ព័ត៌មានថ្មីៗ

ឯកឧត្តម សុខ សង្វារ និងអ្នកជំនាញការអាយស៊ីស៊ី-អង្គរ ចុះពិនិត្យការងារមួយចំនួននៅរមណីយដ្ឋានអង្គរ

បានផ្សាយនៅ ថ្ងៃទី 24 ខែ មករា ឆ្នាំ2017 08:48 AM ដោយ ៖ អាជ្ញាធរជាតិអប្សរា

នៅព្រឹកថ្ងៃទី២៣ មករា ឆ្នាំ២០១៧នេះ ឯកឧត្តម សុខ សង្វារ អគ្គនាយករង ទទួលបន្ទុកនាយកដ្ឋានអភិវឌ្ឍន៍ទេសចរណ៍អង្គរ នៃអាជ្ញាធរអប្សរា បានដឹកនាំក្រុមការងារ និងអ្នកជំនាញការ អាយស៊ីស៊ី-អង្គរ ចុះពិនិត្យការងារមួយចំនួនក្នុងរមណីយដ្ឋានប្រវត្តិសាស្ត្រអង្គរ។ ក្នុងនោះអ្នកជំនាញការ អាយស៊ីស៊ី-អង្គរ បានថ្លែងនូវការកោតសរសើរ និងគាំទ្រចំពោះគម្រោងអភិវឌ្ឍន៍នានា ដែលបាននិងកំពុងដំណើរការក្នុងរមណីយដ្ឋានប្រវត្តិសាស្ត្រអង្គរ។

ក្នុងដំណើរទស្សនកិច្ចរយៈពេលពេញមួយព្រឹក អ្នកជំនាញការ អាយស៊ីស៊ី-អង្គរ បានចុះទៅពិនិត្យមើលការងារមួយចំនួន ដូចជានៅរង្វង់មូលចំបក់កំណប់ ការដ្ឋានស្ពានអណ្តែតទឹក ភ្នំបាខែង និងខ្លោងទ្វារទន្លេអុំជាដើម។

ឯកឧត្តម សុខ សង្វារ អគ្គនាយករងអាជ្ញាធរអប្សរា បានឲ្យដឹងថា អ្នកជំនាញការ អាយស៊ីស៊ី-អង្គរ បានកោតសរសើរចំពោះការងារកែសម្រួល ជួសជុល និងរៀបចំឡើងវិញរង្វង់មូលចំបក់កំណប់។ ការកែសម្រួលរង្វង់មូលនេះ គឺទទួលបានការពេញចិត្តពីអ្នកជំនាញការ អាយស៊ីស៊ី-អង្គរ និងជំរុញឲ្យគម្រោងនេះ ដំណើរការឲ្យបានឆាប់រហ័សផងដែរ។
ក្រៅពីនេះ អ្នកជំនាញការ អាយស៊ីស៊ី-អង្គរ ក៏បានទៅពិនិត្យមើលការដ្ឋានស្ពានអណ្តែតទឹកផងដែរ។ នៅទីនោះ អ្នកជំនាញការមានការពេញចិត្ត និងអះអាងថា គម្រោងនេះដំណើរការទៅតាមគម្រោងដែលបានឆ្លងទៅកិច្ចប្រជុំ អាយស៊ីស៊ី-អង្គរ នាពេលកន្លងមក។ ក្នុងទីតាំងនេះ ឯកឧត្តម សុខ សង្វារ ក៏បានបង្ហាញដល់អ្នកជំនាញការទាំងអស់ អំពីគុណភាពរបស់ស្ពានអណ្តែតទឹកនេះ។ តាមការបញ្ជាក់របស់ឯកឧត្តម ស្ពាននេះអាចធានាសុវត្ថិភាពខ្ពស់ដល់ភ្ញៀវទេសចរជាតិ-អន្តរជាតិ ហើយក៏មានភ្នាក់ងារទេសចរណ៍ប្រចាំការដោយយកចិត្តទុកដាក់ខ្ពស់ ពេលស្ពាននេះដំណើរការផងដែរ។

