ព័ត៌មានថ្មីៗ

ប្រជាជនភូមិលាងដៃក្នុងឧទ្យានអង្គរទទួលបានការអប់រំស្តីពីអនាម័យនិងសុខុមាលភាពក្នុងការរស់នៅប្រចាំថ្ងៃ

បានផ្សាយនៅ ថ្ងៃទី 01 ខែ ធ្នូ ឆ្នាំ2016 07:27 PM ដោយ ៖ អាជ្ញាធរជាតិអប្សរា

គម្រោងសុវុឌ្ឍិកម្មនៃការសម្អាតទឹក និងការគ្រប់គ្រងទឹកក្នុងតំបន់អង្គរ (PAAGERA) ដែលជាគម្រោងសហការរវាងអាជ្ញាធរជាតិអប្សរា សាលាខេត្តសៀមរាប និងប្រទេសបារាំង កំពុងតែមមាញឹកលើការងារអប់រំប្រជាពលរដ្ឋអំពីការគ្រប់គ្រងសំរាម អនាម័យ និងទឹកស្អាតជាដើម ទៅលើភូមិចំនួន៤ក្នុងឧទ្យានអង្គរ ដែលបានជ្រើសរើសជាភូមិគំរូ។

ជាក់ស្តែងនាថ្ងៃទី០១ ខែធ្នូ ឆ្នាំ២០១៦ មន្ត្រីជំនាញបានចុះទៅបណ្តុះបណ្តាលប្រជាពលរដ្ឋនៅភូមិលាងដៃ ឃុំលាងដៃ ស្រុកអង្គរធំ ក្រោមប្រធានបទ “ការទប់ស្កាត់និងការចម្លងរោគ”។ កម្មវិធីនេះបង្ហាញប្រជាពលរដ្ឋអំពីមូលហេតុដែលបង្កឱ្យប្រភពទឹកអាចកខ្វក់បាន និងការទប់ស្កាត់កុំឲ្យមានបញ្ហាទឹកកខ្វក់កើតឡើងក្នុងសហគមន៍ជាដើម។ ជាពិសេសបង្ហាញអំពីវិធីងាយៗក្នុងការរក្សាអនាម័យ ដែលប្រជាពលរដ្ឋអាចយកទៅអនុវត្តបានយ៉ាងល្អនៅតាមផ្ទះរៀងៗខ្លួន។ បន្ថែមពីនោះ ក៏បានឱ្យអ្នកចូលរួមលែងល្បែងប្រាជ្ញាពីការយល់ដឹងទាក់ទងនឹងមេរៀនផងដែរ។

លោកស្រី ដួង ឆម មេភូមិលាងដៃបានសម្តែងការចាប់អារម្មណ៍ចំពោះកម្មវិធីនេះថា លោកស្រីសប្បាយចិត្តមែនទែនដែលអាជ្ញាធរជាតិអប្សរាមកបណ្តុះបណ្តាលពីអនាម័យសុខភាពដល់អ្នកភូមិនិងគាំទ្រនូវកម្មវិធីនេះណាស់ ព្រោះវាឱ្យយើងដឹងពីប្រភពចម្លងមេរោគនិងវិធីការពារ។ លោកស្រីក៏ធ្លាប់កាន់កម្មវិធីអប់រំសុខភាពនេះដែរតាំងពីឆ្នាំ១៩៩៣ម្ល៉េះ និងបានអប់រំប្រជាជនជាច្រើនឱ្យបានយល់ដឹងពីសុខភាពនិងអនាម័យ មិនតែប៉ុណ្ណោះក៏ធ្លាប់នាំគ្នាទៅសម្អាតនិងណែនាំដល់ផ្ទះអ្នកភូមិណាដែលមិនយកចិត្តទុកដាក់នឹងការរស់នៅស្អាតទៀតផង។ លោកស្រីរីករាយនឹងចូលរួមសហការជាមួយអាជ្ញាធរជាតិអប្សរាក្នុងការបណ្តុះបណ្តាលកម្មវិធីនេះនៅលើកក្រោយៗទៀត ដើម្បីភូមិដ្ឋានស្អាត ក៏ដូចជាប្រជាជនមានសុខភាពល្អក្នុងការរស់នៅ។

បងស្រី ស៊ី សឹង ជាអ្នកភូមិលាងដៃបានប្រាប់ថា កាលពីមុនបងស្រីធ្លាប់បានរៀនពីការលើកកម្ពស់អនាម័យនិងសុខភាពក្នុងការរស់នៅម្តង ហើយសប្បាយចិត្តដែលបានរៀនម្តងទៀត ព្រោះវាកាន់តែឱ្យដឹងពីការចម្លងមេរោគនិងការការពារ។ បងស្រីបន្តទៀតថា ចំពោះការរស់នៅប្រចាំថ្ងៃ បើទោះបីមិនមានអ្វីច្រើន តែក៏រស់នៅស្អាតគួរសមដែរ ផឹកទឹកចម្រោះ លាងសម្អាតដៃពេលប្រឡាក់មុននឹងហូបចុក ហើយអ្នកក្នុងផ្ទះក៏ធ្វើតាមគ្រប់គ្នា ទើបមិនសូវមានអ្នកឈឺដោយសាររាក ឈឺពោះអីទេ ហើយខ្ញុំនឹងបន្តការហូបចុកស្អាតនិងរស់នៅស្អាតបែបនេះបន្តទៀត។

