ព័ត៌មានថ្មីៗ

អគ្គនាយកអាជ្ញាធរជាតិអប្សរានិងអ្នកជំនាញការជាន់ខ្ពស់បេតិកភណ្ឌនៃICC-Angkorចុះពិនិត្យការដ្ឋានកំណាយនៅស្ពាលហាលប្រាសាទអង្គរវត្ត

បានផ្សាយនៅ ថ្ងៃទី 20 ខែ មករា ឆ្នាំ2017 02:48 PM ដោយ ៖ អាជ្ញាធរជាតិអប្សរា

ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា រួមនឹងអ្នកជំនាញការជាន់ខ្ពស់ផ្នែកបេតិកភណ្ឌ ព្រមទាំងអ្នកជំនាញជាតិ-អន្តរជាតិរបស់ស្ថាប័នពាក់ព័ន្ធជាច្រើននាក់ បានអញ្ជើញចុះទៅពិនិត្យមើលការដ្ឋានកំណាយស្ពានហាលប្រាសាទអង្គរវត្តនាព្រឹកថ្ងៃទី២០ ខែមករា ឆ្នាំ២០១៧។

ក្នុងដំណើរចុះទស្សនកិច្ចថ្ងៃនេះដែរ អ្នកជំនាញអាជ្ញាធរជាតិអប្សរាបានធ្វើបទបង្ហាញពីការធ្វើកំណាយ និងលទ្ធផលដែលទទួលបានពីការកំណាយដើម្បីចែកជូនដល់គណៈប្រតិភូជាន់ខ្ពស់ស្តាប់ ព្រមទាំងទទួលយកនូវការផ្តល់យោបល់កែលម្អពីអ្នកជំនាញវិញផងដែរ។

ជាធម្មតា មុននឹងដំណើរការកិច្ចប្រជុំបច្ចេកទេសឬកិច្ចប្រជុំពេញអង្គរបស់ខ្លួន គណៈកម្មាធិការអន្តរជាតិដើម្បីសម្របសម្រួល កិច្ចគាំពារ និងអភិវឌ្ឍន៍រមណីយដ្ឋានប្រវត្តិសាស្ត្រអង្គរ ហៅកាត់ថា អាយស៊ីស៊ី-អង្គរ (ICC-Angkor) តែងតែឱ្យអ្នកជំនាញការជាន់ខ្ពស់ផ្នែកបេតិកភណ្ឌចុះបំពេញបេសកម្មរបស់ខ្លួនដោយផ្ទាល់នៅតាមការដ្ឋានកំពុងជួសជុល និងការដ្ឋានថ្មីដែលត្រៀមនឹងជួសជុល។ ក្នុងការចុះត្រួតពិនិត្យនេះ គឺផ្តោតលើគោលការណ៍សំខាន់៣ គឺផ្លាស់ប្តូរយោបល់បច្ចេកទេសអំពីការជួសជុល សម្ភារៈដែលយកមកធ្វើការជួសជុល និងចំណុចដែលត្រូវជួសជុល ដើម្បីឱ្យអ្នកជំនាញការបានស្វែងយល់ដោយផ្ទាល់ ហើយនឹងធ្វើការពិភាក្សា ផ្តល់យោបល់ តើការអនុវត្តកន្លងមកអនុលោមឬមិនអនុលោមទៅតាមការឱ្យអនុសាសន៍ពីកិច្ចប្រជុំកាលពីលើកមុន។

គួររំឭកផងដែរថា រាល់ការងារជួសជុលគឺទាមទារជាចាំបាច់ត្រូវតែស្របទៅតាមអនុសាសន៍របស់គណៈកម្មាធិការអន្តរជាតិដើម្បីសម្របសម្រួល កិច្ចគាំពារ និងអភិវឌ្ឍន៍រមណីយដ្ឋានប្រវត្តិសាស្ត្រអង្គរ ហៅកាត់ថា អាយស៊ីស៊ី-អង្គរ ដើម្បីធានាបាននូវនិរន្តភាពនៃបេតិកភណ្ឌ ដោយមិនអាចធ្វេសប្រហែលនៅលើចំណុចណាមួយបានឡើយ។ ចំពោះលទ្ធផលដែលទទួលបានពីការចុះទៅពិនិត្យការដ្ឋានកំណាយនៅស្ពានហាលនេះដែរ នឹងយកទៅពិភាក្សាគ្នាបន្តនៅក្នុងកិច្ចប្រជុំបច្ចេកទេសលើកទី២៧និងពេញអង្គលើកទី២៣ នាព្រឹកថ្ងៃទី២៤ដល់ថ្ងៃទី២៥ ខែមករា ឆ្នាំ២០១៧ខាងមុខនេះនៅសាលសន្និសីទអង្គរនៃមជ្ឈមណ្ឌលអាជ្ញាធរជាតិអប្សរា៕