បន្ទាប់ពីចុះទៅរង្វង់មូលចំបក់កំណប់ ស្ពានអណ្តែតទឹក អ្នកជំនាញការក៏បានបន្តទៅត្រួតពិនិត្យគម្រោងការងារមួយចំនួននៅភ្នំបាខែងផងដែរ។ នៅទីនោះ ឯកឧត្តម សុខ សង្វារ បានលើកឡើងពីបំណងចង់បំពាក់អគ្គិសនីបំភ្លឺតាមផ្លូវឡើងទៅលើភ្នំបាខែង។ ឯកឧត្តមបានពន្យល់ថា វាមានការលំបាកណាស់ នៅពេលភ្ញៀវចុះពីលើភ្នំបាខែង ក្រោយពេលមើលថ្ងៃលិច គឺវាមានសភាពងងឹតខ្លាំង។ ត្រង់ចំណុចនេះ ឯកឧត្តមបញ្ជាក់ថា អាជ្ញាធរជាតិអប្សរា និងពិនិត្យលើលទ្ធភាពមួយចំនួននៃការប្រើប្រាស់ប្រព័ន្ធអគ្គិសនីណាមួយ ដែលយកទៅបំពាក់នៅទីនោះ។

ចំណុចមួយទៀតនៅភ្នំបាខែងនេះ អ្នកជំនាញការអាយស៊ីស៊ី-អង្គរ ក៏បានចុះពិនិត្យជាក់ស្តែងអំពីបញ្ហាទីតាំងចំណតយានយន្តផងដែរ។ កន្លងមក នៅទីនេះមានការលំបាកដោយគ្មានចំណតត្រឹមត្រូវ។ ក្រុមការងាររបស់នាយកដ្ឋានអភិវឌ្ឍន៍ទេសចរណ៍នឹងរៀបចំលើបញ្ហានេះ ក៏ដូចជាបែងចែកឲ្យបានត្រឹមត្រូវចំពោះតូចលក់ដូរ និងចំណតយានយន្ត។

ចុងបញ្ចប់នៃដំណើរទស្សនកិច្ចនៃអ្នកជំនាញការអាយស៊ីស៊ី-អង្គរ គឺនៅខ្លោងទ្វារទន្លេអុំ។ បញ្ហាចំបងនៅទីនោះ គឺចន្លោះប្រហោងរវាងរូបចម្លាក់កូរសមុទ្រទឹកដោះ។ ចំណុចនេះធ្វើឲ្យមានភ្ញៀវទេសចរខ្លះ ភ្លេចខ្លួនចូលទៅឈរនៅចន្លោះនោះដើម្បីផ្តិតរូបភាព និងជាកន្លែងដែលក្មេងៗនៅតំបន់អង្គរមួយចំនួន មកលោតទឹកកម្សាន្ត ដែលធ្វើឲ្យប៉ះពាល់ដល់សម្បតិ្តបេតិកភណ្ឌជាតិ និងអាចមានគ្រោះថ្នាក់ផ្សេងៗ។ ត្រង់ចំណុចនេះដែរ អាជ្ញាធរជាតិអប្សរា មានគម្រោងដាក់រនាំងតូចៗការពារត្រង់ចំណុចប្រហោងនោះ។ នេះជាមធ្យោបាយ ដែលអាជ្ញាធរជាតិអប្សរាគ្រោងនឹងរៀបចំដាក់សំណើរទៅក្នុងកិច្ចប្រជុំអាយស៊ីស៊ី-អង្គរ។

គួររម្លឹកថា កិច្ចប្រជុំគណៈកម្មាធិការ អាយស៊ីស៊ី-អង្គរ គ្រោងនឹងរៀបចំរយៈពេល២ថ្ងៃ ចាប់ពីថ្ងៃទី២៤-២៥ ខែមករា ឆ្នាំ២០១៧ នៅស្នាក់ការអាជ្ញាធរជាតិអប្សរា៕












