NEWS

Leaders of ICC-Angkor meet to set the agenda to discuss for international meeting about Angkor

Published on 23 January 2017 10:22 AM Post By ៖ Apsara National Authority

ថ្នាក់ដឹកនាំសំខាន់ៗនៃអាយស៊ីស៊ីអង្គរ រួមមាន អាជ្ញាធរជាតិអប្សរា តំណាងអង្គការយូណេស្កូ និងសហប្រធានអាយស៊ីស៊ីអង្គរទាំងពីរគឺប្រទេសបារាំងនិងជប៉ុន បានជួបពិភាក្សាគ្នានៅព្រឹកថ្ងៃទី២៣ ខែមករា ឆ្នាំ២០១៧ នាទីស្នាក់ការអាជ្ញាធរជាតិអប្សរា។

ជំនួបចតុភាគីនេះ តែងតែប្រព្រឹត្តទៅនៅរៀងរាល់មុនកិច្ចប្រជុំពេញអង្គ និងកិច្ចប្រជុំបច្ចេកទេសនៃគណៈកម្មាធិកាអាយស៊ីស៊ីអង្គរ ដើម្បីកំណត់ទិសដៅ របៀបវារៈ ប្រធានបទ ជាពិសេសដើម្បីពិនិត្យវាយតម្លៃពីប្រសិទ្ធភាព ទៅលើអនុសាសន៍ដែលធ្លាប់ផ្តល់ដោយអ្នកជំនាញការជាន់ខ្ពស់កន្លងមក។

ជំនួបពិភាក្សានេះដែរ ក៏តែងតែពិនិត្យទៅលើសំណើនៃគម្រោងថ្មីៗក្នុងតំបន់អង្គរ ដែលនឹងត្រូវដាក់ជូនអង្គប្រជុំអាយស៊ីស៊ីអង្គរនាពេលខាងមុខ ដើម្បីវាយតម្លៃពីស្ថានភាពទូទៅនៃគម្រោងផ្សេងៗថា តើគួរចាត់បញ្ចូលក្នុងរបៀបវារៈនៃកិច្ចប្រជុំដែរឬទេ?

កិច្ចប្រជុំអាយស៊ីស៊ីអង្គរ គឺជាកិច្ចប្រជុំដ៏សំខាន់បំផុតនៃការងារអភិរក្សនិងអភិវឌ្ឍន៍តំបន់បេតិកភណ្ឌពិភពលោកអង្គរ។ ដូច្នេះហើយ មុននឹងសម្រេចប្រធានបទ ឬរបៀបវារៈនៃកិច្ចប្រជុំនេះ ភាគីទាំង៤ដែលជាថ្នាក់ដឹកនាំកិច្ចប្រជុំអាយស៊ីស៊ីអង្គរតែងជួបពិភាក្សាគ្នាយ៉ាងមធ្យ័ត៣ទៅ៤ដងមុននឹងកិច្ចប្រជុំចូលមកដល់។

សូមបញ្ជាក់ថា គណៈកម្មាធិការអាយស៊ីស៊ីអង្គរនឹងរៀបចំកិច្ចប្រជុំបច្ចេកទេសលើកទី២៧ និងកិច្ចប្រជុំពេញអង្គលើក២៣ នៅថ្ងៃទី២៤-២៥ ខែមករា ឆ្នាំ២០១៧ខាងមុខនេះ។ កិច្ចប្រជុំនេះនឹងប្រារព្ធឡើងក្រោមអធិបតីភាពសហប្រធានទាំងពីរគឺឯកឧត្តមឯកអគ្គរដ្ឋទូតប្រទេសបារាំង និងឯកឧត្តមឯកអគ្គរដ្ឋទូតប្រទេសជប៉ុន និងប្រតិភូរាជរដ្ឋាភិបាលកម្ពុជា ដឹកនាំដោយឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា៕








