ព័ត៌មានថ្មីៗ

អាជ្ញាធរជាតិអប្សរាសហការជាមួយក្រុមអ្នកជំនាញមកពីអាមេរិក បើកវគ្គបណ្តុះបណ្តាលបច្ចេកទេសសង្គ្រោះបឋម ដល់មន្ត្រីពាក់ព័ន្ធប្រចាំការក្នុងឧទ្យានអង្គរ

បានផ្សាយនៅ ថ្ងៃទី 14 ខែ ធ្នូ ឆ្នាំ2016 01:51 PM ដោយ ៖ អាជ្ញាធរជាតិអប្សរា

ភ្នាក់ងារទេសចរណ៍របស់អាជ្ញាធរជាតិអប្សរាតាមបណ្តាប្រាង្គប្រាសាទនានា មន្ត្រីនគរបាលការពារបេតិកភណ្ឌ នគរបាលទេសចរណ៍ នគរបាលចរាចរណ៍ប្រចាំតំបន់ឧទ្យានអង្គរ និងមន្ត្រីបុគ្គលិកមកពីនាយកដ្ឋាននានា និងអង្គភាពចំណុះអាជ្ញាធរជាតិអប្សរាមួយចំនួនទៀត កំពុងទទួលវគ្គបណ្តុះបណ្តាលជំនាញបច្ចេកទេសសង្គ្រោះបឋមពីក្រុមអ្នកជំនាញ The CPR HERO Training Center មកពីសហរដ្ឋអាមេរិក។ វគ្គបណ្តុះបណ្តាលនេះចាប់ផ្តើមពីថ្ងៃទី១៣ខែធ្នូដល់ថ្ងៃទី១៧ ខែធ្នូ ឆ្នាំ២០១៦។

មានប្រសាសន៍ក្នុងពិធីបើកវគ្គបណ្តុះបណ្តាលនាព្រឹកថ្ងៃទី១៤ ខែធ្នូ ឆ្នាំ២០១៦នេះ ឯកឧត្តម សុខ សង្វារ អគ្គនាយករងនៃអាជ្ញាធរជាតិអប្សរាបានលើកឡើងថា គោលបំណងសំខាន់នៃវគ្គបណ្តុះបណ្តាលនេះ គឺធ្វើឲ្យប្រសើរឡើងនូវសេវាកម្មទេសចរណ៍ក្នុងតំបន់អង្គរ។ “ដូចយើងដឹងស្រាប់ហើយថា បច្ចុប្បន្នអង្គរ គឺជាតារាមួយដួងដែលភ្ញៀវទេសចរជាច្រើនកំពុងចាប់អារម្មណ៍ខ្លាំង។ ដូច្នេះ យើងត្រូវព្យាយាមពង្រឹងគុណភាពនៃការទស្សនានេះឲ្យរឹតតែប្រសើរឡើងថែមទៀត។ ភ្ញៀវទេសចរដែលចូលទស្សនាតំបន់នេះមានចំនួនច្រើន ដូច្នេះ ឧបទ្ទហេតុអាចកើតឡើងចំពោះពួកគាត់។ ការចេះវិធីសាស្ត្រជួយសង្គ្រោះពួកគាត់បានទាន់ពេល និងប្រកបដោយសុវត្ថិភាព គឺជាតម្រូវការចាំបាច់មួយសម្រាប់យើងអ្នកធ្វើការពាក់ព័ន្ធនឹងអង្គរទាំងអស់គ្នា”។

