ព័ត៌មានថ្មីៗ

ឧបនាយករដ្ឋមន្ត្រី សុខ អាន អំពាវនាវឲ្យគណៈកម្មាធិការអាយស៊ីស៊ី-ព្រះវិហារ ផ្តោតការយកចិត្តទុកដាក់តំបន់ការពារប្រាសាទកោះកេរ

បានផ្សាយនៅ ថ្ងៃទី 29 ខែ កញ្ញា ឆ្នាំ2016 01:07 PM ដោយ ៖ អាជ្ញាធរជាតិអប្សរា

ក្នុងឱកាសកិច្ចប្រជុំបច្ចេកទេសលើកទី២ នៃគណៈកម្មាធិការសម្របសម្រួលអន្តរជាតិ សម្រាប់កិច្ចការអភិរក្ស និងការលើកតម្លៃប្រាសាទព្រះវិហារ (ICC-PV) នាថ្ងៃទី២៩ ខែកញ្ញា ឆ្នាំ២០១៦នេះ ឯកឧត្តមបណ្ឌិសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រីក៏បានផ្ញើសារតាមរយៈការផ្សាយជាវីដេអូផ្ទាល់មកថ្លែងអំណរគុណដល់អង្គប្រជុំ និងបានអំពាវនាវឲ្យអង្គប្រជុំនៃគណៈកម្មាធិការអន្តរជាតិមួយនេះ ផ្តោតការយកចិត្តទុកដាក់ខ្ពស់លើការងារអភិរក្សប្រាសាទកោះកេរ។

តាមខ្លឹមសារនៃសុន្ទរកថាមកកាន់អង្គប្រជុំនេះ ឯកឧត្តមឧបនាយករដ្ឋមន្ត្រី បានគូសបញ្ជាក់ថា ប្រាសាទកោះកេរគឺជាប្រាសាទមួយដែលជានិមិត្តរូបនៃប្រាសាទមានរាងពីរ៉ាមីតរបស់ខ្មែរ។ រចនាបទដ៏ស្រស់ស្អាតប្លែកពីប្រាសាទផ្សេងៗទៀត និងត្រូវបានសាងសង់ឡើងក្នុងអំឡុងសតវត្សទី១០ ក្នងរាជ្យព្រះបាទជ័យវរ្ម័នទី៤ ប្រាសាទនេះកំពុងត្រូវការដៃគូចូលមកជួយស្រោចស្រង់ជាបន្ទាន់។ ឯកឧត្តមបញ្ជាក់ថា បច្ចុប្បន្ន ព្រះរាជាណាចក្រថៃឡង់ដ៍ ដែលជាសមាជិកមួយនៃគណៈកម្មាធិការអាយស៊ីស៊ី-ព្រះវិហារដែរនោះ កំពុងតែពិចារណាលទ្ធភាពជួសជុលនូវប្រាសាទកោះកេរនេះ។

សូមបញ្ជាក់ថា គណៈកម្មាធិការសម្របសម្រួលអន្តរជាតិ សម្រាប់កិច្ចការអភិរក្ស និងការលើកតម្លៃប្រាសាទព្រះវិហារ (ICC-PV)កំពុងតែដំណើរការកិច្ចប្រជុំបច្ចេកទេសលើកទី២របស់ខ្លួន នៅសាលសន្និសីទអង្គរនៃអាជ្ញាធរជាតិអប្សរា។ កិច្ចប្រជុំនេះប្រារព្ធឡើងក្រោមការដឹកនាំរបស់សហប្រធានចិន និងឥណ្ឌា និងក្រោមអធិបតីភាពឯកឧត្តម យឹម ណុលឡា ទេសរដ្ឋមន្ត្រី និងជាប្រធានក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ និងឯកឧត្តមបណ្ឌិត ហាវ ពីង អនុរដ្ឋមន្ត្រីអប់រំនៃសាធារណរដ្ឋប្រជាមានិតចិន និងជាប្រធានគណៈកម្មាធិការយូណេស្កូចិន។ កិច្ចប្រជុំនេះដំណើរការពេញមួយថ្ងៃ ដើម្បីស្តាប់របាយការណ៍លើគម្រោងអភិរក្សប្រាសាទព្រះវិហារដូចជា ការរៀបចំផែនទីហានិភ័យ និងកិច្ចការអភិរក្ស ការរៀបចំផែនទីបុរាណវិទ្យា ការអភិរក្សព្រៃឈើ ការគ្រប់គ្រងទេសចរណ៍ និងការអភិវឌ្ឍសហគមន៍ជាដើម៕






















