ព័ត៌មានថ្មីៗ

អាជ្ញាធរជាតិអប្សរាសហការជាមួយអាជ្ញាធរមូលដ្ឋានចុះទប់ស្កាត់សំណង់ខុសច្បាប់នៅតំបន់ការពារឧទ្យានអង្គរ (តំបន់រលួស)

បានផ្សាយនៅ ថ្ងៃទី 26 ខែ ធ្នូ ឆ្នាំ2016 11:12 AM ដោយ ៖ អាជ្ញាធរជាតិអប្សរា

ភ្នាក់ងារសណ្តាប់ធ្នាប់នៃអាជ្ញាធរជាតិអប្សរា សហការជាមួយកម្លាំងការពារបេតិកភណ្ឌប្រចាំស្រុកប្រាសាទបាគង និងអាជ្ញាធរមូលដ្ឋានបានចុះទប់ស្កាត់ការសាងសង់របងបេតុងខុសច្បាប់មួយកន្លែង ដែលស្ថិតនៅក្នុងភូមិលលៃ ឃុំបាគង ស្រុកប្រាសាទបាគង ខេត្តសៀមរាប ដែលជាដីស្ថិតនៅក្នុងតំបន់ការពារទី១នៃរមណីយដ្ឋានអង្គរ (តំបន់រលួស)។ សកម្មភាពចុះទប់ស្កាត់នេះធ្វើឡើង នារសៀលថ្ងៃទី២៥ ខែធ្នូ ឆ្នាំ២០១៦ ដោយតម្រូវឲ្យអ្នកដឹកនាំការដ្ឋាន(មេម៉ៅការសំណង់) ធ្វើកិច្ចសន្យាជាលាយលក្ខណ៍អក្សរ ផ្អាកការសាងសង់បន្ត។

លោក នួន សុគុណ មន្ត្រីសណ្តាប់ធ្នាប់មួយរូប ដែលបានចូលរួមសកម្មភាពទប់ស្កាត់នេះ បញ្ជាក់ថា ការចុះទប់ស្កាត់នេះជាលើកទី២ហើយ បន្ទាប់ពីក្រុមការងារធ្លាប់បានចុះទប់ស្កាត់ម្តងកាលពីថ្ងៃទី១៧ ខែធ្នូ កន្លងទៅ។ លោកបញ្ជាក់ថា ដោយមិនអាចជួបជាមួយម្ចាស់ដីផ្ទាល់ ក្រុមការងាររបស់លោកបានត្រឹមតែធ្វើកិច្ចសន្យាជាមួយមេជាង និងសុំឲ្យគាត់បញ្ឈប់ការសាងសង់។ លោកសង្ឃឹមថា ម្ចាស់ដី និងមេជាងនឹងសហការជាមួយអាជ្ញាធរជាតិអប្សរា ដើម្បីថែរក្សាការពាររមណីយដ្ឋានបេតិកភណ្ឌពិភពលោកឲ្យបានគង់វង្ស ព្រោះអង្គរជាអត្តសញ្ញាណជាតិដែលត្រូវការពារឲ្យបានដាច់ខាត។

លោក ស៊ិន ឃី មេភូមិលលៃដែលបានចូលរួមសហការក្នុងសកម្មភាពចុះទប់ស្កាត់នេះបញ្ជាក់ថា លោកបានចូលរួមជាសាក្សីដឹងឮក្នុងនាមជាអាជ្ញាធរមូលដ្ឋាន និងគាំទ្រសកម្មភាពចុះទប់ស្កាត់សំណង់ដោយខុសច្បាប់នេះ។ លោកក៏បានជំរុញឲ្យប្រជាពរដ្ឋចូលរួមសហការជាមួយអាជ្ញាធរមានសមត្ថកិច្ច ដើម្បីបំពេញសំណុំបែបបទត្រឹមត្រូវមុននឹងសាងសង់សំណង់ផ្សេងៗក្នុងរមណីយដ្ឋានអង្គរ ដែសម្បត្តិបេតិកភណ្ឌពិភពលោកទាំងអស់គ្នា៕






ថ្ងៃទី២២ ខែកុម្ភៈ ឆ្នាំ២០២១ ក្រុមការងារសហគមន៍នៃអាជ្ញាធរជាតិអប្សរា ដែលមានការចូលរួមសហការជាមួយអាជ្ញាធរមូលដ្ឋាន បានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ។
យុវជនជាសសរទ្រូងរបស់ប្រទេសជាតិ ហើយដើរតួនាទីយ៉ាងសំខាន់ក្នុងការសិក្សាស្រាវជ្រាវ និងអភិរក្សបេតិកភណ្ឌជាតិ។ ដោយមូលហេតុនេះ កាលពីថ្ងៃទី២០ ខែកុម្ភៈ ឆ្នាំ២០២១ និស្សិតជំនាញស្ថាបត្យកម្មនៃសាកលវិទ្យាល័យបៀលប្រាយខេត្តសៀមរាបចំនួន២២នាក់ និងសិស្សានុសិស្សនៃវិទ្យាល័យឈើតុំ ស្រុកក្រគរ ខេត្តពោធិ៍សាត់ចំនួន២១នាក់ ត្រូវបានលើកទឹកចិត្តឱ្យមកធ្វើទស្សនកិច្ចសិក្សានៅសារមន្ទីរព្រះនរោត្តមសីហនុ-អង្គរ។
នៅព្រឹកថ្ងៃទី២២ ខែកុម្ភៈ ឆ្នាំ២០២១ នេះ អាជ្ញាធរជាតិអប្សរាបានរៀបចំពិធីសម្ពោធ និងដាក់ឱ្យដំណើរការនូវរហាត់ទឹក ស្ថិតនៅស្ថានីយបណ្ដុះកូនឈើប្រាសាទតាកែវ ក្រោមអធិបតីភាពដ៏ខ្ពង់ខ្ពស់របស់លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច និងជាតំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា
ប្រាសាទស្រះស្រង់ត្រូវបានសម្ពោធបញ្ចប់ការជួសជុលក្រោមអធិបតីភាពដ៏ខ្ពង់ខ្ពស់របស់លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច និងជាតំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អមដោយលោកជំទាវបណ្ឌិតសភាចារ្យ ភឿង សកុណា
ដើម្បីជាការរួមចំណែកអភិរក្សនិងលើកតម្លៃខ្លោងទ្វារតាកាវនេះឡើងវិញ នៅរសៀលថ្ងៃទី២១ ខែកុម្ភៈ ឆ្នាំ២០២១ អាជ្ញាធរជាតិអប្សរាបានសហការជាមួយវិស័យឯកជនប្រារព្ធពិធីប្រុងពលីដើម្បីដំណើរការជួសជុលខ្លោងទ្វារតាកាវក្រោមអធិបតីភាពដ៏ខ្ពង់ខ្ពស់របស់លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច និងជាតំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
12
ថ្ងៃនេះ
:
36897
ម្សិលមិញ
:
61021
សប្តាហ៍នេះ
:
177516
ខែនេះ
:
0481024
សរុប
:
014923865