ព័ត៌មានថ្មីៗ

អាជ្ញាធរជាតិអប្សរាបិទវគ្គបណ្តុះបណ្តាលស្តីពីការបង្ការការអភិរក្សបេតិកភណ្ឌ

បានផ្សាយនៅ ថ្ងៃទី 03 ខែ ធ្នូ ឆ្នាំ2016 01:27 PM ដោយ ៖ អាជ្ញាធរជាតិអប្សរា

សិក្ខាកាមចំនួន២៥នាក់ មកពីអាជ្ញាធរជាតិអប្សរា អាជ្ញាធរជាតិព្រះវិហារ និងក្រសួងវប្បធម៌ និងវិចិត្រសិល្បៈបានទទួលវិញ្ញាបនបត្របញ្ជាក់ការសិក្សា បន្ទាប់ពីបានបញ្ចប់វគ្គបណ្តុះបណ្តាលស្តីពីការបង្ការការអភិរក្សបេតិកភណ្ឌដោយជោគជ័យកាលពីរសៀលថ្ងៃទី០២ ខែធ្នូ ឆ្នាំ២០១៦។ កម្មវិធីនេះរៀបចំឡើងនៅមជ្ឈមណ្ឌលបណ្តុះបណ្តាល អង្គរនៃអាជា្ញធរជាតិអប្សរា ក្រោមអធិបតីភាព ឯកឧត្តម រស់ បូរ៉ាត់ អគ្គនាយករងតំណាងដ៏ខ្ពង់ខ្ពស់របស់ ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា ។

ថ្លែងក្នុងឱកាសនោះ ឯកឧត្តម រស់ បូរ៉ាត់ មានមតិថា ការអភិវឌ្ឍប្រកបដោយចីរភាពត្រូវផ្សារភ្ជាប់ជាមួយការអភិរក្សបេតិកភណ្ឌ វប្បធម៌ ការអប់រំ និងការចូលរួមពីគ្រប់ភាគីពាក់ព័ន្ធ។ ការមានធនធានមនុស្ស និងធនធានហិរញ្ញវត្ថុគ្រប់គ្រាន់គឺសំខាន់ណាស់ ជាពិសេស សហគមន៍មូលដ្ឋានត្រូវមានសមត្ថភាពគ្រប់គ្រាន់ក្នុងកិច្ចថែរក្សា ការពារបេតិកភណ្ឌ និងការទាញយកផលប្រយោជន៍ផ្នែកសេដ្ឋកិច្ចពីវិស័យទេសចរណ៍វប្បធម៌ និងបេតិកភណ្ឌ ។ ឯកឧត្តមជឿថាសិក្ខាកាមទាំងអស់នឹងទទួលបានចំណេះដឹង និងបទពិសោធន៍ថ្មីៗជាច្រើនពាក់ព័ន្ធនឹងការបង្ការការអភិរក្សបេតិកណ្ឌ ហើយអាចយកចំណេះដឹងទាំងនេះមកអនុវត្តក្នុងការងារបានសមស្រប និងមានប្រសិទ្ធភាព។

លោក សយ សុភារិន្ទ បុគ្គលិកបច្ចេកទេសនៃនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការបានលើកឡើងថា លោកទទួលបានចំណេះដឹង និងបទពិសោធន៍ថ្មីៗជាច្រើនពីការសិក្សាវគ្គបណ្តុះបណ្តាលការបង្ការការអភិរក្សបេតិកភណ្ឌ បើទោះបីលោកធ្លាប់បានចូលរួមវគ្គបែបនេះច្រើនដងក្តី ហើយលោកពិតជាសប្បាយរីករាយខ្លាំងណាស់ ដែលមានឱកាសបានចូលរួមវគ្គបណ្តុះបណ្តាលដ៏មានសារៈសំខាន់ និងមានតម្លៃនេះទៀត ។ ជាមួយគ្នានេះដែរ លោកបានអរគុណចំពោះថ្នាក់ដឹកនាំអាជ្ញាធរជាតិអប្សរាដែលបានបង្កើតឲ្យមានវគ្គបណ្តុះបណ្តាលជាច្រើនដើម្បីឲ្យរូបលោកក៏ដូចជាសិក្ខាកាមដទៃទៀតបានទទួលចំណេះថ្មីៗប្រកបដោយជំនាញក្នុងការជួសជុល អភិរក្សមរតកវប្បធម៌ជាតិ។