ថ្ងៃទី២៦ ខែតុលា ឆ្នាំ២០២០ ក្រុមការងារសហគមន៍នៃអាជ្ញាធរជាតិអប្សរាចំនួន២គោលដៅ ដែលមានការចូលរួមជាមួយអាជ្ញាធរមូលដ្ឋាន បានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ។
ចាប់ផ្តើមពីថ្ងៃ២២ រហូតដល់ថ្ងៃទី២៤ ខែតុលា ឆ្នាំ២០២០ លោក Christophe GIGAUDAUT មន្ដ្រីស្ថានទូតប្រទេសបារាំងប្រចាំនៅកម្ពុជា ដែលនឹងត្រូវទទួលភារកិច្ចជាសហប្រធានបច្ចេកទេសនៃគណៈកម្មាធិការអន្ដរជាតិសម្របសម្រួលកិច្ចគាំពារ និងអភិវឌ្ឍន៍តំបន់ប្រវត្តិសាស្ត្ររមណីយដ្ឋានអង្គរ ហៅកាត់ថា «អាយស៊ីស៊ី-អង្គរ» រួមដំណើរដោយឯកឧត្តម ហង់ ពៅ អគ្គនាយកអាជ្ញាធរជាតិអប្សរា ព្រមទាំងមន្ត្រីពាក់ព័ន្ធ បានចុះពិនិត្យនិងស្វែងយល់ពីកិច្ចការអភិរក្សនិងអភិវឌ្ឍន៍ប្រកបដោយចីរភាពនៅរមណីយដ្ឋានអង្គរ។
ក្នុងឱកាសចុះពិនិត្យវឌ្ឍនភាពការងារនៅភូមិធម្មជាតិរុនតាឯក ឯកឧត្ដម ហង់ ពៅ អគ្គនាយកអាជ្ញាធរជាតិអប្សរា បានដឹកនាំកិច្ចប្រជុំដើម្បីតាមដានសកម្មភាពការងារផ្សេងៗដែលក្រុមការងារនៅទីនោះបានកំពុងតែអនុវត្ត ព្រមទាំងផ្តល់យោបល់គន្លឹះបន្ថែមទៀតក្នុងការដោះស្រាយបញ្ហាប្រឈម៕
ថ្ងៃទី២៣ ខែតុលា ឆ្នាំ២០២០ នៅទីស្នាក់ការអាជ្ញាធរជាតិអប្សរា ខេត្តសៀមរាប បានរៀបចំសិក្ខាសាលាស្តីពី “ការអភិវឌ្ឍទឹកស្អាតនិងអនាម័យនៅទីក្រុងប្រកបដោយចីរភាព” ក្រោមការជួយឧបត្ថម្ភដោយទីភ្នាក់ងារអភិវឌ្ឍន៍របស់ប្រទេសស៊ុយអែត ហៅកាត់ថា Sida និងគាំទ្របច្ចេកទេសដោយ NIRAS និងWater Aid ។
ថ្មីៗនេះ នាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាននៃអាជ្ញាធរជាតិអប្សរា បានដាំដើមត្នោតចំនួន៧៣០ដើម បន្ថែមទៀតនៅតាមទំនប់អមប្រឡាយបុរាណ ស្ថិតក្នុងភូមិលាងដៃ ឃុំលាងដៃ ស្រុកអង្គរធំ។ អាជ្ញាធរជាតិអប្សរា ដាំដើមត្នោតបានចំនួន៦០០០ដើមរួចមកហើយក្នុងរយៈពេល៤ឆ្នាំកន្លងមកក្នុងបរិវេណរមណីយដ្ឋានអង្គរ។
ដើមដំបូងមុន12345...357358បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
8
ថ្ងៃនេះ
:
0086
ម្សិលមិញ
:
10360
សប្តាហ៍នេះ
:
20374
ខែនេះ
:
0173883
សរុប
:
012943315