ព័ត៌មានថ្មីៗ

ពិព័រណ៍រូបថតនៃទេសភាពភ្នំហ័ងសាន ត្រូវបានរៀបចំឡើងនៅប្រាសាទបន្ទាយស្រីរយៈពេល២ខែ

បានផ្សាយនៅ ថ្ងៃទី 13 ខែ តុលា ឆ្នាំ2016 02:35 PM ដោយ ៖ អាជ្ញាធរជាតិអប្សរា

រូបថតស្តីពីទេសភាពនៃភ្នំហ័ងសាន នៃសាធារណរដ្ឋប្រជាមានិតចិនចំនួន៥០ផ្ទាំង ត្រូវបានដាក់តាំងបង្ហាញភ្ញៀវជាតិ និងអន្តរជាតិទស្សនា ក្នុងមជ្ឈមណ្ឌលស្វាគមន៍ភ្ញៀវចូលទៅទស្សនាប្រាសាទបន្ទាយស្រីរយៈពេល២ខែ។ ពិព័រណ៍រូបថតនេះ ត្រូវបានរៀបចំឡើងតែមួយថ្ងៃបន្ទាប់ពីអាជ្ញាធរជាតិអប្សរា និងគណៈកម្មាធិការគ្រប់គ្រងរមណីយដ្ឋានហ័ងសាន បានចុះហត្ថលេខាលើអនុស្សរណៈយោគយល់គ្នា ដើម្បីចងសម្ព័ន្ធមេត្រីភាពរវាងរមណីយដ្ឋានពិភពលោកទាំងពីរ គឺអង្គរ និងភ្នំហ័ងសាន។

មានប្រសាសន៍ក្នុងពិធីបើកសម្ពោធពិព័រណ៍ជាផ្លូវការ នៅព្រឹកថ្ងៃទី១៣ ខែតុលា ឆ្នាំ២០១៦នេះ អភិបាលក្រុងហ័ងសាន ឯកឧត្តម Kong Xiaohong បានបញ្ជាក់ថា រមណីយដ្ឋានហ័ងសានជានិមិត្តរូបនៃជាប្រជាជាតិចិន ដូចគ្នានឹងអង្គរ ដែលជានិមិត្តរូបនៃប្រជាជនកម្ពុជាដែរ។ ជារៀងរាល់ឆ្នាំរមណីយដ្ឋានហ័ងសានទទួលភ្ញៀវទេសចរជាតិ និងអន្តរជាតិប្រមាណ៤លាននាក់ ប្រហាក់ប្រហែលគ្នានឹងរមណីយដ្ឋានអង្គរដែរ។ ចាប់ពីពេលនេះតទៅ សម្ព័ន្ធភាពនៃរមណីយដ្ឋានពិភពលោកទាំងពីរនេះនឹងកាន់តែជិតស្និទ្ធ ហើយតាមរយៈពិព័រណ៍រូបថតពីគ្នាទៅវិញទៅមក ក៏នឹងអាចធ្វើឲ្យមានកំណើតផ្លាស់ប្តូរគ្នាកាន់តែច្រើនដែរ។

ឯកឧត្តម សុខ សង្វារ ដែលបានអញ្ជើញជាអធិបតីក្នុងពិធីនេះ បានបញ្ជាក់ថា ពិព័រណ៍រូបថតនៃរមណីយដ្ឋានហ័ងសាន ដែលរៀបចំឡើងនៅពេលនេះ គឺជាផ្លែផ្កាដំបូងបង្អស់នៃសម្ព័ន្ធភាពរវាងរមណីយដ្ឋានអង្គរ និងរមណីយដ្ឋានហ័ងសាន បន្ទាប់ពីស្ថាប័នគ្រប់គ្រងនៃរមណីយដ្ឋានទាំងពីរបានចុះអនុស្សរណៈយោគយល់គ្នារួចមក។ រូបភាពនៃរមណីយដ្ឋានអង្គរក៏នឹងត្រូវរៀបចំដាក់តាំងពិព័រណ៍ នៅឯរមណីយដ្ឋានហ័ងសានក្នុងពេលឆាប់ៗខាងមុខនេះដែរ។ ជាក់ស្តែង នៅថ្ងៃទី១៤ ខែតុលានេះ មន្ត្រីនៃអាជ្ញាធរជាតិអប្សរាចំនួនពីររូបនឹងចេញដំណើរទៅជាមួយគណៈប្រតិភូនៃរមណីយដ្ឋានហ័ងសាន ដើម្បីសហការពិនិត្យមើលទីតាំងរៀបចំពិព័រណ៍អង្គរនៅទីនោះ។

