ព័ត៌មានថ្មីៗ

អាជ្ញាធរជាតិអប្សរាឧត្ថម្ភថវិកា៥លានរៀលដល់ទូក-ងចំនួន៥ស្រុកក្នុងឧទ្យានអង្គរដែលនឹងចូលរួមប្រណាំងក្នុងខេត្តសៀមរាប

បានផ្សាយនៅ ថ្ងៃទី 11 ខែ វិច្ឆិកា ឆ្នាំ2016 12:53 PM ដោយ ៖ អាជ្ញាធរជាតិអប្សរា

ក្នុងនាមស្ថាប័នដែលមានតួនាទីគ្រប់គ្រង រៀបចំ អភិរក្ស និងអភិវឌ្ឍន៍តំបន់រមណីយដ្ឋានអង្គរប្រកបដោយចីរភាព អាជ្ញាធរជាតិអប្សរាតែងយកចិត្តទុកដាក់ និងរួមចំណែកយ៉ាងសកម្មថែរក្សា លើកតម្លៃនូវមរតកបេតិកភណ្ឌរស់របស់អ្នកស្រុក ទាំងការចូលរួមដោយផ្ទាល់និងថវិកា។

ជាក់ស្តែងកាលពីល្ងាចថ្ងៃទី១០ ខែវិច្ឆិកា ឆ្នាំ២០១៦ ក្រុមការងារអាជ្ញាធរជាតិអប្សរា ដឹកនាំដោយឯកឧត្តម សុខ លក្ខិណា ទីប្រឹក្សា និងជាតំណាងឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា បាននាំយកថវិកាចំនួន៥លានរៀល ឧបត្ថម្ភដល់ទូក-ងមកពី៥ស្រុក/ក្រុងដូចជា ស្រុកប្រាសាទបាគង ស្រុកបន្ទាយស្រី ស្រុកពួក ស្រុកអង្គរធំ និងក្រុងសៀមរាប។ នេះជាទឹកចិត្តបន្តិចបន្តួចដើម្បីជាការអបអរសាទរដល់ព្រះរាជពិធីបុណ្យអុំទូក និងជំរុញលើកទឹកចិត្តដល់កីឡាករ កីឡាការិនីទូក-ងដែលនឹងត្រៀមចូលប្រកួតនៅថ្ងៃទី១៤-១៥ ខែវិច្ឆិកា ឆ្នាំ២០១៦ ខាងមុខនេះ។

ក្នុងពេលនោះ ឯកឧត្តម សុខ លក្ខិណា បានលើកឡើងថា ការប្រណាំងទូក-ង គឺមានតាំងពីយូរយារណាស់មកហើយ ដើម្បីកម្សាន្តសប្បាយនៅក្នុងសង្គមខ្មែរ ហើយវប្បធម៌មួយនេះនៅរស់ដល់សព្វថ្ងៃ ក៏ព្រោះមានអ្នកទ្រទ្រង់ អ្នកស្រឡាញ់ អ្នកចូលរួមថែរក្សាជាធាតុសំខាន់បំផុត។ ឯកឧត្តមក៏សូមចូលរួមលើកទឹកចិត្តដល់កីឡាករ កីឡាការិនីអុំទូកទាំងអស់ ដែលជាកម្លាំងស្នូលក្នុងការទ្រទ្រង់ និងបានរួមចំណែកទាំងកម្លាំងកាយចិត្តក្នុងការថែរក្សាវប្បធម៌ប្រពៃណីមួយនេះឱ្យស្ថិតស្ថេរយូរអង្វែង និងនៅរស់រវើកក្នុងបេះដូងខ្មែរ។

គួរបញ្ជាក់ដែរថា ព្រះរាជពិធីបុណ្យអុំទូកនៅខេត្តសៀមរាប នឹងប្រារព្ធឡើងនៅក្នុងស្ទឹងសៀមរាបរយៈពេល២ថ្ងៃ គឺចាប់ពីថ្ងៃទី១៤ដល់ថ្ងៃទី១៥ ខែវិច្ឆិកា ឆ្នាំ២០១៦ ដោយមានការចូលរួមពីកីឡាករ កីឡាការិនីទូកងជាច្រើនស្រុកក្នុងខេត្តដើម្បីអបអរសាទរក្នុងពិធីដ៏សប្បាយរីករាយមួយនេះ៕