នៅថ្ងៃទី១៤ ខែកញ្ញា ឆ្នាំ២០២០ ឯកឧត្តម សុខ សង្វារ អគ្គនាយករងទទួលបន្ទុកនាយកដ្ឋានអភិវឌ្ឍន៍ទេសចរណ៍អង្គរនៃអាជ្ញាធរជាតិអប្សរា និងលោក HONG Jianchun អនុប្រធានគណៈកម្មាធិការរដ្ឋបាលហ័ងសាន បានបន្តពង្រឹងកិច្ចសហប្រតិបត្តិការលើវិស័យទេសចរណ៍នៅតំបន់បេតិកភណ្ឌអង្គរនិងហ័ងសាន។
ក្នុងគោលបំណងស្ដារគម្របព្រៃឈើក្នុងតំបន់រមណីយដ្ឋានបេតិកភណ្ឌពិភពលោកអង្គរឲ្យកាន់តែមានចំនួនច្រើនឡើង ក៏ដូចជាក្នុងន័យបំផុសស្មារតីឲ្យមានការចូលរួមរបស់ប្រជាពលរដ្ឋអំពីកិច្ចការបរិស្ថាន ជាបន្តបន្ទាប់អាជ្ញាធរជាតិអប្សរា បានបន្តចែកជូនកូនឈើដល់សាធារណជនជិតឆ្ងាយ ដើម្បីយកទៅដាំនៅតាមតំបន់នានាក្នុងប្រទេសកម្ពុជា។ ក្នុងពាក់កណ្ដាលខែកញ្ញា ឆ្នាំ២០២០ គឺចាប់ពីថ្ងៃទី១ ដល់ថ្ងៃទី១២ ខែកញ្ញា
ដូនតាខ្មែរបានកសាងប្រាសាទខ្លះមានខ្លោងទ្វារចេញចូល៤ទិស ខ្លះ២ទិស និងខ្លះ១ទិស ដែលឱ្យមនុស្សចេញចូលតាមទិសខាងកើតឬខាងលិចដែលកំណត់ថាជាខ្លោងទ្វារធំ ដោយយោងទៅលើប្រាង្គសំខាន់បែរមុខទៅទិសណា។
នៅព្រឹកថ្ងៃទី១៣ ខែកញ្ញា ឆ្នាំ២០២០ នេះ អាជ្ញាធរជាតិអប្សរា ក្រោមកិច្ចសហការជាមួយរដ្ឋបាលខេត្តសៀមរាប និងធនាគារ CIMB បានរៀបចំពិធីដាំកូនឈើចំនួន ១,៥០០ដើម នៅបរិវេណប្រាសាទបន្ទាយក្ដី ក្រោមប្រធានបទ «យើងដាំ យើងចំណាំ យើងថែរក្សា ប្រាង្គប្រាសាទដែលជាបេតិកភណ្ឌមនុស្សជាតិ»។ ក្នុងពិធីនៅពេលនោះ លោក ឡុង កុសល អ្នកនាំពាក្យអាជ្ញាធរជាតិអប្សរា ក្នុងនាមឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានសម្ដែងអារម្មណ៍រីករាយ និងរំពឹងថា ស្ថាប័នសាធារណៈពាក់ព័ន្ធនិងស្ថាប័នឯកជនដទៃទៀត នឹងបន្តចូលរួមកាន់តែច្រើនក្នុងការដាំកូនឈើក្នុងរមណីយដ្ឋានអង្គរ
១៖ ទូតឥណ្ឌាចប់អាណត្តិជួបសម្ដែងការគួរសមនិងជម្រាបលាថ្នាក់ដឹកនាំអាជ្ញាធរជាតិអប្សរា
នៅរសៀលថ្ងៃទី៨ ខែកញ្ញា ឆ្នាំ២០២០នេះ ឯកឧត្តមអគ្គនាយកអាជ្ញាធរជាតិអប្សរា បានអនុញ្ញាតឱ្យលោកជំទាវ Manika Jain ឯកអគ្គរដ្ឋទូតឥណ្ឌាប្រចាំកម្ពុជាចប់អាណត្តិ ជួបសម្ដែងការគួរសម និងជម្រាបលាថ្នាក់ដឹកនាំអាជ្ញាធរជាតិអប្សរា។ ក្នុងជំនួបនោះ លោកជំទាវឯកអគ្គរដ្ឋទូត បានរំឭកពីកិច្ចសហប្រតិបត្តិការ រវាងប្រទេសឥណ្ឌា និងអាជ្ញាធរជាតិអប្សរា ក្នុងការងារជួសជុលនៅប្រាសាទអង្គរវត្ត និងប្រាសាទតាព្រហ្ម។ បន្ថែមពីនេះ លោកជំទាវអគ្គរដ្ឋទូត ក៏បានលើកពីគម្រោងបណ្ដុះបណ្ដាលវគ្គខ្លីៗដល់យុវជនកម្ពុជា លើការងារអភិរក្សប្រាសាទ សិល្បៈ និងវប្បធម៌ផងដែរ។
FirstPrev12345...345346NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
7
Today
:
28622
Yesterday
:
28271
This Week
:
56893
This Month
:
0212974
Total
:
012720563