ព័ត៌មានថ្មីៗ

អ្នកណាខ្លះគួរគោរពក្រមប្រតិបត្តិអង្គរ?

បានផ្សាយនៅ ថ្ងៃទី 16 ខែ កញ្ញា ឆ្នាំ2016 03:40 PM ដោយ ៖ អាជ្ញាធរជាតិអប្សរា

ក្រមប្រតិបត្តិអង្គរ ជាគោលការណ៍សីលធម៌ដែលរៀបចំឡើងសម្រាប់អ្នកចូលលទស្សនាអង្គរក្នុងគោលដៅទប់ស្កាត់ផលប៉ះពាល់ ដែលអាចកើតមានឡើងពីសំណាក់ភ្ញៀវទេសចរចំពោះបេតិកភណ្ឌអង្គរ និងដើម្បីលើកតម្លៃបេតិកភណ្ឌអង្គរឲ្យសមជានិមិត្តរូប និងជាទីសក្ការៈនៃប្រជាជាតិខ្មែរ។ ក្រមប្រតិបត្តិអង្គរត្រូវបានរៀបចំ និងផ្សព្វផ្សាយឲ្យប្រើប្រាស់ជាផ្លូវការចាប់តាំងពីចុងឆ្នាំ២០១៥មក។

កាលណានិយាយពីភ្ញៀវទេសចរ គេច្រើនតែនឹកទៅដល់ភ្ញៀវទេសចរបរទេស ដែលបានទិញបណ្ណចូលទស្សនាអង្គរជារៀងរាល់ថ្ងៃ។ ក្នុងន័យនេះ គេបានមើលរំលងថា ភ្ញៀវទេសចរខ្មែរ ដែលជាម្ចាស់បេតិកភណ្ឌខ្លួនឯង ដែលមានចំនួនប្រហាក់ប្រហែលនឹងភ្ញៀវទេសចរបរទេស ឬក៏លើសទៀតផង ក៏បានទៅទស្សនាអង្គរ ហើយក៏អាចបង្កផលប៉ះពាល់ដល់បេតិកភណ្ឌរបស់ដូនតាយើងដូចគ្នា។

ដើម្បីជំរុញការចូលរួមអនុវត្តក្រមប្រតិបត្តិអង្គរឲ្យបានល្អប្រសើរ ពីសំណាក់យុវជនខ្មែរ នៅព្រឹកថ្ងៃទី១៦ ខែកញ្ញា ឆ្នាំ២០១៦នេះ ឯកឧត្តម សុខ សង្វារ អគ្គនាយករងទទួលបន្ទុកនាយកដ្ឋានអភិវឌ្ឍន៍ទេសចរណ៍អង្គរ ក្នុងឱកាសអប់រំបេតិកភណ្ឌអង្គរដល់និស្សិតនៃវិទ្យាស្ថានវ៉ាន់ដា បានលើកឡើងថា ការគោរពក្រមប្រតិបត្តិអង្គរ គឺត្រូវតែផ្តើមចេញពីយុវជនខ្មែរទាំងអស់គ្នា។ “យើងជាខ្មែរ ជាម្ចាស់នៃបេតិកភណ្ឌអង្គរ ត្រូវតែប្តេជ្ញាចិត្តឲ្យបានខ្ពស់ជាងភ្ញៀវបរទេស ហើយនាំគ្នាគោរពដើម្បីជាគំរូដល់អ្នកផ្សេងទៀត”។

