ព័ត៌មានថ្មីៗ

ក្រុមការងារអាជ្ញាធរជាតិអប្សរាចុះជួយច្រូតស្រូវប្រជាពលរដ្ឋ

បានផ្សាយនៅ ថ្ងៃទី 30 ខែ វិច្ឆិកា ឆ្នាំ2016 10:52 AM ដោយ ៖ អាជ្ញាធរជាតិអប្សរា

កាលពីថ្ងៃទី២៨ដល់២៩ ខែវិច្ឆិកា ឆ្នាំ២០១៦ ក្រុមការងារនៃអាជ្ញាធរជាតិអប្សរាបានចុះជួយច្រូតស្រូវប្រជាពលរដ្ឋចំនួន២ហិកតា នៅត្រពាំងល្បើក ភូមិធម្មជាតិរុនតាឯក ស្រុកបន្ទាយស្រី ខេត្តសៀមរាប។

ដឹកនាំក្រុមការងារទៅច្រូតស្រូវនាពេលនោះ មាន ឯកឧត្តម ម៉ី ម៉ារ៉ាឌី ទីប្រឹក្សាអាជ្ញាធរជាតិអប្សរា និងជាប្រធានគម្រោងអភិវឌ្ឍន៍ភូមិធម្មជាតិរុនតាឯក លោក ភ័ន ផល្លា ប្រធាននាយកដ្ឋានរដ្ឋបាលបុគ្គលិកនិងសម្ភារៈនៃអាជ្ញាធរជាតិអប្សរា រួមនឹងបុគ្គលិក ពលករជាច្រើននាក់ទៀត។

ឯកឧត្តម ម៉ី ម៉ារ៉ាឌី បានលើកឡើងថា ត្រពាំងល្បើកជាតំបន់មួយនៅក្នុងគម្រោងអភិវឌ្ឍន៍ភូមិធម្មជាតិរុនតាឯក ដែលស្ថិតក្នុងដែនគ្រប់គ្រងរបស់អាជ្ញាធរជាតិអប្សរា។ ប្រជាជននៅទីនេះ ក៏ទទួលបានការយកចិត្តទុកដាក់ពីសំណាក់អាជ្ញាធរជាតិអប្សរាដូចគ្នា លើផ្នែកកសិកម្ម ការសិក្សាអប់រំ ការបណ្តុះបណ្តាលជំនាញផ្សេងៗ និងការចែកកញ្ចប់គាំពារសុខុមាលភាពមាតា និងទារកដែលជាអំណោយដ៏ថ្លៃថ្លារបស់ ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា និងលោកជំទាវ។ មិនតែប៉ុណ្ណោះ អាជ្ញាធរជាតិអប្សរាក៏បានយកចិត្តទុកដាក់លើការងារសហគមន៍ជាច្រើនទៀតផងដែរ ដូចជានៅថ្ងៃនេះក្រុមការងារអាជ្ញាធរជាតិអប្សរានៃគម្រោងភូមិធម្មជាតិរុនតាឯក រួមទាំងពលករបានចុះមកជួយច្រូតស្រូវចំនួន២ហិកតានៅត្រពាំងល្បើក ដើម្បីជួយពន្លឿនការច្រូតកាត់និងសម្រួលបន្ទុកដល់ប្រជាពលរដ្ឋលើការចំណាយថវិកាជួលកម្លាំងមកជួយច្រូតផងដែរ។

ជំនួសមុខឱ្យថ្នាក់ដឹកនាំនិងក្រុមការងារទាំងអស់ ឯកឧត្តមបានចូលរួមសម្តែងការសប្បាយ រីករាយជាមួយស្នាមញញឹមរបស់ប្រជាពលរដ្ឋដែលទទួលបានផលស្រូវថ្មីៗដោយក្តីពេញចិត្តគ្រប់ៗគ្នា៕








ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានបង្ហាញនូវសុទិដ្ឋិនិយមខ្ពស់ ចំពោះកំណើនទេសចរណ៍កីឡា ក្នុងការរៀបចំព្រឹត្តិការណ៍កីឡា និងទេសចរណ៍ផ្សេងៗរបស់ក្រសួងទេសចរណ៍ និងគណៈកម្មាធិការជាតិអូឡាំពិកកម្ពុជា ដែលជះឥទ្ធិពលវិជ្ជមានដល់វិស័យទេសចរណ៍ជាតិ ពិសេសខេត្តសៀមរាប ដើម្បីរួមចំណែកស្រូបទាញកំណើនទេសចរណ៍ឡើងវិញ ។
នៅព្រឹកថ្ងៃទី១៨ ខែមករា ឆ្នាំ២០២០នេះ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានចូលរួមពិធីបំពាក់មេដាយជូនរង្វាន់ដល់ជ័យលាភីការប្រកួតកីឡារត់ប្រណាំងចម្ងាយឆ្ងាយនៅតំបន់អង្គរ Angkor Ultra Trial លើកទី៥។ កីឡានេះ អ្នកចូលរួមត្រូវរត់ឆ្លងកាត់ឧបសគ្គ ព្រៃប្រឹក្សា ប្រាង្គប្រាសាទ ភូមិ-ឃុំអ្នកស្រុក និងវាលស្រែមួយចំនួន។
នៅព្រឹកថ្ងៃទី១៦ ខែមករា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំប្រធាននាយកដ្ឋាន មន្រ្តី-បុគ្គលិកជំនាញពាក់ព័ន្ធ ចុះពិនិត្យមើលទីតាំងជុំវិញប្រាសាទអង្គរវត្ត ដើម្បីរៀបចំកែលម្អសណ្តាប់ធ្នាប់ឱ្យកាន់តែប្រសើរឡើង។
នៅឆ្នាំ២០២០នេះ គឺមានរយៈពេល២៥ឆ្នាំហើយ ដែលអាជ្ញាធរជាតិអប្សរាត្រូវបានបង្កើតឡើង។ សមិទ្ធផលជាច្រើនកើតចេញពីការខិតខំប្រឹងប្រែងរបស់អាជ្ញាធរជាតិអប្សរា ធ្វើឱ្យរមណីយដ្ឋានបេតិកភណ្ឌពិភពលោកអង្គរទទួលបានការកោតសរសើរពីសំណាក់បណ្ដាប្រទេសជាមិត្ត និងស្ថាប័នអន្ដរជាតិជាច្រើនមានដូចជាអង្គការយូណេស្កូ គណៈកម្មាធិការបេតិកភណ្ឌពិភពលោក គណៈកម្មាធិការអន្ដរជាតិអាយស៊ីស៊ី-អង្គរ។
ឯកឧត្តម សុខ សង្វារ អគ្គនាយករង តំណាងដ៏ខ្ពង់ខ្ពស់ ឯកឧត្តម ហង់ ពៅ អគ្គនាយក អាជ្ញាធរជាតិអប្សរា បានអនុញ្ញាតឲ្យគណៈប្រតិភូរមណីយដ្ឋានហ័ងសាន ខេត្តអានហ៊ុយ នៃសាធារណរដ្ឋប្រជាមានិតចិន ដឹកនាំដោយ លោក Zhao Ming ប្រធានការិយាល័យកិច្ចការបរទេស ចូលជួបសម្តែងការគួរសម និងពិភាក្សាពីកិច្ចការងារ ដើម្បីពង្រឹងកិច្ចសហប្រតិបត្តិការផ្នែកវប្បធម៌និងទេសចរណ៍ ឲ្យកាន់តែប្រសើរជាងមុន ហើយបន្តការចុះអនុស្សរណៈនៃការ យោគយល់គ្នារវាងរមណីយដ្ឋានអង្គរនិងហ័ងសាន នៅទីស្នាក់ការអាជ្ញាធរជាតិអប្សរា ថ្ងៃទី១៤ ខែមករា ឆ្នាំ២០២០ ។
ដើមដំបូងមុន12345...283284បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
4204
ម្សិលមិញ
:
3840
សប្តាហ៍នេះ
:
32462
ខែនេះ
:
0182032
សរុប
:
009931718