NEWS

Forestry crime prevention campaign in Angkor Park before the dry season

Published on 26 September 2016 05:39 PM Post By ៖ Apsara National Authority
ដោយបទពិសោធន៍នារដូវប្រាំងកន្លងទៅ អ្នកស្រុកនាំគ្នាដុតព្រៃពង្រីកដីកសិកម្ម នៅក្នុងតំបន់ការពារនៃរមណីយដ្ឋានអង្គរ ឆ្នាំនេះ នាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាននៃអាជ្ញាធរជាតិអប្សរា បានសហការជាមួយអាជ្ញាធរមូលដ្ឋាន និងក្រុមឧទ្យានុរក្សនៃក្រសួងបរិស្ថាន ចុះផ្សព្វផ្សាយអំពីគោលការណ៍អភិរក្សព្រៃឈើក្នុងតំបន់បេតិកភណ្ឌពិភពលោក ទៅកាន់ប្រជាពលរដ្ឋតាមភូមិដែលធ្លាប់មានបញ្ហាកន្លងមក។ នាព្រឹកថ្ងៃទី ២៦ ខែកញ្ញា ឆ្នាំ២០១៦នេះ ក្រុមការងារចម្រុះបានចុះទៅផ្សព្វផ្សាយ នៅភូមិភូមិសំរោង ឃុំលាងដៃ ស្រុកអង្គរធំ ខេត្តសៀមរាប។

លោក និន ចាន់សាមៀន ប្រធាននាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថានបានឲ្យដឹងថា ប្រជាពលរដ្ឋចំនួន៦ភូមិ ដែលស្ថិតនៅក្នុងឃុំប្រដាក ឃុំលាងដៃ និងឃុំគោកចក ដែលក្រុមការងារត្រូវចុះផ្សព្វផ្សាយដើម្បីបញ្ជ្រាបដល់ពួកគាត់ អំពីការងារអភិរក្សព្រៃឈើ។ ការកំណត់គោលដៅផ្សព្វផ្សាយទៅលើភូមិទាំង៦នេះ ដោយសារខែប្រាំងកន្លងទៅ ក្រុមការងារបានរកឃើញបទល្មើសដុតព្រៃដើម្បីពង្រីកដីធ្វើកសិកម្ម ដែលធ្វើឲ្យប៉ះពាល់ដល់ព្រៃឈើក្នុងតំបន់អង្គរ។

លោកសាមៀនបន្ថែមថា “ការដុតព្រៃពង្រីកដីធ្វើកសិកម្មនេះ មិនមែនជាដីរបស់ប្រជាពលរដ្ឋក្នុងតំបន់អង្គរទាំងស្រុងទេ គឺមួយចំនួនធំយើងបានរកឃើញថា អ្នកមានលុយកាក់ដែលមិនមែននៅក្នុងឧទ្យានអង្គរ តែពួកគាត់បានជួលអ្នកស្រុកឲ្យកាប់និងដុតព្រៃឲ្យពួកគាត់ ដើម្បីធ្វើកសិកម្មផ្សេងៗ។ ឥឡូវនេះ យើងសហការគ្នាជាមួយអាជ្ញាធរមូលដ្ឋាន និងឧទ្យានុរក្សដើម្បីចុះអប់រំឲ្យប្រជាពលរដ្ឋបានយល់ដឹងកាន់តែច្បាស់ និងចូលរួមថែរក្សាទាំងអស់គ្នា។ យើងសុំឲ្យពួកគាត់គឺជាក្រុមអភិរក្សព្រៃដែរ បើមានករណីបទល្មើសកើតឡើង ត្រូវរួមគ្នាទប់ស្កាត់និងរាយការណ៍ជាបន្ទាន់មកក្រុមការងារយើង”។

លោកបញ្ជាក់ថា រហូតមកដល់ពេលនេះ ក្រុមការងារចុះផ្សព្វផ្សាយបានចំនួន៣ភូមិហើយ នៅសល់៣ភូមិទៀត ក្រុមការងារនឹងចុះផ្សព្វផ្សាយឲ្យបានចប់មុនរដូវប្រាំង ជារដូវកាលដែលពួកគាត់តែងដុតព្រៃយកដីធ្វើកសិកម្ម។ ក្នុងយុទ្ធនាការផ្សព្វផ្សាយនេះដែរ ក្រុមការងារក៏បានពន្យល់ប្រជាពលរដ្ឋឲ្យបានយល់ដឹងអំពីសារៈសំខាន់នៃព្រៃឈើចំពោះជីវភាពប្រចាំថ្ងៃ ចំពោះប្រាសាទ និងជាពិសេស គឺតម្លៃបេតិកភណ្ឌដែលជាសម្បត្តិដ៏មានតម្លៃមហាសាលរបស់ជាតិ និងពិភពលោកទាំងមូល។ លោកសង្ឃឹមថា តាមរយៈការផ្សព្វផ្សាយនេះ ប្រជាពលរដ្ឋនិងអាជ្ញាធរមូលដ្ឋាននឹងបានយល់ដឹងកាន់តែច្បាស់ ហើយចូលរួមដោយស្មារតីទទួលខុសត្រូវខ្ពស់ក្នុងការងារអភិរក្សជាមិនខាន៕