ឯកឧត្តមបន្ថែមថា “ដោយសារមេរៀននេះមានសារៈសំខាន់ យើងនឹងពង្រីកវគ្គបណ្តុះបណ្តាលនេះទៅកាន់អ្នកពាក់ព័ន្ធដទៃទៀតដូចជា មគ្គុទ្ទេសក៍ទេសចរណ៍ អ្នកបើកបរ ឬក៏អ្នកស្រុកផ្ទាល់តែម្តង ព្រោះចំណេះដឹងនេះចេះរឹតតែច្រើនរឹតតែល្អចំពោះសេវាទេសចរណ៍”។ ទន្ទឹមគ្នានេះដែរ ឯកឧត្តមសំណូមពរឲ្យសិក្ខាកាមទាំងអស់ដែលបានចូលរួមវគ្គបណ្តុះបណ្តាលនេះយកទៅអនុវត្តឲ្យមានប្រសិទ្ធភាព និងជួយអប់រំបន្តដល់អ្នកផ្សេងទៀត ព្រោះចំណេះដឹងនេះមិនត្រឹមតែអាចជួយភ្ញៀវទេសចរបានប៉ុណ្ណោះទេ ប៉ុន្តែថែមទាំងអាចជួយបងប្អូនសាច់ញាតិនិងអ្នកស្រុកអ្នកភូមិរបស់ពួកគាត់បានទៀតផង។

លោក MICHAEL QUOCMINH PHAM ប្រធានក្រុមការងារ The CPR HERO Training Center និងជាអ្នកបណ្តុះបណ្តាលផ្ទាល់បានលើកឡើងថា វគ្គសិក្សានេះបានផ្តោតសំខាន់លើរបៀបជួយឱ្យមានដំណើរការដង្ហើមឡើងវិញ និងការវាយតម្លៃជនរងគ្រោះថា តើគ្រោះថ្នាក់កម្រិតណាដែលអាចជួយសង្គ្រោះនៅនឹងកន្លែងបាន ហើយគ្រោះថ្នាក់កម្រិតណាដែលត្រូវការឡានពេទ្យជាចាំបាច់ខានមិនបាន។ បើទោះជាត្រូវការឡានពេទ្យក៏ដោយ ក៏អ្នកដែលចេះវិធីជួយសង្គ្រោះបឋមអាចជួយសង្គ្រោះពួកគាត់ឲ្យរួចផុតពីគ្រោះថ្នាក់បានដែរ ក្នុងករណីដែលត្រូវរង់ចាំឡានសង្គ្រោះបន្ទាន់មកដល់។ ជាមួយគ្នានេះដែរ ក្រុមការងារក៏បានប្រគល់ម៉ាស៊ីនឆក់បេះដូងមួយគ្រឿងដល់អាជ្ញាធរជាតិអប្សរា ដើម្បីប្រើប្រាស់ក្នុងកិច្ចការសង្គ្រោះបឋម ក្នុងករណីដែលមានឧបទ្ទវហេតុត្រូវប្រើប្រាស់ជាចាំបាច់។

លោក ថាន់ ប៊ុនធី មន្រ្តីនគរបាលចរាចរណ៍ដែលបានចូលរួមក្នុងវគ្គបណ្តុះបណ្តាលនេះបានបង្ហាញចំណាប់អារម្មណ៍ថា លោកពេញចិត្តនឹងកម្មវិធីបណ្តុះបណ្តាលនេះណាស់ ព្រោះវាជាវិធីសាស្រ្តដែលអាចជួយឲ្យយើងសង្រ្គោះមនុស្សទូទៅបានគ្រប់ពេលវេលា។ លោកប្តេជ្ញាថានឹងយកមេរៀននេះទៅអនុវត្ត និងណែនាំអ្នកផ្សេងទៀតដែលអាចណែនាំបាន ដើម្បីឲ្យចូលរួមជួយសង្គ្រោះនៅពេលភ្ញៀវ ឬ អ្នកស្រុកមានបញ្ហាកើតឡើងបានទាន់ពេលវេលា។

សូមបញ្ជាក់ថា នេះជាលើកទី២ហើយនៃវគ្គបណ្តុះបណ្តាលសង្គ្រោះបឋមដល់មន្ត្រីបុគ្គលិក ដែលធ្វើការពាក់ព័ន្ធក្នុងឧទ្យានអង្គរ ដោយវគ្គទី១ត្រូវបានរៀបចំឡើងដោយក្រុម The CPR HERO Training Center ដដែល កាលពីថ្ងៃទី២៨ ខែមិថុនា ដល់ថ្ងៃទី៣ ខែកក្កដា ឆ្នាំ២០១៦កន្លងមកនេះ៕