គួរបញ្ជាក់ដែរថា វគ្គសិក្សានេះមានរយៈពេល៥ថ្ងៃ ចាប់ពីថ្ងៃទី២៨ ខែវិច្ឆិកា ដល់ថ្ងៃទី០២ ខែធ្នូ ឆ្នាំ២០១៦ បង្រៀនដោយលោកសាស្ត្រាចារ្យ koenraad VAN BOLEN ជាស្ថាបត្យករផ្នែកវិស្វកម្មជនជាតិប៊ែលហ្សិកនាយកមជ្ឈមណ្ឌលអន្តរជាតិ Raymond Lemaire សម្រាប់ការអភិរក្ស និងជាប្រធានផ្នែកបង្ការការអភិរក្ស ត្រួតពិនិត្យ និងថែទាំប្រាសាទ (UNESCO Chair of Preventive Conservation, Monitoring and Maintenance of Monuments and site) ។

វគ្គសិក្សានេះធ្វើឡើងដើម្បីអភិវឌ្ឍចំណេះដឹងបន្ថែមដល់មន្ត្រីបុគ្គលិក ដែលពាក់ព័ន្ធនឹងការងារបង្ការការអភិរក្ស និងគ្រប់គ្រងបេតិកភណ្ឌ ដោយផ្តោតសំខាន់ទៅលើទ្រឹស្តី និងវិធីសាស្រ្តការបង្ការការអភិរក្ស បទពិសោធន៍ និងការអនុវត្តនូវការបង្ការការអភិរក្ស សារៈសំខាន់នៃបេតិកភណ្ឌវប្បធម៌ កិច្ចពិភាក្សានិងផ្លាស់ប្តូរបទពិសោធន៍ពីវិធីសាស្រ្តនិងលទ្ធភាពដែលអនុវត្តបានក្នុងការបង្ការការអភិរក្សបេតិកភណ្ឌ វិធីសាស្រ្តការពារនិងអភិរក្សដោយធ្វើការវិភាគ ការធ្វើរោគវិនិច្ឆ័យ ការព្យាបាលនិងការត្រួតពិនិត្យ ដំណើរការខូចខាតនិងការវិភាគការខូចខាត ការការពារនិងវិធីសាស្រ្តក្នុងការជួសជុលថ្មឲ្យរក្សានូវភាពដើម សម្ភារៈសាងសង់ និងបច្ចេកទេសសាងសង់ព្រមទាំងសម្ភារៈសម្រាប់ជួសជុលនិងព្យាបាល៕