ក្នុងបំណងបំពេញគម្របព្រៃឈើឡើងវិញ ក្រោយមានការកាប់ទន្រ្ទានខុសច្បាប់កន្លងមក នៅថ្ងៃទី២៨ ខែកក្កដា ឆ្នាំ២០២០ ក្រុមភ្នាក់ងារព្រៃឈើនៃនាយកដ្ឋានសណ្ដាប់ធ្នាប់ និងសហប្រតិបត្តិការ សហការជាមួយនាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន នៃអាជ្ញាធរជាតិអប្សរា អាជ្ញាធរមូលដ្ឋាន និងអង្គភាពពាក់ព័ន្ធមាននគរបាលប៉ុស្ដិ៍រដ្ឋបាល នគរបាលបេតិកភណ្ឌ មន្រ្តីឧទ្យាននុរក្ស បានចុះដាំកូនឈើឡើងវិញនៅចំណុចខាងកើតប៉ុស្ដិ៍ត្រួតពិនិត្យសំបុត្រផ្លូវ៦០ម
នៅថ្ងៃទី២៧ ខែកក្កដា ឆ្នាំ២០២០ អាជ្ញាធរជាតិអប្សរាបានផ្តល់កូនឈើចំនួន៣០០ដើម ដល់ព្រះសង្ឃដែលជាតំណាងសមាគមជីវិត និងក្ដីសង្ឃឹម ដើម្បីយកទៅដាំក្នុងបរិវេណសាលាបឋមសិក្សាថ្លាត ស្ថិតនៅភូមិថ្លាត ឃុំខ្ចាស់ ស្រុកសូទ្រនិគម ខេត្តសៀមរាប។ កូនឈើដែលផ្តល់ជូននៅពេលនោះរួមមាន ឈើគ្រញូងចំនួន ១៥០ដើម និងឈើធ្នង់ចំនួន ១៥០ដើម៕
នៅព្រឹកថ្ងៃទី២៧ កក្កដា ឆ្នាំ២០២០ នៅសាលសន្និសីទអង្គរនៃអាជ្ញាធរជាតិអប្សរា បានរៀបចំបាឋកថាស្ដីពី «ព្រះពុទ្ធបដិមានៅអង្គរវត្ត» ដើម្បីចែករំលែកជុំវិញការងារដែលក្រុមអ្នកជំនាញអាជ្ញាធរជាតិអប្សរា បានប្រទះឃើញព្រះពុទ្ធបដិមាច្រើនអង្គ ក្នុងរណ្ដៅដីនៅជ្រុងនិរតីនៃប្រាសាទអង្គរវត្ត។ តាមបទបង្ហាញរបស់ក្រុមអ្នកជំនាញ បានបង្ហាញឱ្យឃើញច្បាស់ថា ការកប់នេះមិនមែនជាការកប់ចោលលេងៗនោះទេ តែជាការរៀបចំត្រឹមត្រូវ និងដោយការគោរពចំពោះបដិមាទាំងនោះ។
ក្នុងឱកាសអញ្ជើញបំពញភារកិច្ចនៅតាមបណ្តាខេត្ត នៅថ្ងៃទី២៦ ខែកក្កដា ឆ្នាំ២០២០ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានក្រុមប្រឹក្សាភិបាលអាជ្ញាធរជាតិអប្សរា អមដំណើរដោយថ្នាក់ដឹកនាំអាជ្ញាធរជាតិអប្សរានិងអ្នកជំនាញឧបករណ៍ភ្លេងបុរាណលើចម្លាក់ប្រាសាទ បានអញ្ជើញពិនិត្យរូបចម្លាក់ដែលបង្ហាញពីឧបករណ៍ភ្លេងបុរាណនានានៅតាមប្រាសាទមួយចំនួន៕
១៖ អាជ្ញាធរជាតិអប្សរាបន្តកិច្ចប្រជុំពិភាក្សា លើពង្រាងផែនការមេវិស័យទេសចរណ៍ខេត្តសៀមរាបឆ្នាំ២០២០-២០៣៥
នាថ្ងៃទី១៧ ខែកក្កដា ឆ្នាំ២០២០ ឯកឧត្តម ស៊ុំ ម៉ាប់ រដ្ឋលេខាធិកាក្រសួងវប្បធម៌និងវិចិត្រសិល្បៈ តំណាងលោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានក្រុមប្រឹក្សាភិបាលអាជ្ញាធរជាតិអប្សរា រួមនឹងថ្នាក់ដឹកនាំអាជ្ញាធរជាតិអប្សរា បានបន្តពិភាក្សាលើពង្រាងផែនការមេវិស័យទេសចរណ៍នៅក្នុងខេត្តសៀមរាបនិងរមណីយដ្ឋានអង្គរ។
អង្គប្រជុំនៅថ្ងៃនេះ បានសង្កត់ធ្ងន់លើការកែតម្រូវចំណុចខ្វះខាត ការដកចេញចំណុចប៉ះពាល់ ការរកដំណោះស្រាយបញ្ហាផ្សេងៗ ការពិចារណានូវចំណុចមួយចំនួនតាមរយៈការទទួលបានពីកិច្ចពិភាក្សាក្នុងកិច្ចប្រជុំផ្ទៃក្នុងនិងអន្តរក្រសួងនាកិច្ចប្រជុំមុនៗ សម្រាប់តៀមយកទៅបង្ហាញក្នុងកិច្ចប្រជុំនាពេលខាងមុខ

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
8
Today
:
29617
Yesterday
:
40656
This Week
:
70273
This Month
:
0155129
Total
:
011980760