នៅថ្ងៃទី១៤ ខែកញ្ញា ឆ្នាំ២០២០ ឯកឧត្តម សុខ សង្វារ អគ្គនាយករងទទួលបន្ទុកនាយកដ្ឋានអភិវឌ្ឍន៍ទេសចរណ៍អង្គរនៃអាជ្ញាធរជាតិអប្សរា និងលោក HONG Jianchun អនុប្រធានគណៈកម្មាធិការរដ្ឋបាលហ័ងសាន បានបន្តពង្រឹងកិច្ចសហប្រតិបត្តិការលើវិស័យទេសចរណ៍នៅតំបន់បេតិកភណ្ឌអង្គរនិងហ័ងសាន។
ក្នុងគោលបំណងស្ដារគម្របព្រៃឈើក្នុងតំបន់រមណីយដ្ឋានបេតិកភណ្ឌពិភពលោកអង្គរឲ្យកាន់តែមានចំនួនច្រើនឡើង ក៏ដូចជាក្នុងន័យបំផុសស្មារតីឲ្យមានការចូលរួមរបស់ប្រជាពលរដ្ឋអំពីកិច្ចការបរិស្ថាន ជាបន្តបន្ទាប់អាជ្ញាធរជាតិអប្សរា បានបន្តចែកជូនកូនឈើដល់សាធារណជនជិតឆ្ងាយ ដើម្បីយកទៅដាំនៅតាមតំបន់នានាក្នុងប្រទេសកម្ពុជា។ ក្នុងពាក់កណ្ដាលខែកញ្ញា ឆ្នាំ២០២០ គឺចាប់ពីថ្ងៃទី១ ដល់ថ្ងៃទី១២ ខែកញ្ញា
ដូនតាខ្មែរបានកសាងប្រាសាទខ្លះមានខ្លោងទ្វារចេញចូល៤ទិស ខ្លះ២ទិស និងខ្លះ១ទិស ដែលឱ្យមនុស្សចេញចូលតាមទិសខាងកើតឬខាងលិចដែលកំណត់ថាជាខ្លោងទ្វារធំ ដោយយោងទៅលើប្រាង្គសំខាន់បែរមុខទៅទិសណា។
នៅព្រឹកថ្ងៃទី១៣ ខែកញ្ញា ឆ្នាំ២០២០ នេះ អាជ្ញាធរជាតិអប្សរា ក្រោមកិច្ចសហការជាមួយរដ្ឋបាលខេត្តសៀមរាប និងធនាគារ CIMB បានរៀបចំពិធីដាំកូនឈើចំនួន ១,៥០០ដើម នៅបរិវេណប្រាសាទបន្ទាយក្ដី ក្រោមប្រធានបទ «យើងដាំ យើងចំណាំ យើងថែរក្សា ប្រាង្គប្រាសាទដែលជាបេតិកភណ្ឌមនុស្សជាតិ»។ ក្នុងពិធីនៅពេលនោះ លោក ឡុង កុសល អ្នកនាំពាក្យអាជ្ញាធរជាតិអប្សរា ក្នុងនាមឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានសម្ដែងអារម្មណ៍រីករាយ និងរំពឹងថា ស្ថាប័នសាធារណៈពាក់ព័ន្ធនិងស្ថាប័នឯកជនដទៃទៀត នឹងបន្តចូលរួមកាន់តែច្រើនក្នុងការដាំកូនឈើក្នុងរមណីយដ្ឋានអង្គរ
១៖ ទូតឥណ្ឌាចប់អាណត្តិជួបសម្ដែងការគួរសមនិងជម្រាបលាថ្នាក់ដឹកនាំអាជ្ញាធរជាតិអប្សរា
នៅរសៀលថ្ងៃទី៨ ខែកញ្ញា ឆ្នាំ២០២០នេះ ឯកឧត្តមអគ្គនាយកអាជ្ញាធរជាតិអប្សរា បានអនុញ្ញាតឱ្យលោកជំទាវ Manika Jain ឯកអគ្គរដ្ឋទូតឥណ្ឌាប្រចាំកម្ពុជាចប់អាណត្តិ ជួបសម្ដែងការគួរសម និងជម្រាបលាថ្នាក់ដឹកនាំអាជ្ញាធរជាតិអប្សរា។ ក្នុងជំនួបនោះ លោកជំទាវឯកអគ្គរដ្ឋទូត បានរំឭកពីកិច្ចសហប្រតិបត្តិការ រវាងប្រទេសឥណ្ឌា និងអាជ្ញាធរជាតិអប្សរា ក្នុងការងារជួសជុលនៅប្រាសាទអង្គរវត្ត និងប្រាសាទតាព្រហ្ម។ បន្ថែមពីនេះ លោកជំទាវអគ្គរដ្ឋទូត ក៏បានលើកពីគម្រោងបណ្ដុះបណ្ដាលវគ្គខ្លីៗដល់យុវជនកម្ពុជា លើការងារអភិរក្សប្រាសាទ សិល្បៈ និងវប្បធម៌ផងដែរ។
ដើមដំបូងមុន12345...345346បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
9
ថ្ងៃនេះ
:
23756
ម្សិលមិញ
:
5216
សប្តាហ៍នេះ
:
23756
ខែនេះ
:
0179837
សរុប
:
012687426