ព័ត៌មានថ្មីៗ

សុវត្ថិភាពការងារនៅក្នុងការដ្ឋានគឺជារឿងសំខាន់ដែលJASAគិតគូរជាចម្បង

បានផ្សាយនៅ ថ្ងៃទី 28 ខែ វិច្ឆិកា ឆ្នាំ2016 01:02 PM ដោយ ៖ អាជ្ញាធរជាតិអប្សរា

ចាប់តាំងពីអង្គរត្រូវបានចុះក្នុងបញ្ជីជាសម្បត្តិបេតិកភណ្ឌពិភពលោកក្នុងឆ្នាំ១៩៩២មក មានស្ថាប័នជាតិនិងអន្តរជាតិបានចាប់ផ្តើមចូលមកចូលរួមអភិរក្សជួសជុលប្រាសាទនានាក្នុងតំបន់អង្គរ។ ដោយឡែក ក្រុមការងាររដ្ឋាភិបាលជប៉ុនសម្រាប់ការអភិរក្សអង្គរ ហៅកាត់ថា JSA (Japanese Government Team for Safeguarding Angkor) ក៏បានចូលមកជួយអភិរក្សជួសជុលប្រាសាទក្នុងទឧទ្យានអង្គរដែរ ដោយបានជ្រើសរើសប្រាសាទបាយ័នសម្រាប់ជួសជុលអភិរក្សតាំងពីឆ្នាំ១៩៩៤មកម្ល៉េះ។ ប៉ុន្តែចាប់ពីឆ្នាំ២០០៥មក JSA បានសហការជាមួយអាជ្ញាធរជាតិអប្សរាបង្កើតស្ថាប័នរួមគ្នាមួយហៅថា JASA (JAPAN-APSARA Team for Safeguarding Angkor)។

នៅក្នុងការជួសជុលនូវប្រាង្គប្រាសាទដើម្បីកែលម្អឡើងវិញនោះ ដើម្បីហានិភ័យដល់កម្មករនិងភ្ញៀវទេសចរ ការដ្ឋាននីមួយៗតែងតែមានប្រព័ន្ធគ្រប់គ្រងការពារសុវត្ថិភាពការងារដល់កម្មករ និងភ្ញៀវទេសចរដែលចូលមកទស្សនាប្រាង្គប្រាសាទតាមការដ្ឋានជួសជុលនោះដើម្បីបញ្ជៀសហានិភ័យ។ តើ JASA មានប្រព័ន្ធការពារសុវត្ថិភាពការងារយ៉ាងណាខ្លះដល់កម្មករកំពុងធ្វើការនិងភ្ញៀវទេសចរ ដែលចូលមកទស្សនាប្រាង្គប្រាសាទក្នុងការដ្ឋានជួសជុលនោះ?

លោក សឿ សុធី  ស្ថាបត្យករនិងជាប្រធានការិយាល័យ JASA ប្រចាំខេត្តសៀមរាប កំពុងជួសជុលប្រាសាទបាយ័នដែលជាអ្នកមើលខុសត្រូវការងារក្នុងការដ្ឋាននេះផ្ទាល់បានឲ្យដឹងថា តាំងពីឆ្នាំ១៩៩៤រហូតមកដល់បច្ចុប្បន្ននេះមានរយៈពេល២០ឆ្នាំហើយ មិនដែលមានគ្រោះថ្នាក់អ្វីមួយកើតឡើងដល់កម្មករឬភ្ញៀវទេសចរដែលចូលមកទស្សនាប្រាង្គប្រាសាទក្នុងការដ្ឋានជួសជុលJASAនោះទេ។ នេះដោយសារJASAបានគិតគូរពីសុវត្ថិភាពកម្មករនិងភ្ញៀវទេសចរជាចម្បង។

លោកបញ្ជាក់ថាគ្រប់កម្មករដែលកំពុងធ្វើការក្នុងការដ្ឋានJASAតម្រូវឲ្យពាក់ឯកសណ្ឋាន មួកការពារសុវត្ថិភាព ម៉ាសការពារធូលីដីថ្មពេលកំពុងចាក់ដីបង្ហាប់ កាត់ថ្ម ដាប់ថ្ម វ៉ែនតាការពារកម្ទេចដែកពេលកាត់ដែក កាត់ថ្មស្បែកជើងការពារដើរជំពប់ថ្មឬដែកនិងគ្រឿងការពារសុវត្ថិភាពមួយចំនួនទៀត។ JASAតែងតែដាស់តឿនកម្មករឲ្យពាក់គ្រឿងការពារសុវត្ថិភាពជានិច្ច ពួកគាត់មិនហ៊ានធ្វេសប្រហែសទេ ព្រោះកម្មករទាំងអស់សុទ្ធតែជាកម្មករជំនាញនិងមានបទពិសោធន៍ច្រើន ។ បើមានកម្មករណាម្នាក់មានគ្រោះថ្នាក់យើងអាចនឹងបាត់បង់ធនធានមនុស្សដ៏សំខាន់ និងអាចរាំងស្ទះដល់ការងាររបស់យើងជាមិនខាន។