អាជ្ញាធរជាតិអប្សរា បានបន្តចែកជូនកូនឈើដល់សាធារណជនជិតឆ្ងាយ ដើម្បីយកទៅដាំក្នុងបំណងបង្កើនគម្របព្រៃឈើឡើងវិញនៅក្នុងប្រទេសកម្ពុជា។ នៅថ្ងៃទី៧ និងទី៨ ខែសីហា ឆ្នាំ២០២០ កូនឈើចំនួន ៤,៦២០ដើមទៀត បានចែកជូនដល់សាធារណជនក្នុងខេត្តសៀមរាប ខេត្តបន្ទាយមានជ័យ និងខេត្តតាកែវ។
សេចក្ដីគោរពជូនសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា
ក្នុងឱកាសដ៏សែនមហានក្ខត្តឫក្សថ្លៃថ្លានៃខួបកំណើតគម្រប់ ៦៨ឆ្នាំ ឈានចូល៦៩ឆ្នាំ នាថ្ងៃទី ០៥ ខែសីហា ឆ្នាំ២០២០នេះ តាងនាមថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់នៃអាជ្ញាធរជាតិអប្សរា និងក្នុងនាមខ្ញុំផ្ទាល់ ខ្ញុំបាទសូមសម្ដែងនូវមនោសញ្ចេតនារីករាយឥតឧបមា និងសេចក្ដីគោរពស្រលាញ់ដ៏ជ្រាលជ្រៅបំផុត ព្រមទាំងសូមគោរពជូនពរ បវរមហាប្រសើរជូន សម្ដេចតេជោនាយករដ្ឋមន្ត្រី ជាទីគោរពដ៏ខ្ពង់ខ្ពស់ សូមមានជន្មាយុយឺនយូរមានសុខុមាលភាពល្អបរិបូរណ៍ បញ្ញាញាណភ្លឺថ្លា ដើម្បីដឹកនាំរាជរដ្ឋាភិបាល និងប្រទេសជាតិទទួលជោគជ័យដ៏ត្រចះត្រចង់ថ្មីៗថែមទៀត ជាពិសេសវឌ្ឍនភាព និងកិត្យានុភាពល្បីរន្ទឺលើឆាកអន្តរជាតិ
ប្រាសាទបាយក្អែក មានទីតាំងនៅខាងលិចប្រាសាទអង្គរវត្ត ដែលមិនសូវមានអ្នកស្គាល់ ហើយទេសចរភាគច្រើនឆ្លងកាត់ទៅហួសមកហួស។
តំណាងស្ថាប័ន វត្តអារាម ក៏ដូចជាប្រជាពលរដ្ឋជាបន្តបន្ទាប់ បានស្នើសុំកូនឈើពីអាជ្ញាធរជាតិអប្សរា ដើម្បីយកទៅដាំនៅតាមដីភូមិ ចម្ការ វត្តអារាម និងសាលារៀន។ល។ ក្នុងថ្ងៃទី៥ ខែសីហា ឆ្នាំ២០២០ អាជ្ញាធរជាតិអប្សរា បានផ្តល់កូនឈើដល់តំណាងវត្តអារាម និងស្ថាប័នសរុបចំនួន ១,៤០០ដើម។
ក្នុងឱកាសដ៏សែនមហានក្ខត្តឬក្សថ្លៃថ្លានៃខួបកំណើតគម្រប់ ៦៨ឆ្នាំ ឈានចូល៦៩ឆ្នាំ នាថ្ងៃទី ០៥ ខែសីហា ឆ្នាំ២០២០នេះ តាងនាមថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់នៃអាជ្ញាធរជាតិអប្សរា និងក្នុងនាមខ្ញុំផ្ទាល់ ខ្ញុំបាទសូមសម្ដែងនូវមនោសញ្ចេតនារីករាយឥតឧបមា និងសេចក្ដីគោរពស្រលាញ់ដ៏ជ្រាលជ្រៅបំផុត ព្រមទាំងសូមគោរពជូនពរ បវរមហាប្រសើរជូន សម្ដេចតេជោនាយករដ្ឋមន្ត្រី ជាទីគោរពដ៏ខ្ពង់ខ្ពស់ សូមមានជន្មាយុយឺនយូរមានសុខុមាលភាពល្អបរិបូរណ៍ បញ្ញាញាណភ្លឺថ្លា ដើម្បីដឹកនាំរាជរដ្ឋាភិបាល និងប្រទេសជាតិទទួលជោគជ័យដ៏ត្រចះត្រចង់ថ្មីៗថែមទៀត ជាពិសេសវឌ្ឍនភាព និងកិត្យានុភាពល្បីរន្ទឺលើឆាកអន្តរជាតិ
ដើមដំបូងមុន12345...337338បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
10
ថ្ងៃនេះ
:
2668
ម្សិលមិញ
:
5802
សប្តាហ៍នេះ
:
14397
ខែនេះ
:
0241261
សរុប
:
012066892