ព័ត៌មានថ្មីៗ

អាជ្ញាធរជាតិអប្សរាកាត់ក្រីមែកឈើតាមដងផ្លូវទៅទំនប់បារាយណ៍ទឹកថ្លា ដើម្បីសោភណភាព និងបញ្ជៀសហានិភ័យ

បានផ្សាយនៅ ថ្ងៃទី 27 ខែ កញ្ញា ឆ្នាំ2016 02:46 PM ដោយ ៖ អាជ្ញាធរជាតិអប្សរា
សកម្មភាពកាត់ក្រី និងត្រួសត្រាយមែកឈើ នៅលើខ្នងទំនប់ខាងជើងនៃបារាយណ៍ទឹកថ្លា ត្រូវបានធ្វើឡើងដើម្បីលើកកម្ពស់សោភណភាព និងបញ្ជៀសគ្រោះថ្នាក់ ដែលអាចកើតមានឡើងជាយថាហេតុ។

លោក យិន សូវ៉ាត អនុប្រធាននាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថានបានលើកឡើងថា មុននឹងកាប់ដើមឈើ និងកាត់ក្រីមែកឈើនៅកន្លែងណាមួយក្នុងឧទ្យានអង្គរ ក្រុមអង្កេតហានិភ័យដើមឈើ តែងតែចុះទៅត្រួតពិនិត្យមើល និងធ្វើការកំណត់យ៉ាងច្បាស់ថា ដើមឈើណាអាចនឹងបង្កគ្រោះថ្នាក់ដល់ប្រាង្គប្រាសាទ វត្តអារាម សាលារៀន ផ្ទះប្រជាពលរដ្ឋ ភ្ញៀវទេសចរ និងអ្នកធ្វើដំណើរទូទៅ។ លុះកំណត់រួចហើយ ទើបក្រុមការងារសម្រេចកាប់ កាត់ក្រី និងត្រួសត្រាយមែកទាំងនោះចេញ។

លោកបញ្ជាក់ថា រាល់ការធ្វើសកម្មភាពទាំងនេះ នាយកដ្ឋានបានសិក្សាយ៉ាងល្អិតល្អន់ ទៅលើហានិភ័យ និងចេញសេចក្តីប្រកាសជូនដំណឹងដល់សាធារណជន និងភ្ញៀវទេសចរឲ្យបានដឹងមុនជានិច្ច ដើម្បីជៀសវាងការភ័ន្តច្រឡំផ្សេងៗ។ ម្យ៉ាងវិញទៀត ដើមឈើដែលក្រុមការងារកាប់ កាត់ក្រី មែកចេញនោះ លុះត្រាតែដើមឈើនោះងាប់ ពុកគល់ ពុកមែក។ រីឯដើមឈើរស់វិញ លុះត្រាតែ ប្រហោងគល់ ប្រហោងក្នុងខ្លាំង មែកងាប់ និងទ្រេតទៅលើប្រាង្គប្រាសាទ ផ្លូវឬធ្លាក់បាំងផ្លូវខ្លាំង ដែលអាចនឹងបង្កហានិភ័យខ្ពស់ ទើបសម្រេចចិត្តកាប់ ឬកាត់ក្រីមែកចេញ។

លោកបន្តថា ដើមឈើនិងមែកឈើដែលបានមកពីការកាប់ កាត់ និងលួសត្រួសត្រាយទាំងអស់នោះ ត្រូវក្រុមការងារបានអារ កាត់ និងច្រៀកធ្វើជាក្តារ ឬជាកំណាត់ៗទៅតាមតម្រូវការ។ ក្តារទាំងនោះត្រូវយកទៅរក្សាទុកក្នុងរោងឈើប្រាសាទតានៃសម្រាប់ប្រើប្រាស់ជាប្រយោជន៍ផ្សេងៗទៀត មានដូចជាធ្វើជារន្ទាសម្រាប់កាត់់ក្រីមែកឈើ សម្អាតស្មៅ និងកូនឈើតាមប្រាង្គប្រាសាទ ធ្វើក្តារសម្រាប់ក្រាលស្ពាន ធ្វើធ្នើរសម្រាប់ជួសជុលប្រាសាទ ឬធ្វើស៊ុមការពារកូនឈើ និងការងារផ្សេងៗទៀត។ លោកបន្ថែមថា ចំពោះមែកឈើនិងចម្រៀកឈើដែលប្រើការមិនកើត ក្រុមការងារកាត់ជាកង់ៗ ហើយដឹកជញ្ជូនទៅប្រគេនព្រះសង្ឃសម្រាប់ធ្វើអុសដុត តាមវត្តនានាក្នុងតំបន់ឧទ្យានអង្គរសម្រាប់ដុតធ្វើចង្ហាន់ និងដាំទឹកជាប្រយោជន៍បន្តទៀត៕