ចំណែកការការពារសុវត្ថិភាពជូនភ្ញៀវទេសចរវិញ លោកបានលើកឡើងថា ទោះបីជាការដ្ឋានJASAមានការជួសជុលរវល់យ៉ាងណាក៏ដោយក៏JASAមិនអាចទប់ស្កាត់បិទចរាចរណ៍របស់ភ្ញៀវទេសចរបានដែរ។ JASAបានធ្វើផែនទីបង្ហាញពីតំបន់ការពារ តំបន់ធ្វើការរបស់JASAជានិច្ច។ ក្រៅពីនោះJASAបើកច្រកមួយចំនួនទុកឲ្យភ្ញៀវទេសចរធ្វើដំណើរទស្សនាបាន គឺមិនឲ្យរាំងស្ទះដល់ភ្ញៀវទេសចរទេ។

ម្យ៉ាងទៀត រាល់របងឬខ្សែដាក់ការពារសុវត្ថិភាពJASAបានដាក់ស្លាកសញ្ញាហាមចូល ប៉ុន្តែបើមានភ្ញៀវទេសចរណាចង់ដឹងហើយសុំចូល JASAអនុញ្ញាតឲ្យចូលហើយJASAនឹងជួយពន្យល់គាត់។លើសពីនេះទៀតបើភ្ញៀវទេសចរណាចង់ដឹងព័ត៌មានលម្អិត ពួកគាត់អាចទៅមើលបញ្ជរព័ត៌មាននៅខាងត្បូងប្រាសាទបាយ័នដែលមានបិទព័ត៌មានស្តីពីការស្រាវជា្រវ តំបន់ជួសជុល តំបន់ហាមឃាត់និងតំបន់ទស្សនា៕








សិលាចារឹកភាសាស្ត្រឹតមួយផ្ទាំង មានអក្សរ៥៥បន្ទាត់ កម្ពស់១០០ស.ម. ទទឹង៤០ស.ម. និងកម្រាស់២០ស.ម ដែលបានរកឃើញនៅការដ្ឋានជួសជុលប្រាសាទទន្លេស្ងួត កាលពីខែមិថុនា ឆ្នាំ២០២០ ត្រូវបានមជ្ឈមណ្ឌលស្រាវជ្រាវអន្តរជាតិនិងតម្កល់ឯកសារអង្គរនៃអាជ្ញាធរជាតិអប្សរា តាមរយៈលោកសាស្ត្រាចារ្យ អាំង ជូលាន ទីប្រឹក្សាក្រសួងវប្បធម៌និងវិចិត្រសិល្បៈ បានស្នើសុំឱ្យអ្នកជំនាញផ្នែកសិលាចារឹកខ្មែរមួយក្រុម ហៅថា “ Corpus des Inscriptions Khmères (CIK)” ដែលភាគច្រើនសមាជិកក្រុមនេះជាអ្នកបម្រើការនៅសាលាបារាំងចុងបូព៌ា ជួយចុះបញ្ជីសារពើភណ្ឌ។
កាលពីថ្ងៃអង្គារ ទី២១ ខែកក្កដា ឆ្នាំ២០២០ ក្រុមការងារសហគមន៍នៃអាជ្ញាធរជាតិអប្សរា មានការចូលរួមជាមួយអាជ្ញាធរមូលដ្ឋានចុះពិនិត្យ និងដោះស្រាយសំណើសុំជួសជុលផ្ទះក្នុងបួនគោលដៅ របស់ប្រជាពលរដ្ឋដែលរស់នៅក្នុងឧទ្យានអង្គរ។
អាជ្ញាធរជាតិអប្សរា សហការជាមួយមន្រ្តីរាជការនៃរាជបណ្ឌិតសភាកម្ពុជា ដាំកូនឈើចំនួន ២០០០ដើមនៅបរិវេណខាងកើតប្រាសាទប្រី។ កម្មវិធីដែលធ្វើឡើងនៅថ្ងៃទី១៩ ខែកក្កដា ឆ្នាំ២០២០ មានអ្នកចូលរួមសរុបជាង២០០អង្គ/នាក់។
នៅព្រឹកថ្ងៃទី១៨ ខែកក្កដា ឆ្នាំ២០២០ នៅបរិវេណខាងកើតប្រាសាទប្រី មានរៀបចំកម្មវិធីដាំកូនឈើឡើងវិញ ក្រោមការរៀបចំនិងសម្របសម្រួលដោយ អាជ្ញាធរជាតិអប្សរា ដោយមានការចូលរួមមកពីថ្នាក់ដឹកនាំ និងមន្រ្ដីរាជការនៃអគ្គលេខាធិការដ្ឋានប្រជាជននិងការអភិវឌ្ឍនៃក្រសួងផែនការ ចំនួន៣៥នាក់។ ក្នុងពិធីនោះ ក៏មានការចូលរួមពីនគរបាលការពារបេតិកភណ្ឌ
នាថ្ងៃទី១៧ ខែកក្កដា ឆ្នាំ២០២០ ឯកឧត្តម ស៊ុ ម៉ាប់ រដ្ឋលេខាធិកាក្រសួងវប្បធម៌និងវិចិត្រសិល្បៈ តំណាងលោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានក្រុមប្រឹក្សាភិបាលអាជ្ញាធរជាតិអប្សរា រួមនឹងថ្នាក់ដឹកនាំអាជ្ញាធរជាតិអប្សរា បានបន្តពិភាក្សាលើពង្រាងផែនការមេវិស័យទេសចរណ៍នៅក្នុងខេត្តសៀមរាបនិងរមណីយដ្ឋានអង្គរ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
8
ថ្ងៃនេះ
:
27355
ម្សិលមិញ
:
40656
សប្តាហ៍នេះ
:
68011
ខែនេះ
:
0152867
សរុប
:
011978498