ឯកឧត្តមបន្ថែមថា ក្រុមការងារបានផ្សព្វផ្សាយក្រមប្រតិបត្តិអង្គរយ៉ាងទូលំទូលាយ រាប់តាំងពីលើយន្តហោះ ព្រលានយន្តហោះ ផ្ទះសំណាក់ សណ្ឋាគារ រហូតដល់កន្លែងលក់សំបុត្រចូលទស្សនាអង្គរ។ល។ ភ្ញៀវបរទេសដែលចូលទៅទិញបណ្ណចូលទស្សនាអង្គរ សុទ្ធតែទទួលបានការណែនាំបន្ថែមទៀតអំពីអ្វីដែលគួរធ្វើ និងមិនគួរធ្វើក្នុងដំណើរទស្សនារបស់ខ្លួន។ ដោយឡែកប្រជាពលរដ្ឋខ្មែរ ដែលចូលទៅទស្សនាអង្គរ មិនបានទិញបណ្ណនោះទេ ពួកគាត់ចូលទៅទស្សនាដោយសេរី ពុំបានទទួលការណែនាំអំពីក្រមប្រតិបតិ្តអង្គរបន្ថែមនោះទេ។ ដូច្នេះហើយ មានតែយុវជនគ្រប់រូបចូលរួមគោរព និងជួយណែនាំដល់អ្នកដទៃទៀត នៅពេលដែលឃើញពួកគាត់ធ្វើអ្វីមួយដែលអាចប៉ះពាល់ដល់បេតិកភអង្គរ៕










យោងតាមរបាយការណ៍ក្រុមការងារលេខាធិការដ្ឋានសហគមន៍នៃអាជ្ញាធរជាតិអប្សរា ក្នុងខែមករាឆ្នាំ២០២០នេះ ក្រុមការងារបានបន្តការងារចុះពិនិត្យអនុញ្ញាតការជួសជុលសំណង់តូចតាច ដែលស្ថិតនៅក្នុងតំបន់រមណីយដ្ឋានអង្គរបានចំនួន២៤៦ ករណី(សំណើ) ក្នុងនោះ សំណង់ស្រាល ដែលត្រូវបានក្រុមការងារអនុញ្ញាតមានចំនួន១២២ ករណី(សំណើ)។
ក្នុងឱកាសដឹកនាំគណៈប្រតិភូបំពេញការងារនៅទីក្រុងតូក្យូប្រទេសជប៉ុន នៅព្រឹកថ្ងៃទី៤ ខែកុម្ភៈ ឆ្នាំ២០២០ លោកជំទាវ ភឿង សកុណា រដ្ឋមន្រ្តីក្រសួងវប្បធម៌និងវិចិត្រសិល្បៈ និងជាប្រធានអាជ្ញាធរជាតិអប្សរាបានចូលជួបសម្តែងការគួរសមនិងពិភាក្សាការងារជាមួយឯកឧត្តម NAKAYAMA Norihiro អនុរដ្ឋមន្ត្រីក្រសួងការទេសជប៉ុន លើកិច្ចសហប្រតិបត្តិការផ្នែកវប្បធម៌ ការជួសជុលប្រាង្គប្រាសាទបុរាណក្នុងរមណីយដ្ឋានអង្គរ និងការបណ្តុះបណ្តាលធនធានមនុស្ស។
អាជ្ញាធរជាតិអប្សរាតែងតែយកចិត្តទុកដាក់ទៅលើសោភ័ណភាព រួមទាំងសុវត្ថិភាពចំពោះភ្ញៀវទេសចរជាតិ និងអន្តរជាតិដែលបានមកទស្សនាប្រាសាទនៅក្នុងតំបន់អង្គរ ដែលជាតំបន់បេតិកភណ្ឌពិភពលោក។
អាជ្ញាធរជាតិអប្សរាយកចិត្តទុកដាក់ជាប្រចាំក្នុងការបោស និងលាងសម្អាតផ្លូវថ្នល់ក្នុងរមណីយដ្ឋានអង្គរ ជាពិសេសផ្លូវមុខប្រាសាទអង្គរវត្តដែលប្រលាក់ខ្លាំងដោយសារការបេីកបរយានយន្តចូលកន្លែងហាមឃាត់ និងការចតខុសទីតាំងចំណត ព្រមទាំងការយកចិញ្ចេីម និងចំណីផ្លូវលក់ដូរ ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
2
ថ្ងៃនេះ
:
5579
ម្សិលមិញ
:
19738
សប្តាហ៍នេះ
:
74570
ខែនេះ
:
0219012
សរុប
:
010175159