នៅថ្ងៃទី៨ ខែកក្កដា ឆ្នាំ២០២០ លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈនិងជាប្រធានក្រុមប្រឹក្សាភិបាលអាជ្ញាធរជាតិអប្សរា រួមនឹងថ្នាក់ដឹកនាំអាជ្ញាធរជាតិអប្សរាបានចូលរួមប្រជុំអន្តរក្រសួងដើម្បីពិភាក្សាលើពង្រាងផែនការមេវិស័យទេសចរណ៍ខេត្តសៀមរាបឆ្នាំ២០២០-២០៣៥ នាសណ្ឋាគាររីជិនស៊ីអង្គរ។
នាល្ងាចថ្ងៃទី៧ ខែកក្តដា ឆ្នាំ២០២០ លោកជំទាវ ភឿង សកុណា រដ្ឋមន្រ្តីក្រសួងវប្បធម៌ និងជាប្រធានក្រុមប្រឹក្សាភិបាលអាជ្ញាធរជាតិអប្សរា បានអញ្ជើញចូលក្រាបបង្គំសួរសុខទុក្ខ និងប្រគេនទៀនព្រះវស្សា ព្រមទាំងទេយ្យទានមួយចំនួនដល់ព្រះមហាវិមលធម្ម ពិន សែម រាជាគណៈថ្នាក់ទោ និងជាឧត្តមទីប្រឹក្សាគណៈសង្ឃនាយកនៃព្រះរាជាណាចក្រកម្ពុជា និងជាព្រះចៅអធិការវត្ត រាជបូណ៌ និងជាព្រះប្រធានកិត្តិយសនៃក្រុមប្រឹក្សាវត្តអារាម។
នារសៀលថ្ងៃទី០៧ ខែកក្តដា ឆ្នាំ២០២០ នៅស្នាក់ការអាជ្ញាធរជាតិអប្សរា ក្រោមអធិបតីភាពលោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានក្រុមប្រឹក្សាភិបាលអាជ្ញាធរជាតិអប្សរា និងថ្នាក់ដឹកនាំអាជ្ញាធរជាតិអប្សរា បានបើកកិច្ចប្រជុំពិភាក្សានិងពិនិត្យពង្រាងផែនការមេវិស័យទេសចរណ៍។
ព្រៃឈើ គឺផ្នែកមួយដ៏សំខាន់ក្នុងរមណីយដ្ឋានអង្គរ និងបានបំពេញតួនាទីស្នូលក្នុងការបង្កើនគម្របព្រៃឈើ បរិស្ថាន និងអភិរក្សក្នុងរមណីយដ្ឋានអង្គរ។ ក្នុងន័យនេះ ស្ថានីយបណ្ដុះកូនឈើ៨ហិកតា ជាស្ថានីយមួយក្នុងចំណោមស្ថានីយទាំង៤ របស់អាជ្ញាធរជាតិអប្សរាក្នុងការងារបណ្ដុះកូនឈើសម្រាប់ដាំដុះទាំងក្នុងតំបន់រមណីយដ្ឋានអង្គរ និងចែកចាយជូនទៅដាំនៅខាងក្រៅរមណីយដ្ឋានអង្គរ។
អាជ្ញាធរជាតិអប្សរាមានកិត្តិយសសូមជម្រាបជូនសាធារណជនមេត្តាជ្រាបថា ឈ្មោះ ឡាយ ពិសិដ្ឋ ត្រូវបានលុបឈ្មោះចេញពីបុគ្គលិករបស់នាយកដ្ឋានសណ្តាប់ធ្នាប់និងសហប្រតិបត្តិការនៃអាជ្ញាធរជាតិអប្សរា ចាប់ពីថ្ងៃទី០១ ខែកក្កដា ឆ្នាំ២០២០តទៅ ដោយមូលហេតុប្រព្រឹត្តកំហុសធ្ងន់ធ្ងរ៕
ដើមដំបូងមុន12345...328329បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
2854
ម្សិលមិញ
:
17878
សប្តាហ៍នេះ
:
105694
ខែនេះ
:
0222993
សរុប
:
011685589