លោក អឿន សំអុន អនុប្រធានលេខាធិការដ្ឋានសហគមន៍ និងជាអ្នកសម្របសម្រួលកម្មវិធីបញ្ជាក់ថា ភូមិលាងដៃជាភូមិទី៣ក្នុងគម្រោងសុវុឌ្ឍិកម្មនៃការសម្អាតទឹកនិងការគ្រប់គ្រងទឹកក្នុងតំបន់អង្គរ។ ការចុះមកផ្សព្វផ្សាយនៅពេលនេះ គឺដើម្បីឱ្យប្រជាជនបានដឹងអំពីការទប់ស្កាត់និងការចម្លងរោគ ហើយសង្ឃឹមថាក្រោយពីបានទទួលការបណ្តុះបណ្តាលនេះ ប្រជាជននឹងអាចអនុវត្តបានទាំងអស់គ្នា។ លោកបន្តទៀតថា បេសកម្មក្នុងការអប់រំប្រជាជនឱ្យបានដឹងពីការទប់ស្កាត់និងការចម្លងរោគនេះ នឹងបន្តទៅកាន់ភូមិឃុំដទៃទៀតក្នុងតំបន់អង្គរទាំងមូល៕










ព្រឹកថ្ងៃទី៣ ខែកក្កដា ឆ្នាំ២០២០ នៅទីស្នាក់ការនៃអាជ្ញាធរជាតិអប្សរា មានជំនួបពិភាក្សាការងាររវាងឯកឧត្តម ហង់ ពៅ អគ្គនាយកនៃអាជ្ញាធរជាតិអប្សរា និងលោក ជា ពិសិដ្ឋ នាយករងផលិតកម្មនៃអគ្គិសនីកម្ពុជា អំពីការចូលរួមរបស់អាជ្ញាធរជាតិអប្សរាក្នុងការបង្កើតវត្ថុដាក់តាំងបង្ហាញនៅក្នុងសារមន្ទីរថាមពលកកើតឡើងវិញ និងឧទ្យានជាតិសម្តេច ហ៊ុន សែន កំពត។
យោងតាមរបាយការណ៍៦ខែដំបូងនៃឆ្នាំ២០២០ ក្រុមការងារលេខាធិការដ្ឋានសហគមន៍ទាំង៥ក្រុមនៃអាជ្ញាធរជាតិអប្សរាបានបន្តការងារចុះពិនិត្យ ការជួសជុលកែលម្អលំនៅដ្ឋាននិងសាងសង់សំណង់ស្រាលតូចតាចក្នុងតំបន់រមណីយដ្ឋានបេតិកភណ្ឌពិភពលោកអង្គរចំនួន២៦៣៩គ្រួសារ ក្នុងនោះបានអនុញ្ញាតមានចំនួន១៩៥៩គ្រួសារ ។
ក្រុមការងារនៃនាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងឧទ្យានអង្គរ ប្រចាំច្រកទាំង៦របស់អាជ្ញាធរជាតិអប្សរា បានអនុញ្ញាត ឱ្យប្រជាពលរដ្ឋធ្វើលំនៅដ្ឋាននិងជួសជុលតិចតួចចំនួន២១ករណី ក្នុងចំណោម ពាក្យស្នើសុំទាំងអស់ចំនួន៤៩ករណី នាក្នុងអំឡុងសប្តាហ៍ទី៤ នៃខែមិថុនាឆ្នាំ ២០២០។
នៅព្រឹកថ្ងៃទី១ ខែកក្កដា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំក្រុមការងារចុះពិនិត្យ និងត្រៀមរៀបចំការងារមួយចំនួន នៅតាមប្រាសាទក្នុងតំបន់រមណីយដ្ឋានអង្គរ។ សកម្មភាពនេះ ជាយន្តការក្នុងការជំរុញឱ្យការងារទាំងឡាយប្រព្រឹត្តដោយរលូន និងមានប្រសិទ្ធភាពខ្ពស់។
អង្គការសម្ពន្ធមិត្តសត្វព្រៃនិងរដ្ឋបាលព្រៃឈើក្រុងភ្នំពេញ ក្រោមកិច្ចសហការពីអាជ្ញាធរជាតិអប្សរា បានព្រលែងទោចម្កុដមួយគូបន្ថែមទៀតឱ្យរស់នៅតាមបែបធម្មជាតិនៅក្នុងព្រៃម្តុំខ្លោងទ្វារតាកាវ នៅព្រឹកថ្ងៃទី០១ ខែកក្កដា ឆ្នាំ២០២០ ក្រោយបន្សាំក្នុងទ្រុងអស់រយៈពេលមួយឆ្នាំកន្លះ។
ដើមដំបូងមុន12345...326327បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
7
ថ្ងៃនេះ
:
0341
ម្សិលមិញ
:
23678
សប្តាហ៍នេះ
:
112076
ខែនេះ
:
0069282
សរុប
:
011531878