ឯកឧត្តមបន្ថែមថា ក្រៅពីការរៀបចំពិព័រណ៍រូបថត ស្ថាប័នគ្រប់គ្រងរមណីយដ្ឋានទាំងពីរនឹងសហការលើការបណ្តុះបណ្តាលមន្ត្រីជំនាញ តាមរយៈការផ្លាស់ប្តូរបទពិសោធន៍គ្នាទៅវិញទៅមកស្តីពីការងារគ្រប់គ្រង ការងារអភិរក្ស និងអភិវឌ្ឍន៍រមណីយដ្ឋានពិភពលោកទាំងពីរ។ មិនតែប៉ុណ្ណោះ ជំនួយបច្ចេកទេសស្តីពីការរៀបចំទេសចរណ៍នៅតាមភ្នំ ក៏ជាចំណុចពិសេស ដែលយើងសង្ឃឹមថានឹងទទួលបានបទពិសោធន៍ពីស្ថាប័នគ្រប់គ្រងរមណីយដ្ឋានហ័ងសាន ដើម្បីមករៀបចំនៅតំបន់អង្គរយើងដែរ៕






























នៅព្រឹកថ្ងៃទី១០ ខែឧសភា ឆ្នាំ២០១៦នេះ ឯកឧត្តម ខូយ គឹមទួ ទីប្រឹក្សា និងជាប្រធានក្រុមការងារសហគមន៍អាជ្ញាធរជាតិអប្សរាប្រចាំក្រុងសៀមរាប បានដឹកនាំក្រុមការងារ បន្តចុះចែកទឹកដល់ប្រជាពលរដ្ឋដែលកំពុងខ្វះខាត នៅសង្កាត់ទឹកវិល ក្រុងសៀមរាប។
នាព្រឹកថ្ងៃទី១០ ខែឧសភា ឆ្នាំ២០១៦ Miss Global 2015 ចំនួន៣រូប មកពីប្រទេសអូស្ត្រាលី ប្រទេសអៀរឡង់ និងសហរដ្ឋអាមេរិក (មានសញ្ជាតិខ្មែរ) រួមនឹងគណៈប្រតិភូអមដំណើរ បានចូលជួបសម្តែងការគួរសមជាមួយឯកឧត្តម សុខ សង្វារ អគ្គនាយករង និងថ្នាក់ដឹកនាំនៃអាជ្ញាធរជាតិអប្សរាជាច្រើននាក់ នៅមជ្ឈមណ្ឌលអាជ្ញាធរជាតិអប្សរា ដើម្បីស្តាប់បទបង្ហាញមួយចំនួនអំពីអង្គរនិងការគ្រប់គ្រងតំបន់អង្គរ។
កាលពីព្រឹកថ្ងៃទី១០ ខែ ឧសភា ឆ្នាំ ២០១៦ ឯកឧត្តមបណ្ឌិត ស៊ុំ ម៉ាប់ អគ្គនាយកនៃអាជ្ញាធរជាតិអប្សរា និងតំណាងស្ថានទូតបារាំង ក្នុងនាមសហប្រធានគណៈកម្មការដឹកនាំនិងតាមដានគម្រោងជួសជុលប្រាសាទមេបុណ្យខាងលិចបានដឹកនាំក្រុមការងារចំរុះនៃអាជ្ញាធរជាតិអប្សរានិងអ្នកជំនាញសាលាបារាំងចុងបូព៌ាចុះទៅពិនិត្យការងារជួសជុលប្រាសាទមេបុណ្យខាងលិច។
ស្ពានហាលមុខប្រាសាទអង្គរវត្ត ដែលនៅសល់មិនទាន់បានជួសជុលក្នុងពេលមុនៗ នឹងត្រូវចាប់ផ្តើមការដ្ឋានជួសជុលពីថ្ងៃទី៩ ខែឧសភា ឆ្នាំ២០១៦នេះហើយ។ ការជួសជុលស្ពានហាលប្រវែង៩០ម៉ែត្រនេះ គឺជាគម្រោងសហការរវាងអាជ្ញាធរជាតិអប្សរាជាមួយសាកលវិទ្យាល័យ សូហ្វីយ៉ានៃប្រទេសជប៉ុន ហើយគ្រោងនឹងចំណាយពេល៤ឆ្នាំ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
11
ថ្ងៃនេះ
:
4171
ម្សិលមិញ
:
5802
សប្តាហ៍នេះ
:
15900
ខែនេះ
:
0242764
សរុប
:
012068395