងដែរ៕








ព្នៅ ជាប្រភេទរុក្ខជាតិបុរាណខ្មែរ ហើយមានសារប្រយោជន៍ច្រើនមុខ ទាំងសម្រាប់បរិភោគ និងជាឱសថផង លើសពីនេះ វាជារុក្ខជាតិដែលត្រូវបានលើកតម្កើងទាំងពិធីសាសនា និងកិច្ចពិធីផ្សេងៗក្នុងសាសនាព្រាហ្មណ៍។ ដោយយល់ពីសារប្រយោជន៍ ក៏ដូចជាដើម្បីអភិរក្សពូជដើមព្នៅកុំឱ្យបាត់បង់ អាជ្ញាធរជាតិអប្សរា មានគម្រោងរៀបចំជាចម្ការព្នៅ ដោយដាំពូជព្នៅចម្រុះនៅក្នុងតំបន់រមណីយដ្ឋានអង្គរ ក៏ដូចជាសម្រាប់ទុកឱ្យអ្នកជំនាន់ក្រោយៗបានស្គាល់ផង។
ក្រោមស្នាដៃជួសជុលដោយកូនខ្មែរនិងបរទេសក្នុងការអភិរក្សប្រាសាទភ្នំបាខែងឱ្យផុតពីគ្រោះថ្នាក់ អាជ្ញាធរជាតិអប្សរាសហការជាមួយមូលនិធិប្រាសាទពិភពលោក (World Monument Fund) តាំងពីឆ្នាំ២០០៧ បានធ្វើការអភិរក្ស ជួសជុល ប្រាសាទភ្នំបាខែង ដោយប្រែស្ថានភាពពីចាស់ទ្រុឌទ្រោម បាក់បែក មកជាសំណង់ប្រាសាទដែលមានភាពរឹងមាំ សោភ័ណភាពស្អាត និងទាក់ទាញទេសចរ។
នៅព្រឹកថ្ងៃទី២៤ ខែកញ្ញា ឆ្នាំ២០២០នេះ មន្រ្តី និងបុគ្គលិកនៃអាជ្ញាធរជាតិអប្សរា រួមមាននាយកដ្ឋានផ្សព្វផ្សាយ នាយកដ្ឋានសណ្ដាប់ធ្នាប់ និងសហប្រតិបត្តិការ និងនាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន បានចូលរួមជាមួយព្រះសង្ឃ និងកម្លាំងនគរបាលបេតិកភណ្ឌ ដាំកូនឈើចំនួន៥០០ដើម នៅក្នុងបរិវេណវត្តតាំងតុ ស្ថិតនៅតាមបណ្ដោយផ្លូវឆ្ពោះទៅខ្លោងទ្វារជ័យ នៃក្រុងអង្គរធំ។
តាមរបាយការណ៍របស់នាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងឧទ្យានអង្គរនៃអាជ្ញាធរជាតិអប្សរា ឱ្យដឹងថា ខែកញ្ញា ឆ្នាំ២០២០នេះ ក្រុមការងារ បានចុះពិនិត្យនិងជួយសម្រួលលក្ខណៈបច្ចេកទេសដល់ប្រជាពលរដ្ឋដែលសាងសង់លំនៅដ្ឋានចំនួន៣០៩គ្រួសារ នៅក្នុងតំបន់អង្គរ។
ព្រះមហាវិមលធម្ម សិរីសុវណ្ណោ ពិន សែម រាជាគណៈថ្នាក់ទោ និងជាឧត្តមទីប្រឹក្សាគណៈសង្ឃនាយកនៃព្រះរាជាណាចក្រកម្ពុជា និងជាព្រះចៅអធិការវត្ត រាជបូណ៌ បានដឹកនាំព្រះសង្ឃប្រមាណ៦០អង្គ ចូលរួមដាំដើមព្នៅនៅបរិវេណកសិន្ធុខាងជើងនៃប្រាសាទអង្គរវត្ត។ ព្រះអង្គមានបន្ទូលថា ដើមព្នៅមានសារប្រយោជន៍ដ៏អស្ចារ្យដែលប្រជាពលរដ្ឋខ្មែរត្រូវដឹង និងចូលរួមដាំឡើងវិញកុំឱ្យបាត់បង់។ ពិសេសជាងនេះ ដើមព្នៅជារុក្ខជាតិដ៏ខ្ពង់ខ្ពស់ក្នុងសាសនាព្រាហ្មណ៍ និងប្រើប្រាស់សម្រាប់ជាឱសថព្យាបាលរោគផង។
FirstPrev12345...347348NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
9
Today
:
1046
Yesterday
:
4619
This Week
:
75725
This Month
:
0231806
Total
:
012739395