តាមរបាយការណ៍របស់នាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងឧទ្យានអង្គរនៃអាជ្ញាធរជាតិអប្សរា ឱ្យដឹងថា ខែកញ្ញា ឆ្នាំ២០២០នេះ ក្រុមការងារ បានចុះពិនិត្យនិងជួយសម្រួលលក្ខណៈបច្ចេកទេសដល់ប្រជាពលរដ្ឋដែលសាងសង់លំនៅដ្ឋានចំនួន៣០៩គ្រួសារ នៅក្នុងតំបន់អង្គរ។
ព្រះមហាវិមលធម្ម សិរីសុវណ្ណោ ពិន សែម រាជាគណៈថ្នាក់ទោ និងជាឧត្តមទីប្រឹក្សាគណៈសង្ឃនាយកនៃព្រះរាជាណាចក្រកម្ពុជា និងជាព្រះចៅអធិការវត្ត រាជបូណ៌ បានដឹកនាំព្រះសង្ឃប្រមាណ៦០អង្គ ចូលរួមដាំដើមព្នៅនៅបរិវេណកសិន្ធុខាងជើងនៃប្រាសាទអង្គរវត្ត។ ព្រះអង្គមានបន្ទូលថា ដើមព្នៅមានសារប្រយោជន៍ដ៏អស្ចារ្យដែលប្រជាពលរដ្ឋខ្មែរត្រូវដឹង និងចូលរួមដាំឡើងវិញកុំឱ្យបាត់បង់។ ពិសេសជាងនេះ ដើមព្នៅជារុក្ខជាតិដ៏ខ្ពង់ខ្ពស់ក្នុងសាសនាព្រាហ្មណ៍ និងប្រើប្រាស់សម្រាប់ជាឱសថព្យាបាលរោគផង។
នាព្រឹកថ្ងៃទី២២ ខែកញ្ញា ឆ្នាំ២០២០នេះ ក្រុមការងារសណ្តាប់ធ្នាប់សាធារណៈរបស់នាយកដ្ឋានសណ្តាប់ធ្នាប់និងកិច្ចសហប្រតិបត្តិការនៃអាជ្ញាធរជាតិអប្សរា បានចុះរៀបចំសណ្តាប់ធ្នាប់តាមដងផ្លូវនៅតាមប្រាសាទនានាក្នុងរមណីយដ្ឋានអង្គរ។
ប្រទេសកម្ពុជា បានរងនូវឥទ្ធិពលពីព្យុះនូលចាប់ពីថ្ងៃទី១៨រហូតដល់ថ្ងៃទី២០ ខែកញ្ញា ឆ្នាំ២០២០ ដែលបណ្ដាលឱ្យតំបន់មួយចំនួនមាន ភ្លៀងធ្លាក់ជាបន្តបន្ទាប់ និងតំបន់ខ្លះមានជំនន់ទឹកភ្លៀងទៀតផង។ ខេត្តសៀមរាបក៏ទទួលរងឥទ្ធិពលនៃព្យុះនេះដោយទទួលបាននូវទឹកភ្លៀងដ៏ច្រើនដែរ។
ភ្នាក់ងារសណ្តាប់ធ្នាប់សាធារណៈនៃនាយកដ្ឋានសណ្តាប់ធ្នាប់និងកិច្ចសហប្រតិបត្តិការអាជ្ញាធរជាធរជាតិអប្សរា នាព្រឹកថ្ងៃទី២២ ខែកញ្ញា ឆ្នាំ២០២០នេះ បានចុះណែនាំអាជីវករលក់ដូរតាមប្រាសាទនានាក្នុងរមណីយដ្ឋានអង្គរ ឱ្យលក់ដូរមានរបៀបរៀបរយ ត្រឹមត្រូវតាមទីតាំងដែលបានកំណត់ និងចូលរួមសម្អាតបរិស្ថានឱ្យបានស្អាតជុំវិញកន្លែងលក់ដូររបស់ខ្លួន៕
ដើមដំបូងមុន12345...346347បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
10
ថ្ងៃនេះ
:
5525
ម្សិលមិញ
:
6032
សប្តាហ៍នេះ
:
69735
ខែនេះ
:
0225816
សរុប
:
012733405