ក្រុមមគ្គុទ្ទេសក៍ទេសចរណ៍ចំនួន២០រូបដែលត្រូវ ចេញដំណើរទៅចូលរួមវគ្គបណ្តុះបណ្តាលមគ្គុទ្ទេសក៍ទេសចរណ៍នៅទីក្រុងម៉ាកាវ សាធារណរដ្ឋប្រជាមានិតចិនបានចូលជួបសម្តែងការគួរសមជាមួយឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរានៅព្រឹកថ្ងៃទី៩ ខែមិថុនា ឆ្នាំ២០១៦នៅសាលប្រជុំបេងមាលានៃមជ្ឈមណ្ឌលអាជា្ញធរជាតិអប្សរា ។
ទំនៀមហៅព្រលឹងនាគរបស់អ្នកស្រុកសៀមរាប
( ថ្ងៃទី 08 ខែ មិថុនា ឆ្នាំ2016 )
ហៅព្រលឹងនាគ (ព្រលឹងអ្នកបួស) គឺជាកិច្ចសំខាន់មួយនៅក្នុងពិធីបំបួសនាគ ដែលខ្មែរបានយកទំនៀមរបស់ខ្លួនមកផ្សារភ្ជាប់នឹងព្រះពុទ្ធសាសនា។ ពិធីនេះនៅតែបន្តធ្វើនិងស្ថិតក្នុងផ្នត់គំនិតខ្មែររហូតដល់បច្ចុប្បន្ន សម្រាប់វត្តមួយចំនួនក្នុងខេត្តសៀមរាបដែលនៅកាន់ទំនៀមបុរាណ។ ទាក់ទងនឹងពិធីហៅព្រលឹងនាគនេះ ថ្វីត្បិតត្រូវបានវត្តបុរាណជាអ្នកនៅតែប្រកាន់យក តែចំពោះការរៀបចំគ្រឿងរណ្តាប់និងកិច្ចធ្វើពិធី គឺមានលក្ខណៈខុសគ្នាទៅតាមទម្លាប់នៃតំបន់នីមួយៗ។
ក្រុមការងារសហគមន៍នៃអាជ្ញាធរជាតិអប្សរា បាននាំយកអំណោយជាសម្ភារៈប្រើប្រាស់សម្រាប់ទារក និងថវិកាជាចំណងដៃត្រូវបានផ្តល់ជូនជាបន្តបន្ទាប់ដល់ស្ត្រីឆ្លងទន្លេ៨គ្រួសារ ដែលស្ថិតនៅក្នុងភូមិអង្គរក្រៅ សង្កាត់គោកចក ក្រុងសៀមរាប ខេត្តសៀមរាប កាលពីថ្ងៃទី០៨ខែមិនថុនា ឆ្នាំ២០១៦ កន្លងទៅនេះ។
ទឹកក្រោមដីជាទឹកដែលសល់ពីការប្រើប្រាស់ និងហួតឬជាទឹកដែលស្ថិតនៅក្នុងស្រទាប់ដី ស្រទាប់ថ្មអាចបម្លាស់ទី ធ្វើចលនាបាន។ ទឹកនៅលើដីជាប្រភពនៃទឹកក្រោមដីតាមរយៈការជ្រាបចូលក្នុងដី។ កាលណាទឹកនៅលើដីរីងស្ងួតអស់វាធ្វើឲ្យប៉ះពាល់ដល់ទឹកក្រោមដី ដូចគ្នាដែរ បើគេប្រើប្រាស់ទឹកក្រោមដីច្រើន ក៏នឹងធ្វើឲ្យទឹកលើដីឆាប់រីងស្ងួតដែរ។ ដូច្នេះ ក្រៅពីគ្រប់គ្រងទឹកលើដី ទឹកក្រោមដីក៏គេត្រូវគិតគូរឲ្យបានហ្មត់ចត់ផងដែរ ជាពិសេសក្នុងតំបន់អង្គរ ដែលគ្រឹះប្រាសាទទាំងអស់សុទ្ធតែត្រូវការសំណើមជាប្រចាំ ធ្វើឲ្យកំហាប់ខ្សាច់រឹងមាំអាចទ្រទម្ងន់រាប់លានតោននៃថ្មប្រាសាទបាន។
បន្ទាប់ពីមានភ្លៀងធ្លាក់ជោកជាំជាច្រើនមេ គ្របដណ្តប់ស្ទើរពេញផ្ទៃប្រទេសមក ការខ្វះខាតទឹកប្រើប្រាស់ជាប្រចាំថ្ងៃលែងជាបញ្ហាប្រឈមសម្រាប់ប្រជាពលរដ្ឋដែលរស់នៅក្នុងតំបន់រមណីយដ្ឋានទៀតហើយ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
8
ថ្ងៃនេះ
:
0235
ម្សិលមិញ
:
10457
សប្តាហ៍នេះ
:
20423
ខែនេះ
:
0338548
សរុប
:
013320862