នៅថ្ងៃទី៨ ខែកក្កដា ឆ្នាំ២០២០ លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈនិងជាប្រធានក្រុមប្រឹក្សាភិបាលអាជ្ញាធរជាតិអប្សរា រួមនឹងថ្នាក់ដឹកនាំអាជ្ញាធរជាតិអប្សរាបានចូលរួមប្រជុំអន្តរក្រសួងដើម្បីពិភាក្សាលើពង្រាងផែនការមេវិស័យទេសចរណ៍ខេត្តសៀមរាបឆ្នាំ២០២០-២០៣៥ នាសណ្ឋាគាររីជិនស៊ីអង្គរ។
នាល្ងាចថ្ងៃទី៧ ខែកក្តដា ឆ្នាំ២០២០ លោកជំទាវ ភឿង សកុណា រដ្ឋមន្រ្តីក្រសួងវប្បធម៌ និងជាប្រធានក្រុមប្រឹក្សាភិបាលអាជ្ញាធរជាតិអប្សរា បានអញ្ជើញចូលក្រាបបង្គំសួរសុខទុក្ខ និងប្រគេនទៀនព្រះវស្សា ព្រមទាំងទេយ្យទានមួយចំនួនដល់ព្រះមហាវិមលធម្ម ពិន សែម រាជាគណៈថ្នាក់ទោ និងជាឧត្តមទីប្រឹក្សាគណៈសង្ឃនាយកនៃព្រះរាជាណាចក្រកម្ពុជា និងជាព្រះចៅអធិការវត្ត រាជបូណ៌ និងជាព្រះប្រធានកិត្តិយសនៃក្រុមប្រឹក្សាវត្តអារាម។
នារសៀលថ្ងៃទី០៧ ខែកក្តដា ឆ្នាំ២០២០ នៅស្នាក់ការអាជ្ញាធរជាតិអប្សរា ក្រោមអធិបតីភាពលោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានក្រុមប្រឹក្សាភិបាលអាជ្ញាធរជាតិអប្សរា និងថ្នាក់ដឹកនាំអាជ្ញាធរជាតិអប្សរា បានបើកកិច្ចប្រជុំពិភាក្សានិងពិនិត្យពង្រាងផែនការមេវិស័យទេសចរណ៍។
ព្រៃឈើ គឺផ្នែកមួយដ៏សំខាន់ក្នុងរមណីយដ្ឋានអង្គរ និងបានបំពេញតួនាទីស្នូលក្នុងការបង្កើនគម្របព្រៃឈើ បរិស្ថាន និងអភិរក្សក្នុងរមណីយដ្ឋានអង្គរ។ ក្នុងន័យនេះ ស្ថានីយបណ្ដុះកូនឈើ៨ហិកតា ជាស្ថានីយមួយក្នុងចំណោមស្ថានីយទាំង៤ របស់អាជ្ញាធរជាតិអប្សរាក្នុងការងារបណ្ដុះកូនឈើសម្រាប់ដាំដុះទាំងក្នុងតំបន់រមណីយដ្ឋានអង្គរ និងចែកចាយជូនទៅដាំនៅខាងក្រៅរមណីយដ្ឋានអង្គរ។
អាជ្ញាធរជាតិអប្សរាមានកិត្តិយសសូមជម្រាបជូនសាធារណជនមេត្តាជ្រាបថា ឈ្មោះ ឡាយ ពិសិដ្ឋ ត្រូវបានលុបឈ្មោះចេញពីបុគ្គលិករបស់នាយកដ្ឋានសណ្តាប់ធ្នាប់និងសហប្រតិបត្តិការនៃអាជ្ញាធរជាតិអប្សរា ចាប់ពីថ្ងៃទី០១ ខែកក្កដា ឆ្នាំ២០២០តទៅ ដោយមូលហេតុប្រព្រឹត្តកំហុសធ្ងន់ធ្ងរ៕
ដើមដំបូងមុន12345...328329បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
8
ថ្ងៃនេះ
:
2839
ម្សិលមិញ
:
17878
សប្តាហ៍នេះ
:
105679
ខែនេះ
:
0222978
សរុប
:
011685574